Hindi Sex Kahani - Usski Gali Mein Jaana Chorr Diya

[sexstories]

Update 40 Abhi Writes And Post A Letter To Ruhi
​

Kyunke Abhi ne last letter mein aur zubaani bhi keh diya tha Ruhi se ke wo ussko 31st December se pehle ek aur khat post karega, to ab soch liya ke ussi letter mein Ruhi ko yeh sab batayega ke wo usske ghar aega usske papa aur uss se milne.

Ab aaguey..

Abhi subha 8 baje chala gaya apne ilake ke post office Ruhi ki New Year wishing card ke saath wo letter post karne jo usske raat ko likha. 9 pages letter likha tha Abhi ne. Yeh usska teesra khat tha Ruhi ko jo post karne jaa raha tha, 1 ussko haath mein diya tha, dusra postman ne usske aankhon ke saamne Ruhi ko deliver kiya tha aur aaj third letter jaa raha tha Ruhi ke yahan Abhi ke taraf se.

Ab kyunke Abhi ki aadat thi penfriends ko likhna aur post karna to ussko pata tha ke post office ke working system kaisa tha. Ek EXPRESS delivery hoti thi jo subha 8 baje post kar dena chahiye hota tha, aur usske liye paise ziada lagte the, issi liye abhi 8 baje pahunch gaya tha post office aur Ruhi ki khat ko register karwaya as an Express letter jo issi din ko at latest 3 baje deliver ho jaega.

Ghar wapas gaya aur sochne laga kia hoga agar wo khat kissi aur ke haath lagega? To kuch decide kiya Abhi ne. Abhi gaya wahan ek taxi se. Pehle ussne post office jaakar information nikaale ke kahan kahan se wo Express delivery wala van guzar kar Ruhi ke ilake ke post office reach hoga.. Postman wale abhi ko pehchaante the kynke ussko aadat thi wahan hamesha se apne penfriends ke liye letter post karne ki to unn mein ek jawan ladki thi jo Abhi ko penfriendship posting ke liye appreciate karti thi kyunke ussne Abhi se kayi baar pucha tha ke aap ke kitne penfriends hein ke aap itne saare letter aksar post karne aate ho.. to Abhi ne ussi ladki se saare informations nikalwaaye ke express deliveray wala van kahan kahan se guzrega aur kitne baje Ruhi ke ilaake pahunchega. saare information mil gaye to Abhi khush hua aur ek taxi se uss express delivery van ko follow kiya Abhi ne. jiss jiss ilake ke post office ko wo van ruka courier deliver karne ke liye wahan wahan Abhi ne taxi ko rok kar dekha.. Aur jab Ruhi ke ilake ki post office mein delivery hui to Abhi ne taxi ko rukne ko kaha aur jab wahan se postman Ruhi ki letter lekar nikla 3.15 ko to Abhi ne taxi ko uss filling station par park hone ko kaha aur khud piche ke seat par baith kar Abhi ne dekha ke kaun aega Ruhi ki khat lene.. Aur itne dinon ke baad 5 din baad, (magar Abhi ko laga ke 5 saal baad aya tha wahan) Abhi ko Ruhi nazar aayi postman se apna khat lete hue Ruhi apni neeli dress mein thi, baal khule hue the, chehre par wohi massomiyat dikh rahi thi magar usski aakhen udaas the, Abhi ne sab bahot ghaur se dekha aur upar se Ruhi ki smile ghaayab tha.. ... Abhi ko chain haasil hua ke khud Ruhi ne hi usska khat apne haath mein liya. Taxi se Abhi Ruhi ki expressions ko dekh raha tha.. Ruhi ko lifafa lete hi pata chal gaya ke Abhi ki handwriting hai, aur wo bahot khush nazar aayi aur letter ko apne seene se lagaate hue Ruhi wapas apne kitchen ke stairs ke taraf badhi... Ruhi khush thi Abhi ke taraf se khat paakar.. Lifaafe se dikhta tha ke ek wishing card hai magar Ruhi ko pehle se hi pata tha ke Abhi sirf card nahin post karega andar letter zaroor hoga... kyunke Abhi ne Ruhi se pehle keh diya tha ke wo ussko aur ek khat post karega New Year se pehle iss liye shayad Ruhi uss khat ka intezaar bhi kar rahi thi, aisa laga Abhi ko..

Abhi ko kia feel ho raha tha? Ajeeb. Ussko turant taxi se utar kar Ruhi ko jaa kar jakarne ka mann kar raha tha, magar nahin gaya.uss aangan ko Abhi dekh raha tha bilkool ajeeb dikh raha tha, khaali nazar araha tha kyuke wahan bus nahin tha... Ruhi ko pata bhi nahin chala ke Abhi ussko ek taxi mein baith kar dekh raha hai... (readers se guzarish hai ke iss baat ko yaad rakhe kyunke iss kahani ke end mein iss vakiah ko yaad kiya jaega aur Ruhi ke taraf se kuch baat kehne ko sunne ko milega jiss waqt postman ne ussko wo khat deliver kiya tha to kuch hua tha... magar wo din bahot door hai jab wo baat aayegi -saalon baad)

Abhi ghar wapas pahuncha aur apne diary mein khud padhne laga ke Ruhi kia padh rahi hogi khat mein. Abhi ne jo kuch khat mein likha tha Ruhi ko exactly wohi sab apne diary mein copy kiya tha. Matlab do baar sab kuch likha tha, pehle khat likha phir jo kuch khat mein likha tha wohi apne diary mein bhi likha tha ussne. To ab Abhi dobara apne likhe hue khat ko padh raha tha yeh sochte hue ke abhi udhar Ruhi wo sab padh rahi hogi..

Khat mein Abhi ne uss se kaha tha ke wo apne parents ko bata dein ke Abhi usske ghar araha hai 3rd, 4th ya 5th January ko. Inn teen dinon mein se ek din wo Ruhi ke ghar aega, samajh lena ke New Year ke liye aa raha hai aur Ruhi se request kiya tha ke wo bhi ghar par hi rahe inn 3 dinon ko. Isske ilawa Abhi ne apne dil ka hal bayaan kiya tha Ruhi se. kia feel kar raha hai, kitna miss kar raha hi ussko, kitni baar wo ussko dhundne gaya tha uss sheher aur supermarket mein, phir kaise usski chachi ke ghar gaya, Shweta se mila aur usske chachi ne salah diya ke Abhi usske ghar jaakar usske parents se mile iss liye wo araha hai usske ghar...

To Abhi ko ab tassali thi ke Ruhi ko pata hai ke Abhi 3,4, ya 5th ko wo usske ghar ane wala hai..

Khat mein Abhi ne yeh bhi likha tha ke

"jab main tumhare chachi ke ghar gaya tha mujhe umeed thi ke tum wahin hogi magar ussne kaha ke tum ek din pehle wapas apne ghar chali gayi thi magar jab main ne Shweta se pucha to usski expressions se laga ke tum wahin thi. Mujhe weisa feel bhi ho raha tha ke tum wahin kahin mere aas paas ho. Kia tum wahin thi Ruhi? Kia tumne wo sab kuch suna jo tumhare chachi ne mujhse kaha? Kia tum wahin kissi kamre mein baith kar sab sunn rahi thi? Agar tum wahin thi to tum mere saamne kyun nahin aayi thi Ruhi? Main kitna tadap raha tha tumko dekhne ke liye!!"

*********************************************************************************

Ab Abhi ne kia socha tha? ke wahan jaega Ruhi ke ghar to kia kahega? Kaise manaega Ruhi ke mummy papa ko?

Abhi ne aisa socha tha ke Ruhi ke papa se kahega ke wo usske ghar aaye, yaane unn logon ko apne ghar invite karega. Taake weh log dekh sake ke Abhi ka ghar kaisa hai, taake wo log dekh sake ke kia Ruhi Abhi ke ghar mein khush rahegi ya nahin..

Abhi unn logon ko yakeen dilaane ke liye wahan jana chahta tha ke Ruhi usske saath bahot khush rahegi. Ruhi ki maa ko Abhi convince karne ke liye jaana chahta tha ke usski beti khush rahegi usske saath. Abhi ne bahot kuch soch liya tha baat karne ke liye Ruhi ke mata pita se..

Aur Abhi ne socha tha ke ab to wahan kaam nahin kar raha hoga to wo Ruhi ke ghar ke andar araam se baith kar baat karega Ruhi ke parents se, aur Ruhi bhi present hogi, Manoj aur Mahesh bhi honge, to kum se kum ek koyi to kahega ke haan thik hai tum donon ek dusre se pyar karte ho hamein pata hai to lets move on, donon ke rishte kar dete hein.. Abhi sab positive soch raha tha ke uss din ko sab sahi ho jaega jab aamne saamne baat karega tab..

Jab bhi Abhi cigarette jalata to Ruhi ko sochta aur khud se kehta ke kab usski sach mein Ruhi se mangni hogi aur wo cigarette peena chorega hamesha ke liye. ussko cigarette chorrne ka mann tha aur sirf issi intezaar mein tha ke Ruhi usski ho jaaye aur wo cigarette peena chorr dega hamesha ke liye. Aur khud se kaha ke sach hai iskh insaan ko badal deta hai..

30th aur 31st December ko Abhi kaam karne gaya Saeed ke saath ek chota sa kaam mila tha ek bus ko repair karna tha kyunke wo bus kissi company ke workers ko carry karta tha aur abhi firm new year ke holiday par tha to bus free tha aur uss mein kaam ho sakta tha... door ki ek bade sheher mein kaam karne jata tha Abhi. aur sab thik se guzra udhar..

Ab hui baat Mehboob ke 2 lakh jo baaki the dene ko to Saeed ne Abhi se kaha ke Mehboob ne sirf ek laakh diya hai aur kaha ke 1 laakh do mahine baad dega.. Uss 1 lakh mein se saeed ne Abhi ko sirf 25 hazaar rupay diye. Abhi ne kaha ke 50/50 karna chahiye tha to Saeed ne kaha ke agla 1 lakh milega tab wo Abhi ko 75 hazaar dega aur khud sirf 25 hazaar lega. To Abhi maan gaya. Abhi udhar kaam karta to baar baar idhar udhar dekhta, usko aisa lagta ke abhi Ruhi nazar aegi ussko, wo seeti bajata uss gaane ki aur kuch bhi karta bus ke andar to sirf Ruhi ka chehra dikhta.. Ruhi ko bhulana naamumkin tha Abhi ke liye, Ruhi Abhi ke rooh mein bass gayi thi, usske rag rag mein Ruhi samaayi hui thi.. Jo bhi kaam karta, jo bhi tool use karta har ek chiz Ruhi se judi hui lage Abhi ko. jaise bus ki coach building karne ka naam badal kar Ruhi ho gaya ho. har choti choti chiz jo Abhi karta to Ruhi se related tha har ek chiz se.. jaise jab hathoda istemaal karta to Ruhi yaad aati kyunke hathode se Abhi ko lagi thi to Ruhi aayi thi dawa lagaane.. Kissi bus ki shishe ko lagata to Ruhi saamne dikhti kyunke wahan Ruhi shishe ke paas Abhi ko jeeb se chidhaati thi.. Ek tin kaatta Abhi to Ruhi se related wo tin bhi tha kyunke usski aangan mein Abhi Ruhi ke kitchen ke saamne tin kaatta tha. koyi bhi kaam jo bus se related tha sab Ruhi se related tha.. kia Abhi yeh kaam aage chal kar kar paata?

Aur Saeed ne Abhi se kaha ke Mehboob mila tha ussko kal aur Mehboob ne bataya ke Ruhi ke pita ne bataya usse ke Abhi usski sister in law se milne gaya tha usske ghar aur mehbbob naraz tha iss liye ke Abhi Ruhi ke chachi se milne gaya tha usske ghar.

Yeh sunkar Abhi ko jhatka laga..

31st December ko kaam end kia 2 baje. Ghar jaakar naha dho kar Abhi gaya uss sheher jahan Ruhi ke chacha ka supermarket tha... iss date ko bhid bhade hue the chaaron taraf sheher mein...

Abhi supermarket reach hua, Ruhi ki chachi thi wahan, donon ek dusre se araam se baat kiye . Shweta mili, chachi ne khud Shweta se kaha Abhi se milne ke liye.. Shweta Abhi ke gale mili, aur Abhi ne ussko happy new year wish kiya aur Shweta ne Abhi ko bhi wish kiya, phir Abhi ne wahan ke baaki sabhi ko wish kiya aur nikal liya wahan se.. Ussne socha tha Ruhi new year ke liye supermarket aayi hogi jaise usski ma ne kaha tha magar Ruhi nahin mili wahan usse...

Abhi ke liye yeh eve of the new year kuch khaas nahin tha, wo udaas tha aur Ruhi ki yaadon mein dooba hua tha..

Ussne sabke liye new year gifts kharide, Ruhi ke liye wo perfume kharida Abhi ne jissko ek baar Ruhi ne pucha tha ke kaun sa perfume use karta hai aur wo tha Bourgeois ki "Soir De Paris". Bahot mehnga perfume tha magar Abhi ne kharida wo Ruhi ke liye.. Aur ghar mein sabke liye kuch nah kuch kharida aur raat ke 8 bajne se pehle Abhi wapas ghar agaya tha aur apne diary mein sab kuch likh kar sone gaya! Magar usske sath pehle kabhi aisa nahin hua tha, 1 baje, 2 baje, 3 baje subha ko wo jaaga, neendh tooti, ghutan mehsoos hui, Ruhi sapne mein aayi, ussko uthne ko kaha, uss se pyar kiya, royi, phir muskuraayi, Abhi ko kiss kiya, usske saath kahin chalne ko kaha.. Abhi ke saath aisa kabhi nahin hua tha pehle ussne apni diary mein subha 4 baje likha:

"I was feeling chocking, Ruhi came in my dreams, I was gasping for air. Ruhi!! She will turn me mad this girl!!"

To be continued...

 

[sexstories]

Update 41 - Happy New Year.. & 5 Days After
​

Abhi music bahut passand karta tha, Sirf Bollywood nahin Western bhi. To iss 1st January ko subha ko ussne apne top ten western songs ko note kiya apne favourite channel par aur wo yeh the, aap log bhi enjoy aur yaad kijiye jinnko weh gaane yaad hein, sab 1986 mein top par the aur 1st January 1987 ko play kiya jaa raha tha. To apne diary mein Abhi ke Top ten list mein yeh gaane likhe hue the:

1. I want to wake up with you by B.Gardiner

2. Lady in Red by Chris de Burg

3. Different corner by George Michael

4. Papa don't preach by Madonna

5. Say you say me by Lionel Ritchie

6. Lover why by Century

7. Promise you made by Cock Robin

8. Take my breath away by Berlin

9. Jane by Century

10.I just died in your arms by Cutting Crew

Abhi subha se din ke 1 baje tak ghar par hi tha. kahin nahin gaya, ussko kuch acha nahin lag raha tha sirf Ruhi ki yaad arahi thi usse. Ek bharipan sa mehsoos ho raha tha usse. Soch raha tha kia udhar Ruhi bhi ussko weise hi yaad kar rahi hogi? Kia Ruhi bhi Abhi ko miss kar rahi hogi..

Ruhi ko yaad kar hi raha tha ke radion par yeh gana chala jissne Abhi ko rula diya, bahot hi roya wo iss geet ko sunkar kyunke iss gaane ke shabd sab jaise ussi ke liye likhe gaye the, gaana yeh tha:

"Wo beete din yaad hai, Wo pal chin yaad hai

Guzaare tere sang jo, Lagakke ujhe ang jo

Wo muskana tera, wo sharmana tera

December ka samaa, wo bheegi bheegi sardiyan

Wo Mausam kia hua nah jaane kahan kho gaya

Buss yaaadein baaki.."

Yeh gaana unhi dinon ka hai aur Abhi ko laga ke gana specially usske liye aur usske situation ke liye likha gaya hai. khub roya wo issko sunkar aur Ruhi ko yaad kar kar ke.

Kaise nahin rota jab geet mein wohi sab likha hai jo Abhi aur Ruhi ke beech hue the - December ka sama tha, Ruhi ka pyar, ussko ang lagaya tha Abhi ne, Ruhi ka muskana, usska sharmana. sab kuch to hua tha Abhi aur Ruhi ke beech weisa hi, to kaise Abhi nahin rota bhala.

Shaam 2 baje Abhi apne bed par leyta hua tha aur usske dimaagh mein Ruhi leyte hue dikhaayi diya aur wo din yaad aya jab ussne Ruhi ko sote hue dekha ta apni nili dress mein.. Uss din Abhi ko Ruhi ko jakar kar kiss karne ka mann kar raha tha... sab yaad kar raha tha Abhi..wohi din tha jab Reza bhi Abhi ke piche khada hua tha Ruhi ko dekhne ke liye... yeh sab kuch Abhi ko paagal bana raha tha... sab yaadein ussko tadpa raha tha..

Aur weise lete hue Abhi Ruhi ke jism ko sochne laga, uss ke har uss ang ko sochne laga jo usske jism se kabhi chipka tha, Abhi Ruhi ki jism ko sochte hue utejit hone laga ussne socha ke kaash Ruhi iss waqt naye saal ke din usske saath hota to wo kaise usske kapdon ko ek ek karke utaarta, kaise usske jism ke har unn komal hisson ko chumta, apna jeeb ferrta, Ruhi se kehta apne jeeb nikaal kar ussko weise hi chidhaane ko jaise wo kiya karti thi, tab jhat se Abhi usski jeeb ko apne munh mein le leta aur ussko passionately kiss karta aur apne haath se kiss karte hue usski jism ko sehlaate hue ussko bed par leytata..

Abhi Ruhi ko, usski touch ko bahot miss karne laga tha...

Aur kuch der baad Abhi sochne laga ke 5th ko wahan jaega to kia hoga, kaise kiss se baat karega...

