XXX Kahani AJNABEE

[sexstories]

"I'm sorry lekin mai aapse nahi lad sakta"aakash bola aur jaane laga

"Dar ke haar maan li??"trainer ne muskurate hue poochha

"Bas aisa hi samajh lijiye"jaate hue aakash bola
Simran saamne dikh rahi thi.
Usi ke paas jaakar muskurate hue bola
"Challenge complete hua simran"

"Tum...kabse....."simran abhi bhi jaise sapne me thi

"Kisi ko kabhi itna zaleel na karo ki jab tumhari baari aaye tum bhi itni hi zaleel ho sabke saamne "aakash bola aur chala gaya

Simran bas aakash ko jaate hue dekhne lagi

Disha gusse se aakash ke paas aayi.aakash disha ko dekh muskuraya

"Kya zaroorat thi aise khatarnak kaam karne ki??"disha ne gusse se poochha

"Tum kyun gussa ho rahi ho disha??"golu ne poochha

"Wo. M mai nahi chahti ki a apne school ke student ka kuch bura ho isliye"disha doosri aur dekhkar boli

"Lekin varun bhi to apne school ka ladka hai,wo alag baat hai ki alag section me hai"golu bola

"Uff dimag kharab mat karo,aur ainda aage se aise ladai jhagada mat karna ok??"disha ne kaha aur jhunjhalahat ke saath chali gayi,jaate hue palat kar aakash ki aur dekha aur chali gayi

Aakash sirf muskura utha ,disha jo khud pata nahi hai ki wo khud kitni taqatwar hai,shayad aakash se bhi zyada,lekin uske liye aakash kuch nahi kar sakta tha.ek shrap hai uske upar aur aakash ko isi shrap se guzarkar disha ko paana hai aur khud ki taqat bhi badhani hai
Lekin shrap itna kathor hai ki ..

"Ladka tumhe baksh gaya"trainer ko ek aadmi ne bola

"Sir,kya keh rahe hai.mai ladne ko taiyar tha.usne hi paanv peeche kiye"trainer bole

"Wo isliye kyunki apni taqat ko dikhana nahi chahta tha"bol wo aadmi peeche mudkar chala gaya trainer ko hairan chodkar
-------------------------------------------------------------------------------
"Ragini ji.... ragini ji...."door se daudte hue shlok haanf kar saamne aaya

"Uff kya hai??"ragini ne poochha aur aage badhne lagi

"Wo school me naya hoon na to soch raha tha ek saath chalte hai"shlok bola

"Thik hai lekin ye baalon me itna tel dalkar poore chamandas ki tarah kyun aata hai school??aur itne mote frame ke glasses??lens bhi to use kar sakta hai na??"ragini boli

"Dheere dheere sab thik karenge"shlok haste hue bola

"Acha tu aage ja mai thodi der me aati hoon"ragini boli aur jaane lagi
Raasta kaafi sunsan tha aaj.jaise koi mayavi duniya ho

"Kitna sannata hai yahan??pata nahi aaj log kyun nahi hai raaste me??"Ragini sochne lagi

Tabhi uske saamne ek red colour ki top aur ek black jeans pehne ek ladki saamne a gayi

"Mera bhai kahan hai??"ladki ne poochha

"Pehli Baar to mai tumhe jaanti bhi nahi hoon..."

"Kahan hai mera bhai"is baar us ladki ki awaz me gussa tha

"Arey yaar koun...."

"Tu aise nahi manegi "bol ladki ne apne haatho ko ghumaya aur hare rang ke badal ne gher liya Ragini ko

"Uff...mai...d dum ghut raha....."bas itna Bolte hi Dhadam se neeche gir gayi ragini

"Ab tu dekh kya karti hoon mai"bol wo ladki saamne aayi ragini ke paas aur...

Ek haath ne thaam liya

"Tu????apna roop badla bhi to aise ghanchakkar wala???"ladki haste hue boli

"Matlab ladne se hona chahiye roop aur shakl se nahi"shlok bola
Aasman me bijli kadake lagi

"Aise patakhon se nahi darti mai,poori duniya ko galane ka zahar rakhti hoon apne paas"ladki boli

"Aur is brahmand ki bijli ko apne kaabu me rakhta hoon mai"shlok bola

"Ye le "teen chaar saamp dasne liye us ladki ke haatho se nikalkar shlok ko dasne ke liye aaye lekin aasman se ek bijli ki rekha zameen par un sampon ke upar giri aur saamp jalkar bhasm ho gaye

"Ja rahi hoon mai,lekin dekhti hoon apne bhai se milne se mujhe koun rok sakta hai"ladki boli aur hare baadal me Gayab ho gayi

"Mai bhi dekhta hoon ki tu aur tera bhai kaise is duniya ko chorkar jaate hai"shlok bola aur ragini ke paas gaya
Apna chashma pehen kar baalon ko pehle jaisa kiya

Paani ke cheente maarte hi ragini uth gayi

"Uff wo ladki...are shlok tum???"ragini shlok ko dekh hairan thi

"Bas aise hi ja raha tha,fir kuch yaad aaya aur wapas jaane laga.raaste me aap is haalat me mili"shlok bola

Ragini ko kuch samajh me nahi a raha tha,usne jo dekha tha,wo bhram tha ya....

"Kya hua??chalein??"shlok ne kaha aur ragini apne khayalon ke saath aage badh gayi
----------------------------------------------------------------------:-------
MALHOTRA NIWAS
"Uff tab se tum dono bhai behen video games me lage hue ho,chalo khana lag gaya"mrs malhotra boli

Sab milkar khane ke table par baithe hi the ki ragini bol uthi
"Wow baigan ka bharta aur kofte,saath me parathe.mummy you are the best"

"Haan bhai hamse to aajkal poocha bhi nahi jaata,sab apne ladke bete aur beti ki pasand ka khana banta hai"amit khana khate hue bole

"Dekho ji mere bachhon ko kuch bhi na bolna,jab dekho taana marte rehte ho"mrs malhota boli

"Uh.."aakash bol utha parathe uthane ke chakkar me haatho ki aur dekha.kab ladne me cheel gaye pata bhi na chala use.lekin ab tak to ghaav bhar jaane chahiye the...

