Thriller Sex Kahani Strange World

[sexstories]

PROLOGUE
​

Kehte hai ki hum jis duniya me jee rahe hai, uss jahan me aisi bahut
si anokhi, kuch achhi aur kuch buri shaktiyan chuppi hui hain, lekin
insaan shayad bhul gaya hai ki voh kudrat ke samne kitna lachar..kitna
bebas hai, kyunki jaha par insaan ki soch khatam hoti hai, vahi se ek
nayi soch ka janam hota jise..jise hum sab KUDRAT ke naam se
jaante hai

Insaano ko yahi lagta hai ki voh kaafi samajdar ho gaya hai, har roj
nayi technology ke janam lene ki vajah se voh kaafi aage badh gaya
hai, aur usi technology ki madad se usne iss duniya, iss jahan ke kahi
sare raaz ko sulja diye hai

aaj har roj ek nayi khoj ho rahi hai, naye devices ban rahe hai, jisse
insaan ka kaam asan ho raha hai, lekin fir bhi insaan jitna chahe aage
badhna chahe, voh hamesa kudrat se piche rehta hai
Jese jese hum insaan nayi chizo ka awishkar kar rahe hai, thik usi
taraf kudrat bhi haroj hume kuch naya dikha deti hai, jo kisi bhi
insaani dimag ke samaj ke baahar hai

Kudrat ki anginat guthiyo ko suljate suljate kayi saal nikal gaye, Lekin
waqt ke badhne ke saath saath insaan yeh bhul gaya hai ki voh iss
duniya me akela nahi hai, voh iss kudrat me basa hua ek mamuli sa
jeev hai, jo kisi bhi waqt kudrat ke jariye masla jaa sakta hai
Iss duniya me achayi hai, burai hai, bhoot-pret, aur bhi bahut kuch
hai, jiske bare me har koi janta hai, Jisne dekha aur mehsus kiya, use
inn sab baat ka ehsas hai aur inn baato ko mante bhi hai, lekin jinhone
nahi dekha, na kabhi mehsus kiya..unke liye yeh sab bas ek
andhvishvas hai

hamari soch ne hume uss baat se anjaan kar diya hai, ki jis
technology ke dam par voh itna uchal raha hai, voh kudrat ki
technology ke samne kuch nahi
Haa..kudrat ki technology, kyunki aaj ki generation technology ko hi
sab kuch manti hai, fir voh koi bhi ho, chahe bacha ya budha, har koi
iss technology par nirbhar hai

Yeh kahani bhi kuch aesi hi hai, ek aise shaks ki jisne kabhi bhi iss
kudrat ko nahi samja, aur nahi jaane ki koshish ki, voh bhi baakiyo ki
tarah aaj ki technology ke saath behta gaya, lekin uske saath hue
aise kahi hadso ne apni soch ko badalne par majbur kar diya
Kudrat ko humne majak banakar rakh diya hai, thik usi tarah iss
shaks ne bh kudrat ko majak me liya, voh sab kuch iss ek hades ne
badal diya

Yeh duniya, yeh kudrat, kehne ko toh bahut hi chote shabd hai, lekin
inke piche ke rahasya itne gehre aur itne bade hai, jise mai ya aap
kabhi nahi samaj sakte, ya kahe ki iss pure sansar me koi nahi samaj
sakta

 

[sexstories]

Update : 1 (The Game Begins)
​

Kehte hai ki hum insaano ko neend ki shakht jarurat hoti hai, aur isliye bhagwan ne raat banayi hai, jisme har insaan din ki saari thakawat so kar nikalta hai, lekin insaan ka dimag raat me bhi kaam karna band nahi karta

Haa..dimag, yeh hamare liye ek bahut hi ehem hissa hai, akhsar raat me sapne ya yu kahe dreams hume aate hai, har koi raat ko sapne dekhta hai, par kya raat ko sapne aana sahi hai..??

"Dream" yeh ek aisa shabd hai jo har insaan ki zindagi se juda hai, dreams bhi kahi tarah ke hote hai, jese ki kisi ko amir banna hai, ya kisi ko gf/bf chahiye, acha ghar chahiye, adi adi, aur bhi kahi sare dreams hote hai, jise pura karne ke liye hum apni puri jaan laga dete hai

Lekin inn sapno ke alawa bhi kayi aur sapne hote hai, jise hum sirf soch sakte hai, mehsus kar sakte hai.lekin use pura karne ke liye hum kuch nahi kar sakte

Yeh sapne hum akshar raat ko sote waqt dekhte hai, par kya inn sapno ka koi arth bhi hota hai..?? ya sirf voh ek bhram(illusion) hai, jo hum dekhte hai, kabhi kabhi koi sapna sach ho jata hai, ya fir hume ehsas hota hai ki aisa kuch hamare saath pehle ho chukka hai, ya fir kabhi kabar sapne me jo dikhayi deta hai voh asal zindagi me hamare saath ho jata hai

Aaj tak hum yeh samaj nahi paaye ki hume raat ko sapne kyu aate hai, kabhi kabhi toh hume kuch esi chize dikhayi deti hai, jo humne naa toh kabhi dekhi hai, aur naa hi aisa iss bhramand me hone ka astitva hota hai, toh fir hume aise chize dikhayi kyu deti hai..??

Khair agar sapno ke upar mai likhne baitha toh bahut kuch likh dunga, so dekhte hai ki iss story me kya hota hai, kudrat, sapne, jahan, duniya, bahut kuch hai jiske baare me insaan kuch nahi janta, ya fir jaan nahi paaya

Yeh kahani bhi kuch esi hi hai, kahani ki shuruwat bhi ek sapne se hi hoti hai

Time karib subah ke 6 baj rahe honge, aur jagah thi India ki sabse crowded city Delhi ki, jaha par logo ki chahal pahal 24 hours chalti hai

Ek 21-22 saal ki ladki teji se daud rahi thi, uski tej chalti sanso se saaf pata chal raha tha ki voh kaafi der se daud rahi hai

voh daudte hue ek jagah jaakar ruk jaati hai, aur joro se haanfne lagi, apne haatho ko apni chati par rakhkar ukhdi hui sanso ko sambhalne lagi

khud ko sambhalne ke baad voh samne rahe park ke board ko dekhti hai, jispar likha tha LAW Garden, naam dekhkar uske chehre par ek muskaan aajati hai, aur voh uss garden me chali jaati hai

gate ke andar jaate hi left side par bacho ke khelne ke liye kuch rides banayi hui thi, jaha par bache masti karte hue khel rahe the, aur unhe dekhkar unke parents bahut khus the

khair voh ladki yeh sab kuch najar andaaz karte hue uss garden me andar chale jaa rahi thi, aur thodi der chalne ke baad voh ek jagah ruk jaati hai, voh ek ped ki niche khade ladke ko dekh rahi thi, jo ped ki aad liye khada tha aur kisi ka intezaar kar raha tha

khair usne apna chehra niche kiya hua tha jis vajah se use pata hi nahi chala ki voh jiska intezaar kar raha hai voh aa chuki hai

ladki use dekhkar bahut khush ho jati hai, uske dil ki dhadkan badh jaati hai, voh chote chote kadamo se uss ladke ki aur badh rahi thi, aur jese hi voh uss ladke ke pass pahuchi, uss ladke ne apna chehra upar kiya

voh iss ladki ko bahut hi gusse se ghur raha tha, aur ise dekhkar turant kahta hai "ab kyu aayi hai yaha..?? tuje jo karna tha voh tu kar chuki"

Voh ladki "please, aisa mat bol, ek baar meri baat toh sun.."

Voh ladka ladki ki baat ko bich me hi kaatkar kahta hai "nahi mai kuch nahi sunna chahta, tu hamesa late karti hai"

Voh lakdi bahut hi masumiyat se apne kaan pakadti hai, aur ek pyaari si smile karte hue "I am solly naa" yeh dekhkar voh ladka khud ko rok nahi paaya, aur voh turant uss ladki ko apne gale laga deta hai

Voh ladki bhi uss ladke ki baanho me simat ti chali jaati hai, aur use kaske hug karti hai, fir voh ladka kehta hai "tu janti hai, mai tujse kabhi bhi jyada der tak gussa nahi reh sakta"

Voh ladki kuch kehna chahti hai, par pata nahi kyu, par uske saath kuch ajib sa hua, sab kuch jese gayab ho gaya, aur use kuch sunai dene laga "princess utho jao beti, bahut der ho gayi" kehte hue ek 45-50 saal ki aurat apni beti ko uthati hai, aur voh ladki apni aankhe kholkar turant uth jaati hai

Mom "toh aaj meri princess inti khush kyu hai..??"

Voh ladki muskurate hue "kuch nahi mumma, bas ese hi"

Mom "acha..toh ab aap mujse baat chupaogi haaahhh, kahi kal college me koi propose toh nahi karne vala"

Voh ladki sharma kar apne Mom ke gale lagti hai, aur kehti hai "nahi mumma, aaj tak aisa koi ladka nahi mila, aur vese bhi mai aapko chodkar kahi nahi jaane vali"

Mom "acha acha baba, chalo jaldi se fresh hokar niche aajao" aur fir voh vaha se chali jaati hai

Fir voh ladki angdayi lete hue khadi hui, aur voh fresh hone chali jaati hai, lekin uske chehre par abhi bhi vohi smile thi, jo uske sapne me thi..ya yu kahe ki sote hue jab uski mom ne dekhi thi

Voh towel lapate hue bathroom se bahar aati hai, aur har ladki ke jese almari ke aage khadi ho jati hai, aur apne lips par haath rakhte hue sochti hai ki aaj konse kapde pehnu

Voh sochti hai "iss duniya me kapde chunna bahut hi muskil hai, ohhh gooddd please help me, kya pehnu aaj"

Fir voh sochti hai "aaj na mai papa se kahungi ki muje naye kapde chahiye" fir voh ek light pink top aur white jeans select karti hai

Ab uski almari me around 25-30 alag alag kapde rakhe hue the, ya shayad use bhi jyada, aur fir unhe pehenkar ready ho gayi

Ready hone ke baad, jese hi voh niche jaane ko hui, use kuch yaad aaya, aur voh khud se hi ek sawal karti hai "aaj achanak se aisa sapna..kuch nahi samaj nahi aaya, par tha bahut hi pyaara, pata nahi voh kaun tha, uska chehra dekh hi nahi paayi..bas ek ehsas jarur hua, kahi aisa toh nahi haina ki sach me koi muje propose karega" fir voh iska jawab khud hi deti hai "nahi nahi, aisa thodi na hota hai, vese bhi yeh ek sapna hi toh tha, aur aaj ke time me aisa toh koi nahi karta, sab timepass karte hai"

Yahi sab sochte hue voh apne room se bahar aayi aur aakar niche hall me rahe dinning table ke pass aagayi, jaha par uski puri family baithi hui thi, aur uska wait kar rahe the

Ladki "good morning Dad"

Ladki ke papa "good morning princess"