1st January, 2nd, 3rd 4th ko Abhi buss Ruhi ki yaadon mein khoya raha.. Sirf sochta raha ke 5th ko jab wo wahan jaega to kia hoga. Abhi soch raha tha ke Ruhi ne baar baar khat padhi hogi aur kyunke Abhi ne khat mein likha tha ke 3rd, 4th aur 5th ke bich kissi ek din ko aega to Ruhi usska wait karna 3rd se shuru kar diya hoga. Abhi aisa soch raha tha, ussko pata bilkool bhi nahin tha ke uss taraf kia ho raha tha.

To Abhi jo kabhi bhi negative nahin sochta tha aaj pehli baar negative bhi socha ke kia pata iss liye ke Ruhi ne apni parents ko bata diya hoga ke Abhi in 3 dinon mein ek din ko wahan aane wala hai iss liye Ruhi ke maa baap ne unhi 3 dinon ke liye Ruhi ko usske nani ke ghar bhej diya ho aur jab Abhi wahan jaaye to Ruhi mile hi nahin usse! Yeh soch kar Abhi ghabra raha tha, wo nahin chahta tha ke Ruhi ussko nahin mile wahan aur sirf usske parents se milna pare ussko. Abhi chahta tha ke Ruhi bhi saamne ho jab Abhi usske maa baap se baat karega.

4th January ki raat ko mushladhaar baarish shuru hui pure desh mein. Monday ka din tha aur 3rd aur 4th Weekend the aur Naina aur Abhi ki maa, Abhi ki choti behen apne nani ke ghar chale gaye the New Year ke mauke par. Abhi aur usske pita aur baaki ke bhai ghar par the.. Itni baarish hue raat bhar, phir subha ko Abhi ke ghar se nikalna namumkin tha. Abhi ke ghar ke charon taraf paani bhare hue the jaise usska ghar ek jahaz tha samumdar ke beech. Raaste par paani aise beh rahe the jaise nadi.

Abhi ko phir bhi jana tha Ruhi ke ghar kyun ke ussne socha weh log usska intezaar kar rahe honge..

9.30ko Abhi tayyaar hokar ghar se nikla. Abhi ne naye saal ke mauke par naye kapde kharide the apne liye bhi, wohi pehna tha Ruhi ke ghar jaane ke liye. Jab Abhi ghar se nikal raha tha to usske pita ne uss se kaha ke aise Mausam mein kyun kahin jana hai, bahot tez aur khatarnaak tarike se baarish ho rahi thi pita ne kaha ke baadh bhi aa sakte hein kahin bhi desh mein.

Magar Abhi ko jaana tha chahe toofan aaye ya kayamat ussko Ruhi ke ghar jaana hi jaana tha.

Magar pehle ussne socha ke apne nana ke ghar se hote hue tab jaaye Ruhi ke yahan, uss tarah se wo naina se mil leta aur usski good wishes bhi mil jata usse.

Abhi ne ek bus liya, bus ke saare passengers bheege hue the aur khud Abhi bhi bilkool bheeg gaya sirf ghar se nikal kar bus stop tak jaate hue.

Uss sheher se hokar Abhi ko apne nana ke ghar jana tha jiss sheher mein Ruhi ke chacha ka supermarket hai. Wahan se ek dusra bus lena tha Abhi ko.

Uss sheher mein bhi baarish weisa hi tha aur raaste mein jagah jagah par gadiyan break down dikhaayi dete rahe charon raraf baarish ki vajah se. ek bhi aadmi kahin sukha hua nahin dikh raha tha, chhatri ho ya nahin, sab bheege hue the.. Abhi khud itna bheeg gaya ke usske underwears bhi bheege hue the...

Apne nana ke ghar pahuche to naina, apni maa aur chhoti behen se mile, nana, mamou maasi sabse bhi mile, aur apne kapde utaar kar de diya naina ko iron se sukhaane ke liye jab tak wo khana kha raha tha.

Aur wahan se 1 ghante baad Abhi nikla Ruhi ke ghar jaane ke liye. Naina aur usski maa ko pata tha ke Abhi Ruhi ke ghar jaa raha hai aur shayad ek ya do hafte baad apne mata pita ko lekar Abhi jata Ruhi ka haath officially mangne shaadi ke liye, sab aaj ki meeting par depend karta ke weh log kia kehte hein Abhi ko. Naina ne Abhi ko good luck wish kiya aur Abhi nikal pada.. Aur wahan bhi buss nana ke ghar se nikal kar bus tak pahuncte hue hi Abhi phir pura bheeg gaya... tar tar ho gaya andar ke kapde bhi bheeg gaye Abhi ke..

Udhar se ek aur chhota sheher tha jahan se Abhi ko bus lena pada Ruhi ke ghar pahunche ke liye... Aur ussko bus mein Sunil ka apprentice mila aur uss yeh khabar mili ke kal Mehboob ne sabko apne bus mein lekar picnic ke liye seaside gaya tha, Sunil, George, Reza, usske behnein, Ruhi ka baap, usski maa, Manoj, Mahesh, Rahima, Farzinah, Ruhi ki dusri Cousin, sab gaye the seaside kal.. To Abhi ko tassalli hui ke agar kal seaside gaye the picnic par sab to aaj thakke honge to ghar par zaroor hogi Ruhi araam karne ke liye.

Aur aakhir mein Abhi reach hua aaj Ruhi ki aangan mein daakhil hote hue main road se, mushladhaar baarish mein... Ruhi ke ghar jaate jaate Abhi ekdum bheeg gaya, usske sar se paon tak sab kuch bheega hua tha. sar ke baal se paani aise beh rahe the jaise Abhi ek nadi se nikla tha..

Ruhi ke ghar ke lounge ke paas terrace par khade hokar Abhi ne darwaza khatkhtaya... baarish itni tez thi ke ek jiv jantu nazar nahin araha tha nah kahin kissi raaste par, nah udhar Ruhi ki aangan mein.. Wo aangan Abhi ko ab bahot bada dikh raha tha aur saaf suthra tha. New Year ke mauke par Ruhi ne terrace par new floor polish kiya hua tha wo dekh kar Abhi ko pata chal gaya ke Ruhi ghar par hi hai kyunke usske ilawa usski maa wo kaam kabhi nahin karti thi Sirf Ruhi karti thi wo kaam... jitna der Abhi kadha raha darwaza khatkhataane ke baad utna hi wo aur bheegta raha... Abhi ke haath mein ek plastic bag tha jiss mein kuch chocolates the Ruhi ke liye, chewing gum ka packet bhi tha aur wo perfume bhi tha, sab Ruhi ke liye.

Abhi apne pocket se apne rumal nikal kar sar ponch raha tha baar baar rumal ko piro kar uss mein se paani nikalte hue..

Der lagaya andar se darwaza kholne ke liye unn logon ne. Abhi expect kar raha tha ke Ruhi hi darwaza kholegi magar Manoj ne khola darwaze ko...

Abhi ne ussko greet kiya, haath milaya, Manoj ne pucha

"kia chahiye"

To Abhi ne kaha ke usske papa se milna hai, phir Manoj ne kaha "andar aao bulata hoon.."

Aur Abhi andar gaya tab Manoj ghar ke andar gaya apne parents ko bulaane ke liye.. Aur Ruhi ki maa aayi, Abhi ne ussko greet kiya, Wo Abhi se muskuraayi phir Manoj ke piche ghar ke andar chali gayi. Manoj ke chehre mein bilkool Khushi nahin dikha Abhi ko, wo jaise naraaz tha Abhi ko apne dwaar par dekh kar.. Abhi itna bheega hua tha ke ussko unn ke ghar ke sofe par baithna acha nahin laga wo khada wait kar raha tha tab dada ji aaye Abhi se milne. Abhi ne unn se bhi haath milaya, aur dada ji ne Abhi ko baithne ko kaha. Magar Abhi ne kaha ke wo bilkool bheega hua hai nahin baith paega, dada ji zid karta raha to Abhi ne kaha ke sabko ajaane diya jaaye tab baithega. Dada ji ko Abhi ne naye saal ki shubkaamnaayein diye aur Dada ji ne bhi Abhi ko same kaha. To dada ji ne pucha,

"kiss se milne aaye ho?!"

Abhi ne kaha,

"Aap sab se!"

To Dadaji ne hansste hue pucha,

"ya Ruhi ke liye aaye ho hahahaha!"

Abhi ko achcha laga magar usska chehra pata nahin kyun laal ho gaya ussko jaise sharam sa laga. aur Abhi ne dada ji se pucha,

"Yahin hai nah Ruhi?!"

Dada ji ne haan mein sar hillaya aur kaha,

"Aate honge tum se milne sab, Manoj bulaane gaya hai nah!"

Dada ji ne Abhi se pucha kia jidhar wo rehta hai udhar bhi aise hi baarish ho raha hai, to Abhi ne bataya ke pure desh mein aise hi baarish ho rahe hein aur raaste bhar charon taraf cars break down hein aur raaste par jaise nadi mitti aur kichad samet chaaron taraf beh rahe hein..

Koyi nahin araha tha Abhi se milne, ulta Abhi ne socha tha Ruhi dhadpadaati hui daud kar aegi Abhi se milne aur bahot khush dikhegi, sharmaaegi Abhi ko apne ghar mein dekh kar. Abhi apne khayaalon mein har tarah ki drisht bana raha tha Ruhi ko lekar.. Ussne soch liya tha ke Ruhi ko apna gaal dega kiss karne ke liye, kyunke yeh ek tradition tha New Year par weise kiss karke wish karna. to Abhi tayyar tha aur Ruhi ka wait kar raha tha..

5 minats beet chuka tha, dada ji aur Abhi baat kiye ja rahe the, Abhi ab tak khda tha aur Dada ji ussko baithne ke liye kahe ja rahe the magar Abhi keh raha tha ke sab ko aane ka wait karega tab baithega..

Ghar ke andar bhunbhun baatein karte hue sunaayi de raha tha, matlab andar Ruhi ke mata pita, Manoj sab baat kar rahe the.. Abhi soch raha tha ke weh log shayad soch rahe honge ke ab Abhi se sab settle kar lena hai aur ussko apne parents ko saath lekar aane ko kahenge issi liye ghar ke andar sab decide kar rahe the ke Abhi se kia bola jaaye..

Kyunke koyi bhi nahin araha tha to dada ji ne awaaz diya,

"Arey kahan ho tum log ghar mein mehmaan aaye hue hein itni der koyi lagata hai mehmaan ki khatir daari karne ke liye? Ari oh Ruhi aakar dekh to kaun aya hai sun rahi ho?!"

Aur Manoj wapas aya... aate hi ghusse mein laal baboola hokar Abhi se kaha

"MERA BAAP TUM SE NAHIN MILNA CHAHTA, USSNE KAHA KE WO TUMKO EK BAAR JAWAAB DE CHUKA HAI BAAR BAAR WOHI BAAT NAHIN DOHRAEGA KYUN AAYE HO YAHAN? HUM KIA TUMHARE RISHTEDAAR HAI? WE ARE NOT RELATED TO YOU? HUMKO TUMSE KOYI VAASTA NAHIN HAI. AGAR MEHBOOB SE MILNE AAYE HO TO WO USSKA GHAR HAI MEHBOOB YAHAN NAHIN REHTA. UDHAR JAO. AUR PHIR KABHI BHI IDHAR MAT AANA TUM HAMARE RISHTEDAAR NAHIN HO, AUR SUNON KHABARDAAR AGAR MERE DUSRE RISHTEDAAR KE GHAR GAYE KISSI SE MILNE USS SHEHER MEIN YA SHWETA SE MILNE GAYA TO! AUR YE LO JO LAST KE BUS KE PHOTOS LIYE THE ISSKE PAISE NAHIN CHAHIYE MUJHE LE JAO, CHALO NIKLO BAAHAR MERA GHAR KHARAAB KAR DIYA, PAANI BHAR DIYA CHAARON TARAF - GET OUT!!"

Abhi ka gala sukh gaya, ek lavz bhi nahin nikla balke aankh se aansoo tapke Manoj ki baton ko sunkar.. Usske peyr kaamp uthe, honth tharthara gaye haath kaampne lage ussko laga ke wahin girr padega. sirf Manoj ke chehre mein dekhta raha ussko sunte hue... itni zillat life mein kabhi nahin jhela tha Abhi ne. ussko laga ke usske gaand mein laat maar ke, dhakke dekar Manoj ne ghar se nikala ussko..wo turant bina kuch kahe apne kadam ko ghar ke baahar nikala.. Dada ji bilkool heyraan Manoj ko dekh raha tha aur khada hua yeh kehte,

"Are Ruhi ko bulado wo usske liye aya hua hai nah?"

Manoj ne oonche awaaz mein Dadaji se kaha,

"aap chhup rehiye kissi ne aap ki raaye nahin mangi hai!"

Tab tak Abhi baahar nikal chuka tha aur dada ji ko yeh kehte hue suna,

"To kyun itne dinon tak Ruhi ko usse badhawa dene diya tha tum logon ne? Ab donon ki shaadi karwa dena chahiye!"

Abhi ke paon nahin uth rahe the chalne ke liye, aankh se aansoo jaari the uss baarish mein mein Abhi ko uss aangan se main road tak chalte hue uss faasla ko tey karne mein laga ussne ek ghanta liya Ruhi ke ghar se main road tak reach hone mein. taaqat nahin baaki raha tha Abhi mein... main road par aya to raasta khali pada tha. ek bhi insaan nahin dikh raha tha Abhi baith gaya raaste par aur bahot zor se chilla kar rona shuru kiya!!!!!itna zor se chilaaya ke milon ke faasle tak usski awaaz reach hui hogi halaan ke bade zoron ki baarish ho rahe the...

Abhi life mein kabhi uss tarah se nahin roya tha, thik Ruhi ki aangan aur Main road ke darmiyaan baitha hua tha, paani beh raha tha usske niche jaise ek stream mein baith kar ro raha tha,

"HAAAAAAAAAAAAAAAAAAAAA"

"HAAAAAAAAAAAAAAAAAAA"

"HAAAAAAAAAAAAAAAAAAA"

Iss tarah se chilaate hue rota gaya koyi 5 minats tak... filmon mein dekha hoga sab ne, movies mein aate hein aise scene magar yahan sach mein, hakikat mein weisa ho raha tha.magar sunne wala, ya dekhne wala koyi nahin tha. Abhi ne apne sar ko peeta, kuch iss tarah peeta apne sar ko jaise khud ko maar raha tha, khud ko kissi baat ka sazaa de raha tha, jaise uss se koyi gunah ho gayi thi aur uss gunah ke liye Abhi khud ko maarte hue saza de raha tha...

Abhi ke haath peyr sab kaamp rahe the ussko samajh mein nahin araha tha ke weisa kyun ho raha hai, wo kaamp raha tha. ek bus guzra kuch tez raftaar se aur road ka sara pani kichar sameth bus ke guzarne se Abhi ko 100 gunah aur bhigo diya. Abhi ke naye kapde par kichad lag gaye, safed kamiz tha, aur cream colour ka pant pehna hua tha Abhi ne, maila paani kichad ke saath usske upar andaza lagaiye kaisa dikh raha hoga uss waqt.. uss plastic bag mein jo chocolates aur perfume the wo Abhi ne road par wahin rakha hua tha sab bhig rahe the, plastic bag ke andar paani chala gaya aur wo behne lage the. Abhi ke haathon mein jaise taaqat nahin tha uss plastic bag ko pakarne ke liye. agar ek pathar se wo bag nahin takrata to sab wahin chorr deta abhi..

Abhi ko kissi ke sahare ki zaroorat mehsoos hui uss waqt, ek dost ki, ya koyi bhi aisa insaan jo ussko apna sahara deta, ussko wahan se uthata, ussko sahara dekar bus stop tak pahunchata. apne doston ko soch kar roya Abhi.. Naina ko soch kar roya aur chilla kar kaha ke kaash ussko koyi thoda zeher deta uss waqt to be jhijhak wo pee jata uss zeher ko. ussi pal ko Abhi ko mar jaane ko mann kar raha raha, socha ke ek truck ya bus udhar se aate dikhaayi deta to usske saamne aa jata.. Magar tab raasta bilkool khali tha, sannata tha chaaron taraf baarish ke ilawa aur kuch nahin tha.. Abhi ne aasmaan ke taraf sar utha kar dekha aur aasman se baat kiya,

"Issi liye aaj ro raha hai tu ey aasmaan? Mere aansoowon ko tu bhi baha raha hai, tujhe pata tha mere saath yeh hone wala hai to tum ne pehle se rona shuru kar diya hai... January 5th 1987 yeh date Abhi kabhi nahin bhulega. usski life ki ek aisi tariq thi yeh jo ussko umar bhar yaad rahega, iss date ko Abhi ne marne ki tamanna ki thi.

15 minats ke baad khud ko sambhaalte hue Abhi wahan se utha, mudh kar piche aangan mein nahin dekha.. Ussko nahin pata tha ke koyi Ruhi ya Mehboob ke ghar se ussko dekh raha hoga ya nahin. waise Mausam itna kharaab tha ke har ghar mein sab log pakode tal kar TV ke saamne baithe honge..

Uss plastic bag ko uthaya Abhi ne uss mein se saare paani ko nikala aur chocolates ko feink diya magar perfume ko sambhaal liya... kissi tarah bhi Ruhi tak zaroor pahunchana tha ussko wo perfume... Bus ki photos jo Maanoj ne usse diya tha wo bilkool bheeg gaye the; phir bhi weise hi saare photos ko Abhi ne ussi bheege hue platic bag mein daal diya.

Abhi ne apne dimaagh mein sab soch liya tha ke ab aaguey ussko kia karna hai...

Wahan se uthte hue, bus top ke paas kade hokar, Abhi ne itna kaha aise hi hawa mein,

"Ghar aaye mehmaan ka aise swagat kiya jata hai Manoj, badduah lagegi mere tute hue dil ka tujhe yaad rakhna, kahin kutte ki maut naseeb nah ho jaaye tujhe ek din issi jagah" Abhi ke zubaan se aise hi yeh alfaz nikal gaya tha, kyunke usska dil buri tarah se tuta hua tha uss waqt. ussko pata bhi nahin tha ke wo kia bol raha hai, magar kia pata ek din yeh bad duah lag jaega Manoj ko? Who knows?