'mai khila deti hoon beta"bol mrs malhota ne apne haatho se khana khilana shuru kiya

Na chahte hue bhi aankhen chhalak uthi

"Kya hua ??mirchi hai zyada??"mrs malhotra ne poochha

"N nahi maa,bas aisa khana waha nahi milta tha.isliye.....bohut miss kiya maine"jhat se apne aankhon ko saaf kiya aakash ne

"To kyun wapas nahi aaya ??"mrs malhotra boli

Agar pata hota ki yahan aap jaisi devi rehti hai to kab ka wapas a jaata maa
Man hi man aakash bola

"Waise kal mere ek dost ki bhanji ka birthday hai,poore family ke saath invite kiya hai"amit malhotra bole

"Thik hai,bacchon apne room me jai mujhe tumhare papa se kuch baatein karni hai"mrs malhotra boli

Kamre me aate hi aakash fir apne meditation me lag gaya
Kaafi hadh tak taqat ki badhotari hui hai lekin shrap ke kaaran ek limit tak hi ja pa raha hai.
Lekin use pata tha ki dushman ek ek karke saamne ayenge
Uske liye use taiyyar hona hoga.aur disha ka pyaar bhi paana hoga

 

[sexstories]

Ragini der raat tak sochti rahi
Aisa kya tha jo usse din me takraya tha, bhaiyya ko bhi nahi bata pa rahi hai
Bechara abhi abhi wapas lauta hai kuch galat na ho jaye.wo ladki kya sachmuch thi ya bas ek bhram??

Raat ko aakash ko ragini ke awaz a rahi thi kamre se

HIYAA

WAAAIII

KACHAOOOO

"Mai ander a sakta hoon rags??"aakash ne muskurate hue kaha aur ander jhanke laga

"Are bhaiya a jao....dekho mai karate practice kar rahi hoon"ragini karate pose lete hue boli

Aakash hasne laga

"Isme hasne ki kya baat hai??chal tu bhi practice kar le"ragini apne baalon ko thik karte hue boli

Aakash ne mushkil se apni hasi rokte hue kaha
"Chal lekin seekh Kahan se rahe hai???"

"Tv dekhkar ab chal tujhe pose lena sikhati hoon"ragini boli

"Aise haath aage kar fir pair peecha"ragini sikhane lagi
Aur aakash waise hi karne laga

Door se khidki se ye sab dekh rahe the aakritiyan
"Y ye nahi ho sakta,mujhe drishti bhram ho raha hai"ek parchai boli

"Tu wahi dekh raha hai jo tu dekhna nahi chahta"doosri parchai ne kaha

"L lekin wo to khud ek shati hai,unke kya aan padi ek doodh peeti bachhi se nautanki seekhte ki??"pehla parchai bola

"Jazbaat aur pyaar"ek lambi saans lene ke baad doosra parchai bola

"Matlab??in sabse inhe kya???yaad nahi kitne kroor the ,aur saza ke taur par shrap se inki shaktiyan bandh gai"pehli parchai bola

"Ab ye wo nahi hai, aakash hai, aakash malhotra,ragini ka bada bhai aur amit aur usha malhotra ka beta,chal chalte hai"doosra parchai bola aur dono dheere dheere gayab hone lage
-------------------------------------------------------------------------------
Disha apne kamre me coffee pee rahi thi aur padhai kar rahi thi.
Apne baalon ko bun shape me kiya hua tha.black vest aur denim shorts pehne ekdum hot lag rahi thi
Lekin uske dimag se aakash ja hi nahi raha tha

Dikhta to ek number ka duffer type hai lekin.....
Kuch .....
Pata nahi....
Aur kyun itna kheenchi jati hai jab hi us idiot ka chehra dikhta hai
Kitne handsome ladke hai aas paas lekin fir kyun wo sirf aakash ke aas pas rehne par khush rehti hai

Uff....apne best friend ko call karna hi padega,lekin kya rags jaag rahi hogi???
Dhat call kar hi deti hoon

TRING TRING

"Hi dishu kya baat hai itni raat ko phone??"ragini ne poochha

"Haanf rahi hai,kya baat hai exercise ya yoga chal raha tha kya??"Disha ne poochha

"No re, bhaiyya ke saath martial arts practice kar rahi thi,tu bata itni raat ko call??"ragini ne poochha

"Wo..b baat ye hai ki....."disha ne thoda sakuchate hue kaha

"Bol na "ragini boli

"But babe promise me tere aur mere beech rahegi baat"disha ne apni condition rakhi

"Bindas bol daal"ragini ne uksaya

"Wo...ek ladka hai class me .."disha ne halke se bola

"Kya baat hai.love at first sight??"ragini haste hue boli

"Bakwas band karegi"disha ne chillate hue kaha

"Acha sorry sorry,ab bol"ragini boli

"Tujhe to pata hai.mama ji ne meri admission kaha karwai,wahi ek ladka mila mujhe .jo ek number ka stupid aur idiot dono hai"disha boli

"Kamal hai ek idiot mere class me bhi hai naya aaya hai"ragini boli

"Teri chor mujhe sun,wo ladka line maar raha hai yaar wo bhi behuda tarike se,kya karoon??"disha ne poochha

"Ummm.........hmmm sun mera bhai bhi tere school me tere hi class me padhta hai,usse help mang le "ragini boli

"Koun??"Disha ne poochha

"Aur koun aakash malhotra"ragini casually bol padi

"Phweeeeeewwww"coffee ka fawwara muh se nikal gaya disha ke

"Kya hua ab??"Ragini ne poochha

"K kuch nahi hua bade call karti hoon"bol disha ne phone last diya
Seriously???apne besty ka bhai hai wo....god aur kya kya jhelna padega

-------------------------------------------------------------------------------
Varun bohut pee chuka tha
Badi zor ki zillat mili thi use

Night club se nikalkar parking area me gaya varun ne packet se cigarette nikali
Aur jalane hi wala tha ki...

"Bohut zillat mili hai na aaj??"ek awaz aayi hawa me aur ret yani sand ka ek jhonka udne laga

"Kho kho.....koun hai??koun hai waha??"varun cheekha

"Ye ZAROORI nahi ki join hai,ye zaroori hai ki jisne zillat di,use maza nahi chakana chahoge??"awaz ne poochha

"H haan,lekin tum koun ho??aur kya chahte ho??"varun ne poochha

"Agar tum use maza chakhana chahte ho to jald se jald sahara desert aao,waha mai tumko wo taqat dunga jisse tum apna badla le sakte ho usse"awaz ne kaha

Varun ka josh badhne laga,akhirkar us aakash se badla lekar rahega wo

"L lekin tumhe pehchanunga kaise??koi nishani koi khas jagah??"varun ne poochha

"Tum bas wahan pohunch jao,tumhe khud dhund nikalunga mai"awaz boli aur ek ret ka jhonka udkar chala gaya

Varun ki aankhen chamakne lagi

 

[sexstories]

Hmm kyun na thoda bahar tahla jaay dimag bohut disturb kar raha hai

Disha dheere dheere paanv rakhkar ghar ke bahar chali gayi
Nayi nayi aayi is shahar me akele tahalna wo bhi itni raat ko,disha ko pata nahi kya hua tha.ghar ke thodi door ek park hai.
Wahi chali gayi

Park me paanv rakhte hi ek akriti dikhi use joggers aur t shirt me khada hua tha.jo dheere dheere disha ki aur aane lagi thi

"K k k ko...un..hai wahan??"disha darte hue boli aur sikud kar kaampne lagi.lekin wo akriti saamne aate hi uska dar gusse me.badal gaya

"TUM????????"gusse se tilmilate hue disha ne poochha

"H haan mai "aakash mimiyate hue bola

"Idiot gadhe ullu,kya kar rahe the itni raat ko,dara diya mujhe"bol disha ne apna haath apne seene me rakha

Aakash ki nazrein disha ki haath ki aur gayi fir neeche,uff itna chota short.kitne Sundar legs hai aur.....