Tabhi uska chota bhai jo vaha pass me baitha hua bread kha raha tha voh kehta hai "aagayi maharani ji aap, mumma aap toh kabhi ise kuch kehti hi nahi ho, hamesa muje hi dant ti rahti ho, agar mai 1 second bhi late ho jau toh pura ghar sir par utha leti ho, lagta hai aap mujse jyada didi se pyaar karti ho"

Mummy "chup kar, pagal kahi ka, kuch bhi mat bol"

Dad "hahahaha, bas bas, aur sun champ, hum dono hi tum dono se bahut pyaar karte hai"

Ladka "par papa, aaj toh Sunday hai, aaj bhi sone nahi diya muje, dekho na kitna jaldi utha diya"

Ladki "ek din jaldi uth gaya toh usme koi gunah nahi hai" fir voh apne papa se kahti hai "papa, muje shopping karni hai, please na plsz plsz plsz, muje naye kapde chahiye, mai vaha kya lekar jaungi"

Dad "thik hai princess, hum sham ko aate waqt le aayenge"

Ladki apne dad ko gale lagate hue "thanks Dad, aap bahut ache hai"

Dad haste hue "bas bas, chal ab jaldi se breakfast karle, hume der ho rahi hai"

Tabhi ladki ka bhai kehta hai "ha didi, khalo, vese bhi aaj aapka ghar me akhri din hai, kalse toh aap hostel me jaa rahi ho"

Ladki apna muh rone jaisa banati hai, aur yeh dekhkar uski mummy uss ladke ko halka sa chapat marti hai aur "pagal, aisa nahi bolte, agar voh chali gayi fir tu ladega kiske saath"

Ladka "acha haina, fir aram se pure din masti karunga, aur vese bhi muje apni chize share nahi karni padegi" kehte hue voh apni pocket se ek chocolate nikalta hai, aur use apni didi ko dikhate hue kha jata hai

Yeh dekhkar voh ladki turant khadi ho jati hai "oyee rukk, tune meri choclate kyu li, hamesa khud ki choclates kha jata hai aur fir meri bhi, ruk abhi batati hu" kehte hue voh apne bhai ko marne daudti hai, aur voh ladka apni seat se uthkar bhagne lagta hai

Ladki chillate hue apne bhai ke piche bhag rahi thi "ruk ja aarav, please meri chocolate de, varna"

Aarav "varna kya di" voh chocolate ka ek bite leta hua sofe ke aage aagaya

Voh ladki apne haath marte hue apni chocolate lene ki koshish kar rahi thi, "varna bahut marungi tuje"

Aarav "acha aisa hai, fir toh thik hai" aur voh kehte hue puri chocolate kha jata hai

Use dekhkar voh ladki turant apne bhai ke pass aati hai aur use mukke marne lagti hai, jiska Aarav par koi asar nahi ho raha tha

Tabhi unki mummy kehti hai "Aarav, Paridhi beta ruk jao, ladna band karo"

Pari "mummy, dekha na aapne, isne meri puri chocolate kha li"

Mummy "koi baat nahi, tera bhai hi toh hai"

Pari "par mummy, yeh hamesa meri chocolates kha jaata hai"

Mummy haste hue use ek chocolate deti hai, use dekhkar Pari ke chehre par bahut badi muskaan aajati hai, aur voh jat se chocolate lekar khane lagti hai, aur apne bhai ki aur dikhate hue chidati hai

Yeh dekhkar unn dono ke mom dad ke chehre par hasi aajati hai

Pari ki mom, uske chehre par pyaar se firate hue "kabtak bachi rahegi tu, ab toh badi ho ja, kalse teri ek nayi life shuru hone vali hai, ek dum choti bachi hai"

Pari thodi si ruansi hote hue "kya mumma, aap bhi, aap ko toh pata hai, chocolates meri fav hai, iske bina toh mai nahi reh sakti" aur fir voh apne mummy ke gale lag jaati hai aur "muje nahi banna bada vada, chota hi rehna hai, taaki aapke pass reh saku"

Mummy "aisa nahi hota betu, har insaan ek na ek din bada hota hi hai"

Aarav "didi, aapko chota banna haina, toh aap chuha I mean chuhiya ya fir chiinti kyu nahi ban jaati, voh toh sabse choti hoti hai"

Aarav "are didi, mai ek baat toh bhul hi gaya"

Pari "kya..??"

Aarav "voh aapke daant sad gaye hai, check up karwa lena, varna nayi clg me sabko aapko sadau kehkar bulayenge"

Pari yeh sunkar thoda gussa hoti hai aur "kya kaha tune, ruk abhi batati hu tuje"

Tabhi dad "bas bas, baad me dikha dena, abhi chalo, late ho rahe hai"

Fir voh sab ghumne nikal jaate hai, pure din ghumne ke baad, sham ke waqt voh sab mall me jaate hai, jaha par Pari apne liye shopping karti hai

Karib 3 hours ki shopping ke baad, yeh family raat ko bahar se hi dinner karti hai, aur raat ke karib 11 baje aone ghar vapis aajati hai

Ghar aane ke baad Aarav siddha main hall me rakhe sofe par ulta lait jata hai, aur baaki sab dusre sofe me adjust ho jaate hai

Thodi der rest karne ke baad, Mom "chalo tum dono, apne apne kamre me jao, subah jaldi bhi toh uthna hai"

Paridhi aur Aarav "yes mom" fir voh dono goodnight wish karte hai, aur fir apne apne room me chale jaate hai

Unke jaate hi Pari ki mom vahi sofe par baith jaati hai, voh thodi dukhi lag rahi thi, toh pari ke dad unke pass jaate hai, aur kandhe par haath rakhte hue "kya hua..?? aaj hamari madam itni dukhi kyu hai..??"

Mom "kal se yeh ghar kitna suna suna ho jayega, matlab ki Pari ke jaate hi"

Dad "ha voh toh hai, par aaj ke generation me bache apni manjil khud tay karte hai, aur hume toh garv hona chahiye ki hamari beti bhi vohi karne vaali hai, agar hum ese dukhi rahenge toh use kitna bura lagega"

Mom "haa, aap bilkul sahi keh rahe hai" fir yeh dono bhi apne room me chale jaate hai

Upar Paridhi, apne room me baithe hue apna saman dekh rahi thi, packing toh usne kar li thi, par aaj ke shopping ke baad voh bahut hi khus thi, kyunki aaj usne bahut saari shopping ki thi

Use toh pata hi nahi tha ki kab Aarav uske pass aake khada ho gaya, voh bas apne kapde dekhne me busy thi, Tabhi use ehsas hua ki vaha par koi khada hai, usne dekha toh paya ki vahi par Aarav khada hai

Paridhi "kya hai..?? soja jakar, dekh abhi koi shararat nahi"

Aarav ek dum masumiyat se kahta hai "di, mai koi shararat nahi kar raha, mai aapke pass hi aaya tha"

Aarav ke iss tarah kehne se Paridhi ne uski aur dekha toh paya I aarav ka chehra murajaya hua hai, voh turant khadi hoke Aarav ke pass jaati hai aur pyaar se puchti hai "kya hua bhai..?? tu itna udas kyu hai"

Aarav kuch nahi bolta, sidhe Paridhi ke gale lag jaata hai, aur rone lagta hai

Aarav ke iss tarah karne par Paridhi ka dil dukhne lagta hai, kyunki usne aajse pehle kabhi bhi aarav ko esa karte nahi dekha tha, voh pyaar se apne bhai ke sar par haath firati hai aur kahti hai "kya hua betu, ese kyu ro raha hai tu..?? mumma ne kuch kaha kya"

Aarav vese hi apni didi ke gale lage hue apne sar ko naa mein hilata hai, aur ruanse gale se kahta hai "nahi di, aap mat jao na, please ruk jao, I promise mai aapko kabhi tang nahi karunga, kabhi sharart nahi karunga, aapki chocalates bhi nahi khaunga, par please aap mat jao, muje bilkul bhi acha nahi lagega aapke bina"

Yeh sunkar toh Paridhi ki bhi aankhe gili ho jati hai, voh chahe kitna bhi jagde Aarav se, par uske bina voh bhi nahi reh sakti thi

Paridhi pyaar se aarav ke aansuo ko hatate hue kahti hai "ssssshhhhhhh chup ho ja, tu toh mera strong bhai haina, aur mai kaha jaa rahi hu, bas 2 years hi toh hai, jese hi masters khatam hoga, mai vapis aajaungi, aur chuttiyon me toh mai ghar aaungi hi na, chal ab jaldi se chup hoja" Aur voh aarav ke aankho se aaye hue aansuo ko hata deta hai

Aarav fir apni jeb se ek chococalte nikal ta hai, aur fir voh Paridhi ko deta hai, Pari ne dekha ki Aarav ne apni sabse fav chocalte use di hai, toh voh firse aarav ko apne gale lagati hai, aur pyaar se uske gaal par kiss karti hai, jisse aarav thoda chidkar "kya didi aap bhi, mera pura gaal gila kar diya"

Paridhi chocolate ko side me rakhte hue Aarav ko gudgudi karne lagti hai, aur fir voh dono hi pillow fight karte hai, aur tarah tarah ki masti puri raat karte hai, aur vese hi masti karte karte voh dono kab so jaate hai, unhe pata bhi nahi chalta

Vahi kahi dur, ek sumsan sa jungle, jaha par bahut hi jyada sannata tha, ek aisa sannata ki jaha par kisi bhi insaan ka dil kaanpne lage, aur upar se thand ke mausam ki vajah se kohra jama hua tha

Raat apne puri josh me thi, uss jagah par chand ki roshni ek matra thi, aur usi me 60-65 saal ka Buddha admi lathi ke sahare chal raha tha..uske chalne ki vajah se uske pairo ki awaaz uss jungle ki shanti ko bhang kar rahi thi..ki tabhi..tabhi kuch hua vaha par, kuch aisa jo shayad aajtak kabhi nahi hua tha

To be continued..