Abhi ke ansso behne lage bina roye yeh soch kar ke Ruhi kyun nahin aayi uss se milne? Manoj Abhi ko itna beizat kar raha tha, ussko dhitkar raha tha aur andar baithi Ruhi sab sun rahi thi? Ussko Abhi se bahot pyar hai isska yakeen tha abhi ko, to Abhi khud se puch raha tha kaisa pyar tha yeh ke mujhko ruswa kiya jaa raha tha, mujhko kutte ki tarah dhake dekar ghar se baahar nikala ja raha tha magar Ruhi ne kuch nahin kaha, kyun wo nahin aayi Abhi se milne, dada ji ne kaha ussko aane ke liye phir bhi nahin aayi kyun?! Aur Abhi ko darr tha ke kahin usske tute hue dil ki bad duha kahin Ruhi ko bhi nah lag jaaye.. Abhi nahin chahta tha ke usski Ruhi ko koyi bhi takliff ho magar usska dil bahot ro raha tha ke Ruhi ne kyun ussko uss tarah se ruswa hone diya!!

Bade beabroo hokar hum tere kuche se nikle.. Khud se kaha Abhi ne. bina awaaz ke, bina roye usske aankhon se darya beh raha tha aasman ke baarish se aansoo dhul rahe the, baarish aur aansoo ke milaap ho rahe the Abhi ke chehre par..

Uss waqt Abhi ne dekha wo dukaan khula hai jahan uss raat ko Abhi ne Ruhi ke liye cakes aur ice creams kharide the. Abhi wahan pahuncha... dukaan wale ke siwa koyi bhi nahin tha wahan. sirf ek darwaza khula tha dukaan ki, baaki band the barsaat ki vaja se... Abhi ne sharaab kharida aur piya 1 ghante tak wahan baith kar. Tab bus liya ghar wapas jaane ke liye.

Iss din ke baad Abhi ne USSKI GALI MEIN JAANA CHORR DIYA magar nahin ek baar gaya ek BAHOT HI IMPORTANT kaam ke liye - kissi se mila vila nahin siwae uss ek insaan se jiss se milne gaya tha uss kaam ke liye

Shaam ke 4 baj chuke the aur Abhi ghar wapas aya aur Naina ke gale lag kar itna roya, itna roya ke Naina ke saath usski maa, aur saare bhai sab ro pade...

To be continued.. (3822 words)

 

[sexstories]

Update 42 Abhi Went There A LAST Time
​

Abhi jaise ek depression face kar raha tha dusre din subha ko utha to. Naina ne apni mummy se Abhi ko doctor ke paas lejaane ko kaha, magar Abhi ne mana kiya jaane se aur wapas peene gaya.

Kal ki baarish tham gaya tha magar raaste par charon taraf kachde pade hue the, ganda tha pura desh..

Abhi yaad karne laga kiss tarah kal wo ek akela insaan tha raaste par Ruhi ke ilaake mein ek jiv jantu nazar nahin araha tha kahin bhi, ek kutta bhi nahin dikh raha tha Abhi akela bache ki tarah ro raha tha bich sadak par gande kapdon mein, naya saaf suthra kapda ganda ho gaya tha kichadh aur mitti lage hue usske libaas par, to Abhi ne socha shayad usske kismat mein gande kapdon ke saath hi Ruhi ke galiyon mein hamesha nazar ana tha kyunke itne mahinon tak kaam bhi to kiya tha wahan gande kapdon mein issi liye ussko saaf suthre kapde raas nahin aaye the kal wahan par, issi liye ganda hua tha.. bhala kaise aisa ho sakta hai ke ek insaan bhi nahin dikha tha uss dukandar ke ilawa udhar kal? Abhi ko bahot tahjub ho raha tha, wo kiss tarah se chilla kar roya tha ke kissi ne bhi nahin suna tha ussko? Ussko bahot heyraani ho rahi thi uss baat ko soch kar.

Bus mein ghar lautte waqt bhi rota gaya tha bus mein baith kar yeh sochte hue ke Ruhi ek baar bhi nahin aayi thi ussko dekhne, usska bhai Abhi ko itna bura bhala keh raha tha aur Ruhi andar sab sun rahi thi, kia Ruhi par koyi assar nahin hua tha jab Manoj ussko itna kuch suna raha tha? Abhi yeh jaanna chahta tha, samajhna chahta tha ke yeh sab kyun aur kaise hua?

Abhi yaad karne laga kiss tarah Ruhi ne uss se kaha tha ke wo uss se pyar karti hai, kiss tarah jiss din Abhi usske kamre mein gaya tha usski maa ke samne, aur jiss waqt Ruhi ne ussko apni secret batayi thi tab Abhi ne Ruhi se kaha tha wo phir bhi uss se pyar karta hai aur karta rahega aur uss se phir bhi shaadi karega, aur Ruhi se kaha tha ke ussko buss Abhi ko bahot sara pyar dena hoga aur pucha tha Abhi ne ke wo Abhi ko utna pyar de paegi to Ruhi ne kaha tha haan degi.. Aur Abhi ne pucha tha ke matlab ab usske aur Ruhi ke beech ab sab sahi ho gaya aur koyi problem nahin hai to Ruhi ne kaha ke haan ab sab sahi hai baaki jo kuch bhi kaha tha France jaana vaghaira sab jhoot tha..

Abhi ko ab bhi bilkool yakeen nahin ho raha tha ke Ruhi uss se pyar nahin karti, ussko pakka yakeen tha ke Ruhi ki maa ne Ruhi ko andar zabardasti roka hoga. agar Ruhi Abhi se milne bhi chah rahi hogi to usski maa ne Ruhi ko pakar liya hoga.

Magar Abhi phir sochne laga ke wo sirf positive sochta hai kyun nah ab ulta soch kar dekhe ke Ruhi ne usska mazaak banaya, Ruhi usske saath ek khilwaad kar rahi thi itne dinon se! Ruhi ek randi hai bahot sare logon se chudwaati hogi, issi liye Abhi ke pyar ko thukraya kyunke wo Abhi se shaadi nahin kar sakti kyunke ussko seikron mardon ke saath chudwana passand hai... Magar Abhi ne khud ko kossa eise khayal Ruhi ke liye apne dimaagh mein laane ke liye... Ruhi se maafi manga apne dil mein ke usske liye bura soch raha hai... Abhi ko apne nazron par pura bharossa tha, apne khud ki feelings par Abhi ko pakka yakeen tha, Abhi ko yakeen tha ke usska pyar itna gira hua nahin ho sakta ke wo Ruhi ki nazar mein apne liye sacha pyar ko nah pehchaan sake. Abhi ko apne dil par bharossa tha, ke usska dil itni badi ghalaati nahin kar sakta ke Ruhi ka sacha aur jhoota pyar ke beech antar nah dekh sake.. Abhi ko pura dil se yakeen tha ke Ruhi bhi uss se sacha pyar karti thi aur ab bhi karti hai aur shaayad umar bhar karti rahegi, magar Abhi ko yeh bhi pata aur yakeen tha ke Ruhi ki koyi bahut badi majboori hogi jo wo Abhi ko nahin bata paayi thi.

Abhi bahot pee chuka tha... din ke barah baje the aur wo ladkharaate hue ghar wapas aya... Naina ussko sambhaal nahin paa rahi thi.. Naina Abhi ko uss haalat mein dekh kar rone lagi aur apni maa ko bulaya Abhi ko andar lejaane ke liye..

Abhi geet gaa raha tha nashe mein sahi "pyar karte hein hum tumhein itna..." ussko sunkar Naina zor se rone lagi kyunke naina ko pata tha ke Abhi uss geet se juda hua hai Ruhi ke satah, diary mein sab padha hai Naina ne..

Bina khaana khaye Abhi so gaya raat ke 9 baje tak, utha to wapas peene chala gaya aur raat ke barah baje wapas lauta aur ulti kar raha tha. Naina ne hi ussko sambhala aur andar legayi...

Aisa 5 din tak chala. Abhi ek din bhi kaam par nahin gaya, 3 roz saeed ussko dhundne aya magar Abhi ne jaane se mana kiya yeh kehkar ke usski tabiyat thik nahin hai.. Aur pancho din Abhi ne subha se shaam tak sharaab hi sharaab piye.. Wo sab kuch bhoolna chahta tha, Ruhi ko apne zehen se hamesha ke liye nikaalna chahta tha magar ussko pata nahin tha ke kaise nikaalein..

Aur chhatte din ko Abhi ne nahin pee... ussne apne diary mein likhna shuru kiya uss din ke vakiye ko. sab kuch jaise guzra tha exactly wohi sab kuch bilkool detail mein likha Abhi ne... subha se shaam tak Abhi ne likha uss din. Mausam kaisa tha ussko bhi bade detail mein likha aur apne aansoowon ko uss din ki barsaat se jodte hue likha ke aasmaan ro raha tha uss din kyunke Abhi ka dil tut kar Ruhi ke ghar se tudkon mein usske ghar tak bikhre pade the chaaron taraf. Sab likhne ke baad Abhi ne Naina ko padhne ko diya aur Naina ek bachi ki tarah rone lagi sab padhte hue..

Naina ne kaha,

"Bhai yeh sab Ruhi ko padhna chahiye tha!"

Tab Abhi ke mann mein ek khayal aya.. Uss raat ko bhi Abhi ne raat bhar diary mein likha. iss baar aisa likha jaise Ruhi se baat kar raha tha apne diary mein. aur Abhi ne decide kiya ke ab wo diary Ruhi tak pahunchaega. Ruhi ko sab zaroor padhna chahiye, Naina ne ussko bahot acha salah diya..

Agle din Abhi ne taxi liya aur gaya Ruhi ki aangan mein direct. Taxi ko Rahima ke ghar ke paas roka aur taxi ko buss 5 mins wait karne ko kaha..

Ek grey bade se envelope mein Abhi ne do diaries haan diary do ho gaye the jiss din se Ruhi ke baare mein, uss aangan mein kaam karne se likhna shuru kiya tha.. to uss envelope mein Abhi ne donon diaries daale, ek panne ka ek chitti dala aur Ruhi ki perfume jo dena chahta uss din, wo bhi dala aur Rahima ke yahan gaya.

Rahima khush hui Abhi ko dekh kar.. Ab Rahima se baat karte hue Abhi ne ro diya.. Rahima ne kaha,

"Abhi hum sab ko pata hai ke Ruhi bhi aap se pyar karti hai, wo sach mein aap se pyar karti hai bahot pyar karti hai magar usski maa rok rahi hai Ruhi ko, usski maa nahin chahti ke aap uss se shaadi karo, usski maa ek bahot hi buri aurat hai, usski buss chale to Ruhi ghar mein baithe budhi ho jaaye.."

Abhi ne buss Rahima se pucha ke wo yeh parcel Ruhi tak pahuncha sakti hai bina kissi ko bataaye, Abhi ne kaha,

"kissi ko bhi nahin pata chalna chahiye ke main ne aap ko kuch diya ussko dene ke liye varna weh log yeh chhinn lenge uss se.Ruhi ko padhna passand hai to do ghanton mein sab padh legi, buss wo sab padh lein to mujhe sukoon milega.."

Rahima ne promise kiya ke wo Ruhi ki parcel sahi salaamat ussko de degi.. Magar Abhi ne kaha ke usske jaane ke baad, chaahe to shaam ko bulaaye Ruhi ko apne ghar tab ussko parcel dein taake kissi ko pata nah chale ke main aya tha iss liye aap ussko bula rahi ho.. koyi puche ke main kyun aya tha to kehdena mera ek tool reh gaya tha yahan wohi wapas lene aya tha.."

Rahima ne pucha,

"kia kissi ne aap ko mere yahan aate hue dekha?"

Abhi ne kaha,

"mujhe Ruhi ki kitchen mein dekhne ki himmat nahin hui magar koyi tha kitchen mein pata nahin Ruhi thi ya usski maa"

Rhima: "To unn logon ko pata hai ke aap aaye ho yahan, phir to jaise aap wapas jaoge Ruhi ki maa puchne ayegi ke aap kiss liye aye the"

Abhi: "kia aap ko pata hai ke main last week ko jiss din baarish ho rahi thi usske ghar aya tha?!"

Rahima: "haan baad mein bataya gaya mujhe, uske dusre din ko Mehboob ne kaha mujhse, ke aap aaye the aur Manoj ne aap ko wapas jaane ko kaha!"

Abhi: "Aur Ruhi ne kuch nahin kaha aap se? wo to aap ke ghar aksar aati rehti hai nah?"

Rahima: "haan aati to hai magar iss baare mein kuch bhi nahin kaha ussne, bahot udaas thi, lagta hai bahot royi hai pichle kuch din, usske chehre se hanssi ghayab ho gayi hai aur mujhe pata hai ke wo aap se pyar karti hai magar kissi se kehti nahin, usske gharwalon ne aap ko wapas kiya iss liye wo bahot royi hai aur bahot udaas rehti hai aaj kal."

Yeh sab sun kar Abhi ka mann bhar aya aur usska mann kiya ke Ruhi ke ghar jaakar uss se baat kare... magar wo yeh nahin kar sakta tha usski khudgarzi ussko rok raha tha uss dwaar par ek baar phir jaane se, jahan se kutte ki tarah dhaka dekar nikala gaya tha Abhi wahan to nahin jaane wala tha, usska vaasta tha sirf Ruhi se uss ghar se nahin, wo Ruhi ko diaries pahunchana chahta tha buss yehi kaafi tha usske liye..

Abhi ne rahima ka shukriya ada kiya aur wapas taxi mein baith gaya. iss baar Abhi ne Ruhi ke kitchen mein ghaur se dekha magar koyi nahin tha.. Ruhi ya koyi ghar ke andar se baahar dekh raha hoga Abhi ko to yeh bilkool nahin pata tha Abhi ko, magar ussko Yakeen tha ke Ruhi aur usski maa zaroor ussko dekh rahe honge.. Ab taxi wapas jaa rahi thi to Abhi left side mein passenger seat par baitha tha nah, to tap one aur Ruhi ki terrase, washing stone sab usske side mein tha, aur ek nazar Abhi ne Ruhi ki khidki ke taraf uthaya dekhne ko to terrace par Ruhi ke pita dikhaayi diye aur ussne apna haath uthaya Abhi se.. Abhi heyraan reh gaya. usske samajh mein nahin aya ke kia karen. Abhi ne haath nahin uthaya buss saamne dekhne laga.. Aur uss din ke baad Abhi uss aangan mein bilkool nahin gaya!!!!! Yeh din tha jab Abhi ne USSKI GALION MEIN JAANA CHORR DIYA.

 

[sexstories]

Update 43 Working At Another Place
​

Abhi ne ab rona bandh kar diya tha, lagta tha usske saare aansoo ab sukh gaye the.

Wo kuch din baad royal cinema gaya ek movie dekne, aur uss supermarket mein Mahesh ko dekha, Mahesh ne bhi Abhi ko dekha magar ek dusre se kissi ne baat nahin kiye.

Abhi ne ab apne personal diary mein likha,

"My eyes do not cry now but my heart weeps, and when the heart weeps not tears come out but only blood. My heart bleeds and I am bearing it. It is very hard, it aches, it pains, I suffer, but I got to bear. But now I do not cry, let the heart keep crying inside, no one will see that."

*************************************************************

Agle din Abhi kaam karne gaya aur wo kaam finish kiya aur kal se ussko uss jagah kaam par jana tha jo Ruhi ke ghar se 10 kms ki doori par tha.. Jab Abhi Ruhi ki aangan mein kaam kar raha tha to yeh wala bus owner aya tha Saeed aur Abhi ko kaam karte hue dekhne aur uss ne apne bus ko repair karne ke liye kaha tha.. matlab kal se Abhi ko bus mein Ruhi ke aangan ke saamne se guzarna hoga agle 1 mahine ke liye kyunke wahan ka kaam ek mahine ke liye tha.

Aabhi ko bilkool mann nahin tha uss taraf kaam karne jaane ko aur saeed se kaha bhi magar saeed ne kaha ke uss taraf dehna bhi nahin buss ke dusre side mein baithna.. Kaam to karna hai, tum Ruhi ke aangan mein thoda hi jaa rahe ho!

Aur subha ko jab Abhi wahan se guzra bus mein to kia aalam tha, kia feeling thi, wo bayan karna bahot mushkil hai. Abhi ko turant buss se utarne ka mann kiya.. Ussi bus stop par har subha 6 baje ajata tha nah? To ussko wo nostalgic feel hua. ussko laga ke ussko wahin utarna chahiye tha, aur Ruhi ki aangan mein hi jana chahiye tha.. shukar hai ke sirf 2 mins ke liye bus uss bus stop par ruka koyi utra phir bus aage badhne laga..

Wo jo subha ka fiza hota tha jab har subha ko Abhi aya karta tha subha savere Ruhi ke khidki par uss se baat karne ke liye. wohi atmosphere ab bhi tha kyunke ussi time ko Abhi guzra tha aaj phir bus se.. ussne ek nazar Ruhi ki angan mein dekha bhi jab bus guzra to magar sirf 2 seonds ke liye wo hua, aur sirf aangan aur Ruhi ka ghar nazar aya Abhi ko, aur bagiche mein phool dikhe.. Abhi ne socha ab pura ek mahina weise guzarna hai ussko to ussko umeed tha ke ek din Ruhi zaroor dikhega ussko uss aangan mein ya garden mein ya apni kitchen ki stairs par..

Usski galiyon mein jaan chorr diya Abhi ne magar ab majbooran ek mahine ke liye kaam ke silsile mein jana par gaya Abhi ko.. Phir isske baad bilkool gaya hi nahin uss taraf saalon tak..

Magar iss ek mahine mein kafi kuch dilchasp jaankaari milne wala tha Abhi ko Ruhi se related.. Kyunke jahan ab Abhi kaam karne jaa raha tha wahan bhi George aur Sunil ayenge apne kaam karne ko ussi bus mein!!