CHATAAAAAAAAK

ek jhannatedar thappad laga aakash ko

"THARKI ULLU BEWKOOF GADHE ITNE GANDE KHAYALAT DIMAG ME???"disha cheekhte hue boli

Aakash ki bolti band ho gayi.gaal pakad kar bola
"S s s orry mai..wo mai....bas thoda....b bye mai ja raha hoon"bol aakash ulte pair bhaga hi tha ki

THADDDD

lamp post se takraya aakash ka sar

"Uff"bol apna sar pakadkar bhag gaya aakash

Disha ne apna sar pakad liya,poori duniya me kya sirf yahi ek bewkoof bacha tha jo dil.me utar gaya tha???
Disha muskurayi , bewkoof hai ya jo bhi hai lekin cute hai
Aur darta Kamaal ka hai
Disha khilkhilakar haste hue apne ghar chali gayi

Aakash ne jab dekha disha chali gayi.daudna band kar khada ho gaya
Uske peeche do aakritiyan khadi ho gayi

"Bataya tha akela chor do mujhe"aakash bina mude bola

"Wo log a rahe hai,aapko khatam karne"ek akriti bola

"Pata hai mujhe"ek lambi saans lekar aakash bola

"To aap kuchh karenge nah?"doosri aakriti boli

"Jab apne baap ne apahij bana diya To kya karna"aakash bola

Aakritiyan chup rahi

"Shrap toot bhi to sakta hai na??"pehli akriti boli

Aakash chup raha

"Hamare liye koi aadesh"doosri akriti boli

"Filhal nahi"aakash bola aur dono aakriti jaane lagi

-------------------------------------------------------------------------------
Guruji ne phone karne ki bohut koshish ki lekin phone lag hi nahi raha tha
Aashram me sirf wahi bache the jo jaag rahe the baaki sab soye hue the

Lag gaya,phone akhirkar lag hi gaya
"Bolo"doosri aur se Awaz aayi

"Kal mai ja raha hoon mere ek bhakt ke ghar ne,suna hai wo bhi a raha hai"guruji bole

"Thik se dekh lo wahi hai ki nahi,agar wo wahi hua to mujhe yahan aane se koi nahi rok sakta,uski saari shakti nichodkar use khokhla karke uski izzat poori duniya ke saamne uchal kar mai uski......"Bolte Bolte awaz ruk gayi

"Agar aap bura na maane to hum bhi ye kar sakte hai"guruji bole

"Nahi ek to wo tumhare kabu me nahi aayega doosra wo mera shikar hai,usne mera haath mujhse cheen liya aur Mujhe sabke saamne zaleel karte hue chala gaya,itne saal sirf usi ka intezar karta raha,ab use koi nahi bacha sakta,agar mera ye kaam ho gaya to tumhe wo milega jiski tum kalpana bhi nahi kar sakte ,ab saara dhyan use khojne me laga do.kal agar wo aaye to mujhe turant batana"doosri aur se Awaz aayi aur phone kar gaya

Guru ji khush hue.kal use sachmuch pata chalega ki aakash naam ka chokra kya sachmuch wahi hai

-------------------------------------------------------------------------------
Varun ki packing ho gayi thi
Sahara jaana hai wo bhi aaj hi

Jis Awaz ne use sahara bulaya tha.usne ye bhi bola tha ki use itna taqatwar banayega ki aakash ke saamne khada ho sake.
Agar aisa hua to wo us apman ka badla lega us aakash ke bachhe se
Bas kuch ghanton ke baad wo apne maksad me kamayab hoga
Wapas aayega aur aakash ko dikha dega ki wo kya hai

 

[sexstories]

Fir wahi party fir wahi log fir meri shaadi ki baatein,
Abhi school bhi khatam nahi hua aur....
Disha red colour ke dress me parti jaisi lag rahi thi
Lekin man udas tha.bas thodi ummed thi ki ragini aayegi saath me aakash bhi.lekin saare guest ke aane ke bawjood abhi tak unka koi ata pata nahi tha

Door khade vikrant goel ke saath ek aadmi khada tha aur haathon me whisky ka glass pakde hue dono disha ko dekh rahe the

"To inder aaj tay kar hi lete hai,disha hamare ghar ki bahu banegi"vikrant goel bola

"Sahi hai,der kis baat ki hai"inder whisky ka glass lete hue bola

"Lekin uske baad disha ke naam ki property jo uske maa baap chor kar gaye hai aadhi aadhi"vikrant goel bola

"Ye bhi kehne ki baat hai,jald se jald ye ladki ki shaadi ho jaaye fir hum azaad ho jayenge,abhi tak sirf ek naukar ki tarah lag rahe the lekin shaadi ke baad property ke maalik honge"gusse se inder poori glass khatam kar gaya

Party shaan se chal rahi thi.raunak thi ,ek sweet si music bhi chal rahi thi
Lekin disha ka man tha hi nahi party me

"Uff tragic ki wajah se itna late ho gaye ki poocho mat"

Ye ye awaz to ragini ki hai,y yani aakash bhi aaya hoga

Disha daudkar bahar gayi.ragini aur uske mummy papa sabse baatein kar rahe the
Lekin aakash???nahi aaya??k kyun???
Rona a gaya disha ko,kyun aakash kyun???