 

[sexstories]

Update : 2 (College ka Pehla Din)
​

Vaise toh hamari zindagi me sabse hasin pal toh tab hota hai jab hum so rahe hote hai, ya yu kahu ki raat ka samay, aur jyadatar log raat ke waqt ghar par hote hai

Kudrat ne ek khubsurat duniya banayi hai, aur usi duniya ke do waqt, ek toh hai din, aur dusra hai raat, jyadatar toh din me log busy rehte hai, aur shayad isiliye raat ko har jagah shanti chayi hui hoti hai

Iss shanti ne hamare man ko bhi bahut aram milta hai, aur raat ke waqt duniya khubsurat lagne lagti hai aur usme chand ki roshni uss khubsurati me char chand laga deti hai

Raat ko pyaar ka waqt bhi kaha jaata hai, yani ki har premiyo ko joda ek dusre ki baaho me khoya hota hai, lekin kehte haina ki jab chiz jitni jyada shant hoti hai, voh andar hi andar itni hi khatarnak bhi hoti hai, matlab ki yeh rate jinti shant hoti hai, apne andar bahut si baate chupayi rehti hai

Aaj ki raat bhi shayad aisa hi kuch hone vala tha, jo iss manav duniya ka hila dega..kuch esi ghatnaye ghatne vali thi..ya fir yu kahu ki manav ki soch ko badal dega

Raat apne puri josh me thi, uss jagah par chand ki roshni ek matra thi, aur usi me 60-65 saal ka Buddha admi lathi ke sahare chal raha tha..uske chalne ki vajah se uske pairo ki awaaz uss jungle ki shanti ko bhang kar rahi thi

Kehte hai ki raat ko hume dar uss waqt lagta hai jab humara dil pehle se dara hua ho, par inn chacha ji ke saath kuch alag tha

Haroj isi waqt voh yaha se gujarte the, par aaj unka dil me dar sat ha, iski vajah voh khud nahi jante the

Voh apne aap se "aaj ki yeh shanti badi hi ajib hai, aisa lag raha hai mano ki koi bahut bada tufaan aane vala hai, madad karna bhagwan, insaano ki madad karna"

Kabhi kabhi hume bhavishya me hone vali ghatividhiyon ka pehle se abhas ho jata hai, jese ki inn chacha ji ke saath hua, unhe lagne laga tha jese ki kuch bahut bura hone vala hai, shayad voh thodi thodi der me apne piche dekhte hai, aur aisa karte hue voh apne ghar ki aur badh rahe the, jo issi jungle ke bich me basa hua ek bahut hi chota sa ganv tha..lekin chalte hue achanak se unke pair vahi par ruk gaye, aur aankhe khuli khuli reh gayi

Jab voh khud se baat karte hue chal raha the, uss waqt unhone ek awaaz suni, voh awaaz bhi kaafi bhayanak thi, yeh sunte hi unke haath me rahi laathi gir gayi, aur voh turant hi uss taraf dekhne lage jaha se unhe yeh awaaz sunai di thi, uss aur ka najara dekh kar unki aankhe apne aap hi badi ho gayi aur voh ek tak samne ki aur dekhne lage

Thodi hi dur par ek dhamaka hua tha aur usi dhamake ki vajah se vaha par aag lag gayi thi, par chacha ji ko nahi pata tha ki yeh dhamaka kese hua, voh turant apni laathi uthate hai aur uss aur jaane lage

Vese toh voh jagah jyada dur nahi thi, isliye voh kuch hi der me uss aag vaali jagah ke najdik pahuch gaye, jaha par unhone dekha ki jungle ke andar ke hisse me aag lagne ki vajah se kaafi saare paid jal kar rakh ho chuke the, aur iss aag ki vajah se janwar ne afra tafri macha rakhi thi

Voh abhi uss aur dekh hi rahi the, ki unhone ke awaaz suni..voh awaaz sunti hi unhone apni dahini aur dekha, jaha par ek 22-23 saal ka ladka langdate hue chal raha tha, uski halat bahut hi jyada kharab ho chuki thi, jab uss chacha ne uske najdik jaakar dekha toh unhone paaya ki jaha se voh chalta hua aa raha hai uss jagah uske khoon gira hua hai, jo sidhe uss jagah jaa raha tha jaha par aag lagi thi

Achanak se voh ladka ladkhadte hue vahi gir gaya, toh voh chacha turant uss ladke ke pass gaye aur jaake usko sambhala

Lekin uss ladke ka chehra dekhkar toh unki aankhe ek pal ke liye band ho gayi, kyunki uss ladke ki chehra par har taraf khuun laga hua tha, uske kapde bhi adhe fate hue the, ya yu kahu ki uss aag ki vajah se jal chuke the

Tabhi voh ladka kuch badbadata hai, lekin uski awaaz bahut hi dhimi thi, jis vajah se voh chacha ko samaj nahi aa raha tha ki voh kya keh raha hai

Voh ladka haklate hue "pppp..pp.lll.zzz ss..ssss..aaa..vv...eeeee hhhhhe..e.eeee..rrrrr, ppp...lllll...zzzzz"

Lekin voh chahca kuch bhi samaj nahi paa rahe the, aur waqt ke saath uss ladke ki saanse fulti jaa rahi thi, aur achanak se voh vahi par gir gaya

Tabhi vaha par daudte hue kuch log aagaye, jo shayad usi gaanv se the jaha par yeh chacha rahte the, voh sab iss aag ko dekhkar chaunk gaye the, kyunki unhe pata tha ki jungle me achanak se aag nahi lagti, matlab kuch toh gadbad hui hai

Unn ganv vasiyo mese ek shaks chacha ke pass aaya aur kahta hai "chacha, aap yaha kya kare rahe hai..?? aur aur yeh chora kaun hai..??"

Voh chacha uss shaks ki aur dekhte hue kahta hai "pata nahi manshukh, yeh uss jungle ki aur se yaha aaya hai"

Mansukh "kyyaaaa..?? lekin chacha ji voh toh."

Masukh ki baat ko voh chacha kaat te hue "muje malum hai, lekin iss chore ki halat bahut najuk hai, ise mere ghar le aao, fauran" kehte hue chacha ji khade hue aur voh vaha se apne ghar ki aur chal diye

Fir mansukh ne uss ladke ko apne kandhe par uthaya aur voh bhi unke piche chalne laga, aur baaki ke gaanv vale uss aag ko shant karne me jut gaye

Next Day

"noooooooooo..please leave me, please, dekh yeh tu sahi nahi kar raha, mai tujse keh rahi hu, please rukja"

Kehte hue ek ladki aage aage daud rahi thi, aur uske piche ek ladka haath me tomato ketchup ki bottle liye hue daud raha tha

Voh ladka teji se daudte hue uss ladki ko pakad leta hai aur fir voh sara ketchup uss ke baalo me gira deta hai, aur fir voh jor jor se hasne laga

Yeh dekhkar voh ladki rone jesa muh banate hue apne baalo ko pakadti hai, aur voh uss ladke ko dikhate hue "huh, tu nahi mana na, mere sare baal bigad diye"

Tabhi voh ladka kuch kehta uske pehle hi uss ladki ke upar se thanda paani gira, aur iske saath hi Pari joro se saans lete hue uth gayi, aur jor se haafne lagi

Voh aapni saanso ko sambhalte hue apne haath apne chest par rakhti hai, aur dusre haath se chehre par aaye hue baalo ko side karti hai, aur tabhi use kisi ki hasne ki awaaz sunayi di

Awaaz sunte hi use der nahi lagi ki yeh koi aur nahi balki Aarav hai, voh jaldi se apne chehre se paani hatati hai aur aarav ki aur gusse se dekhne lagi

Lekin aarav toh bas jor se hase jaa raha tha "kya didu, aap bhi had karti ho, kabse utha raha tha"

Pari gusse "iss tarah koi uthata hai bhala"

Aarav "haa..badi didi ko ese hi uthate hai"

Pari "kya kaha tune, ruk abhi batati hu" aur voh aarav ko pakadne ke liye uske piche bhaagi, par aarav daudte hue bathroom me ghus gaya aur pari bahar se chillate hue "aarav bahar aa, mai kehti hu abhi bahar aa"

Aarav "sorry di, mai nahi aata" aur pari bahar se hi chillane lagti hai

Pari ki iss tarah chillane ki awaaz sunkar uski mom vaha jaati hai, aur fir voh pari se puchti hai "kya hua, subah subah kyu chilla rahi hai itna"

Pari thand ki vajah se kaanp rahi thi, voh kanpte hue kahti hai "dekho na mumma, iss pagal ne kya kiya, koi subah subah iss tarah se uthata hai, voh bhi sardi me thande paani se" aur voh thar thar kanpne lagi

Mom "tum dono bhi na, jaa ab jaldi se jaake fresh hoja"

Pari "kya mumma, ab dekho na mere baalo me firse shampoo karna padega"

Aarav andar se "kya shampoo, matlab ki aaj firse bottle khali hogi, aur har baar ki tarah muje laani hogi"

Pari gusse se "haaaa, ab bahar nikal jaldi se"

Aarav bahar aata hai, aur apni di ki pith par halke se pinch karte hue bahar chala jata hai, ise dekhkar Pari kehti hai "oooouuuuccccchhhhh, pagal, gadha kahi ka"

Uske baad pari jaldi se bathroom me chali jaati hai, voh nahte hue apne man me sochti hai "aaj firse yeh sapna, ohh god, pata nahi aajkal ese sapne kyu aate hai, vese toh yeh sapne unko aate hai jinke bf hote hai, par mera toh koi bf nahi hai, kya pata iss nayi clg me koi mil jaye" yeh sochkar hi voh sharmane lagi thi

Yahi sab sochte hue voh fresh hokar bahar aagayi, aur firse sochne lagi "mai bhi na kitni pagal hu, yeh toh voh Kruti ki vajah se hai, haa voh haroj apne bf ki baate karti hai isliye aise sapne aa rahe hai"

Tabhi uske bhai ki awaaz firse sunayi di jo pari ke room ke bahar khada tha "didi, jaldi karo, late ho jaogi..kitna nahogi ab, lagta hai aaj muje bina nahe hi school jana padega"

Pari apne room se hi awaaz deti hai "ha bas, aa rahi hu, tu jaa" fir voh apne bed ke pass aayi jaha par uska phone rakha hua tha

Vaise toh madam notifications check karne vali thi, par mobile par time dekhkar voh khudse hi bol padi "kyaaaa..?? ek ghanta, itni jyada der lag gayi" kehte hue usne phone ko vahi rakh diya aur apni almari kholi

Aur aaj firse almari ke samne khadi hokar sar khujalane lagi "ab aaj kya pehnu, yeh vali, nahi yeh toh maine last week hi pehni thi, ye vali..nahi yeh colour pasand nahi hai, mumma koh keh dungi yeh kisiko de de" voh karib 3-4 dress select karti hai aur fir "kal layi voh vali dress pehen leti hu" fir thoda rukkar "nahi nahi, voh nayi dress me clg ke pehle din pehnungi, vese bhi aaj sirf registration hi toh karna hai" Aur voh ek blue colour ki one piece select karti hai

Lekin Pari ne yaha bhi 20 min nikal diye, aur voh bhi sirf kapde select karne me, aur uske baad aur 20 minutes ready hone me

Yaar had hai, sirf itna likhne me mere haath dard karne lage, pata nahi yeh ladkiya itna time kyu lagati hai, plsz itna time mat lagao yaar..Request hai

Uske baad Pari niche aayi, aur sabke saath breakfast kiya aur fir voh vaha se college ke liye nikal padi

Vaise toh college bhi Delhi me hi thi, par voh college kaafi famous thi, aur uss college ka ek rule tha, jisme har student ko compulsory hostel me rehna tha, Bas yahi vajah thi ki Pari ko bhi hostel jana pad raha tha

Pari ki ek achi friend thi KRUTI, jo karib 20 minute se Pari ka Metro station par intezaar kar rahi thi, pari ko aate dekh Kruti uspar chillati hai