Uss jagah kaam karne ke liye har subha aur shaam ko bus Ruhi ki main road se guzarta, aur har din do baar Abhi usske ghar ke taraf dekhta. Halaan ke kuch ab expect nahin karta tha magar ussko yakeen tha ke kissi din to Ruhi ki jhalak zaroor dikhega usse. Shaam ko hamesha Ruhi aur usski maa kitchen ke stairs par hua karte the yeh pichle dhai mahinon mein Abhi ne dekh to liya tha iss liye ussko pata tha ya to kabhi shaam ko ghar lautte waqt ya subha ko Ruhi ko baad mein zaroor dekhega..

Aur hua wohi in 30 dinon mein 5 baar Abhi ne Ruhi ko stairs par dekha, sirf kuch pal ke liye aur 2 din subha ko kaam par jaate waqt baagh mein phool todte hue dekha Abhi ne. usske dil par kia guzra, kaisa feel hua ussko kia bayan karne laayak hai? Nahin. Bilkool bhi nahin. Phir bhi jaan lo ke Abhi ko turant bus se utar kar Ruhi ke paas jaane ko mann kiya uss se sirf ek sawaal karne ka mann kiya ke kyun uss din wo nahin nikli jab Manoj ussko dhitkaar raha tha...

Pehli baar jab subha ko Abhi ne Ruhi ko dekha to khud se kaha ke ussko bus se utar kar jaana chahiye tha wo sawaal puchne, magar nahin gaya to socha phir kabhi subha ko wo dikhi tab Abhi zaroor utrega bus se aur jaega uss se puchne.

Aur jiss din dusri baar ussne Ruhi ko dekha garden mein to Abhi bus se utra, chal kar usski aangan tak gaya, Ruhi ko dekha, magar turant wapas bus stop par laut gaya... usse himmat nahin hui uss aangan mein apne kadam rakhne ki...

Aur ek din subha Abhi kaam par jaate waqt bus ke andar se Manoj ko dekha main road ke kinare khade aangan ke paas, aur Manoj ne bus ke andar dekha aur usski nazar Abhi par pada, bus aage ke bus stop par ruka aur shaayad Manoj ne socha ke Abhi phir wahan araha hai, to wo wait karne laga dekhne ko ke kaun bus se utar raha hai, aur bus ke andar se mudhkar Abhi bhi Manoj ko dekh raha tha, Abhi samajh gaya ke Manoj yehi soch raha hoga ke wo wahin araha hai phir se usski behen se milne ke liye, Manoj ka chehra uss waqt thoda fikarmand lagne laga tha... magar bus restart hua aur jaane laga aage badhte hue, to Manoj ko pata chala hoga ke Abhi kahin uss taraf kaam kar raha hoga..

Ab Abhi ne dil hi dil mein socha kia pata Manoj ko uss din ke vyohaar ke liye afsos hai aur wo chahta tha ke Abhi phir aye aur wo Abhi se maafi maange aur uskso Ruhi se milaa de.. Kia pata ke Manoj par sab ne milkar chilaaya hoga, kia pata ke Ruhi ne uss se baat karna chorr diya hoga uss din ki vyohaar ki vajah se aur tab Manoj ne Ruhi se kaha hoga ke thik hai Abhi iss baar ayega to uss se maafi mang lunga aur tum mil lena uss se... Abhi optimist aadmi tha to hamesha bhala hi sochta tha, positive hi sochta tha iss liye usske liye sab sahi ho sakta tha..

Aur unn 30 dinon mein jab Abhi ne us taraf kaam kiya total mein mein 7 baar Ruhi dikhi aur ek baar Farzinah ko bhi dekha Ruhi ki kitchen se nikalte hue magar sab se jiada ek din Ruhi ko tab dekha jab shaam ko jaate waqt ek truck ruka huya tha bus ke aage traffic block the aur bus thik Ruhi ke aangan ke saamne ruka tha koyi 4 mins tak... Abhi seedha Ruhi ke kitchen ki stairs ko dekh raha tha apne chehre par rumaal rakh kar aur Ruhi ki maa dikhi thi stairs par, phir Mahesh dikha tha aur phir Ruhi dikhi thi stairs par aur wo seedha bus mein hi dekh rahi thi. bus se usski stairs tak ka faasla koyi 12 metres ka hoga.. Ruhi udaas kadhi dekhti rahi Abhi ke taraf, magar pata nahin Ruhi ne Abhi ko bus ke andar pehchaan liya tha ya nahin.. Jiss nigaah se Ruhi dekh rahi thi lagta thar ro padegi, Abhi ne apne chehre ko rumaal se dhankka hua tha, usske khud ke aankhen bhar aaye Ruhi ko dekh kar aur kyunke 4 mins tak mauka mila ek dusre ko dekhne ke liye, to Abhi ke mauke ka faeda uthaate hue ussko dekhta gaya, ab Ruhi ne shayad Abhi baal se, usske peshaani se, usske rang se Abhi ko pehchaan liya tha, issi liye khadi dekhti rahi jab tak bus aage nahin badha. Ruhi stairs par khade hokar apne kaandhe aur sar ko darwaze se tika diya tha bus mein dekhte hue.. Aur jaise usski aadat thi jab bus jaane laga to Ruhi ne aasmaan ko dekha aur. Abhi ko yakeen tha ke usske baad usski aankhen bhar aaye honge kyunke jab bhi wo weisa karti thi usski aankhen bhar aate the... pata nahin kyun wo weisa karti thi.. Sar upar uthaakar aasmaan ko dekhti aur sar wapas jhukaati to usski aankhen bhare hote.. Pichle dhai mahinon mein Abhi ne Ruhi ko weisa karte 20/25 baar dekha hoga.. Abhi ne jaate hue bus mein socha ke shaayad ab Ruhi iss waqt usse dekh kar unn dinon ko yaad karne lagi thi, aur ho sakta hai Ruhi pray kar rahi hogi ke kaash Abhi bus se utar kar wahan aajaye.hakikat mein Abhi ka mann wohi chahta tha, ussko turant bus se utar kar bhaag kar wahan jaa kar Ruhi ko apne baahon mein jakarne ka maan kar raha tha..

Agar uss din Manoj ne uss tarah se Abhi ko nahin nikala hota, at least ache se araam se baat karke ussko wapas jaane ko kaha hota ya ek dosti banaaye rakhne ko kaha hota to aaj Abhi zaroor Ruhi se as a friend to milne jaata!!

Ye sab sochte hue Abhi uss din Ruhi ki yaad mein ghar pahuncha aur phir se usski yaad mein peene gaya..

*********************************************************************

Kaam mein jiss din Sunil se mila Abhi to Abhi uss se baat nahin kar paaya, ro diya Abhi ne usse dekhte hi. aur yehi din tha jab Sunil ne Abhi ko bataya ke uss din Ruhi ki maa ne Sunil se kia kaha tha aur uss din Sunil ussko nahin bata paaya tha kyunke Mehboob wahin tha to Sunil nahin chahta tha ke uss waqt Abhi aur Mehboob mein ladaayi ho. Sunil ko pata tha ke abhi hot tempered hai aur wo bardasht nahin kar paata aur ussi waqt wo Mehboob se lad leta.. Magar ab sab bataate waqt sunil ne kaha,

"Mujhe ussi waqt tumko shayad bata dena chahiye tha, aur sab ussi waqt saamne aajata to shayad aaj Tuhi teri hoti, tu shor machata, ghussa karta Mehbob se ladta magar tab Ruhi aur usski maa ko sab pata chalta to shayad tab Ruhi tumse aur khush hoti ke tum ussko paane ke liye lad baithe the.."

Sunil ne bataya ke uss din Ruhi ki maa ne uss se kaha tha ke Mehboob ne ussko kaha tha ke Abhi Ruhi ke liye thik ladka nahin hai, Abhi kaam nahin karta bekaar hai, Abhi sirf saeed ke kehne par kaam karne aya hai aur yahan sirf Ruhi ki vajah se regularly kaam par araha hai, varna jahan bhi kaam karta hai hafte mein do din kaam karta baaki ke din mauj masti karta hai, upar se gharib hai, bahot gharib hai, Ruhi ko wo khush nahin rakh paega, Ruhi usske ghar mein kabhi khush nahin rahega usski do behnein hein aur 4 bhai, ghar chhota hai kahan rahegi Ruhi ek kamre mein 4 bhaiyon aur do behnon ke beech? Dhang ka kam hi nahin to Ruhi ka kia haal hoga uss ghar mein...

Aur sunil ne yeh bhi bataya ke Ruhi ke saamne yeh sab kuch kaha tha aur Ruhi se bhi kaha tha ke khabardaar uss se ziada baat kiya ya ussko badhawa diya to.. Abhi se door rehne ko order diya tha Mehboob ne.

Abhi ne sab sunte hue Sunil se pucha,

"bhai itna bata sakte ho ke yeh hua kab tha? kab Mehboob ne yeh sab kaha tha Ruhi aur usski maa se? usski nani ke ghar jaane se pehle ya baad mein?"

Sunil: "yeh to exactly nahin pata bhai, magar yehi sab kaha tha uss din usksi maa ne mujhse jiss din Ruhi tere gale milkar ro rahi thi jab tere ungli mein dawa laga rahi thi"

Abhi: "yaar yeh sab baatein kyun Mehboob ne kaha tha Ruhi aur usski maa se? yeh sab to bilkool JHOOT hai yaar!"

Sunil: "ab sun Abhi aur ek baat hai jo mujhe kehne se daarr lag raha hai, pehle mujhe promise kar ke tu chhup rahega aur kissi ko kuch nahin batayega aur nah kuch kahega. bilkool ek intelligent aadmi ki tarah baat sun aur buss aisa behave karna ke tujhe wo baat bilkool pata hi nahin.."

Abhi ne promise kiya ke chhup rahega aur buss aisa karega ke ussko kuch pata hi nahin, tab sunil ne kaha,

"Abhi yaar, sab tere Saeed ji ka kiya karaya hai.. Ek din Saeed aur usski maa mein baat hui thi. Ruhi ki maa ne saeed se pucha tha ke tu kaisa ladka hai iss liye ke usski beti tujhse pyar karne lagi hai.. Shuru mein Saeed ne kaha tu thik ladka hai magar baat karte hue Saeed ne kaha ke tu kaam nahin karta, bhagta rehta hai kaam se sirf yahan Ruhi ki vajah se har roz kaam par ata hai aur tera ghar chhota hai, tere kitne bhai behen hein aur Ruhi ko utne saare logon ke saath tere ghar mein rehna padega.. Matlab saeed ne Ruhi ki maa ko tere ghar mein beti dene se discourage kiya tha, aur yehi sab batein saeed ne mehboob ko bhi bataya tha. aur donon Mehboob aur saeed ne milkar tera patta kata hai bhai!"

Abhi: "Yaar main har roz wahin rehta tha kab unn logon ne itne saare baatein kar liye the Ruhi ki maa ke saath yaar?!

Sunil: "jab tu lunch time mein Ruhi ke saath hua karta tha ghar ke piche tab teenon udhar aapas mein baat kiya karte the Abhi, wo main ne bhi dekha hua hai!! Unn dinon main samajh raha tha ke sab yehi baat karte the ke tu aur Ruhi chhup chhup kar milte ho etc.."

Abhi rone laga yeh sab sunkar aur aaj Abhi ko sunil ka kaandha mila rone ke liye..

Baad mein sunil ne kaha,

"Mujhe pata chala ke tu gaya tha wahan aur Manoj ne tujhe wapas bheja, sab bataya mujhe usski maa ne yaar bahot afsos hua mujhe."

Abhi: "usski maa ne tujhse uss din ke baare mein aur kia kaha Sunil mujhko sab sach sach bata please, meri Ruhi kahan thi wo kyun nahin aayi thi yaar?"

Sunil: "bhai detail nahin diya ussne, buss kaha ke tu aya tha aur Manoj ne tujhse buri tarah baat kiye aur tu bina kuch bole chala gaya. kaha ke sab log naraz iss liye the tujhse ke tu usski chachi ke ghar gaya tha baat karne kyunke wo log uss chachi ko bilkool passand nahin karte, uss chachi ne pata nahin kia aag lagaya tha ke Ruhi ki maa, baap aur manoj bhadke hue the, itna pata chala ke uss roz Ruhi bahot ro rahi thi au usski maa ne ussko tujhse milne ko mana kiya tha aur usske pita ne bhi, issi liye pita tujhse milne nahin aya tha kyunke tu usske bhai ke ghar gaya tha.."

Abhi: "kamaal hai yaar khud apni beti ko us chachi ke ghar rehne ko bhejti hai aur ussko passand nahin karti? Ruhi ki maa ne khud mujhe bataya tha ke Ruhi usske ghar rehne gayi hai jaise mujhe Ruhi se milne ka ishara kar rahi thi last day ko.. Khud manoj bekaar hai apne ussi chacha ke supermarket mein kaam karta hai aur ussko passand nahin karte weh log?!"

Sunil: "Abhi yaar hota hai nah family mein, log ek dusre ke tarraki se jalte hein to wo sheher wala chacha aur chachi well off hein to inn logon ka jalta hoga khaas kar Ruhi ki maa ki.."

Abhi: "bhai kia aage kuch ho sakta hai? Tu mere liye kuch kar sakta hai?"

Sunil: "Abhi meri baat maan to tu bilkool bhool ja Ruhi ko, nikaal feink apne dil se ussko, tujhe bahot saari ladkiyan mil jaenge yaar!"

Abhi: "bhool to nahin paunga bhai, pyar bhi karta rahunga umar bhar.. Milna likha hai kismat mein to milegi.. Varna aise hi kaat lenge zindagi ko yaar kaun si badi baat hai.."

Sunil: "haan 4th ko main bhi gaya tha picnic sab ke saath Ruhi bhi thi aur Ruhi se pucha tha main ne kia tujhse sach mein pyar karti hai, haan kaha tha ussne sharmaate hue aur kaha tha ke tumne uss se likha tha ke tu,3,4, ya 5 ko usske ghar ane wala hai, aur ussko fikar thi ke kahin to 4 ko nah jaaye wahan kyunke sab sea side par the. aur Ruhi ne tere baare mein kaafi baaten kiye the George ke saath, mujhe aur George ko pata tha ke tum aur saeed yahan iss bus mein kaam karne ane wale ho to main ne George se kaha ke tu jab yahan uss se milega tab wo tujhe bataaye ke Ruhi ne kia kaha ussko tere baare mein, to kal ya parson George iss bus ki engine ko check karne aaega to wo tujhe bataayega..."

Abhi: "George se kia baat kiya Ruhi ne mere baare mein? Aur kyun?"

Sunil: "are wo sab dekhti thi nah ke tum kiss kiss ke dost ho? to Ruhi ko zaroor pata tha ke tum George ka acha dost ho issi liye ussne usske saath tere baare mein baat kiya shayad koyi message bhi diya hai George ko tujhe dene ke liye!!"

Abhi ko Khushi bhi hui gham bhi yeh jaan kar ke Ruhi ne koyi message bheja hai George ke saath, magar it's too late kaha Abhi ne... agar message 5 tariq se pehle milta to koyi baat hoti ab to bahot der ho chuka hai..

****************************************************************

George mila do din baad to Abhi ne uss se baat kiye.

George ne kaha,

"Ruhi ko pata nahin kaise pata tha ke tum aur hum dost hein, main khud keyraan hua jab picnic wale din ko wo mere paas aayi aur pucha ke kia mujhe pata hai ke Abhi kahan rehta hai.."

Abhi heyraan hua aur George se pucha,

"magar kyun mera pata pucha tumse George?"

George: "are pata nahin pucha, ussne mujhse kaha ke tum ne ussko kaha tha ke 5th tariq ko tu wahan ane wala tha to ussne mujhse kaha ke tum ko bol dun ke 5th ko nahin ane ko wo baad mein bataegi ke kiss din ko ana!"

Abhi: "What? 5th ko nahin ane ko kaha? Are yaar to tu ne mujhe contact kyun nahin kiya kissi tarah se bhi yaar? Mujhko bata dete nah yaar kissi tarah se bhi George?!"

George: "bhai 4th tariq ko der saam ko hum ghar laute picnic se. mujhe iss liye chalne ko kaha tha ke kahin bus ki engine mein koyi problem ho to main bana sakun... ab raat ko kaise main idhar se tere paas ata? Main ne socha ke 5th ko subha ek dost ki car lekar tere ghar aakar tujhe bataunga, magar itna baarish hone lagi thi ke nikalna namumkin tha yaar!"

Abhi: "yaar George pata nahin kyun aane se mana kiya tha 5th ko?! Kuch to baat hui hogi nah... to kia tumne uss se kaha tha ke tu mujhe bata dega?"

George: "nahin main ne uss se kaha ke main bahot door rehta hoon, ussne mujhse pehle pucha ke kia main tera ghar jaanta hoon kidhar hai, to main ne kaha ke haan jiss raat ko last din bus complete hue the to hum tujhe chorrne gaye the to tera ghar dekha tha. tab ussne kaha ke kia main ussko madad kar sakta hoon kyunke main tera dost hoon to madad karna padega to main ne kaha ke haan madad karunga... main ne socha tha ke koyi letter vaghaira degi tujhe dene ke liye, magar jab ussne kaha ke tujhse milkar tujhe batana hoga ke agle din tujhe nahin ane ko wahan to main ne usse bataya ke naamumkin hai, kyun ke kal 5th hai aur aaj 4th to ek din mein kahan se jaa paunga tujhe bataane ko.. To wo samajh gayi ke nahin ho paega.. Phir bhi main ne socha tha ke agle din subha ko main ata tujhe bataane.. Magar baarish ki vajah se nahin aaya."

Aaur kuch pucha ya kaha tha mere baare mein ussne tujhse George?

George: "hmmm pucha tha ke tera ghar kaisa hai hehehehe!"