Dukhi man se ja hi rahi thi ki

"Mujhe dhoond rahi thi??"peeche chaunkar disha ne dekha ki aakash muskura raha tha

"A a aisa kyun lagta hai tujhe??"disha ne gusse se poochha

"To idhar udhar dekh rahi thi ...."aakash bola

"Uff idiot mai apne dost ragini ko dhoond rahi thi...haan wo rahi ab hat ja peecha"bol apni kohni se aakash ke pet par maarkar chali gayi disha

Aakash fir apna sar khujate reh gaya aur disha man hi man muskura uthi

ALAKH NIRANJAN

ek zordar awaz hui aur sab chup ho gaye
Ek safed labade me lipta ek aadmi aaya,jiske saath kai log the jo shayad uske shishya the,us aadmi ki nazar ek baar aakash ki aur gayi.
Aakash muskuraya,safed labade me lipta aadmi bhi muskuraya

"Yahi hai wo"guru ji muskurate hue apne phone me kuch dabaya aur wapas phone rakh diya

Aakash taiyar ho gaya,mohre apni jagah baith gaye the
Uska maksad uske paas tha,bas shrap kaise bhi karke hat jaaye
Lekin use pata tha ki ek nahi kai logo se ladai karni hai
Shayad is baar aakash jaisa koi na mile

"Kya akele akele soch raha hai bhaiya,ye dekh meri besty disha jiska b'day hai aaj"ragini ne introduce karwaya

"H..hi... aakash m... malhotra"aakash ne apna haath aage karke peecha hata liya use saaf kiya fir aage kiya

"Ye kya harkat kar raha hai bhaiya tu??"ragini irritate hokar boli

"Koi baat nahi rags,hum dono ek hi class me hai tu ja enjoy kar mai kuch baatein karti hoon isse"disha boli
Ragini muskurate hue chali gayi

"Kya baat hehe karni hehe hai"aakash bol aur bewkoof ki tarah hasne laga

"Bewkoofo ki tarah na haskar bahar chalo"disha boli

"Kidhar??"aakash bola

"Terrace par"disha boli
Aakash disha ka haath thamte wala tha.jise disha ne dekha aur ek nazar aakash par daali.aakash ne apna haath wapas hata diya

Dono terrace par pohuch gaye the
"Haan ab bolo "disha ne aakash ko dhakka dekar diwar ke paas sata diya

"K kya kar rahi ho log galat samjhenge"aakash pasine se bheegte hue bola

"Samajhne do"disha ne apne baalon se khelte hue bola

Is ladki Achanak kya ho gaya hai,uff...

Tabhi ek awaz ne dono ka dhyan tod diya
Disha aage ja rahi thi lekin aakash ne uska haath pakadkar peeche kar diya
Disha chaunk uthi.abhi tak aakash ki disha ko choone ki himmat bhi nahi aur ab usne disha ka haath itni sakhti se pakda hai ki ....

"Hat jao disha"aakash bola aur apne coat ka button khilkar,tie nikalkar apne shirt ke cuffs uthakar ,ghadi nikalkar disha ko pakda hia

"Saamne a jao"aakash bola

Talwar liye ke shaks khada ho gaya,safed kapde me

Daudte hue apna talwar lahraya aakash ko maarna ke liye lekin bijli ki foorti ke saath aakash hat gaya
Lekin usi beech us shaks ne ek laat bhi jad diya aakash ki aur jise usne haath se rok liya

Shaks ne talwar ko aasmaan ki aur dikhaya aur aasman se kareeb 100 Talwaar aakash ki aur lapki
Aakash ki aankhen Kaali ho gayi kaano se ,sar se har taraf se dhuan nikalne laga aur ek kaale baadal ne aakash ko gher liya

Talwaarein aakash ki aur aane lagi lekin aakash ke aaspaas mandrate hue kaale baadal ne aakash ke upar ek dhaal si paida kar di thi

Aakash ne apne haatho ko ek ghumav diya aur andhere baadal ne kai chote talwaron ka roop le liya aur goli ke raftar se is safed shaks ki aur badh chale
Lekin isse pehle ki is shaks tak pohunch paate wo shaks gayab ho chuka tha
Disha aankhen fad kar dekh rahi thi sab iske samajh me kuch nahi a raha tha
-------------------------------------------------------------------------------
Akhirkar varun sahara desert pohunch hi gaya tha

"Dhat us awaz ne kaha tha ki ek baar is jagah par pohuch jaun fir wo mujhe kuch shakti dega jisse me us aakash se badla le saku"varun bola

Raat ke andhere me sahara marubhoomi ke ret rahasyamayi ho jaate hai aur ye baat varun ko pata chalne wali thi
Bohut jald

 

[sexstories]

Sahara ke ret ka halka sa jhoka dheere dheere varun ko gherne laga

"Uff ye toofan,wo awaz kyun nahi sunai de rahi hai jisne mujhe yahan bulaya tha??"varun bola

Halki si toofan si mehsoos hone lagi varun ko.wo bachne ke liye bhaagne laga .

Lekin bhag nahi paaya,uske pair jad gaye the

"Ye .k.kya ho raha hai.m mere pair hil kyun nahi pa rahe hai aur ye saare ret mere sharir se chipak kyun rahe hai??"varun bola

Ret ka toofan dheere dheere varun ko apni agosh me lene laga
Varun ne bohut haath pair maare lekin...

AAHHHHH....AAIIIIIIIIIIIIIIIIII

varun ki cheekhein sahara ne goonjne lagi.lekin aadhi raat ko varun ki cheekhe sunne wala koi nahi tha
Dheere dheere cheekhein shant ho gayi

Varun ka sharir sthir ho gaya

"Aakhirkar mukti mil hi gayi ha ha ha ha ha ha"
Varun ki hasne ki awaz sahara me goonjne laga

-------------------------------------------------------------------------------

ankhen kholi disha ne
Saamne aakash khada tha

"Baap re hum to dar hi gaye the beta"disha ki mami boli

Disha jhat se uth gayi
"M mai k kaise ,mai to terrace par..."

"Tum aakash se baat karte hue gir gayi beta "mrs malhotra ne disha ke baalon par haath ferte hue kaha

Aakash door khada muskura raha tha
Disha kuch der tak tak dekhti rahi aakash ko fir muskura di
Yani sab Sapna tha,wo andhera,wo talwaarein
Dhat

-------------------------------------------------------------------------------
Doosre din school me

"Wah Wah tune to kamal kar diya,cobra gang ki band baja di jio beta"golu gala faad kar chillaya

"Shhh chup kar"aakash ne golu ka muh band karte hue bola

"Arr ruk ruk disha disha...idh idhar hi a rahi hai"golu bola

Disha sachmuch aakash ki aur hi a rahi thi

"Birthday present kahan hai mera???"disha ne kamar par haath rakhte hue kaha

Aakash tezi se apne pocket check karne laga
Shit purse ghar me hi bhool gaya

"W wo ammmm..kal le aaunga pakka promise,bhool gaya"aakash bola

"Relax mazak kar rahi thi, birthday ka gift to kal aunty ne de hi diya tha"disha haste hue boli

Aakash disha ki muskurahat me kho gaya.