Kruti "kya yaar, kitna late karti hai, itna wait toh mai Rahul ko bhi nahi karwati"

Pari "sorry sorry, chal ab jaldi se"

Uske baad dono ladkiya ek saath college ke liye nikalti hai

Kruti : 22-23 years ki modern ladki thi, dekhne me ekdum sexy aur pari ke jesi hi khubsurat, Pari aur Kruti bachpan se hi achi dost thi, aur yahi vajah thi ki inn dono ne ek hi college me admission liya, vaise toh Kruti ka ek bf hai Rahul, jo dusre city se masters degree karne vala hai

Ab aisa toh ho nahi sakta ki do ladkiya jab ek saath ho aur chup rahe, yaha bhi yahi hua, lag gayi dono baato me, aur baate bhi kya, do hi topics hote hai, ek toh bf aur dursa fashion, pata nahi kya kya baate kar rahi thi

Yaar reham karo, muskil se upar vala scene likha hai, mere me itni himmat nahi hai ki innki baato ko sun pau, aur agar sun bhi lu toh yaha likh paane ki himmat nahi hai mujme, muje masum ladke par raham karo yaar, aur khud hi soch lo ki yeh dono kya baate kar rahi hogi

Khair inki baate toh khatam nahi honi thi, par metro toh khatam honi hi thi, matlab ki metro ka last stop aagaya

Metro station se nikal kar inhone ek taxi li, aur taxi se voh dono college pahuch gayi, jisme unhe karib 35 minutes lage

College ke gate ke andar enter hote hi Paridhi ne Kruti se pucha "yaar tuje pata hai ki ab hume kaha jana hai"

Kruti "nahi yaar, chal na administrative me jaakar puchte hai", fir yeh dono college ki admin office ki aur chal padi, aur raste me Paridhi ki najar kisi par padi, use dekhkar Pari vahi par ruk jaati hai

Pari ki iss tarah se rukne par Kruti usko sawaliya najro se dekhne lagi, aur voh pari se puchti hai "aaj kya bhul gayi tu..?? plsz aaj mat kehna ki abhi tuje ghar jana hai"

Pari "please keh de ki yeh sapna hai, plsz plsz" Voh apne aankhe joro se bandh karte hue kahti hai

Pari ki iss tarah kehne par Kruti uss ki aur dekhti hai, aur fir Pari ki najro ka picha karte hue usne uss shaks ko dekha jise dekhkar Paridhi ka behaviour change ho gaya

To be continued.

 

[sexstories]

Update : 3 (Dhaamal)
​

"aaaaaaaaaaaaaaaaaaaaahhhhhhhhhhhhhhhhhhhhhhhhhh" kahrate hue voh ladka bistar se khada hokar baith gaya, uske sar par patti bandhi hui thi, aur thik aisa hi haal uske baaki sharir ke hisso par tha

Haath, pair aur kamar par bhi kapdo ki patti bandhi hui thi, jisse saaf pata chal raha tha ki uska ilaj kisi vaidh ne kiya hai, matlab ki ganv me hua hai

Kal raat jo khun uske sharir par laga tha, voh sab uss budhe chacha ne saaf kar diya tha, uski halat bahut hi jyada kharab thi, kyunki sharir ke har hisse me chot lagi hui thi..aur aaj uska chehra dekhkar lag raha tha ki voh ek 22-23 saal ka jawan ladka hai

Iss ladke ki kahrane ki awaaz sunkar ek 21 saal ki ladki uske jopde me aaye, vaise toh iss ladki ne ek sadharan se kapde hi pehne hue the, dikhne me bhi thik hi thi, par fir bhi uska chehra khubsurat tha, usne dekha ki uske baapu jis ladke ko lekar aaye hai voh jag chuka hai..voh turant chillati hai "baapuuu, jaldi aayie" aur tabhi uski najar uss ladke par padi

Voh ladka apne sar par ek haath rakhe hue baitha tha, aur apni aankho ko khol bandh kar raha tha, tabhi usne apna dusra haath bhi apne sar par rakh diya aur jor se dabate hue usne apne sar ko upar niche karne laga, yaha tak ki usne apni aankho ko bhi joro se band kiya hua tha

Darsal uske sar me bahut hi tej dard ho raha tha, aur saath me uske dimag ek scene bar bar aa raha tha, thoda dhundhala sat ha, lekin voh scene uske dimag se hat hi nahi raha tha, voh dekh raha tha ki jaha voh khada hai vaha charo aur aag lagi hui hai, aur aisa lag raha tha ki shayad voh uss aag me kahi bhag raha hai, ya fir uss aag se bahar nikalne ki koshish kar raha hai

Voh ladki yeh dekhkar thoda ghabra jaati hai..aur voh sehmi hui do kadam uss ladei ki aur badhi aur haklate hue "aa..aaa..pp ttth..ikk toh haina"

Yeh sunkar bhi voh ladka jyada kuch nahi karta, upar se voh apne sar ko teji se idhar udhar karne laga, aur uske kahrane ki awaaz badhti hi jaa rahi thi "aaaaaaaaaaaaaaaaaaaaaaaa"

Voh ladki firse chillati hai "bbaaaappppppuuuuuuuuu"

Tabhi uss jopde me uss ladki ke baapu..yani voh chacha aate hai, aur aate hi uss ladki par baras padte hai "kahe itna bhok ri hai chori" aur uski najar uss ladke ke par padi, aur uski halat dekhkar "chal jaa, jaldi se jaakar paani le aa"

Voh ladki "jii baapu" kehte hue voh ladki vaha se chali gayi

Tabhi voh ladka ek aur baar jor se kahrata hai aur uske baad turant hi voh apne aap piche gir jaata gai, jese kisi tufan ke jaane ke baad jo shanti hoti hai, thik usi tarah voh ladka bhi shant ho chuka tha

Uss ladke ke kahrane ki awaaz itni jyada bhayanak thi ki ganv ke sabhi log chache ke ghar aagaye..yeh gaanv ke saare ghar jopde jese the..matlab ki puri tarah jopde nahi the, kaache pakke ghar jo dikhne me jopde jaise the..sabne aate hi chacha ji sawalo ko bauchar kar di ki yeh awaaz kesi thi

Tabhi voh ladki ek lote me paani bharkar le aayi "yeh lijiye baapu" kehte hue usne voh lota uss chacha ko de diya

Voh chacha paani ke chinte uss ladke ke chehre par maare, lekin kuch nahi hua, toh aaye hue logo mese kisine pucha "kya yeh mar gaya chacha"

Voh chacha ne uss ladke ki nabj dekhi, aur apna sar naa me hilate hue "iii mansukh kaha thehar gaya, subah se gaya hai, abhi tak lauta ni kaa uss sahri babu ko leke"

Tabhi voh mansukh uss kamre aaya "aagaya chacha"

Uske saath ek aur shaks tha jo dikhne se doctor lagta hai, voh aake uss ladke ko check karta hai, aur fir apne kaan se stethoscope nikal kar gale me lagaya aur fir kaha "yeh toh coma me chala gaya hai"

Chacha "iska matbal"

Dr "chacha, yeh ek tarah ki neend hai, jisme insaan kab uthega voh koi nahi bata sakta"

Chacha "are baba, ab kya hoga"

Dr "vaise yeh hai kaun..?? aur kaha se aaya hai"

Mansukh "pata nahi babu, yeh chora chacha ji ko uss jungle ki pass se mila tha, bechare ki halat bahut kharab thi, toh hum ise yaha le aaye, aur chacha ne iski marampatti ki"

Dr firse ek aur baar uss ladke ko dekhta hai, aur luckily unhe uss ladke ki jeans me se uska wallet mila, jo kuch kuch jal chuka tha, dr ne thodi sawdhani se uss ladke ki wallet se uski ID nikali..vese toh id bhi kaafi jal gayi thi..par usme se use kuch dikha "Junior.." iske aage jo likha tha voh jal gaya tha..isliye voh dr bhi kuch naa padh paaya

Mansukh "eee ka hai dr babu"

Dr "yeh iska ID hai, matlab ki yeh ek card hai, jisse iske bare me pata chal sake"

Mansukh "toh ke pata chala kuch..??"

Dr "jyada kuch toh dikh nahi raha, par shayad iska naam Mayank hai..vese toh card jhal chukka hai, par mai koshish karta hu kuch pata chale toh" aur uske baad voh dr vaha se chala jaata hai

Mansukh "chacha ab kaa karenge, yeh choro toh so gaya hai"

Chacha "jab tak yeh jaag nahi jaata, ise yahi rehne do"

Tabhi voh chacha ki ladki "par bapu, yeh uss jungle me kyu gaya hoga, voh bhi itni raat ko"

Chacha "betiya..yeh sehri log hai, tum toh janet hona, uss jungle me toh seher se bahut sare log ghumne ke liye aawaat hai, bas usi me se hoga yeh bhi"

Tabhi koi aur kehta hai "ha chacha, yeh sahi kahat ho aap, raat hone ke baad bhi yeh sehri log yaha se nahi jaate"

Mansukh "par chacha, agar ae baat hai toh, ise dhundne koi kyu nahi aaya"

Chacha "uuuu dhamake se shayad yahi bacha ho"

Mansukh "haa..ieee ho sakat hai, agar koi hoga toh voh yaha ise dhundta hua aahi jayega"

Yeh ganv uss jungle ke pass me bana hua tha, vese toh yeh gaanv bahut hi chota tha, muskil se 10-12 ghar the, aur voh log vahi par sabko jungle ghumate ya chote mote kaam karke apna bharanposhan karte the, aur jaha kudrat itni khubsurat ho, vaha par log ghumne bhi bahut jaate hai

In DELHI

Kruti ko aisa laga ki jese Paridhi chalte hue ruk gayi hai, isliye voh mudkar Paridhi ki aur dekhti hai, toh voh chalkar pari ke pass aayi aur use pucha "ab kya hua tuje"

Pari apni aankho ko michte hue "please please keh de ki mai sapna dekh rahi hu"

Kruti ne dekh liya ki Pari ne aisa kyu kiya, darasal Paridhi ne ek Manthan ko dekh liya tha, jo bachlaer me unhi ke class me tha, aur clg ke pehle din se akhri din tak Manthan aur Pari ka har baat par ladai hoti thi, aur yaha bhi usko dekhkar Pari ka bartav badal gaya

Use dekhkar Kruti jor jor se hasne lagi, aur use iss tarah hasta dekh Pari Kruti ko gusse se apni kohni marti hai "tu has rahi hai" aur voh apna muh fula deti hai

Kruti "hahaha..toh kya karu, tu hi bata, tu Manthan se dar gayi"

Pari ispar aur jyada gussa ho gayi, voh kruti par bhadak te hue "oyyee..sun mai nahi darti use, samji"

Kruti "voh toh dikh raha hai" aur firse voh hasne lagi

Pari "dekh, mene kaha na mai nahi darti usse, muje laga ki ab isse picha chutega, par muje kya pata tha ki yeh yaha par bhi aa tapkega"