Abhi ne muskuraate hue pucha,

"aur tum ne kia kaha?"

George: "main ne kaha raat ke 1 baja tha to thik se nahin dekha"

Abhi: "phir kia boli?"

George: "pucha ke concrete ka ghar hai ya tin aur ladki ka!"

Abhi: "Aur tum ne bola??"

George: "haan main ne bata diya ke concrete ka bada ghar hai aur main road par hai."

Abhi: "tab kia boli?"

George: "khush dikhi aur muskura diye, tab ussko usski maa ne bula liya."

Abhi heyraan aur pareshan hua ke aakhir kia baat hui hogi.

Phir kuch der baad George ne kaha,

"Abhi wo ladki tujhe bahot pyar karti hai, ussko dhoka mat dena, tu usske saath bahot khush rahega."

Abhi: "tujhe nahin pata kia hua hai George?"

Tab sunil ne George ko sab bataya jo 5th tariq ko Abhi ke saat hua...

George heyraan hua aur yaad karte hue kaha,

"Magar Ruhi ne to mujhse kaha tha ke usska chacha aur chachi against hai magar usske gharwale raazi hai.. aur haan sun Abhi, ek baar wo Reza Ruhi ko kuch bol raha tha to Ruhi ne ussko ghusse mein gali diya tha aur shut up kaha tha uss din."

Abhi: "chorro yaar ab yeh sab baatein mere kiss kaam ka sab khatam ho gaye hein.."

George ne aur yaad karte hue kaha,

"haan ek baar jab hum wapas arahe the to bus mein Ruhi ne mujhse kaha ke 'abhi bahot acha ladka hai, nek hai, honshiyaar aur bahot tez hai hai nah?' to main ne uss se kaha haan sach mein tez hai, intelligent hai, tumhare liye bahot sahi hai, tum donon ki jodi bahot achi rahegi"

Abhi: "tab kia boli?!"

George: "hanssi bahot khush thi aur thank you kaha."

Abhi: "George to kishton mein kyun bata raha hai sab bata nah aur kia kia kaha tha Ruhi ne tujhe?!"

George: "Buss yehi kuch aur yaad aega to bolunga nah!"

Abhi ko bahot Khushi hui, ussko yakeen tha ke usska pyar kabhi ghalat nahin ho sakta, Abhi ko pura yakeen tha pehle se hi ke Ruhi uss se bahot pyar karti hai... magar ab kia faeda...

To be continued..

 

[sexstories]

Update 44 The Diaries
​

January 5th se Abhi ne shave nahin kiya tha 20 din ho chuke the aur wahin kaam kar raha tha 10kms Ruhi ke ghar se door. Sabhi uss se kehte the shave karne ke liye, magar Abhi shave nahin kar raha tha. Dadhi badh gaya tha usska, look alag lag raha tha, thoda aur bhi tough look ho gaya tha usska uss daadhi se.

Ek Saturday ko Abhi Uss sheher mein gaya dekhne ke kahin Ruhi nah mil jaaye kyunke Saturdays ko wo jaati thi sewing course ke liye nah. Magar address bilkool pata nahin tha Abhi ko phir bhi uss jagah wait karta jahan se Ruhi ke ilakae se ane wala bus rukta passengers ko utaarne ke liye. Ruhi Karib 9 se 9.30 ko ghar se nikalti thi to 10 se 10.30 ko wahan reach hoti hogi aisa anumaan lagaya Abhi ne aur uss terminus par 9 baje chala gaya aur 12 baje tak wait kiya magar Ruhi nahin dikhi..

Phir aur do Saturdays ko gaya wait karne magar nahin mili Ruhi usse.

Abhi ne socha tha ke uss se milkar puchega ke kyun wo nahin chahti thi ke abhi 5th ko usske ghar aaye, aur puchta kia ab bhi uss se pyar karti hai ya nahin aur agar Ruhi haan kehti to Abhi ne soch liya tha ke Ruhi ko udhar se utha lejaega apne ghar aur uss se shaadi kar lega tab usske parents ko batayega.. Magar Ruhi mili hi nahin, shayad ussne wahan jaana bandh hi kar diya.

Phir bhi Abhi 4 mahine baad ek Saturday ko aur gaya tha dekhne ke kahin Ruhi dikh jaaye magar nahin dikhi aur usske baad Abhi kabhi bhi nahin gaya wahan ussko wait karne.

Aur weise hi ek din Mehboob mila Abhi ko ussi terminus par. Abhi khada tha ek pole se tek lagaaye jab Mehboob usske paas aakar usske kaandhe par chhua aur pucha,

"hello Abhi kaisa hai?!"

Abhi ko itna ghussa aya ke ussko gaali dene ka mann kiya, magar Abhi ne buss kaha ke thik hai; to Mehboob ne kaha,

"Tumne daadhi kyun badha rakha hai?!"

Abhi ne koyi jawaab nahin diya ek taraf dekhta raha to Mehboob wahan se nikal liye..

Abhi kissi se baat karne mein interested nahin tha, ghar par bhi kissi se baat nahin karta tha, 5th January se february mein kayi din nikal chuke the Abhi khamosh rehne laga tha. nah doston se milta, naa baahar jaata nah kissi se baat karta..

Ghar mein Naina affect ho rahi thi to ek din naina ne rote hue Abhi se pucha,

"main ne tera kuch bigara hai kia? Mujhse kyun baat tak nahin karta tu? Kitne din ho gaye jab tumne mujhse aakhri baar baat kiya tha yaad hai bhai?!"

Abhi usske gale lag kar rone laga...

Ab bhi dard baaki tha Abhi ke seene mein. Ab bhi Ruhi ki yaad sata raha tha usse. Ab bhi tadapta tha usski yaad mein magar kissi se kuch kehta nahin tha.

Apni ghar wale diary mein din ginta tha ke kitne din hue jabse apne diaries ko Ruhi ke ghar chorra tha, intezaar mein tha ke kissi se koyi khabar mile usske baare mein.. Aur uss taraf ke kaam ka aakhri din tha, to sunil se Abhi ne kaha,

"yaar mere liye ek kaam karega please?"

Sunil: "tere liye jana haazir hai Abhi bol tu!!"

Abhi: "ek kaam kar yaar, Ruhi se milkar puch kia ussne meri diaries padhe ya nahin? Magar nah usski maa, na usske bhai na kissi aur ke saamne puchna yeh baat.. Bus itna puchna, mujhe jawaab buss haan ya nah mein chahiye.. Aur ek koyi bhi nahin puchna!"

Sunil: "Magar Abhi aaj to last day hai yahan, to kab aur kaise tumko bataunga?"

Abhi: "tumko apna address likh kar deta hoon mujhe ek chithi daal dena yaar itna kar sakega kia?"

Sunil raazi hua aur Abhi ne ussko apna address likh kar de diya.

Udhar ka kaam khatam hua to ek hafte tak Abhi ghar par raha. Kahin koyi aur kaam nahin mila tha. Abhi ko ab saeed se nafrat ho gaya tha jab ussko pata chal gaya ke ussne kia kia kaha tha Ruhi ki maa se..

Wo usske saath kaam nahin karna chahta tha.

Abhi ab kuch bada sochne laga tha. Soch raha tha ke kaise uss sapne ko pura karen.. Wo uss bandh garage ko kholna chahta tha aur tamaam unn ex workers ko wapas garage mein kaam karne ko lana chahta tha..

Garage mein seal laga hua tha, sab liquidation par jaane wala tha tamaam machineries etc. matter court mein receivership mein tha. Abhi ne suna tha ke koyi dusre bade company wala sab kharidne wala tha. Usske liye karoron Rupay ki zaroorat chahiye the aur Abhi ke paas der lakh tha sirf.

Phir bhi Abhi ne search karte hue ek aadmi tak pahucha jo broker tha garage aur receivership walon ke beech ka. Usska naam tha Samioullah. Ghatiya kissam ka broker tha. Khud likhna padhna ata to tha nahin aur Abhi ko samjha raha tha.

Aakhir mein bahot saare kagzaat diya ussne Abhi ko dekhne aur padhne ke liye aur pata chala 1.5 crore rupay lagaya gaya tha receivership walon ke taraf se garage kharidne ke liye. Wo dekh kar Abhi hataash gaya aur wapas ghar chala gaya. Ussko laga ke yeh impossible hai usski buss ki baat nahin...

Sunil ka khat aya ke ussko Ruhi ne kuch nahin bataya. Koyi jawaab nahin diya diaries ke baare mein puchne par bhi.

Ruhi ka ghar, desh ke east mein tha. aur jiss jagah last time 1 mahine ke liye Abhi ne kaam kiya tha wo bhi east mein hi tha magar 10 kilometres baad mein. Aur ab ek kaam mila tha aur ek mahine ke liye saeed ke saath hi jo east mein tha magar iss baar Ruhi ke ghar se 10 kilometres pehle.

To wahan Abhi ne kaam shuru kiya aur Khushi ki baat yeh thi ke Sunil hi uss bus ki painting ke liye aya tha.

Aur ab baat chali Abhi ki di hui diaries ki. Yeh baat saeed ko bhi pata chal chuka tha. Saeed ne Abhi se kaha,

"Mehboob mujhse mila tha aur ghussa tha ke tumne usske ghar jaakar usski wife ko kuch diya tha Ruhi ko dene ke liye!!"

Abhi ko shock laga!

To be continued.. (4807 words from both updates)

 

[sexstories]

Update 45 State Of Mind Of Abhi & The Diaries
​

March ka mahina ab jaa chuka tha.

Abhi ke seene ab bhi dard baaki tha. Usske khayaalon mein ab bhi Ruhi bassi hui thi. Ab bhi wo uss aangan mein guzaare hue ek ek pal ko yaad karta tha.

Aaj, Abhi unn palon ko yaad kar raha tha jiss din ko Ruhi ne ussko lunch ke liye invite kiya tha jab usski maa usske nani ke ghar gayi thi. Abhi yaad kar raha tha kiss tarah Ruhi ke baalon se paani ke katre tapak rahe the, kiss tarah Abhi ne usske gardan ke piche apne naak laga kar ussko sungha tha aur Abhi ab bhi wo khusbhoo mehsoos kar sakta tha. Abhi yaad kar raha tha ke uss din ussne Ruhi ke kiss kiss ang ko chuua aur chuma tha, kahan kahan usska jism Ruhi ke jism se satta tha, raghda tha.. Ruhi ki baahein kiss tarah se Abhi ke kaandhe se hokar usske peeth par hua tha aur kiss taaqat se Ruhi ne Abhi ko jakra tha uss pal ko.. Abhi ko Ruhi ki jism ki khusbhoo bahot passand tha, wo usski khushbhoo ab bhi mehsoos karta tha, wo kissi aur mein nahin ho sakta, wo sirf Ruhi mein hi paaye jaa sakta tha...

Abhi ne diary mein likha;

"She is still fresh in my mind despite almost 3 months have elapsed. She is still present in my heart and head. I can't forget her, every day, every moment, every second she is here, around me. She is residing in my heart. She has made a home, a room for her deep inside my heart. I can still smell her fragrance."

Abhi ne socha ke ab tak usski mangni ho chuki hoti aur aaj wo cigarette nahin pee raha hota. Magar iss waqt sab ulta tha, pehle 10 se 15 cigarettes peeta tha aur ab 30 se 40 peeta hai jabse Ruhi se juda hua hai. Yeh tha natija pyar ka Abhi ne khud se kaha.

Unn dinon VHS tape par video dekhe jaate the. Aur har nayi film jo release hota tha usska ek copy pehle market mein mil jata tha. To uss roz Abhi ne video club se ek nai movie rent kiya aur ghar mein sabke saath milkar dekha movie ko magar film ke dauraan bahut roya kyunke uss mein hero heroine juda ho gaye the aur gaane bhi aise the judaayi ke, ke Abhi se saha nah gaya.

Abhi khud se naraaz hote hue kehta,

"sala kyun main mili uss se? kyun main ne ussko dekha pehli baar? Kyun main ne ek taraf nahin dekha? Kyun Mehboob ne uss bus ko uthaya tha jangal se? kyun saeed mujhse milne aya tha uss kaam ke liye? Kyun main wahan gaya? Mujhe jana hi nahin chahiye tha, nah Ruhi ko dekhta, nah yeh sab hota, aaj main araam se, ghumta firta.. Ab dekho haal aisa ho gaya hai ke ghar ke nah ghat ke. itna dukh, itna gham, jiya nahin jata. paagal ho jaunga main!! Kaise ussko apne zehen se nikalun? Kaise usske chehre ko bhulaun? Kaise unn dhai mahinon ko apne memory se delete karun?! Nah Mehboob ne bus laya hota, nah main wahan kaam karne jata, nah mujhe Ruhi se pyar hota, aur nah aaj main iss haal mein hota!! KYUN? KYUN RUHI MERI ZINDAGI MEIN AAYI? KYUN MERI LIFE KO BARBAAD KARNE AAYI MERI LIFE MEIN WO??!"

Abhi ko bilkool chain aur sukoon nahin tha. Soch raha tha ke 3 mahine beet chuke hein aur abhi tak usska wohi haal hai to ussko khud dar lagne laga tha ke kahin depression mein nah chala jaaye.

Abhi ne dusre ladkiyon ke taraf dekhna hi band kar diya tha ab. Jiss din se Ruhi ke aangan se nikla kissi dusre ladki ke taraf dekhta hi nahin tha.. wo sochta ke ab sare ladkiyan Ruhi jaisi hi hogi.. Khud mein himmat nahin, aur pyar karne chali.. Sab dhoke dene wale honge Abhi sochta. to wo dobara aise gham nahin jhelna chahta.. To door rehta.. Ek nafrat si ho gayi thi jawaan ladkiyon se ussko. wo sochne laga tha ke sab wohi karenge jo Ruhi ne kiya usske saath.. Magar kab tak? Kehte hein nah doobte ko tinke ka sahare ki zaroorat bhi padta hai.. To kia pata wo tinka ajaaye Abhi ki zindagi mein achaanak?

Abhi aksar yeh bhi sochta rehta ke Ruhi agar ek virgin nahin hai to Ruhi ko Abhi ke taraf aur bhi ziada jhukna chahiye tha, kyunke Abhi ussko phir bhi accept kar raha tha aur phir bhi ussko pyar karta tha. Ruhi ko Abhi ki ziada zaroorat hona chahiye tha, magar sab ulta kyun hua tha?

Abhi kabhi kabhi gehraayi se sochta ke kia hua hoga Ruhi ke saath? Kiss ke saath sex kiya hoga jo virgin nahin thi? Kyun Ruhi ne pehle pucha tha ke usski ghalatiyon ko Abhi maaf kar sakta hai? Kia kissi se pyar karti hogi aur uss shakhs ne Ruhi ko behla phussla kar sex kiya aur chorr gaya ussko kissi aur ke liye? Kia kissi shadi shuda aadmi se sex kiya hoga? Kia kissi ne usska rape kiya hoga? Abhi yeh sab sochte hue yeh bhi sochne laga ke kia koyi incestuous relation raha hoga? Kiss ke saath Manoj ke saath? Nahin aisa nahin ho sakta..wo Abhi ko dikh jata agar weisa hota hota to.. Yeh sab soch soch kar Abhi apna sar khapa raha tha...

Iss gaane ko suna Abhi ne aur kaha ke yeh Ruhi ko Abhi se kehna chahiye tha;

"Aap ki nazron be samjha pyar ki kaabil mujhe

Dil ki aye dhadkan sambhal ja mil gayi manzil mujhe.

Ji hamein Manzoor hai aap ka yeh faisla

Keh rahi hai har nazar banda parvar shukriya

Hanss ke apni zindagi mein kar liya shaamil mujhe

Aap ki nazron ne samjha pyar ki kaabil mujhe.."

Ruhi ko Abhi ka shukra guzaar hona chahiye the ke Abhi ne uss se pyar kiya, usski khaamiyan ke bawajud uss se pyar kiya. Magar Ruhi ne ussko thukraya tha... aisa kyun hua? Abhi yeh sab sochta tanhaayi mein, jab bhi akela hota to buss yehi sab sochta rehta. khud se kehta ke agar Ruhi aur wo ek nahin ho sake to iss mein loss Ruhi ki hui thi Abhi ki nahin, iss mein khone wali Ruhi thi Abhi nahin...

***************************************************************

Jab Saeed ne Abhi se kaha ke Mehboob naraz tha kyunke ussne kuch chorra tha usske wife ke paas to Abhi ne ziada jaanne ki koshish ki, magar Saeed ne kaha ke Mehboob khud Abhi se milne aega iss silsile mein kissi din, kyunke mehbob ko pata tha ke iss waqt weh log kahan kaam kar rahe hein..weise har bus owner ek dusre ko jaante pehchaante the uss ilaake mein.

Aur jab Sunil aya wahan kaam karne to Abhi ne uss baare mein baat kiya Sunil se. Ab sunil kyunke wahin ka rehne wala tha aur uss aangan mein sab ussko jaante the to wo kabhi bhi wahan jaata tha aur kissi ko koyi eitraz nahin tha iss liye Sunil ko Abhi ne bheja Rahima se milkar iss baare mein puchne ke liye ke kia Ruhi ne diaries padhi ya nahin.

Teen din baad Sunil ne Abhi ko yeh bataya:

Sunil: "Abhi main wahan jaa raha tha magar Reza ne mujhe jaane se mana kiya kyunke wahan par jiss din tumne diary chorra tha uss din Manoj ghar par tha aur ussne dekha tha tujhe ghar ke andar se... ussi din shaam ko Mehboob ko sab pata chal gaya tha aur tumhare diaries sab ab bhi Mehboob ke ghar par hai. Wo Ruhi ko mile hi nahin!!"

Abhi ko zabardast jhatla laga yeh sun kar. phir bhi ussne Sunil se kaha,

"Are bhai tumne uss Reza ki baat par yakeen kiya? Kyun? Tujhe khud jaakar Rahima se sach ka pata lagana chahiye tha yaar!! Kia yaar sunil?!"