"Itne der se disha ko dekh raha hai ,bol kyun nahi deta ki tu uss..bbbb bbbb"golu ka.muh band kar diya tha aakash ne

"Kya ?? aakash mujhse??"disha ne poochha

"Kuch nahi wo mujhe kuch notes lene the,wahi ye golu ka bachha keh raha tha"aakash bola

Disha muskurayi

"Kya ho raha hai bhai??"peeche se ragini ki awaz aayi sabko

"Rags,"bol disha daudkar ragini ke gale lag gayi

Aakash muskuraya,lekin uski muskurahat ek jhatke me gayab ho gayi ek shaks ko dekhkar

"Uff dekho mai introduce karwana hi bhool gayi,this is shlok and shlok mere bhaiya,disha meri besty and golu bhaiyya"ragini boli

"Hey hey hey,ek minute mera nam gokul hai golu nahi"golu gusse se bola

"To kya,aap golu bhaiyya ho"

"N nahi gokul"

Baatein chal rahi thi lekin aakash aur shlok ek doosre ko dekh rahe the
Dekh nahi rahe the
Ghoor rahe the

 

[sexstories]

"well well tujhe nahi lagta ki tu aakash bhaiyya se kuch Zyada hi baatein kar rahi hai aajkal??"ragini ne disha ke kandhe par haath rakhte hue kaha

"Uh...n n n nahi to,tujhe aisa kyun lag raha hai..."disha ne jhat se jawab diya

"Ohk....yani tere aur bhaiya ke beech me kuch bhi nahi hai"Ragini ne poochha.

"Well....just friendship bas"disha boli

"Chalo acha hai,papa aur vikrant uncle bhaiyya aur simran ki shaadi ki baat karne wale hai fir se"ragini boli

"Kya???lekin engagement to toot gayi thi na, aakash ne khud toda tha engagement"disha boli

"Haan bhaiyya ne tod diya tha engagement lekin fir vikrant uncle aur papa ne fir se baat karni shuru kar di,chor na ye sab chal canteen chalte hai"ragini boli aur chal di
Disha chupchap khadi rahi

"Kya hua??chal na??"ragini peecha mudkar boli
Aur fir disha dheere dheere chali gayi

Ye sab door se dekh rahe the shlok aur aakash
"Dekh raha hai ye sab??"shlok ne aakash se poochha

Aakash chup raha

"Kisi Masoom parivar me ghus kar apna ullu seedha karne wala hai tu"shlok fir bola

Aakash abhi bhi chup raha

"Logo ko bharosa hai ki aakash wapas a gaya hai aur ab unke saath hi rahega"shlok ne kaha

Aakash jaane laga to shlok ne uske kandhe par haath rakha

Aakash ki aankhen Kaali ho gayi,to uske jawab me shlok ki aankhon me bijli ki kadkadahat dikhai diya aakash ko

"Tujhse kuch kam nahi hoon,tuj par nazrein hai meri.is parivar ko kuch bhi hua to teri khair nahi"bol shlok ne wapas apna chashma pehna aur chala gaya

Aakash wapas mudkar jaane hi laga tha ki

DHAM

ek zordar dhakka laga use aur neechr gir gaya aakash

"Chh chh chh bacche ko dhakka laga"koi college ki ladki ne kaha

Aakash ladki ki aankhon me aankhen dalkar khada ho gaya

"Rasta bohut kathin hai,bach ke rehna ....bachhe"bol ladki muskurate hue chali gayi
Isi ke saath kal raat ko ladai hui thi
Damn it

Kitne??aur kitne peeche ayenge mere??
Yahi sochta raha aakash
-------------------------------------------------------------------------------
Varun jab school pohuncha to kuch alag hi dikh raha tha

"Varun ???"alicia ki awaz aayi peeche se
Varun ne dekha ki ek hot si ladki a rahi hai saamne

"Kahan tha itne din??alica ne poochha

"Bas thoda free ho raha tha"varun bola

"Tumhare absence me aakash ne tumhare behen se badtameezi ki"alica varun ke kareeb jaane lagi
Lekin varun ki nazrein disha ki taraf thi
Ek kutil muskurahat honto par tair gayi varun ke

------------------------------------------------------------------------------
School me disha bas khoyi hui thi aakash ke baare me
Ab tak ache se aakash ke baare me jaanti nahi thi

Wapas ghae jaate waqt aakash dikhai nahi diya disha ko
Man bujh sa gaya disha ka
Mood bhi off ho gaya

"Mangni jald hone wali hai hamari"ek awaz ne Disha ko chaunka diya aur dara bhi diya
Peecha mudi to varun muskurate hue dikhai diya

"Hi, disturb to nahi kiya??"muskurate hue varun ne poochha

Disha chupchap khadi rahi
Varun ne paas aakar uske gaalon se apni ungli ko ferte hue bola
"Bohut khoobsoorat..... Hamari jodi khub jamegi"

"Mujhe nahi lagata"door khade aakash ko dekhkar varun ruk gaya aur apna haath hata liya disha ke gaalon se

Disha daudkar aakash ki taraf gayi
Varun hasne laga

"4 baar lade hai hum,aur 3 baar tujhe buri tarah se hara diya tha"varun bola

Aakash ne kuch nahi bola,sirf disha ka haath thame raha
Disha ne bhi aakash ka haath kaskar pakad rakha

"Disha meri banegi aur tu.....tu bas dekh kya hota hai tera"bol apni muthhi bheech liya varun ne
Laga jaise mitti bijli ho haatho se

"A aa... aakash m mujhe dar lag raha hai"bol disha ne apni bheegi aankhon se aakash ki aur dekha

"Mai hoon na"muskurate hue aakash ne jawab diya aur disha ke haatho par apna haath rakh diya

 

[sexstories]

"batata Kyun nahi hai use??"golu bola

"Hun??kise??"aakash ne poochha

"Tujhe pata hai kiske baare me baat kar raha hoon"golu ne aakash ke kandhe par haath rakhte hue kaha

Aakash chup raha
Abhi tak disha ko bata nahi paaya hai,lekin abhi uska dimag disha ki taraf nahi tha
Abhi shlok aur baaki logo ki taraf tha

"Chor tere se nahi hoga,mai chalta hoon.bye"golu chala gaya

Aakash jaane ke liye jaise hi apna pair aage badhaya use ek vriddh dikhai diya saamne

Aakash ruk gaya aur vriddh uske paas aaya

"Pareshan se lag rahe ho??"vriddh Bola

Aakash ne vriddh ki aur dekha ,koi 80 saal ka hoga,chehre par ek muskaan aur bohut shaant sa chehra
Jaise sab kuch chor chaar ke is duniya ke mayajal se bahar a gaya ho