Kruti "ek baat batau, teri kismat hi kharab hai"

Pari "meri nahi uski kismat bol"

Kruti "are yaar tun usse frienship kyu nahi kar leti, yaar tum dono ke jagde suljate suljate mai pak gayi hu"

Pari "usse aur friendship.never" aur voh aage chal di, jaha par bhid jami hui thi

Uss bhid ke karib jaakar pata chala ki yaha par koi form diya jaa raha hai..jise manually fill karke submit karna hai

Yeh sunkar Kruti "kya bakchodi hai yeh, aaj ke time me bhala kaun haath se form bharta hai"

Pari "hehehe, aisa bolna ki tuje aisi bhid me nahi jana"

Kruti "hihihi, toh fir tu hi le aana baby

"

Pari "ha thik hai thik hai, jaati hu" voh ajib sa muh banate hue uss bhid me ghus gayi

Thodi mehnat ke baad voh akhir counter tak pahuch hi gayi, lekin uski badkismat, akhri form tha..toh jese hi usne apna haath form par rakha, kisi aur ne bhi ussi form ko pakad liya..tabhi unn dono ki hi najar takrayi, aur uske baad dono ek saath bol pade "tttuuuummmmm"

Voh ladka koi aur nahi manthan tha, voh "tu yaha kya kar rahi hai"

Pari "muje tujse koi baat nahi karni, haath hata, yeh form mene liya hai"

Manthan "kya majak hai, chod ise"

Pari "mai kyu chodu, yeh form mene pehle liya hai"

Manthan "dekh aaj pehla din hai, meko gussa mat dila, varna"

Pari "varna kya" kehte hue usne form ko apni aur khicha

Manthan ne bhi form ko apni aur khicha aur isi khicha khichi me voh akhri form bhi fat gaya, jiske baad dono hi ek dusre par aarop lagane lage

Pari gusse "dekha, sab teri vajah se hua"

Manthan "meri ya teri vajah se"

Pari "ha teri vajah se, mene kaha tha ki form chod de, lekin nahi, bhai ko mardangi jo dikhani thi, lekin tu toh chuha hai"

Manthan "dekh, ab tu kuch jyada hi bol rahi hai"

Inn dono ke ladne ki awaaz Kruti sun leti hai, aur voh apne maathe par rakhte hue "ohhh gooddd, yaha par nahi plsz" kehte hue voh pari ke pass pahuch gayi

Lekin shayad usne der kar di thi, tabhi college ke HOD vaha par aagaye, aur inn dono ko aise ladta dekhkar unhe apne cabin me bulwaliya

Inn dono ko aise jagadta dekh HOD ne unhe ek week ke liye restigate kar diya, aur yeh baat yeh dono hi jante the ki rules ke mamle me yeh college bahut hi jyada strict hai

Jab Manthan aur Pari HOD ki cabin se bahar nikle, unn dono ne hi ek dusre ko man me galiya di aur ghurte hue nikal gaye

Pari ka chehra dekhkar Kruti samaj gayi ki andar kuch toh bura hua hai, voh puchti hai "pari..kya hua..??"

Pari "sab uss gawar ki vajah se, use toh mai chodungi nahi"

Kruti "are par yeh toh bata ki hua kya hai..??"

Fir pari use sab kuch bata deti hai, aur saath me manthan ko bahut sari galiya deti hai

Khair kuch der baad jab naye forms aaye, isbar sabne baari baari se form liye aur shanti se fill karke submit kiye, aur next day se college chalu hone vali thi, yaani aajka din sabke ke liye khali tha

Manthan ka din vese bhi aaj kharab raha, toh voh campus se bahar nikalkar sidhe ek shop me gaya aur vaha se advance(cigarette) ka box lekar funkne laga

Aaj manthan ko pari par bahut hi jyada gussa aaraha tha, khair use bhi yahi laga tha ki Pari se uska picha hamesha ke liye chut gaya, lekin unn dono ki kismat hi yaha par khich laayi thi

Khair aaj jo hua uski vajah se Manthan bahut hi jyada gusse me tha, voh karib 2 cigarette funk chukka tha, lekin use khud nahi pata tha ki voh kaha jaa raha hai, voh toh bas apni masti me cigarette funkne me laga tha

Thik usi waqt ek ladki ne Manthan ko cigarette pite hue dekh liya..voh manthan ko gusse se ghur rahi thi, aur tabhi voh apne pair patakte hue Manthan ke pass gayi aur jor se usko khich liya

Iss khichai ki vajah se Manthan gir gaya, aur uske haath me rah cigarette gir gayi, lekin iss khichai se shayad Manthan hakikat me vapis aaya tha, aur voh joro se hanfne laga

Tabhi uss ladki ne gusse se kaha "tu pagal toh nahi ho gaya"

Lekin manthan ne kuch nahi kaha, voh toh bas samne ki aur dekh raha tha, jaha par ek bus ka accident hote hue bacha tha, aur voh driver Manthan ko galiya dete hue chala gaya

toh voh samne vala shaks gusse me ghurte hue "firse.."

To be continued.

 

[sexstories]

Update : 4 (Takraar)
​

Paridhi ke saath hue jagde ki vajah se Manthan ka mood bahut hi jyada kharab tha, aur upar se HOD ki kahi hui baate abhi tak uske kaano me gunj rahi thi

Manthan man hi man soch raha tha "abhi toh college shuru bhi nahi hua, aur pehle din hi itni kharab impression..aur yeh sab uss chudail ki vajah se hua hai, use sabak toh shikha kar hi rahunga, aaj pehli baar muje kisi ne itna sunaya hai, nahi Paridhi, iss baar mai chup nahi rahunga"

Cigarette ka kash lete hue Manthan apni hi dhun me chale jaa raha tha..par ek waqt aisa aaya jab Manthan khud nahi janta tha ki voh kaha jaa raha hai..bas chale jaa raha tha

Usi raste se ek ladki gujar rahi thi..horn ki awaaz sunte hi usne apni najar sadak ki aur kaha, jaha par ek bus teji se Manthan ki aur badh rahi hai, lekin shayad Manthan ko iss baat ka ehsas tak nahi hai..yeh dekh uss ladki se raha nahi gaya..aur voh bhagte hue Manthan ke pass pahuchi aur Manthan ko sadak se bahar khich diya

Achanak se khiche jaane par Manthan khud par control nahi kar paaya aur piche ki aur jaa gira..girne ki vajah se Manthan ka dhyan uss bus ki aur gaya jise abhi uski takkar hote hue reh gayi thi..vooh uss bus ki aur dekh raha tha jiska driver Manthan ko gaaliya dete hue nikal gaya..tabhi usne kisiko apne upar chillate hue suna

Shayad manthan ab apne khayalo se nikal chukka tha..voh kabhi bus ki aur dekhta toh kabhi uss ladki ki

Voh ladki gusse me ghurte hue "tuje akal vakal hai ya nahi..??"

Manthan hairani se uss ladki ko dekh raha tha, jo gusse me uspar chilla rahi thi "firse, cigeratte, kyu Manthan kyu..??"

Manthan apna sar niche juka deta hai, aur voh ladki "aur tuje hua kya tha, tune itni badi bus nahi dikhi..??"

Manthan jhalate hue "agar dikhti toh mai yaha na hota"

Manthan ke iss tarah bolne se uss ladki ko ek jatka sa laga, voh Manthan ko ajib najro se ghurne lagi

Manthan khade hote hue "kya..?? ab aise kya dekh rahi hai"

Voh ladki ajib si shakal banate hue "tu thik toh haina..??"

Manthan "yeah, I am absolutely fine"

ladki "tune muje bataya nahi, aaj firse cigeratte kyu pi..?? kitni baar tuje mana karu."

Manthan "please yaar..stop it, apna yeh lecture kisi aur ko jaakar dena, aaj pehle se din kharab hai..ab yeh bhashan dekar mood ko aur na kharab kar, and besides you are not my mom, so plsz just leave me alone"

Manthan ka iss tarah se baat karna uss ladki ko pasand nahi aaya, uski aankho se ansoo nikal aaye..par Manthan uske aansuo ko dekhkar jhalte hue kahta hai "please..ab rona nahi"

Voh ladki "you are so mean" ruansi si awaaz me kehte hue vaha se chali gayi

Manthan ek baar uss ladki ko dekhta hai fir apne zeb se dusri cigeratte nikal kar foonkne laga

Aaj ka din Paridhi aur Manthan, inn dono ke liye bahut hi bura raha, voh dono hi nahi jante the ki unke bich jagdo ka karan kya hai, ya voh konsi baat thi jis bajah se voh aajtak ladte aa rahe hai, par ek dusre ki baat ko cross karna hi unki adat ban gayi thi, aur isi adat ki vajah se unhe aaj college se detention mila tha

Form submit karne ke baad, Pari sidhe hostel chali gayi thi, apne room par jaate hi Paridhi apne phone par gaane sunne lagi, aur Kruti apne bf ke saath chatting karne lagi

Ab ladki ke haath me phone ho aur kuch surf na ho, yeh toh possible nahi hai..Pari bhi net surf karne lagi, ese hi surf karte karte use ek news mili, jise padhkar voh khud se hi bol padi "pata nahi masumo ko marker inn terrorists ko kya milta hai"

Darsal usne ek news site kholi hui thi, jisme kisi city me maare gaye hue logo ke baare me tha, Pari ne puri news padhe bina hi "agar aise hi log marte rahe..toh hamari itni sundar duniya puri tarah barbad ho jayegi"

News me kuch khas nahi tha, jo aam taur par hum padhte hai, vaisa hi kuch tha, karib 50 se jyada log maare gaye the, aur unke marne ki vajah bomb-blast batayi jaa rahi thi

Paridhi iss news ko skip karti hui social sites open karti hai, matlab ki uski sabse favourite sites/apps, yani fb aur instagram aata hai, toh usne sabse pehle fb khola, aur use kholte hi voh khud se bol padi "itni saari requests, lagta hai meri pics kuch jyada hi sexy thi

chalo usi ke bahane followers toh badhenge" aur voh bina kisi ki requests accept kiye messages ka tab open kiya jisme karib 30+ conversations the

Yaar yeh toh had hi ho gayi, muje toh muskil se saal me 5-6 converstaions me mesaage aate hai

Raat ke karib 10 baj rahe the, hostel me dinner karne ke baad Manthan apne sabse khas dost Pathik ke saath campus me tehelne nikla tha

Vaise toh dono dost baat karte hue tehel rahe the, lekin Manthan ka dhyan phone me tha, usne kahi baar Siddhi ko call kiya, par uska phone swtich off tha, jis vajah se Manthan bahut hi jyada pareshan ho gaya

Manthan ko iss tarah pareshan dekh Pathik usse puchta hai "kya hua bhai..?? bc teri shakal se aisa kyu lag raha hai jese kisi se marwa kar aaya hai"

Manthan "teri bhabhi ka phone band hai"