Sunil: "magar Abhi wahan donon gharon mein bada tension hai iss wajah se. Mehboob ko Ruhi ki maa, Manoj aur Ruhi ke pita bura bhala keh rahe hein kyunke usski wajah se tu Ruhi se mila, aur uski wife tera help kar rahi hai Ruhi ko tere diaries dene ke liye to bada problem hua tha uss aangan mein iss baat ko lekar, to main ne socha ke ab agar main bhi gaya wahan to kahin weh log ab mujh par bhi kahin ungli nah uthaane lage yaar!!"

Abhi kuch der khamosh raha aur sunil ne ek baat bataayi Abhi ko.

Sunil: "kia tujhe pata hai ke Mehboob ki wife ussko chorr kar kissi aur ke saath bhag gayi thi jab Farzina 2 saal ki thi?!"

Abhi ko shock laga aur kaha ke ussko bilkool kuch bhi nahin pata tha iss baare mein!

Tab sunil ne ussko bataya ke Rahima kitni hot aur sexy aurat hai, kitni gori aur khub surat hai aur jab usska ghar ban raha tha concrete wala jo abhi hai uss macon ke sath chakar chalne laga tha Rahima ki, jitney dinon tak wo ghar bana tha utne dinon tak Rahima aur Uss macon ke bich sex hota raha aur ghar ban gaya to Rahima bhaag gayi thi usske saath.. Baad mein saare uss aangan ke mard gaye the uss macon ke yahan bahot ladaayi hui thi aur whan se Rahima ko wapas lekar aaya tha Mehboob... Ab soch tu bhi kuch weisa hi Ruhi se pyar karne laga aur Rahima black listed hai aise case mein aur ab wo tera help kar rahi hai to issue to hoga hi nah? Ruhi ki maa Rahima ko gali de rahi thi ke kia ussne Ruhi ko apni jaisi samajh rakha hai ke kissi ghair mard ke saath usski beti ko bhagaane ki koshish mein hai!!"

Abhi ko jhatka pe jhatka lag raha tha.. ab Abhi ne yaad kiya ke jab ek din wo Rahima se baat kar raha tha subha ko jab Rahima nighty mein thi aur sleeveless usski baazu dikhe the Ruhi ko usski kitchen se to kiss tarah se Ruhi Abhi se ruth gayi thi, aur Abhi samjha tha ke Ruhi jalan ki vajah se uss se ruthi thi. aur Abhi ko yaad aya ke uss roz khidki ke paas Ruhi ne Abhi se kaha tha ke wo uss Rahima se door rahe, wo achi aurat nahin hai... to ab Abhi sab samajh raha tha ke kyun Ruhi ne uss se weisa kaha tha uss din!!

Sunil khamosh ho gaya tab Abhi ne phir sunil ko wahan jaakar Rahima se puchne ko kaha, aur sunil ne kaha okay aaj shaam ko hi jaega aur kal Abhi ko pakka khabar dega.

Dusre din jab sunil kaam par mila to Abhi ne pucha kia hua, to sunil hanss raha tha. Ussko hansste dekh kar Abhi ka hausla badha aur jaldi bataane ko kaha tab sunil ne bataya;

"Yaar jiss din tumne diaries diya tha Rahima ko sach mein uss din Manoj ghar par hi tha Rahima ne mujhe bataya.. Kuch ghanton baad, manoj ke ghar se nikal jaane par, Ruhi khud gayi thi Rahima ke ghar uss se milne kyunke Ruhi ne bhi tujhko dekha tha ke tu aya tha wahan, to Ruhi puchne gayi thi ke tu kyun aya tha.. Ruhi ko pakka yakeen tha ke tu ussi ke liye aya hoga. Rahima ne mujhse kaha ke Ruhi tujhse bahot pyar karti hai magar apni maa aur bhai se darrti hai."

Abhi ne sunil ke baat ko katte hue kaha,

"Mujhe pata hai yaar wo mujhse behad pyar karti hai, magar tu yeh to bata diaries padha Ruhi ne ya nahin?!".

Sunil: "yaar Rahima ne mujhse kaha ke tujhko sorry kaha hai ussne, ussne apni best kiya aur Ruhi ko tere diaries de diya tha ussne, Ruhi bahot khush hui thi aur hanss rahi thi khushi se ke tumne usske liye kuch bheja hai... tumne shayad koyi gift bhi dala tha envelope mein Rahima ne kaha ke Ruhi ne uss wrapped gift ko envelope se usske saamne nikala aur apni dress ke jeb mein rakh liya, aur diaries ko envelope sameth apne seene se lagaa kar apne ghar chali gayi Rahima ko thank karte hue aur yeh bhi kehte hue ke kissi ko nahin batane ko ke Abhi ne usske liye kuch diya hai. Magar apne ghar mein jab Abhi tere diary padhne lagi - pata nahin kitna padhi thi ke usski maa ne usske haath se diaries ko chhina aur Manoj ko de diya.. Aur teri diaries ko Manoj ne padha, pura... tab Mehboob ko wapas karne gaya Rahima ko sunaate hue, tabhi sab mein ladaayi hui ke kyun Rahima intermediate ka kaam kakr rahi hai Ruhi aur tere beech.."

Abhi bilkool chup ho gaya sab sunkar, sar jhuka liya aur usske aankhen bhar aayr to Sunil ne kaha,

"Yaar Rahima ne kaha ke Ruhi tujhse behad pyar karti hai, ussne to mujhse kaha ke tujhe aakar ussko utha lena chahiye usske ghar se, jaise tu taxi mein aya tha, apne doston ko lekar ana, usski ghar mein ghuss ke Ruhi ko utha lejana! Pakka Ruhi jaegi tere saath"

Abhi sochne laga ke Ruhi ki maa kiss kissam ki aurat hai, jab Abhi wahan kaam karta tha tab Ruhi ke sath rehne deti thi aur jo bhi Abhi Ruhi ko deta to lene deti thi aur ab diaries chhin liya Ruhi se, kia diary mein bomb tha jo phat jata? kyun chhina ussne diary ko Ruhi se? kyun nahin padhne diya usse?!

Sunil ne kaha,

"Aur ab diaries Mehboob ke ghar hai aur wo kissi din Saeed ko dega aur saeed tujhko wapas karega..."

Abhi ne socha ke chalo itna to akkal hai unn logon mein ke diaries ko aag nahin lagaya unn logon ne aur diaries Abhi ko sahi salaamat wapas mil jaega...

To be continued... (2332 Words)

 

[sexstories]

Update 46 Abhi Got back The Diaries & He Does Things
​

Kayi dinon se Sunil, Tony aur baaki ke log Abhi se apne daadhi shave karne ko kehte rahe the, sab uss se kehte ke wo clean shaven kitna handsome dikhta hai aur wo daadhi uss par bilkool suit nahin karta dangerous look banta tha usske uss daadhi se.. magar Abhi ne shave nahin kiya 6 mahine ho chuke the.

Dusre din Saeed ko jana tha Mehboob se milne kissi kaam se to Abhi ne ussko kaha ke usska parcel lekar ajaye Mehboob se. Saeed ne kaha thik hai aur chala gaya.

Saeed ke jaane ke baad Sunil ne Abhi se pucha,

"kia tu ekaat doston ke saath Ruhi ko utha nahin sakta sach mein jaise Rahima ne kaha?"

Abhi ne muskuraate hue jawaab diya,

"Sunil bhai, mujhe kissi ki bhi zaroorat nahin Ruhi ko uthaane ke liye, ek to bahot halki hai wo kayi baar utha chuka hoon ussko.. Aur mujhe koyi nahin chahiye agar ussko usske ghar se uthana pade to. Main akele kaafi hoon ussko utha ke ek taxi mein bithane ke liye.. Din mein agar kabhi wahan jaun to wo aur usski ma akeli rehti hai ghar mein, agar koyi mard hoga bhi to uss ghar ka koyi mard mere mukable khada nahin ho sakta, koyi mujhko rok hi nahin paega, mera ek laat ya ek mukka kafi hoga unn teenon ko niche leytaane ke liye... Magar bhai main weisa karna nahin chahta, main chahta hoon ke Ruhi khud mere paas aaye.. Main chahta hoon Ruhi mujhe wo taaqat dikhaaye, wo mujhko prove kare ke wo mujhko pyar karti hai aur uss mein wo himmat hai mere paas aane ke liye..."

Sunil: "Bhai Ruhi mein wo taaqat nahin hai, wo kamseen hai, wo aisa nahin kar paegi"

Abhi: "pata hai bhai.. Jiss din main Rahima ko diaries dene gaya tha, ussi din, main Ruhi ko usske maa aur baap ke saamne Ruhi ke ghar mein ghuss kar apne saath leja sakta tha.. aur bhai ek baat bataun? Rahima ne aisa kyun kaha bata?"

Sunil: "kyun? Kyun kaha?!"

Abhi: "Bhai tumne bataya ke wo bhaag gayi thi Mehboob ko chorr kar nah? To Ruhi ke family ke saamne Rahima ki naak kat gayi thi uss waqt thik hai, ab Rahima chahti hai ke Ruhi ki maa aur usski family ke naak katte iss liye wo chahti hai ke main weisa karun.. Unnki aapas ki ranjishein hai bhai main usske liye to yeh sab nahin karne wala..."

Sunil:"are haan yaar main ne aisa nahin socha tha, tu sahi keh raha hai.."

Sunil ne yeh bhi kaha tab,

"Aur haan kal batana bhool gaya tha tujhe ke Rahima ne yeh bhi kaha tha ke Ruhi ke dada ji ne kaha tha ke kyun itne dinon tak Ruhi aur Abhi ko ek dusre se ghulne milne diya gaya tha, kyun donon ko chhup chhup kar milne deti thi usski maa, aur ab kyun inkaar kar rahi hai, donon ke shaadi kar deni chahiye.."

Abhi: "mujhe pata hai ussko koyi eitraz nahin tha, jiss din mujhe Manoj ne ghar se nikalne ko kaha tha ussi din budhe ne meri shadi Ruhi se karwane ke liye kaha tha, main ne suna tha jab main nikal raha tha wahan se.."

Sunil: "Yaar Ruhi ki maa ko tera kaam passand nahin aur wo samajhti hai yeh kaam permanent nahin hai aur aise kaam se tu ek pura jiwan nahin bita paega, biwi bache nahin paal paega, ussko bade post wale damaad chahiye shayad, ussko paise wala damaad chahiye Ruhi ke liye, main to yehi samjha, Rahima ne bhi yehi kaha tha, aur sach mein Ruhi ki maa aisi hi hai, laalchi hai paison ki aur Ruhi ko bi shaayad weisa hi bana rahi hai ussko bade bade sapne dikhati hogi, ussko amir aadmi se shaadi karne ko kehti hai Rahima ne bataya tha.. Aur mere saath bhi to wohi kiya tha nah unn logon ne bhai!!"

Abhi thodi der soch mein dooba raha phir Sunil se kaha,

"Main kuch aisa karke dikhaunga ke Ruhi ki maa aur Ruhi pachtaegi ek din, tu dekh lena, tu bhi dekhega Sunil.. Main kuch banke dikhaunga unn logon ko!"

Sunil:"kia karega tu Abhi?"

Abhi: "Waqt aane par dekh lena Sunil, abhi kuch nahin bata sakta main tujhe.."

***********************************************************************

Koyi ek ghante baad Saeed aya to dhapadaate hue Abhi gaya usske paas apne diaries lene magar saeed ne kaha,

"Nahin diya Mehboob ne mujhe. Ussne kaha wo khud tumko lautaane aega kyunke uskso tujh se kuch baatein kehni hai. wo ekaat din mein aega idhar tujhse milne tab dega tujhko tere diaries!"

Aur kuch der baad Saeed ne bhi Abhi se baat kiya aur kaha ke Ruhi ki maa ek buri aurat hai ussko bilkool trust nahin kiya jaa sakta. Yeh saeed ne iss liye kaha kyunke jab wo Mehboob se milne gaya tha to Ruhi ki maa ne uss se kuch baat kiye the ke Saeed ko kehna para ke wo bharose karne layak aurat nahin hai.

To Abhi ne pucha kia ussne Ruhi ko bhi dekha wahan.

Saeed ne kaha haan wo bhi apni maa ke saath hi thi.

Aur usske pita ke baare mein pucha to sunil ne kaha ke wo January mein hi wapas S.Arabia chala gaya.

Tab Abhi ne kaha,

"Sala sab ne kaha tha kitna achcha insaan hai; madarchod jhuta hai mujhse kaha tha ke apni beti ko saath lekar jayega!"

Aur Sunil ne phir se kaha,

"Abhi ab jaa shave karle ab, kyun usske liye daadhi chorra hai tumne? Devdaas jaisa look bana rakha hai, jab usske gharwale sab khilaaf hai to bhool ja usse aur kal main tumko clean shaven dekhna chahta hoon!"

******************************************************************************

Aur kuch dinon baad, uss jagah par kaam ka last din tha, aur Mehboob ka bus ruka jahan Abhi aur team kaam kar rahe the. Abhi kissi kaam mein busy tha ussne nahin dekha, to tony ne kaha,

"hey Abhi dekh Mehboob ki bus.."

Mehbob driving wheel pr baitha raha aur Reza bus se utar ka aya Abhi ko bulaane. Jab Abhi gaya bus ke paas... pehle to Abhi bus ko chaaron taraf dekhne laga, uss bus mein Ruhi ki bahot saare yaadein jude hue the Abhi ke liye.. Abhi ka dil zoron se dhadka, uss bus ko dekh kar.. Abhi buss ke andar ghussa, Mehbob uss se baat karta raha magar Abhi bus ke andar uss hisse mein gaya jahan se wo Ruhi ko apne khidki ya washing stone ke paas dekha karta tha aur udhar se Ruhi ussko jeeb se chidhata tha... bus ke uss hisse mein Abhi ko ek sukoon sa haasil hua, aur baahar dekha to aisa mehsoos hua ke baahar Ruhi dikhegi ussko.. Magar koyi nahin tha... tab Abhi ne khud se kaha, 'sab kuch badal gaya hai, ab yeh bus wo nahin raha, sab badal gaye hein, mujhe bhi badal jaana chahiye ab..'

Mehboob se mila usske baad aur Mehboob ne ussko wo grey envelope dete hue kaha,

"Abhi tu yeh mere ghar chorr aya tha, tumhare amaanat wapas kar raha hoon tujhe."

Abhi ne bina Mehboob ke chehre mein dekhe hue pucha,

"Ruhi ne padha isse? Ye Ruhi ke liye tha!"

Mehboob ne kaha,

"Abhi agar tujhko Ruhi ko kuch dena hai to tum usske ghar jao, ussko do? Mere ghar kyun gaye aur meri wife ko kyun diya tumne? Tujhe pata hai isske liye donon families mein kitne problems hue Abhi? Bachon jaisa kaam mat kiya karo Abhi, yeh bilkool sahi nahin hai. Aayinda agar kuch udhar dena ho to jao main tumko wahan jaane se mana nahin kar raha, jab chaho jao, Ruhi se milo. Ye wo jaane aur usske parents mujhe koyi lena dena nahin hai, magar usski chizon ko mere ghar par mat chorrna phir kabhi. iss baar lauta raha hoon agli baar jala ke raakh kar dunga..!"

Abhi ne kaha,

"Bolna mujhe bhi ata hai Mehboob, agar bolna shuru kiya to tere paas bolne ke liye kuch nahin bachega, start karega aur accelator dabayega..."

Mehboob: "Are wah ek to chori upar se seena zori! Abhi tu agar chahe to mere ghar bhi aa sakta hai, mere ghar tu aaye to mujhse milne, rahima se milne ya Farzinah se milne to thik hai, ek lagao ho gayi hai main samajhta hoon, Farzina aur Rahima donon tumko passand karte hein okay thik hai unn se milo mujhe koyi aapatti nahin, magar Ruhi ki koyi bhi chiz unn logon ke paas nahin chorrne ka.. Umeed hai ke tum samajh gaye.."

Abhi: "nahin baat khatam ab kabhi bhi kuch bhi nahin chorrna kissi ke paas, aur uss aagan mein jana hi nahin kabhi mujhe ab jaa tu befikar reh nahin aunga ab kabhi bhi udhar, jaa, chorr diya uss gali ko main ne hamesha ke liye!"

Mehboob chala gaya... Abhi envelope lekar andar gaya jiss bus mein kaam kar raha tha uss mein, jaldi se envelope se diaries nikala, do diaries the 200 pages ke, matlab 400 pages ka likha hua tha Abhi ne.. Abhi jaldi jaldi pannon ko ulath pulath karke dhundne laga kahin Ruhi ne kuch likha hoga. magar kuch nahin dikha... aur HAAN ABHI KHUSH HUA KE RUHI NE PERFUME RAKH LIYE THE.. SIRF RAHIMA KO PATA THA KE EK GIFT THA JO RUHI NE APNE JEB MEIN RAKHA THA.. KISSI KO USSKE BAARE MEIN NAHIN PATA THA, MATLAB RUHI NE ABHI KA DIYA HUA PERFUME APNE PAAS HI RAKHA..!

Abhi bahut kush hua kyunke Ruhi ne usski di hui ek tohfa to apne paas rakha! Wo "Soir De Paris" "Bourgeois" wala bahot mehnga perfume.. Abhi pir khayaalon mein kho gaya sochte hue jiss din ko Ruhi ne pucha tha uss se ke kia perfume use karte ho aap kitni achi smell arahi hai... tabhi Abhi ne ussko kaha tha ke ek din wo usske liye wo perfume kharidega.. Aur wo kharid liya Abhi ne aur de bhi diya Ruhi ko... Abhi yeh bhi sochne laga ke jiss waqt Ruhi ne wo perfume liya hoga, sungha hoga to uss se Ruhi ko Abhi ki yaad zaroor aayi hogi. usskko yaad aya hoga kiss din ko Abhi ne uss se kaha tha ke wo usske liye wo perfume kharidega... matlab udhar Ruhi bhi Abhi ko ab, tab tak sochegi jab tak uss perfume ko use karegi... Abhi iss baat se bahot khush tha.