"Bohut chinta ho rahi hai.hai na??"vriddh ne poochha

Aakash chup raha

"Jab kuch samajh me na aaye dil ki suno"vriddh bola aur jaane laga

"R rukiye ,aap logon hai vriddvar??"aakash ne poochha

Vriddh muskuraye aur jaane lage

"Aakash ??"peecha se disha ki awaz aayi

Aakash chaunkar peeche muda wahan koi nahi tha,fir vriddh ki aur dekha.lekin waha koi nahi tha
"Dil ki awaz.hmmm"aakash apne ghar ki aur jaane laga

"Wah pata nahi tha ki yahan milega tu??"varun bola

Aakash ke kuch samajhne se pehle hi varun ke haath ne mitti ka roop le liya aur ek vishalkay hathouda ban gaya
Isse pehle ki aakash kuch samajh paata

Varun ka haath lehraya hawa me aur

DHADDDDD.

ek zordar maar padi aakash ko,aur uska sharir chitak kar door ja gira
Lekin girte hi aakash bijli ki tezi se khada hua
Aur muskuraya

"Ha mout ke saamne muskura raha hai mai tujhe ai...."bol bhi nahi paaya poori baat varun kyunki jakad gaya tha uska sharir

"Teri parchai mere kabze me hai varun"aakash muskuraya
Lekin muskurahat zyada der tak nahi tiki

Varun ka poora sharir mano ret ki tarah toot raha Ho
Aur isse pehle ki kuch samajh paata varun ka sharir zameen me Kho gaya

Aakash idhar udhar dekhne laga

Tabhi peeche se khada hua varun
Aakash ke mudte hi

DHAMMMM

ek aur zordar takkar aur aakash fir door ja gira

Aakash uthkar khada ho gaya aur dheere dheere kaale dhuen me badalne laga

Isse pehle ki varun kuch samajh paata
Kaala dhuan dheere dheere varun ko gherne laga aur uske beech se hara dhuan chabuk ki tarah maarne laga varun ko

"Aahhh kaafi powerful ban gaya hai tu.par yaad rakh zald wapas aunga"bol varun gayab ho gaya

Kaala aur hara dhuan wapas aakash me badalne laga

"Hmmf ...hmmf. Kaafi kamzori lag rahi hai"bol pasine se bheegte ladkhadate hue wapas ghar chala gaya
------------------------------------------------------------------------------
"Whoa,kya party thi"ek ladka night club se nikalte hue bola
Saath me 2 log aur the

"Abey dekh saamne ek paagal chand ko dekh raha hai"doosra ladka bola

Raat ke waqt ek aadmi sachmuch baithkar chand ko dekh raha tha

"Chandamama door ke,pue pakaye boor ke"chand ki aur dekh kar bol raha tha baar baar

"Abey paagal chand hai wo chanda mama nahi hai"teeno me ek ladka bola

"Shhhh chandamama ki bezzati mat karo"wo aadmi saamne mudkar apni ungli honto par rakhkar bola

"Duh ,Abey wo moon hai samjha"doosra ladka bola

"Aise nahi manega ye"bol teesra ladka us aadmi ke paas jaakar apne beer ki bottle uske sar par udel kar saara beer sar par daal diya

Ha ha ha,hasi ki awaazein aane lagi
Hasne me wo log ye nahi dekh rahe the ki ek SUV udkar unke sar ke upar hawa me ghoom rahi thi

"Hmm"

BHADAAAAAAAAAAAM

badi si suv car teeno ke upar gir gayi aur teeno ki kuchalkar wahi mout ho gayi

"Chandamama ki shakti, gurutvakarshan shakti"aadmi muskurate hue bola

 

[sexstories]

Chand ki aur dekhkte hue us aadmi ne apna pet pakda

"Bhook"bola wo aadmi aur idhar udhar dekhte hue badne laga

Door sadak ke kinare ek dhaba band ho raha tha
Sara saman idhar udhar bikhra pada tha

"Aisa kab tak chalega anju didi??har hafte ye log hafta le.jaate hai .police ko kyun nahi kehti aap??"ek 18 saal ka ladka bola

Anju naam ki ladki muskurai aur us ladke ke paas aayi

"Kyunki tujhse baal.mazdoori karwa rahi hoon na isliye nahi ja sakti"us ladke ke sar par haath rakhte hue anju boli

Ladka kuch bolne hi wala tha ki ek aadmi aaya ander

"Bhai dhaba band hai.kal aana"ladke ne bola

"Bohut bhooka hoon.kuch khaya nahi do din se"aadmi bola

Anju ne aadmi ki aur dekha.kamzor sa lag raha tha.bohut gande kapde pehne the
Sar bhi gila tha

"Rahim ja jakar iske liye roti sabzi le a"anju ne ek ladke se kaha

"Lekin didi khana to sirf aapka bana hai,baaki sab ghar ja chuke hai khana khakar"tamim bola

"To mera khana hi de de ise"anju boli

Aadmi zameen par baithne hi wala tha ki anju ne chair par baithne ke liye bol diya

Aadmi muskurate hue baith gaya aur khana khane laga
-------------------------------------------------------------------------------
Aakash school ki aur ja raha tha

"Ruk"ek ladki ki awaz aayi use
Lekin us awaz ko sunkar aur tezi se chalne laga

"Ruk ja aakash,ya jo bhi naam rakha ho tune"ladki ki awaz fir aayi

Aakash ab ruk gaya

"Kitna bhagega apne aap se??"ladki paas aate hue boli

"Jitna ho sake,mai ab sab kuch bhool kar nayi zindagi jeena chahta hoon"aakash bola

"Ha ha ha.agar itna aasan hota to pitaji kab ka ye kar dete,maa na marti aur tu apna pyaar na khota"ladki boli

"Chup ho ja"aakash ne sar jhukakar kaha

"Ha ha apni behen ko chup karayega??kitne logo ko maara hai tune???kitne masoomo ko berahmi se kuchla hai,yaha tak ki apni premika ko bhi maar diya tha,yaad haaakkkkkkkkkkk"
Ladki ki awaz ruk gayi kyunki aakash ne uska gala kaskar pakad rakha tha

"Sshhhh ekdum chup.yahan mai ek bechara sa ladka hoon aur wahi rehna chahta hoon,disha ka pyaar chahiye mujhe samjhi.aage se mere raaste me na aana"bol aakash ne us ladki ka gala chor diya aur jaane laga

"Aur haan meri koi behen,pita ya dost nahi hai.pichle saare rishte khatam"bol aakash chala gaya

"Hah apne sage sambandhi ko door sakh sakta hai tu,lekin apne dushmano ko???"bol ek kutil muskan tair gayi is ladki ke honto par