Pathik "battery down ho gayi hogi"

Manthan "nai yaar, sham se call kar raha hu, abhi tak phone band hai"

Pathik thoda sochte hue "yeh ajib hai, matlab ki sham ko muje Kruti ka message aaya tha, usne bataya ki Siddhi ro rahi thi"

Manthan chillate hue "kkkyyyaaa..?? aur tune muje bataya tak nahi"

Pathik "abe oooo ch*tiye, kitne call kiye teko, bc..ek bhi phone receive kiya tune"

Manthan gehri saans lete hue "ohhh haa yaar bhul gaya, bc aajka din hi kharab raha"

Pathik "bhok sale.kisne maar li thi aaj"

Manthan "HOD, fale ne ek hafte tak rusticate kar diya"

Pathik jor se haste hue "kyu be, uski ladki ko jhakh raha tha bc"

Manthan "nahi yaar, uss saali chudail ki vajah se..usko toh mai chodunga nahi"

Pathik aur manthan bachpan ke dost the, so voh janta tha ki manthan chudail sirf Pari ko bulata hai, so Manthan ki iss baat par Pathik aur bhi joro se hasne laga "hahaha, beta teri kismat hi kharab hai, tum dono kabhi alag nahi ho sakte"

Manthan ek aur baar phone karta hai..lekin samne se vohi jawab aaya, jiss vajah se voh bhadakte hue "bc..ise kya hua ab, jab usse baat karni ho tabhi uske natak hote hai, varna hamesa piche ghumti rehti hai, chal yaar"

Pathik haste hue "kaha jana hai bc"

Manthan "girls hostel me"

Pathik "abe marwayega kya, usse kal subah mil liyo, tuje college nahi jana, par meko jaana hai, aur ladkiya jhankni hai, chal bc sone"

Manthan uski aur ghurta hai, voh gaaliya toh bahut dena chahta tha, par fir voh bina kuch kahe apne room ki aur badh gaya, pehle se manthan ke liye kam tension nahi the, aur abhi usme ek aur tension badh gaya..Siddhi ke rone ke tension

Manthan ko udas dekh Pathik "yaar, ek kaam kar, tu na bhabhi se breakup karke Pari ko set karde, voh hamesa tere pass hi rahegi"

Manthan "uss chudail ke sath, maar khayega sale tu" aise hi yeh dono masti karte hue apne room me chale gaye

Next Day

Manthan ko aaj class me jaana nahi tha, par voh Siddhi se baat kiye bina nahi reh sakta tha, isliye voh bhi subah Pathik ke sath college me aagaya, lekin class ka time hone tak bhi Manthan ko Siddhi nahi dikhi

Manthan "yaar..yeh aayi kyu nahi..?? aaj se pehle class ke liye usne itna late kabhi nahi kiya"

Pathik thoda serious hote hue "tune kahi firse usse jagda toh nahi kar liya"

Manthan "naa be sale, ab maine jagda karna kam kar liya hai, aur uske liye mene cigeratte pina tak chod..." kehte hue voh ruk jaata hai

Pathik "bc..tune firse kal cigeratte pi, kahi usne tuje dekh toh nahi liya..??"

Manthan haa me apna sar hilata hai, voh kuch keh pata uske pehle hi Pathik ne Kruti ko dekh liya..voh Kruti ke pass jaakar

Pathik "yaar kruti, tune siddhi ko kahi dekha..?? voh abhi tak nahi aayi"

Manthan bhi uske pass jaakar "kal sham se usko call kar raha hu, abhi tak phone off hai uska"

Kruti manthan ko ghurte hue "kal jo hua, uske baad tuje lagta hai ki voh tujse baat karegi"

Manthan chuankte hue "kkyaa..?? kal kya hua..??"

Kruti 'bas itni jyada over-acting na kar, voh aa rahi hai, jaa manale use, mana paaye toh"

Kruti ki baat sunkar manthan piche ki aur dekhta hai, jaha se Siddhi aa rahi thi, lekin uska chehra kaafi alag tha, uski aankhe puri lal ho chuki thi..uski aankhe dekhkar koi bhi bata sakta ki voh puri raat jaagi hai

Manthan daudte hue Siddhi ke pass gaya, uske samne jaakar "betu..yeh kya halat bana rakhi hai tune..??"

Kruti "voh raat bhar ro rahi thi"

Manthan kabhi kruti ko dekhta toh kabhi Siddhi ko "kyaaa..?? par kyu.?? Kisine kuch kaha kya..?? kahi uss chudail ne toh..yaar uski problem kya hai, maina kaha tha..uske room me naa rehna, par meri baat toh kaun sunta hai"

Paridhi, siddhi aur Kruti school time ki friends thi, yeh tino ne bachelors ek hi college se kiya, aur usi college me Siddhi ko Manthan se pyaar ho gaya, aur manthan ko bhi siddhi pasand thi aur usne second semester me hi Siddhi ko propose kar diya..par manthan ki Pari se kabhi nahi bani, aur yaha hostel me Siddhi Pari ke saath room share kar rahi thi, jo Manthan ko bilkul bhi pasand nahi aaya

Siddhi gusse me rote hue hi chillai "stop it manthan, please, Pari ne kuch nahi kiya..yeh sab meri galti hai..it's over Manthan, it's all over"

Yeh sunkar Manthan ko ek bahut hi bada jatka laga, use apne kaano par yakin nahi ho raha tha, manthan apni aankhe faade Siddhi ki aur dekhta hai jo usko side karte hue aage nikal gayi

Achanak se manthan daudte hue Siddhi ke samne gaya..aur use rokte hue "par kyu..?? achanak kese..?? please bata na..kya kaha uss paridhi ne, kya kahkar mere khilaf tuje bhadkaya"

Siddhi "tuje lagta hai ki Pari aisa kuch kar sakti hai..usne kuch nahi kiya..sach kahu toh mai ab tang aa chuki hu, har choti choti baat par tu jagda karta hai, aur kal toh." kehte hue uski aankh se aansu nikal aaya aur voh bhagkar vaha se chali gayi

Manthan usko jaate hue dekhta reh gaya..par use rok nahi paaya..voh kruti ke pass jaakar "yaar ise kya hua..??"

Kruti "seriously Manthan, kal tune use bahut hi jyada hurt kar diya" aur voh bhi vaha se chali gayi

Pathik sawaliya najro se Manthan ki aur dekhta hai "sach bata..ab kya keh diya tune..??"

Manthan "muje khud nahi pata..i swear, mummy ki kasam, muje kuch yaad nahi hai"

Pathik kuch soch raha tha, manthan "please mere bhai, Siddhi ko class ke baad CCD le aana, please mere bhai, voh tuje apna bhai manti hai, teri baat nahi talegi"

Pathik "thik hai, koshish karta hu" aur voh manthan ke kandhe par haath rakhte hue vaha se class ki aur chala gaya, aur vahi manthan college ke canteen me jakar baith gaya aur sochne laga ki usne aisa toh kya keh diya tha ki Siddhi usse itni jyada naraz hai

"hehehehehehe, nahi nahi..please..nahi na, please aur nahi" pari jor jor se has rahi thi "please aur gudgudi nahi.varna"

Ladka "varna kya hmmm" aur voh pari ko aur bhi jor se gudgudi karne laga

Pari "varna yeh" kehte hue pari uss ladke ko kiss karne vali thi.ki achanak se uski aankhe khul gayi..aur voh jor jor se saanse lene lagi

Sharam ki vajah se uske gaal puri tarah lal ho chuke the, aur uski saanse ful gayi thi, aisa har ladki ke saath hota hai..jab voh apne pyaar ko pehli baar kiss karne vali hoti hai

Pari apni chati par hath rakhte hue fuli hui saanso ko sambhal rahi thi, yeh jante hue ki voh iss waqt room me akeli hai, fir bhi sharam ki vajah se voh apna chehra tak upar nahi kar paa rahi thi

Thodi der baad jab Pari normal hui toh apne aap se hi "yy.yee..shhh, ho kya raha hai mere saath..?? itne pyaare sapne..?? yeh sab muje bar bar kyu aa rahe hai, aur vo..vovvhh awaaz, aisa lag raha tha jese mene use kahi suni hai, par voh ladka kaun tha, uske chune ka ehasas muje abhi tak mehsus ho raha hai, lekin uska chehrea..uska chehre muje aajtak nahi dikha, kaun ho sakta hai voh..kahi koi rajkumar toh nahi" aur vooh apne hi baat par hasne lagi aur khud se boli "yeh toh bacho ki baate hai..fir kaun hai voh"

To be continued.

 

[sexstories]

Update: 5 (Sapno ka Khel)
​

Pari ke sapne dhire dhire waqt ke saath badhte hi jaa rahe the, aur inn hi sapne me Pari jese dubti chali jaa rahi thi..dhire dhire Pari ko yeh sapne ache lagne lage the..voh apne man me sochti hai "shayad ab muje bhi bf bana hi lena chahiye, kya pata god ji muje apne dreams ke through yahi kehna chahte ho, par aisa ladka muje kaha milega jo muje samaj paaye..?? aur fir voh ladka kaun hai jisko mai haroj sapne me dekhti hu..?? yeh sapne bhi na..ek dum Indian TV serials ke jese hai, pura sharir dikh gaya lekin uss idiot ka chehra nahi dikha..kaun ho sakta hai voh..?? yaa fir mai na kuch jyada hi sochne lagi hu, haa..yahi baat hai, yeh sab na unn chudailo ki vajah se ho raha hai, ek toh voh Kruti..hamesa phone par lagi rahti hai, aur voh dusri Siddhi..pata nahi kya dikh gaya hai uss janwar me..huh, isiliye muje iss tarah ke sapne aa rahe hai" voh khud se hi sawal puchkar khud hi unn ka jawab de rahi thi "mai bhi na, yeh subah subah kya soche lagi, mai na ek dum pagal hu, kuch nahi mila toh yeh pyaar vyaar ki baate" kehte hue voh jaldi se bathroom me ghus gayi

Karib 30 minute ke baad voh fresh hokar ready ho chuki thi, "aaj toh bahut late ho gayi hu, ab toh shayad breakfast bhi khatam ho chuka hoga" fir Pari ghar se laye hu packets se nashta karti hai, aur uske baad hamesa ki tarah lag gayi phone use karne

Vahi dusri aur, Manthan college ke canteen me baithe hue chai ki chuski le raha tha, voh abhi bhi soch me tha "aisa toh kya hua tha kal..jisse Siddhi mujse itni jyada naraaz hai..??" voh apne sar par haath rakhte hue "aaahhhhhh.muje kuch yaad kyu nahi aa raha..?? kahi yeh sab mere cigeratte pine ki vajah se toh nahi ho raha..??"