Uss din ghar wapas jaane ke baad Abhi ne phir se diaries ke har ek panne ko ghuma kar dhunda ke kahin Ruhi ne kuch likha to nahin hoga. magar ussko kuch nahin mila.. Aur Abhi ne apni daily diary mein ab likha kiss date ko usko Ruhi ko di hui diaries wapas mili..

**********************************************************************

Kuch din baad Abhi phir gaya milne Samioullah broker se. aur uss se ussne bade board of director ka pata liya aur uss se milne gaya... Abhi apne saath tamaam unn buss ki photos legaya dikhaane ke liye.

Director se mila aur samjhaya ke wo us company ko reopen karwana chahta hai, ussko experience hai aur wo company ko chala paega.

Director ne itna jawaan ladke ko itna door ki sochne ke liye badhaiyan diye aur kaha ke kum se kum half crore hona chahiye usske paas start karne ke liye, ussko aadha crore deposit karna hoga tab wo usske haq mein baat karega executive members se.

Abhi ne samjhaya ke usske paas utna paisa nahin hai aur director se hi kaha ussko raasta dikhaane ke liye ke ussko kia karna chahiye aur kaise ussko half core mil sakta hai.

Director ne kaha ke bank se loan lena padega, bank ussko half crore de dega jissko wo 15 saal ke andar repay karega kiston mein.

Abhi ne director se saare raaste puche ke kia kia karna padega kahan kahaan haat laat maarna hoga uss sapne ko pura karne ke liye.

Director Abhi ke madad karne ke liye tayyaar tha iss liye ke wo Director young entrepreneurs ko promote karta tha, to ek well established business man ko uss company ko chalaane ke bajae Director Abhi ko promote karna ziada passand karta kyunke Abhi naya tha, naya josh, naya khoon aur aage badhne ki chaah dekha tha Director ne Abhi mein..

Last wala raasta tha ke apne baap ki zammen ko bank mein mortgage karna padega tab half crore bank dega company ko start karne ke liye..

Ab Abhi wahan se ghar gaya... ussko pata nahin tha ke usska baap samjhega bhi aur zameen ko mortgage karne ke liye tayyaar hoga bhi ya nahin...

Apne baap se baat karne se pehle Abhi ne Naina se kaha,

"Naina tu chahti hai ke main Ruhi ko bhool jaun?"

Naina: "bilkool wohi chahti hoon bhai, kia karna usska, goli maaro nah bhai!"

Abhi: "aur tu chahti hai ke main shave karun?!"

Naina khush hote hue, Abhi ke chehre mein hansste hue dekhte hue kaha,

"chhee bilkool acha nahin lagta yeh daadhi tum par bhai, shave kakro nah, 5th Januray ke baad shave nahin kiye ho!"

Aur Abhi gaya aine ke saamne, shaving foam lagaya aur shave karne ke baad Naina ke saamne aya...

Naina Khushi se jhoom uthi aur zor se thumke lagaate hue kaha,

"Mera bhai thik ho gaya ab lag raha hai mera bhai, normal pehle ki tarah... woohoo!!!

Kia abhi ne sach mein Ruhi ko dil se nikaal diya? Ya sirf apne ghawalon ke liye, doston ke liye normal dikhne ke liye aisa kar raha tha? kia sach mein wo apne dil se Ruhi ko mita paega? Yeh waqt bataega ek din.

To be continued.. (2305 words)

 

[sexstories]

Update 47 The New Penfriend - Navina
​

Abhi ne pichle 2 Mahinon se kissi bhi penfriends ko reply nahin kiya tha. sabke 2 ya teen repeat letter aa chuke the. To ek subha ko Abhi ne sabko reply karne ko socha aur baith kar sabko sorry kaha aur replies likh kar post kiya.

Abhi har roz ek newspaper kharidta tha bina miss kiye. Aur uss din jab post office se sabke letters post karke wapas ghar aya to papers padh raha tha ke penfriends corner mein kuch nayi ladkiyon ke naam dekha, unn mein do local ladkiyon ko likha Abhi ne. unn mein se ek east ki rehne wali thi, Ruhi ke ghar se 10 kilometres door. Ladki ka naam tha Namita aur ek ka Naam tha Nausheen jo desh ki north se thi. Donon ko ek ek introduction wala letter post kiya Abhi ne. Of course, wo sirf English mein khat likhta tha.

Normally within a week replies aa jaate the hamesha aur Nausheen ke taraf se reply agaya tha 4 din baad magar Namita ke taraf se koyi jawaab nahin aya.

Teen hafte guzar gaye aur Nausheen aur Abhi ki dosti ho gayi, 3 hafton mein 10 se ziada letters aa chuke the Abhi ke paas Nausheen ke taraf se. Magar Namita ka koyi reply nahin aya to Abhi samajh gaya ke Namita ko bahot saare ladkon ke khat aaye honge iss liye ussko apne passand ki saathi mil gayi hogi, to ussne Namita ko ignore kiya.

Magar 2 din baad Abhi ko ek khat mila jissko kissi Navina ne likha tha. Abhi ko heyraani hui ke yeh kaun hai, issko to nahin likha tha main ne...

English mein likha gaya tha khat, khubsurat handwriting thi, aur uss mein likha tha ke wo Namita ki behen hai, Namita ko bahot saare khat aaye hein iss liye wo Abhi se dosti karna chahti hai. Abhi ne ussko reply kiya.

2 din baad usski reply agayi. Abhi ne phir reply kiya phir 2 din baad usski reply agayi... jabse Abhi penfriendship karta tha yeh pehli baar aisa hua tha ke do din ke baad koyi ussko reply post kar deti thi..

Abhi ne uss se aur jaankaari jaana chaha ke kaise ussne Namita ki jagah ussko reply kiya aur kia Namita naraaz nahin hui? To Navina ne reply mein yah kaha,

"In fact, we quarrelled over your letter. That is why you got a response after several weeks. Namita is my little sister, I am a year older than her. She had got over 60 letters. We used to share reading and we make fun of the way of writing of the boys. Some do not even know how to write a letter, they write nonsense. So, we were rejecting most of them, the letters were going in the dustbin which Namita would never reply to, and those she liked were kept. And your letter came in my hand, I read it, was impressed by your language and beauty of writing and expressing yourself. When we finished with all, I told her I will reply to this one. She objected and wanted to read your letter, but I refused to give it to her, but she got furious and snatched your letter from me. She read your letter and told me,

"You keep the best for you and all garbages comes to me, why you did not show me this one? He has written to me not to you, so I will reply him!"

Then I turned my face with her and we went to sleep. I so much wanted to correspond with you, that I wished you were my penfriend. I thought the next day she had replied you, I did not know she had not replied. After a week I found your letter on my table. I asked her why that letter was on my table and she told me,

"tum ussko likhne wali thi nah to likho!"

I told her no I will not, keep her penfriends for herself. So, three weeks neither she replied you nor I and finally I decided to write to you. This is how we are now penfriends... I use to share the reading of your letters with her and she jealously says,

"kitna achcha likhta hai yeh, isski English kitni achchi hai, kitna acha express karta hai, yeh aaj mera penfriend hota nah!"

And I thought she will take back your letters at that moment.. But she did not so we remain friends. Abhi I love your way of writing, your English is so good and you write beautifully that I wish I could read from you every day."

Abhi ne jab yeh sab padha Navina ke khat mein to agle din ussko express delivery send kiya jo ussi din Navina ko mili aur Navina ne bhi Abhi ko express delivery send kiya jo dusre din Abhi ko mila aur yeh sislsila jaari raha donon ke beech. Ek dusre ko har roz donon letters likhte, aur express post karte, matlab har roz bina miss kiye donon ko ek dusre ke taraf se khat milte... ek dusre ko har roz khat ka intezaar rehta... sirf Weekends mein khat nahin aate the Monday se Friday tak har roz ek letter milte donon ko...

Aur dhire dhire 2/3 pages ke badle 10 se 15 pages ke letter aane jaane lage ek dusre ko. aur iss tarah Abhi ne Ruhi ke baare mein bata diya Navina ko aur apne diaries ki baat kiye letter mein Abhi ne Navina se. to Navina ne unn diaries ko padhne ki khwahish ki..

Donon ne ek dusre ko apne photos bhi send kiye.. To Abhi ne Navina se milne ki farmaayish kiya, Navina ne agree kiya aur donon pehli baar mile ussi sheher mein jahan Ruhi ki chachi ki super market tha.

Aur milne ke baad Abhi ne Navina ko wo diaries diye jo ussne Ruhi ko diya tha..

Navina Ruhi se bhi chhoti thi kad mein aur Ruhi jitna khubsurat nahin thi. Magar Navina ki khubsurti usske dil ke andar thi aur usski dimaagh ke andar thi.. Navina ek graduated teacher thi, English padhaati thi college mein. Aur issi liye jab Navina Abhi ke letter padhti thi to ek bhi English mistake nahin dikhta tha ussko is vajah se Navina impress hui thi Abhi ke letter writing se.

Jiss din donon pehli baar mile the to sirf 45 mins ek saath the, ek café mein gaye, baithe, thodi der baat kiye, Abhi ne ussko diaries diye aur donon wapas apne apne ghar chale gaye ek dusre ko weise hi express letter send karne ki promise karte hue.

Navina ne jab Abhi ke donon diaries padhe to wo bahot royi. Der ghante mein sab kuch padh liya Navina ne. Abhi ke diaries padhne ke baad Navina samajh gayi ke Abhi ek true lover hai aur Navina ko aisa hi koyi pyar karne wala chahiye tha.. Navina ko Abhi se pyar ho gaya. Navina ne Abhi ko turant likha aur keh diya ke complete diaries padh liya ussne aur bahot royi, aur apni opinion likha Abhi ko ussne... magar nahin kaha ke ussko Abhi se pyar ho gaya. to agle hafte phir se milne ka plan banaya donon ne kyuke Navina ko Abhi ke diaries wapas karne the.. To donon agle weekend ko phir mile ussi sheher mein. Ussi café mein.

Navina bahot achchi thi, had se ziada achchi. Nek, narm dil, pyar aur araam se baat karne wali, aur uss mein khaas baat yeh thi ke wo bahot dhyaan se sunti thi. Shaayd teacher thi iss liye ussko sunna aata tha. bahot caring thi aur loving bhi. Abhi ussko dost manta tha, magar kyunke Ruhi ki dairies ko Navina ne full padh liya tha to Navina ko Abhi ke baare mein sab kuch pata chal chuka tha ke wo kaisa hai, kitna emotional hai, kitna ghussa hai, etc.. Abhi ki character, personality sab ka pata chal gaya tha Navina ko.. Abhi ne apni diary mein ek jagah last pages mein Ruhi se alag hone aur diary wapas milne ke baad, jab Abhi ne shave kar liya tha tab yeh likha tha diary mein:

Tu hai harjaayi to apna bhi yehi taur sahi

Tu nahin aur sahi, aur nahin, aur sahi

Badi lambi hai zameen

Milenge laakh haseen

Iss zamaane mein sanam

Tu akela hi nahin

Yahan par Navina ne niche likha tha"YOU ARE RIGHT ABHI"

Ye ghar wapas ghar jaane ke baad Abhi ne dekha tha, kyunke Navina ne ek khat haath mein diya tha Abhi ko jiss din donon mile the, post karne ke bajae kyunke weekend tha to ek dusre ko haath mein khat diye the donon ne aur uss khat mein Navina ne likh diya tha ke kiss kiss page par ussne apne comment likhe hue hein, iss tarah se Abhi ki dairy mein kayi jagahon par Navina ke handwriting paaye gaye... Navina ke baad Abhi ne kabhi bhi life mein kissi aur ko wo diaries nahin diye... kyunke Navina Abhi ki wife ban gayi 2 saal baad. Magar Abhi ki wife banne se pehle 2 saalon mein bahot kuch hua. Wo agle update mein pata chalega.

To be continued..

 

[sexstories]

Update 48 Abhi Trying To Get The land Mortgaged
​

Jab Abhi ne apne pita se zameen ko mortgage karne wali baat kiya to usske pita ne saaf inkaar kiya, ussne kaha,

"Mera zameen sirf mera nahin hai beta, yeh tum sab bhai behnon ke hein iss mein sab ka hisssa hai tera bhi hissa hai main ne agar issko girwin rakh diya aur tu udhaar chuka nahin paaya to tere bhai behnon ka kia hoga? Bank wale zameen hadap lenge aur kissi ko kuch nahin milega. Main tere liye apne dusre bachon ka haq to nahin maar sakta nah?"

Abhi ne behez nahin kiya kyunke ussko sahi mein laga ke kahin kuch ulta ho gaya to wo apne chhote bhai aur do behnon ko kia de paayega.. To ussne baap ki zammen wale idea ko drop kiya magar phir bhi bank gaya kuch papers ko Director se lekar uss garage ko reopen karwane ke silsile mein..

Bank ke manager se ghanton bhar baat kiya, saare apne bus banaaye hue pics dikhaya.. Manager impress hua magar surety ke taur par zameen ya kissi bhi property ka hona zaroori tha ussne kaha Abhi se.

Abhi ne manager se kaha ke garage ko hi mortgage kar liya jaaye, usske tamaan machineries, usski zameen, aur building sab..magar manager ne kaha wo to already mortgaged hai nah ussi ko churrwaane ke liye dusri mortgage ki zaroorat hai. Varna Abhi ko loan nahin diya jaa sakta.. Abhi ne manager se pucha kitna zameen chahiye uss value ki mortage ke liye. to manager ne kaha kum se kum aadha acre to hona chahiye.

Abhi udaas lauta bank se aur usske samajh mein nahin araha tha ke kia karen kaise karen... aakhir mein socha ke idea ko drop karen aur apne ghar ke saamne apne khud ka chota sa garage khole aur coach building shuru kare apne khud ka.. Magar usske liye bhi paise chahiye the, aur saare machines kharidne ke liye bhi to paise chahiye, aur socha ke puraane garage ke machineries kharid paayega shaayad kyunke wo sab liquidation par to the hi... Abhi raat bhar uss ke baare mein sochta raha.

Aur Navina ko khat likhte waqt inn sab ke baare mein bataya ke wo pareshaan hai kyunke ussko nahin samajh mein araha ke kaise ussko bank se loan mil sakta hai ab..

Abhi Navina se kuch bhi nahin chupata tha, jo bhi apne diary mein likhta sab kuch Navina ko bata deta tha..

Navina ka jawaab aaya dusre din to Abhi dang reh gaya usske khat padh kar!!! Usske aankh bhar aaye aur wo ro pada Navina ke khat padh kar.. Kayi mahinon baad aaj Abhi roya tha.. aaj ke aansoo Ruhi ke liye nahin tha, ek dost ke liye tha, ek aisa dost jo ajnabee thi, koyi Rishta nahin tha usske saath magar Abhi ke madad ke liye tayyaar khadi thi kissi bhi haal mein.

Navina ne likha tha,

"My father has already given me my share of land and it is on my name, I have a little bit more than half an acre of land, if you want I can come to the bank with you to get it mortgaged so that you get the required amount to restart that garage you once worked at!"

Aisa kaun karta hai? Apne bhi nahin karte, aur wo ajnabee thi, sirf khaton ke zarye pehchaan thi uss se. Ussne apne zameen ko girwin rakhne ke liye kaha Abhi se!

Abhi ne inkaar kiya, khat ke jawaab dete hue.

Navina ne reply mein insist kiya ke Abhi ko accept karna chahiye usski help, aur Navina ne Abhi se phir milne ke liye kaha urgently.

Donon phir mile ussi jagah, baat kiye, discuss kiye, Navina apne land ke kaagazaat lekar aayi thi aur Abhi ko dikhaya ke sab legal hein aur usske naam par hai. Abhi usske ehsaanon ke tale dabba rehna nahin passand kar raha tha tab Naina ko kehna pada ke wo Abhi se pyar karti hai shuru se hi aur uss pyar ke liye wo kuch bhi kar sakti hai... Abhi ko Navina se pyar nahin tha. Magar Abhi ko pata tha pyar ke badle pyar nahin paane se kia beetta hai kyunke wo guzar chuka tha uss gali se.. to ussne Navina ko kuch nahin kaha phir bhi Navina ne khud kaha,

"Main aap se kuch nahin maang rahi hoon apne pyar ke badle. main aap se nahin keh rahi hoon ke aap bhi mujhse pyar karo Abhi. mujhe pata hai aap Ruhi se pyar karte ho, main sirf apni baat kar rahi hoon ke mujhko aap se pyar ho gaya to kia karun? Jaan bujh kar to nahin kiya buss ho gaya. aap ke ek khat ke bina nahin reh sakti, aap ek din mujhe nahin post karo to main bimaar hone lagti hoon, aap ki khabar nahin mile to bechain rehti hoon, mere dil o dimaagh mein sirf aap basse rehte ho, raat din aap ko aur aap ke baare mein sochti hoon.. Yeh pyar nahin to kia hai?!"

Abhi ko shak tha, magar yakeen nahin tha ke Navina uss se pyar karne lagi hai.. Yeh tabhi ho gaya tha jab Navina ne Abhi ki diaries ko padha tha... jiss tarah se Navina Abhi ko khat likhti hai unn khaton se Abhi ko shak aur darr bhi tha aur aaj Navina ne keh bhi diya.. Aur Abhi nahin chahta tha ke Navina ko wo takliff mile jo Abhi ko mila tha Ruhi se... To Abhi ne Navina ke pyar ko accept kiya aur donon ke jald mangni ho gaye... 1987 mein hi..

Mangni ke baad bhi donon ek dusre ko likhte rahe, phir phone lag gaye ghar mein aur ek dusre se raat raat bhar phone par baat karte donon...

Do saal tak courting chala donon ka aur 1989 mein 10th December ko donon ne shaadi kiye...