Aakash aage badh hi raha tha use disha dikhai di
Aakash ne apna baal wahi bewkoofo wala banaya aur paas gaya

"G good morning disha "aakash ki awaz sun disha khil gayi.lekin banawati attitude dikhakar boli

"Tu??kal varun se bohut pita na??"bina aakash ki aur dekhkar aage jaate hue boli

"N nahi ladai shuru hone se pehle hi maine suljha liya tha"aakash bola

"Hmmf mujhe laga tu hero bankar bacha lega"disha boli

"Jab sabkuch baato se sulajh jaaye to maarpit ki kya zaroorat"aakash muskurate hue bola

Disha muskurayi lekin jhat se serious ho gayi
"Waise aaj raat ko party hai,aamtour par tujhe invite nahi karnewali thi.lekin kya karoon ragini ka bhai jo thehra,to fir tay raha aaj sham ko 8:00 baje"bol disha man hi man khush hui

"Wo mai thoda busy......"aakash dheere se bola

"Kya??nahi aayega??"disha ki gussail nazar aakash ki aur padi
Aankhen peeli hone lagi

He kaal bhairav iski shaktiyan to...

"Mai aunga aunga disha ...c chalo class.chalte hai"bol aakash ne disha ko apni aur se dhyan hataya aur fir dono class ki aur chal pade

 

[sexstories]

"tumne us ladke par hamla kyun kiya pavitra??"guruji ne ladki se poochha

"Kyunki use abhi ke abhi nahi kuchla to mere maalik ko apna badla poora karne ka mauka nahi milega,uski jaan nahi loongi lekin adhmare karungi"pavitra naam ki ladki boli

"Uske saamne baar baar aana kya sahi hai??"guruji ne poochha

"Us raat ko itna shaktiheen hone ke bawjood wo mujhe hara hi deta,lekin mai bach gayi .us ladki ke birthday party me hi use harana chahti thi"pavitra fir boli

"Fir kal usse takrayi kyun wapas??"guruji ne poochha

"Yaad dilane ki ladai khatam nahi hui hai"pavitra boli aur chali gayi

Ye ladki mere kiye karaye par paani fer degi.kuch to karna hi hoga guruji sochne lage
-------------------------------------------------------------------------------
"Are tumhara naam hi nahi poochha tha kal,kya naam hai??"anju ne poochha

"Shyam bula sakti hai mujhe"raat ko bhook mitane ke baad anju ne us aadmi ko apne paas rakh liya tha staff ke roop me

"Waise shyam khana kaafi acha bana lete ho"anju kheer khate hue boli

"Waise aap bohut achi hai,warna bina jaane pehchane kisi ko yun rakh lena..."shyam bola

"Mera luck bhi kuch zyada acha nahi hai shyam,papa ke jaane ke baad maa.bhi chal basi.papa ka ye dhaba mai hi chala rahi hoon.aaye din gunde yahan se hafta le jaate hai aur baju wale dhaba ke maalik zabardasti yahan se customer le jaate hai,soch rahi hoon band kar doon,lekin papa ka ye dhaba unki jaan se bhi zyada pyari thi...isliye....."Bolte Bolte aankhen nam ho gayi anju ki

Shyam chup chap apna kaam karne laga

"Oye apni maalkin se bol paise nikale"bahar chillane ki awaz aayi

Anju daudkar gayi aur dekha ki uske staff ko gunde berahmi se pit rahe hai

"Are are kal hi to paise lekar gaye the ,fir aaj??"anju boli

"Arey birju??anju ji ko bol de wo kal tha,aur aaj naya din hai,hafta to dena hi padega"ek gunda bola

"Lekin mere paas paise nahi hai"anju boli

"Hmm"bol achanak birju ne anju ke baal pakad liye aur kare me le gaya.baaki gunde bhi wahi gaye

"Aaj sirf hamari pyaas bujha de bas.....baaki sab hafta maaf tera"birju bola aur anju ke kapdo ko nochne laga

Shyam sab dekh raha tha lekin kuch kar nahi raha tha
Ye uska kaam nahi hai
Iske liye wo aaya nahi tha
Lekin.....

Us ladki ne bina soche samjhe vishwas kiya tha us par

Aur aaj

Jab wo musibat me hai tab ...

Shyam ne apna apron utar fenka aur ek laat se darwaza khola

"Tu koun hai be??bhag yahan se"birju bola aur anju ko waise hi thame raha

"Chor do ise"shyam ka sakht chehra pehli Baar anju ne dekha

"Teri to aise nahi maane Ga"bol ek gunde ne haath lehraya hawa me

Shyam hat gaya aur ek mukka maara us gunde ke pet me

DHAMMMMMM

"Akkk"gunde ki aankhen badi ho gayi.muh se paani nikalne laga
Aur wahi neeche gir gaya

Shyam ne apna gardan ghumaya aur aas paas dekha

Ek saath 6 gunde toot pade us par

DHAAMMM THADD. TAAD

saare gunde chitt the

"Anju ji abhi tak in logo ne kitna hafta liya tha???"shyam ne bhauchakki si dekh rahi anju se.poocha

Anju abhi bhi hairani se dekh rahi thi

"Anju ji"shyam.ne fir poochha

"D d dedh lakh"anju boli

"Sun,dedh aur baaki saman todne aur staff ko maarna ka ek lakh aur total dhai lakh nikal warna yahi marenge sab"shyam bola

"D d de de birju"main gunda bola

Aur fir sab paise lekar shyam bola

"10 hazar kam hai,ja jakar apne aaka ko bol de kaise pita yahan,agar wo yahan aaya to usse baaki ke paise le lunga,ja bhag"bol shyam ne bhaga diya sab ko

Anju dheere dheere baitha gayi zameen par
Aaj uske izzat par haath daala gaya tha
Apne aankhon ke aansu rok na paayi wo,bas behti hi ja rahi thi

Shyam paas aaya,use pata nahi tha ki aise me kya karna chahiye,seekha nahi tha usne
Achanak shyam.ke seene me apna chehra chupa kar rone lagi anju,bohut aansu baaki the uske

-------------------------------------------------------------------------------
Disha aaj POORE saj kar ja rahi thi
Aaj party me aakash bhi aayega

"Apne aap ko pehchano "ek awaz se ruk gayi disha

Saamne ek vriddh a rahe the saamne se

"A aap ne kuch kaha mujhse??"disha ne poochha

"Yahi ki apne aap ko pehchano"vriddh fir bole

"Aap koun??mai aapko jaanti hoon??"disha ne poochha

Vriddh muskuraye,disha ko cheenk a gayi

A A ATISHOOOOO

disha ne cheenkne ke baad saamne dekha ,koi nahi tha,yahan wahan dekha,koi nahi tha

Ye uska bhram tha ya....