Canteen me baithe hue Manthan ko karib 2 hours ho chuke the..par use abhi tak kuch bhi yaad nahi aaya tha, apni ghadi me dekhte hue Manthan khud se hi bolte hue "break kabhi bhi ho sakta hai..please Pathik mere bhai, Siddhi ko le aana" college ke bahar CCD me pahuch gaya, aur vaha jaakar Siddhi ka wait karne laga

Lectures ke bich me Pathik baar baar Siddhi ki aur dekh raha tha, Siddhi ka mood aaj bahut hi jyada upset tha, kyunki aaj usne Manthan se breakup kiya tha, voh apne hi man me "kyu manthu, kyu kiya tune aisa..??" voh bas apne hi soch me dubi hui thi, aur aansu the jo rukne ka naam hi nahi le rahe the..Siddhi baar baar apna chehra saaf kar rahi thi, taaki koi usse rote hue naa dekh le

Break hote hi Kruti jo Siddhi ke baju me baithi thi voh kahti hai "Tu Manthan se baat kyu nahi kar leti..?? iss tarah rone se kuch nahi hoga"

Tabhi pathik siddhi ke pass aata hai "haa siddhi, ek baar baat toh kar le usse"

Siddhi gusse se chillayi "nahi..kabhi nahi, tu janta bhi hai kal usne mujse kya kaha..??" aur fir Siddhi Pathik ko sab kuch bata deti hai

Ek baar toh Pathik yeh sunkar khud shock ho gaya tha, use apne kaano par viswas nahi ho raha tha, voh Siddhi se kehta hai "nahi siddhi, mai Manthan ko bachpan se janta hu, chahe voh jitna bhi bura ho, par iss tarah ki baat..never, atleast tujse toh iss tarah ki baate voh nahi kar sakta"

Siddhi usko gusse se dekhte hue "toh kya mai juth bol rahi hu..??"

Pathik "nahi..mere kehne ka voh matlab nahi tha, actually manthan ko sach me kuch bhi yaad nahi hai, tere jaate hi usne apne mom ki kasam khakar kaha tha, aur mai janta hu voh apne mom ki jutthi kasam nahi kha sakta, please ek baar usse milkar baat karle"

Kruti "siddhi, kal se dekh rahi hu, tu khud ko hi hurt kar rahi hai, ek baar usse jaakar baat karle"

Pathik "uske liye na sahi, mere liye, please"

Siddhi pathik ko apna bhai manti thi, isliye Pathik ki baat ko mana nahi kar paayi, fir voh teeno hi CCD ki aur chal pade, jaha Manthan kabse unka intezaar kar raha tha

Manthan CCD ke bahar khade hue "yeh Pathik kar kya raha hai, bahut der kar di sale ne, kahi Siddhi ne mana toh nahi kar diya..?? nahi nahi..voh mana nahi kar sakti, mai janta hu voh pathik ki baat jarur manegi"

Manthan abhi yeh soch hi raha tha ki usne Siddhi ko aate hue dekh liya, voh bahut hi udaas thi, Siddhi ko iss tarah dekhne par Manthan ki aankhe bhar aayi thi, par voh khud ko sambhalte hue Siddhi ke pass pahucha

Manthan "please siddhi, bata na aisa toh kya kar diya maine ki tu mujse itni jyada naraz hai..??"

Pathik "bhai tuje sach me yaad nahi ki tune kal Siddhi ko kya kaha tha..??"

Manthan "haa be yaar..mai kitni baar batau, muje sach me nahi yaad ki kal kya hua tha, muje toh bas itna yaad hai ki Pari ke sath hue jagde ki vajah se mera mood bahut hi kharab tha, aur apna mood thik karne ke liye mai cigarette peene laga, bas uske baad kya hua muje kuch bhi yaad nahi hai"

Siddhi "aise bahane filmo me ache lagte hai..kisi aur se kehna, mujse nahi"

Manthan siddhi ki aankho me dekhte hue "I swear, muje sach me nahi yaad"

Pathik Manthan ko sab kuch bata deta hai, jo Siddhi ne use bataya tha, yeh sunkar toh Manthan khud shocked ho gaya tha, voh apne aap hi bol pada "impossible"

Pathik "sach bata manthan, tu siddhi ko already bahut hi jyada hurt kar chuka hai, dekh agar tera yeh koi bahana hai..toh please mere bhai abhi bata de"

Manthan "tum sabko meri baat par shayad hi yakin ho..par actually mai kal vaha tha hi nahi..matlab ki mentally mai vaha par nahi tha..kahi aur tha"

Siddhi ajib sa muh bante hue "kyaa..??"

Yeh sunkar Pathik turant hi bol pada "manthan, please manthan keh de ki voh sach nahi hai jo mai soch raha hu..??"

Manthan ek gehri saans lete hue "haa..vohi baat hai"

Siddhi "yeh tum dono kya baat kar rahe ho..??"

Pathik "siddhi, manthan ko ek bimari hai, pata nahi kya par, usko kahi baar ajib ajib tarah ke sapne aate hai, jo kabhi kabhi sach ho jate hai, toh kuch sapno ko voh bhul jaata hai, aur kahi baar toh aisa hua hai ki jab Manthan bahut hi jyada depressed ho..uss waqt voh kuch bhi bol deta..aur jab voh hosh me vapis aata hai..use kuch bhi yaad nahi rehta..shayad yahi vajah thi ki Manthan ne kal uss bus ko nahi dekha..aur tuje itna sab bol diya"

Siddhi chaunkte hue manthan ki aur dekhti hai "kyaa yeh sach hai..??"

Manthan "haa, siddhi, yeh sach hai, aur kal bhi mere saath yahi hua tha"

Siddhi thodi narmi se "kya hua tha..??"

Manthan "firse ek sapna, aur voh bhi itna ajib tha ki kese batau..charo aur aag lagi hui thi, aag ka dhua itna jyada tha ki kuch bhi saaf dikhayi nahi de raha tha, aur upar se jo kuch bhi dikh raha tha..voh bahut dhundla sa tha, sabke chillane ki awaaz kaano me gunj rahi thi, aisa lag raha tha ki mano mai bhagte hue kahi jaa raha hu, par voh hall..jaha se mai bhag raha tha voh jagah puri tarah tehas nehas ho chuki thi...thik usi waqt vaha par kuch ajib hua..aisa lag raha tha ki jaise kuch bahut badi gadbad hai, mai uss situation ko samaj pata uske pehle hi mai vaha se kisi alag hi jagah par pahuch gaya..muje khud yaad nahi ki voh jagah kya thi..yaad hai toh itna ki mere charo aur andhera tha..sirf andhera aur mai kisi par chilla raha tha"

Pathik "kispar chilla raha tha..??"

Manthan "mai nahi janta, par koi toh tha jispar mai gussa ho raha tha"

Pathik "yeh ajib hai, aajtak toh tune aisa kabhi kuch nahi dekha"

Manthan "nahi pathik, aisa nahi hai, isse bhi ajib baate mere saath pehle ho chuki hai"

Siddhi manthan ki baate sunkar thodi shant ho gayi thi, lekin voh abhi bhi Manthan se baat nahi kar rahi thi, Manthan Siddhi ka haath pakadte hue "siddhi..mai nahi janta ki kal mene tujse kya kaha tha, par itna janta hu ki voh sab maine jaan bujkar nahi kiya, I am really sorry"

Kruti "manthan, agar tuje itni badi bimari hai tu kisi doctor se consult kyu nahi karta..??"

Manthan "sab karwa chuka hu, doctor ne proper bed rest karne ke liye kaha hai, aur shayad yeh sab mere cigarette pine ki vajah se ho raha hai"

Yeh sunkar siddhi gusse me aakar manthan par chillayi "fir bhi tu cigeratte pina nahi chod raha, tune itni badi baat mujse chipayi..??"

Manthan "kya karta mai, tu hi bata, iss baar toh meri koi galti tak nahi tha, sab uss Pari ki vajah se hua, uski vajah se college se muje 1 week ka detention mila, aur upar se tu bhi nahi thi, bas isiliye mene cigeratte pee li"

Siddhi "pari se tu itna ladta kyu hai..?? voh utni bhi buri nahi hai"

Manthan "uski harkate hi esi hoti hai ki bas..usse jagda ho jaata hai"

Siddhi "aur tune mujse apni yeh problem kyu chupai..??"

Manthan "kyunki mai tuje pareshan nahi karna chahta tha, please na baby, ab toh maaf karde"

Siddhi kuch sochte hue "thik hai, par ek shart par, tu mujse promise kar ki aaj ke baad cigarette ko hath tak nahi lagayega"

Manthan "I promise you, kabhi nahi" uske baad Siddhi smile karte hue manthan ke gale lag jaati hai

Inn dono ka jagda toh khatam hua, par Pathik ke man me kuch chal raha tha, voh Manthan se baat toh karna chahta tha par abhi manthan ko Siddhi ke sath dekhkar kuch nahi bola aur vaha se chala gaya

Ek hafta toh aise hi nikal gaya, class ke baad Manthan aur Siddhi CCD me paaye jaate the, aur vahi Pathik apni studies ko leke serious tha toh voh jyadatar library me hota, Kruti as usual apne bf ke saath baat karti rehti, aur Pari.yeh madam ki toh alag hi duniya thi

Subah ke karib 7 baj rahe the, Pari aaj fir ek sapna dekh rahi thi, par aajka sapna kaafi alag tha, usme naa hi use voh ladka dikh raha tha..aur nahi koi aur, dikh raha tha toh ek registan

Ek anjaan si jagah, sumsan ilaka..aisa lag raha tha ki yeh registan ho, par nahi, yeh registan bhi nahi tha.na koi insaan aur nahi koi shor, kuch tha toh sirf kiske saans lene ki awaaz, Pari apne hi saans ke awaaz sun paa rahi thi, lekin uska chehra..aaj kaafi alag tha, chehre se aansu nikal rahe the, aur voh ek jagah baithi hui ro rahi thi

Tabhi use ek awaaz sunai di..Pari achanak se gehri saanse lete hue uth gayi, jab usne apni aankhe kholkar samne Kruti ko dekha toh voh thodi shant hui, usne Kruti ko sawaliya bhari najro se dekha, jo pari ka phone pakde hue khadi thi

Pari ne Kruti ki haath se phone liya, jisme kisi ka call aa raha tha, call ko pick karte hue "helloo"

Samne se awaaz aayi "kya mai Paridhi Bhatt se baat kar raha hu"

Pari "ha boliye"

Samne se "ji kya aap jald se jald ghar aa sakti hai..??"

Pari "ji par aap kaun bol rahe hai..??"