Magar shaadi se bahot pehle, mangni ke baad hi bank se loan mil gaya Abhi ko, Navina ne apne land mortgage karwa diye, aur garage reopen kar diya Abhi ne aur kaam chaalu ho gaya tha garage mein 75% puraane workers wapas agaye the aur bus owners apne busson ko laane lage the garage mein repair ya naya banaane ke liye. kaam mast chalne laga tha aur in do saalon mein Abhi ne Ruhi ko bilkool hi bhula diya tha... bhula diya tha iss tarah ke kaam aur Navina ke beech Abhi ka pura time nikal jaata tha.. har weekend mein navina ke ghar guzaarta. Saturday shaam jo jata raat bhar Rehta aur Sunday shaam ko ghar wapas ata, phir Monday ko garage chala jata din bhar kaam karta shaam ko ghar ata naha dho kar Navina ko likhta, ya phone par baat karta... ek minute time nahin tha usske paas kissi aur chiz ke baare mein sochne ke liye..

Kissi din to Navina garage chali aati Abhi se milne jab wo kaam kar raha hota tha sham ko. College to 3 baje end hoti to Navina ghar nahin jaati Abhi ke paas chali aati...

Weekends mein kabhi donon baahar milte, door ghumne jaate ishk farmaate, jangalon, natural places mein jaate jahan koyi kabhi nahin jaate weise jagahon mein ishk farmaate donon... pure do daal tak aisa chala donon ke bich..

Navina ke pyar mein Abhi giraftaar ho gaya tha at last aur dhire dhire Navina ke saath rehte hue Abhi ko aakhirkaar uss se pyar ho hi gaya... kissi ke saath rehte hue, pyar ho hi jata hai, ussko rokna naamumkin hota hai khaas kar agar insaan best ho to.. Navina ek nagina thi, ek angel thi jo aasmaan ne diya tha Abhi ko gift ke taur par.. shaayad aasman ko taras agaya tha Abhi par, usske tute hue dil ko jodne ke liye aasmaan ne Navina ko Abhi ke jholi mein daal diya tha.

Donon khush the, Khushi se jiwan bassar kar rahe the. Navina bahot pyar nichaawar karti thi Abhi par... Navina ne part time course bhi kiye shaadi ke baad.. Abhi chahta tha ke wo aur aage badhe, to 5 saal part time course karne ke baad Navina ne PGCE ki degree haasil kiye aur teacher ki Naukri barkaraar rakha aur part time lecturer bhi ban gayi university mein. Navina shuru se Abhi se bahot ziada academically qualified thi. Aur Abhi chahta tha ke Navina aur ziada qualified ho.

Utna highly qualified hone ke bawajud Navina ghar mein apne haath se pakati thi aur saare ghar ke kaam khud karti thi, ussko naukrani rakhna passand nahin tha. Ek din bhi aisa nahin hua tha ke donon kabhi baahar kissi restaurant mein khaane ke liye gaye... hamesha ghar ke khana khaate the donon..

Din bhar Naukri karti Navina, ghar par bahot saare students ke copy books laati correct karne ke liye phir bhi ghar ke saare kaam karti thi. Aur Abhi ka khayal bhi rakhti. Abhi ko ek bhi shikaayat ka mauka nahin mila kabhi Navina se. Perfect wife thi wo. Laakhon nahin karoron mein ek. Kaise aise insaan se koyi pyar nah karta?

Aur rahi baat Abhi ki to, wo koyi bade boss ki tarah nahin rehta garage mein.. Wo khud kapde badal kar gande kapdon mein subha 7 se shaam 4 baje tak tamaan workers ke saath khud kaam karta. Koyi bhi garage mein ata aur Abhi ko dekhta mazdooron ke bich to samajhta ke wo bhi ek worker hai. jab pata chalta ke wo maalik hai garage ka to sabko shock lagta..

350 log kaam karte the uss garage mein, per day 10 buson mein kaam hote the.. Kabhi kabhi 12 se 15 busson mein bhi kaam hote the. agar Abhi chahta to office mein suit boot pehen kar baitha rehta, mazdooron ke aage piche rehta check karte hue magar nahin ussko apne gande kapdon mein rehkar kaam karna passand tha, tin kaatna, lohe mein drill karna, welding karna, rivet lagana , yeh sab karne mein ussko chain aur sukoon milta tha, bilkool apne tamaam workers ki tarah kaam karta tha.. Saare workers Abhi ke izat karte the, big respect dete the ussko, aur kyunke wo maalik hokar khud kaam karta tha to kissi ki majaal thi jo wo kaam nah kare aur kissi bhi delivery mein deri ho? Iss vajah se Abhi ki garage bada tarraki karne laga tha aur kaam multiply hote jaa raha tha..

Garage ka naam Abhi ne ABRUHI rakha tha

Saamne board par likha hua tha:

ABRUHI COACH BUILDING AND ALLUMINIUM WORKSHOP

Tamaam office papers par logo mein ABRUHIdesign hota tha. Ek manager, ek secretary aur ek team manager tha office mein. Finance manager khud Abhi tha, aur worker bhi tha, aur khud ko worker ki aur Finance manager ka tankhwa deta tha Abhi.

To be continued..

 

[sexstories]

Update 49 The Progress
​

Abhi ne garage open hone ke ek mahine baad ek car le liya tha. Imported Japanese Toyota tha. Ussi mein jaata Navina ke ghar, rehta aur donon ghar par nahin milte to baahar ussi car mein ghumne jaate, aksar seaside par paaye jaate donon weekends mein.

Ab ajeeb baat yeh thi ke Abhi ki destiny shaayad desh ke purab wale hisse se juda hua tha, Ruhi hi udhar se hi thi, Navina bhi udhar ki hi thi, magar do different ilaake se the donon. East jaate hue ek chhota sa sheher tha aur wahan se ek do raha tha, straight jao to Ruhi ke ghar ke saamne se guzarna hota, aur right mudo to Navina ke ilaake ko jaata rasta. magar apne ghar se Abhi nikalta to uss East ke chhote sheher tak jaane ke liye wohi rasta lena padta jo wo leta tha Ruhi ke ghar ke taraf jaane ke liye..

Ab ek mashoor sea side East mein tha aur wahan jaane ke liye Ruhi ke main road se jana hota tha aur ek weekend ko Abhi aur Navina ne uss seaside jaane ko decide kiya.. Navina ko pata tha ke Ruhi ke ilaake se guzarna hoga wahan jaane ke liye, magar ussne ek baat bhi nahin kiya Abhi se uss baare mein. aur jab Abhi drive karte hue wahan se guzra, to Ruhi ki aangan mein dekha tak nahin siddha apna rasta dekhta gaya.. Navina ko pata hi nahin chala ke kidhar Ruhi rehti thi..

Jab samundar kinare donon car se utre tab navina ne pucha,

"Hum Ruhi ke mohalle se guzre the nah Abhi, aap ne mujhe kyun nahin bataya wo kidhar rehti hai? Usska ghar to bata sakte the mujhe at least."

Abhi ne samundar ke door horizon ko dekhte hue kaha,

"Mujhe khud nahin pata chala ke main kab wahan se guzar gaya!"

Abhi ne jhoot kaha tha, assal mein Abhi chahta tha ke Manoj ya Ruhi ki maa ussko dekhe drive karte hue uss main road par, magar koyi nazar nahin aya tha.. aur Abhi ne sach mein ziada dhyaan diya hi nahin wahan se guzarte waqt.

Abhi aur Navina ne ek dusre ko mangni ke baad se shaadi ke 3 din pehle tak khat likhte rahe bina kissi din miss kiye.. Aur total 3,700 khat the ek dusre ke paas. Tamaam weh khat aaj bhi teen carton ke boxes mein maujood hein.

Abhi jab bank ke loan ko repay karne jata to kabhi manager se milta, kuch baatein hote ke kaam kaise chal raha hai etc.. tab ek din abhi ne manager ke desk par ek chota sa TV set jaisa dekha aur pucha ke wo kia hai. Manager ne kaha ke wo ek computer hai. Catode ray Wale computers the unn dinon, flat screen tha hi nahi computer hi sahi tarah se commercialised nahin hua tha sirf kissi bade bade company wale istemaal karte the aur bank wale. ziada tar IBM aur apple wale commercialised the, Microsoft tab utna popular nahin hue the. 1985 mein Microsoft ne windows 1.0 commercialised kiya tha. Abhi ko tab computer ka naam bhi nahin pata tha.

Uss din bank manager ne Abhi se kaha ke usske company ke liye bhi ek computer hona chahiye jiss mein wo tamaan workers ke naam ID, address, salary, company ki budget etc sab save kar sakta tha aur istemaal kar sakta tha..

Aur kuch mahinon baad Abhi ke garage wale office mein pehla computer laya gaya.. Secretary ko part time course follow karna pada uss computer par kaam karne ke liye, aur 3 mahine baad company ke saare important files save hone laga computer par. aur 1988 se hi Abhi ne computer chalana seekh liya tha aur ek computer khud apne liye bhi kharida ghar ke liye.

Aur dhire dhire jaise jaise computer ki generation badhta aur badalta gaya weise weise Abhi bhi change karta gaya aur ziada jaanta gaya computer ke baare mein.

1990's mein internet par sab kuch hona shuru ho gaya tha aur Abhi tabhi se internet par connected tha aur apne company ke silsile mein foreign se comunicate karta emails se. Aur laptop naya naya aya tha tab aur Abhi ne tab ek laptop bhi le liya jo hamesha usski car mein rehta tha , sirf raat ko laptop ghar jaata jab Abhi ghar mein daakhil hota tha.

1990 mein hi Abhi ne apna pehla mobile kharida. wo ek analogue mobile tha Motorola make ki, wo yeh tha issko aaj bhi Abhi ne sambhal kar rakha hai kyunke yeh usska pehla mobile tha 1990 mein aya tha naya naya desh mein..

​

​

To inn do saalon mein Abhi aur Navina ek dusre se khub mile, ghumein, maja kiye aur last mein donon ki shaadi fix hui aur bade dhoom dhaam se shaadi hui donon ki.

Ab Abhi ki company kaafi popular ho gaya tha Abruhi. Television walon ne usska interview liya tha jiss din ussne garage ko reopen kiya tha kyunke sab se youngest entrepreneur tha jissko bank ne karib ek crore loan dekar garage ko usske hawaale kiya tha. press mein bhi usski interview aur photos aaye the..

Unn dinon Abhi soch raha tha kia Ruhi aur usskki maa ne TV par usskko dekha hoga? Paper mein usski photo aur company ka naam dekha hoga? Ruhi ko kaisa laga hoga usska naam Abhi ke naam ke saat judhkar, Abruhi bante dekh kar?? Kia Ruhi ki maa aur khud Ruhi ko pachtawa nahin hua hoga?

Abhi ko uss waqt pata bhi nahin tha ke Ruhi kidhar hai, ussko pata nahin tha ke Ruhi uss Amit ke saath France chali gayi ya kahin aur kissi se shadi kar liya or what!! Agar Abhi chahta to Sunil ko khat likh kar Ruhi ke baare mein pata laga sakta tha magar ussne weisa nahin kiya.. Abhi yeh chahta tha ke agar Ruhi ko Abhi se pyar hai to Ruhi ko Abhi ke taraf ana chahiye tha. Jitna apne taraf se karna tha wo Abhi ne kar liya tha, bahot ziada hi kiya aur jhela tha Abhi ne Ruhi ke liye, to Ruhi ki baari thi Abhi ne socha iss liye ussne kabhi jaanne ki koshish nahin kiya pehle 5 saalon mein.

Abhi aur Navina ki married life bahot mast chal raha tha, Abhi ka kaam mast se bhi mast chal raha tha. Abhi ne apne garage ki advertisement ke saath ek ek chithi type karwa kar khud drive karte hue har ek bus owner ke ghar chorrne gaya tha.. North se south tak, east se west tak har bus owner ko ek ek chithi banta Abhi ne apne garage ko advertise karte hue. sirf ek bus owner ko chithi nahin diya Abhi ne, wo tha Mehboob.

Ab bus ki coach building ke ilawa aluminium ke kaam bhi hote the, usska ek alag team tha garage mein, weh log ziada tar outdoor kaam karte the, bade bade buildings mein aluminium frames laga kar window panes lagana etc. bade oonche 20 se 50 maale ke buildings mein weh kaam kiya jaata tha cranes se.. usske liye tender bhade jaate the agar governments ke buildings hote the. aur aksar daam kum hote the iss liye Abhi ko tender milta rehta tha. Abhi small profit mein kaam karta tha iss liye ussko bahot ziada kaam milta rehta tha garage mein.

Aur wohi kaam chote gharon mein bhi kiya jaata aur koyi gharib ke liye cost ziada hota to Abhi free mein weise logon ke ghar mein aluminium works kar diya karta tha, free of cost!

1994. Shaadi ke 5 saal baad Abhi ko ek din ek police station mein alluminiun ke khidki change karke naye lagwane the. Usske aadmi wahan kaam kar rahe the to Abhi check karne ko gaya tha ke kaam kahan tak hua hai wahan.. Aur Abhi ko kaun mila wahan? Mahesh, Ruhi ka chota bhai, ab wo police officer tha... Abhi ne ussko dekha, muskuraya aur Mahesh khud aya Abhi se milne..

Mahesh ne Abhi se shake hand kiya, aur kaha,

"Hi, Abhi aap to bahot bade aadmi ban gaye ho ab, hmmm ABRUHI hehehehe aap ko TV par kayi baar dekha hoon, kaafi aage badh gaye ho ab life mein, very good very good mujhe Khushi hui Abhi."

Abhi ne Mahesh ka haath apne haath mein pakre rakha Mahesh se baat karte hue, aur pucha ke wo kab police mein bharti hua yeh sab.. Abhi ko uss se Ruhi ke baare mein puchne ka mann kiya magar nahin pucha kyunke Mahesh ne Ruhi ki baat nahin kiya, bus ek dost ki tarah mila uss se aur casual baat kiya to Abhi ne bhi normal baat kiya Mahesh se.. Ruhi ki baat hi nahin hui.. Uss din ke baad Abhi Mahesh se kayi baar mila wahan aur kabhi uss sheher mein jahan usski chachi ki supermarket tha.. har baar donon doston ki tarah milte aur kuch der baat karte aur alag ho jaate..

Abhi ko ab pata chal gaya tha ke Ruhi ne bhi ussko TV par dekha hoga, usske ghar mein agar Mahesh ne Abhi ko dekha to matlab sab ne ussko dekha hoga aur ABRUHI company se sab wakif honge, Ruhi ki maa ko bhi sab pata chala hoga ke Abhi ek crorepati ban gaya hai aur usski Ruhi ke liye Abhi sahi ladka tha, aur pachta rahi hogi.. Iss se Abhi ko bahot Khushi milta tha jab sochta tha ke Ruhi ki maa par kia beet rahi hogi jab jab Abhi ko aur usski company ko TV par dikhaya gaya hoga..

Aur ek din Abhi ko East mein jana tha ek building ke liye quotation banaane. Abhi jab Ruhi ki main road se guzra to jaan bujh kar uss filling station par ruka fuel lene ke bahane. Filling station se Ruhi ki kitchen ki stairs saaf dikhaayi deta tha.. Abhi car se nikla aur Ruhi ke kitchen ke taraf dekhne laga.

Ye Abhi wo wala Abhi nahin tha jo unn dinon uss aangan mein gande kapdon mein kaam karta tha aur Ruhi se pyar ki bheek manga karta tha.. pichle 5 saalon mein Abhi ne itna tarraki kar liya tha ke ab usske paas ek BMW, Ek Mercrdes bentz, aur ek Audi tha, cars ka shauk tha abhi ko, rodeo jaisa drivings karta tha.. usska ghar pata nahin kitne crore ka tha; usske pehnaav se dikhta tha ek raiz aadmi hai.. Aur jab Abhi ko koyi nahin dikha stair par to pump par kaam karne wale aadmi ne Abhi se pucha,

"kuch chahiye kia Sir, fuel to full hai aap ki BMW mein to aap kyun ruke yahan Sir?

Abhi khayaalon mein khoya hua uss pump wale se pucha,

"uss ghar mein wahan last wala jo hai, Manoj, Mahesh, weh donon yahin rehte hein nah?"

Aadmi ne kaha,

"haan sir ji, donon bhai wahin rehte hein, aap jaante ho unhe Sir?"

Abhi ne weise hi khayaalon mein khoya hua udhar hi dekhte hue kaha,

"Ruhi?! Ruhi ko jaante ho tum?! Wo yahin hai kia?!"

Aadmi ne pucha,

"magar Sir aap kyun sawaal kar rahe ho? agar unnko jaante ho to wahan chale kyun nahin jaate aap?"

Abhi ne jaise ek sapna dekhte hue kaha,

"Ruhi France jaane wali thi gayi ke nahin bata mujhe, tab se abhi 8 saal ho gaye; gayi ke nahin bata mujhe!!"

Abhi ka dil zoron se dhadakne laga tha, wohi pehle ki tarah jab Ruhi ka naam leta tha, tab yehi haal hota tha, usske jaise saans fullne lage the uss aadmi se sawaal karte hue. Abhi ke nazar usski kitchen se hatt nahin raha tha aur uss aadmi se jawaab ka wait kar raha tha to aadmi ne kaha,

"Suna tha jaane wali thi Sir, magar gayi nahin hai abhi tak yahin hai!!"

Abhi tab tak aise hanffne laga tha jaise 100 metres bhaag kar aya tha, uss aadmi ka jawaab sun kar Abhi ne usske chehhre mein dekhte hue ek ajeeb si muskurahat mein kaha,

"Aath saal, 8 saal hahahaha dekhta hoon kab jaati hai!"

Aur Abhi car ke driving wale seat par baitha, to aadmi ne jhuk kar kaha,

"Sir koyi message ho to batadun Ruhi ji ko?!"

Abhi ne ussko ek 100 ka note dete hue kaha,

Bus itna kehna ke Amitabh Bachchan jitna lamba aadmi puch raha tha usske baare mein wo samajh jaegi.

To be continued..