Khair party time

 

[sexstories]

Aakash ready hokar party me ghusane hi wala tha ki ..

"Oye kidhar ja raha hai??"ek awaz aayi

Aakash ne mudkar dekha ki teen char ladke saath khade the,Alicia bhi saath thi

"Yahi hai wo"alicia boli
Aur teen chaar ladke saamne aaye aur aakash ko gher liya

"Kya chahiye tum logo ko??"aakash bola

"Tu "bol ek ladke ne hawa me haath lehraya ghoosa marne ke liye

Lekin aakash hat gaya,lekin hatne ke baad ek doosre ladke ne ek spinning kick maari aakash ko
Lekin aakash fir hat gaya

Fir to char ladke hawa me haath paanv chalane lage

Aakash ko ache se pata tha ki ye saare Ladke cobra school ke ladke the
Lekin abhi uske paas time nahi tha

Usne do teen haath paanv chalaye aur saare chitt pade the,
Ye sab dekh kar alicia darr jaati hai

Aakash alicia ke paas jaate hi alicia ke chehre par ek mukka kasne wala hi hota hai ki...

Uska ateet

"Saare khatam ho gaye,ab teri baari hai"ek Masoom si ladki ki aankhon ki aansu ki parwah na karte hue bola tha usne

Aur us ladki ka gala pakadte hue aise hi mukka kasa tha usne
Poora haath kaale dhuen se bhar gaya tha uska

Ladki ne apne gale ki giraft na chudate hue bina aankhen band kar bola tha

"Darinda"

Samay ka pendulum wapas aakash ko present par le aaya

THAAK

ek flying kick se door ja gira aakash
Fir aakash par haath pair barsane lage cobra school ke ladke

"Hah kuch kismat thi jo itna hawa me udd raha tha,lekin aaj sabak seekh liya usne,ab chalo"bol alicia sab ladko ko lekar chali gayi

Aakash baitha raha parking area ke basement par
Aankhon me aansu liye

"PASCHATAP se badi koi saza nahi hoti"ek awaz ne aakash ko upar dekhne par majboor kar diya
Wahi vriddh

"Utho"bol us vriddh ne aakash ko uthaya aur apne bag se pani ka bottle nikal kar diya

Aakash ne vriddh ki aur dekha,shant aur ek ajeeb sa tej mehsoos kar Raha tha us vriddh ke chehre se

"Aap koun hai please bataiye na"aakash ne poochha

"Pehle apne kapde thik kar lo,jisse milne ja rahe ho usne aise dekha to ??"vriddh ne muskurate hue bola

Aakash ko achanak yaad a gaya ki party hai aaj,bina kuch soche samjhe jhat se kapde thik karke bhaagne laga

Fir acahank ruk gaya,are wo vriddh koun hai???wapas dekhne par us vriddh ko nahi dekh paya wo
Khair aakash bhaga party ke liye

"Us bachhe ko agar apni manzil nahi mili to duniya ko suraj dekhna Naseeb nahi hoga"vriddh ne apne aankhen band ki
Soch samajhkar is ladke ko sambhalna hoga
-------------------------------------------------------------------------------
"L lekin ragini waha jaana sahi rahega??"shlok bola

"Are party hai,koi maiyyat nahi jo itna dar raha hai,chal jaldi chal"ragini bola

Ye kambakht party warty kya cheezo hai shlok ke maathe nahi pad raha tha
Upar se usko jo maksad diya gaya tha usse halka sa bhatak raha tha wo

"Ab chalega bhi"ragini ne kamar par haath rakhe

"H haan"bol shlok bhi chalne laga
Kuch hi mahine hue is shahar me aaye hue

Ajeeb log,ajeeb sa rehen sehen,jis devi ko dabate rahe hai pairon ke neeche usi devi ki Pooja karte hai saal me ek baar
Jis kutte ko raaste me maarte hai usi ki achi prajati ko ghar me pet ke roop me rakhte hai
Jis ganga ko POORE saal ganda karte hai usi ganga me dubki lagakar paap dhote hai.
Jin Mohammad ne bhaichare ka sandesh diya.usi bhaichare ki dhajjiyan udate hue katle aam karte hai log
Jin logo ke liye isa maseeh ne apni jaan di un logo ne hi unke naam se thagi,farebi aur jaalsazi shuru kar di
Buddha ji ne bodhisatv ke roop me apne bachav ke liye jin martial arts ko duniya ko sikhaya,logo ne usi martial arts se kamzoro ko dabaya
Hai re duniya

"Fir soch me doob gaye"ragini boli
Shlok apne khayalon se wapas aaya

Ragini,kitni bholi hai.na use us kamine haramkhor aakash ke baare me pata hai na hi shlok ke baare me
Jab pata chalega,tab kya shlok ko maaf kar payegi???
Shayad kar payegi,sab to ek jaise hi hai yahan.sochkar dil ko tasalli dene laga shlok

"Wo dekho ice cream??chalo na shlok please ek ek try karte hai"bol ragini

Shlok ne ice cream ke paise dene chahe to ragini ne rok diya

"Arey???kal pav bhaji khilayi thi na??aaj meri baari,dosti me 50-50"bol ragini ne paise chukaye

Shlok has pada,itna aasan nahi hoga ragini ko bhoolna apna maksad poora karne ke baad
-------------------------------------------------------------------------------
"Waise anju ji hum kahan ja rahe hai??"shyam ne poochha

"Bas halka ghoomna ke liye shyam by the way.....k kal ke liye dhanyavad"anju ne shyam ka haath thamte hue bola to shyam chaunk gaya

Anju ko eksaas hote hi usne jhat se apne haath hata liye
Do din pehle hi aaya hua shyam ne dhaba ki soorat badal di poori tarah se
Dhaba bada ho gaya,customers bhi aane lage,hafte lene wale gunde abhi nahi aate.lekin thoda ajeeb hai bas

Tabhi chalte hue shyam chaunk kar pathar sa ban gaya
Laga ki bhoot dekh liya

"Aise chaunk kyun rahe ho ??apne dost se introduce nahi karwaoge??choro mai khud hi kar leti hoon,mera naam pavitra hai"ek saamne se aati hui ladki ne muskurate hue bola

"Anju"muskurate hue bola tha anju ne .lekin shyam ko waha rukna pasand nahi tha

"Chaliye anju ji,hame der ho rahi hai"bol shyam ne anju ka haath thama aur chalta bana
Anju shyam ke apne haath thamane se itna chaunki ki kuch bolta nahi bana usse

Pavitra sirf gusse aur nam aankhon se shyam ko dekhti rahi ek ladki ka haath pakad kar jaate hue