Shaks "mai PI Chandrakanth baat kar raha hu"

Samne se police vale ki awaaz sunkar Pari ki aankhe puri tarah khul jaati hai, uske dil ki dhadkan ekdum se badh jaati hai, uske muh se jese shabd hi nahi nikal rahe the, voh muskil se haklate hue "kk..kkk..yaaa baat hai inn..nsss..pp..eecc.t.tt..oo.rrr"

Police ka naam sunkar Kruti bhi shocked ho jaati hai, voh Pari se isharo me puchti hai ki kya hua
Samne se "ji voh mai aapko abhi nahi bata sakta, aap bas jald se jald apne ghar pahuchiye"

Pari "haa, mai abhi aati hu"

Tabtak Siddhi bhi Kruti ke saath aajati hai, Kruti puchti hai "kya hua Pari..?? kya keh raha tha inspector"

Pari rote hue "unhone muje fauran ghar bulaya hai, muje jana hoga"

Siddhi "ruk, hum sab saath chalte hai, aur pehle tu chup hoja, kuch nahi hua hoga"

Pari ispar kuch nahi kehti, voh bas apni aankhe saaf karti hai aur voh tino hi vaha se Pari ke ghar ki aur nikal padte hai
Raste me Siddhi Manthan ko message karke sab bata deti hai, aur use bhi Pari ke ghar pahuchne ke liye kehti hai, kyunki Siddhi janti thi..agar koi Police vala apko jaldi me ghar bulaye..matlab kuch toh bura hua hai

After 6 Months

Police ki ek jeep ghhhrr ghhhhrrr awaaz karti hui aage badh rahi thi, subah ke karib 6 baj rahe the, aur jungle me kohra jama hua tha, usi kohre ko bhedti hui voh jeep aage badh rahi thi, aur fir ek ganv me jaakar ruk jaati hai

Uss jeep mese 2 shaks bahar nikalte hai, usme se dusra shaks jo drive kar raha tha voh kehta hai "sir, yeh gutthi toh suljani hi padegi"

pehla shaks "haa..patil, agar aisa hi chalta raha toh iss gaanv me koi zinda nahi bachega"

To be continued...

 

[sexstories]

Update : 6 (Lash ya Kankal)
​

pehla shaks "haa..patil, agar aisa hi chalta raha toh iss gaanv me koi zinda nahi bachega"


ab aage.

Patil "sir aapko kya lagta hai, yeh khoon bhi kahi." voh bolte hue ruk jaata hai aur SP ki aur dekhne laga

Sp "let's see" kehte hue voh dono hi uss jagah pahuch gaye, jaha par logo ki bhid jama hui thi

Lash ke charo aur gaanv vale ikhata hue the, aur unhe police valo ne badi muskil se sambhala hua tha, logo me tarah tarah ki baate ho rahi thi..koi kuch keh raha tha toh koi kuch

SP aur Patil ko dekhte hi kuch police valo ne unn dono ke jaane ke liye jagah karwayi..Voh dono hi bhid ko chirte hue lash tak pahuche, par yeh kya..lash ki halat bahut hi jyada kharab thi..ise lash se jyada kankal kehna sahi rehta..kyunki uski halat hi kuch aisi thi..sharir ke niche hisse me sirf haddiya thi..uske alawa aur kuch nahi tha, agar sharir ke upar ke hisso ki baat kare toh chehre ke alawa kahi aur chamdi ka nishan nahi tha..chehre ki halat aur bhi ajib thi..kyunki sirf chehre par hi skin thi..aur voh bhi puri tarah such chuki thi..aankhe puri tarah khuli hui thi

Sabse jyada ajib toh yeh tha ki chehre ke niche vala hissa puri tarah kankal ban chuka tha..par chehre..uske upar abhi bhi chamdi thi

lash ko dekhte hi Patil kehta hai "sir jesa suna tha yeh toh uss se bhi battar hai"

SP "hmm, lash ko fauran forensic bhejne ki taiyari karo, and inn gaanv valo ko..hatao yaha se" kehte hue SP vaha se jaane laga

Tabhi use ek buddhe chacha SP ko ghurte hue kehte hai "voh kisi ko nahi chodega..sab kuch tabah kar dega..voh koi aam insaan nahi hai..nahi hai voh insan"

SP ek baar uss chacha ke upar najar dalta hai, aur fir bina kuch kahe vaha se nikal jata hai

Patil turant uss lash ko sambhal kar ambulance me rakhwakar turant hi ambulance ko vaha se rawana karta hai, aur logo ke vaha se jaane ke baad voh khud police station ki aur nikal padta hai

Iss waqt dupher ke karib 12:30 baj rahe the, SP apne cabin me table par panv rakhe hue kuch soch raha tha, uske dimag me baar baar uss buddhe aadmi ki baate ghum rahi thi..toh kabhi uske aankho ke samne voh laash aajati

Ghhhrrrr ghhrrrrrrr karti hui jeep band ho jati hai, aur Patil uss jeep se niche utar ta hai, aur fir sidhe SP ke cabin me chala jata hai

Patil ko dekhkar SP turant kahta hai "kuch pata chala"

Patil naa me apna sar hilata hai, aur fir voh SP ko ek file dete hue kehta hai "sir..yeh rahi voh file, jisme unn sabhi ki details hai"

SP voh file ko lekar dekne lagta hai, Patil aage kehta hai "sir, inn sabhi ke marne ki vajah ek jesi hi hai, bas farak itna hai ki jagah alag thi"

SP "hmm..aur lash ko forensic bhejwa diya..??"

Patil "yes sir, DR ne aapko hospital bulaya hai"

SP "vaha jakar koi fayda nahi hai, jab hume pata hi hai ki voh DR kya kehne vala hai, use phone laga"

Patil bhi yeh baat janta tha, isliye voh dr ko call karta hai, aur phone ka receiver SP ko deta hai, phone pic karte hi "DR mai SP Karan bol raha hu, kuch naya hai ya vohi purana"

DR "sir..iski bhi maut usi ki vajah se hui hai, maine apne carrier me aisi maut kabhi nahi dekhi"

Karan "hmm..thik hai, agar kuch aur pata chale toh batana"

Phone rakhne ke baad Karan Patil se kehta hai "pata chala voh lash kiski thi"

Patil "Mahesh naam ke ladke ki thi, aur uski umar karib 25 saal ki thi"

Karan sirf uski baat sunta hai aur fir "hmm..yaha par jitni bhi maut hui hai..voh sabhi ek jesi hai, kisi bhi halat me yeh rokna hoga"

Patil "par sir, hum use rokenge kese..?? gaanv me toh yeh afwa faili hui hai ki yeh kisi atma ka kaam hai, jo kisi baat ka badla le raha hai"

Karan "yeh sach nahi hai, baat kuch aur hai..aur yeh baat tuje bhi pata hai" ispar Patil kuch nahi bolta aur voh hawaldar ko chay lene bhej deta hai

Kuch der me voh hawaldar chay leke aajata hai, aur fir Karan aur Patil chayi ki chuski lene lagte hai tabhi

Hawaldar "sahib, agar aap bura naa mane toh mai ek baat kahu"

Uss hawaldar ki umar karib 50 saal thi, Karan uss hawaldar ki aur ek baar dekhta hai aur apna sar haa mein hilata hai, aur fir hawaldar usse kuch kehta hai jisse sunkar Patil aur Karan ke rongte khade ho gaye

IN DELHI

"Pari..ruk ja na yaar, kitna bhagaegi" kehte hue ek ladka Pari ke piche bhag raha tha

Vahi pari haste hue aage bhag rahi thi, uski hasne ke awaaz itni pyaari thi ki voh lakda bhi uske piche piche bhag raha tha, voh chahta toh Pari ko asani se pakad sakta tha..par usne aisa nahi kiya

Pari "hehehehehehe.nahi, himmat hai toh khud aakar pakado, mai itni asani se haath nahi aaogi..hehehe"

Ladka "acha aisi baat hai.muje challenge..ruk abhi batata hu" kehte hue voh ladka teji se bhagta hai aur jese hi voh Pari ke karib pahucha tabhi

Tabhi vaha sab kuch badal gaya, jaha kuch der pehle voh dono kisi garden me bhag rahe the..voh garden achanak se gayab ho chuka tha, Pari ne mehsus kiya iss waqt voh kisi aur jagah par hai..jagah bhi badi ajib thi, Pari ko kuch bhi samaj nahi aa raha tha ki uske saath kya ho raha hai, usko apne puri sharir me bahut dard ho raha tha..sab kuch dhundla sa dikhayi de raha tha, aisa lag raha tha jese uske charo aur aag lagi hui hai..tabhi uss aag me use kisi ki parchayi dikhai di..jo uske karib aa rahi thi..voh apna haath uss parchayi ki aur karti hai..jab voh parchai uske karib aayi..usne dekha ki ek ladka uske karib aaraha tha, chehra saaf nahi dikh raha tha..par aisa lag raha tha ki uss ladke ki aankho se aansu beh rahe hai..tabhi pari jor se chillati hai

Pari "nnnnnnnnnnnnnooooooooooooooooooooooo" kehte hue uth jaati hai..aur jor jor se saanse lene lagi

Pari bed par baithe hue joro se haanf rahi thi, uska pura sharir pasine me bheega hua tha, aur voh apne sar par haath rakhti hai aur fuli hui saanso ko sambhalne ki kosis karti hai

Pari ki awaaz sunkar Kruti uth jaati hai, aur voh Pari ke pass jaakar usse puchti hai "kya hua Pari, itni jor se kyu chillai"

Pari ek baar kruti ki aur dekhti hai..par voh kuch nahi kehti, uski aankho se aansu behne lagte hai, yeh dekhkar Kruti Pari ke pass baith jaati hai aur uske aankho se aansu ko hatate hue kahti hai "pari, jo hona tha voh ho chuka hai..aisa kabtak chalega Pari..agar aisa hi chalta raha toh tu khud ko hurt karti rahegi, and hum sab tere saath hai..tu akeli nahi hai"

Pari ki awaaz sunkar Siddhi bhi uth chuki thi, voh kehti hai "haa pari..tu khud ko akela mat samaj, hum sab tere saath hai, tuje koi bhi problem ho hume share kar sakti hai"

Pari ki aankho se aansu nikal aate hai, aur voh jor se Kruti ko hug kar leti hai "thanks, agar tum dono nahi hoti toh"

Kruti "sssshhhhhh.chal ab chup hoja, hmmm..aur aram se soja, jo hua hum use badal nahi sakte..tuje ab uss hadse ko bhulna hoga..tu khud ko nahi..unhe bhi hurt kar rahi hai"

Uske baad Pari lait jaati hai, aur apni aankhe band kar deti hai..par uski aankho me jese neend thi hi nahi, aisa nahi tha ki yeh aaj ki baat hai..pichle 6 mahine se Pari ki yeh halat thi..vo raat bhar nahi soti thi..neend ka naamonishan nahi tha..yaha tak ki voh hasna tak bhul gayi thi

Pari apne man me "yy.yyee..hh hh.o..oo. kk..kyaa raha hai muje, kyu aise ajib ajib sapne aate hai, aur voh ladka, akhir kaun hai voh, aur kyu baar baar mere sapno me aa raha hai, kya rishta hai mera usse, kya yeh sab sirf sapne hai..?? nahi..yeh sapne kese ho sakte hai..voh ehsas, voh khushi..voh dard jo mai mehsus karti hu....aisa lagta hai jese ki voh sab kuch mere saath pehle kabhi ho chuka hai..par yeh sab sach nahi hai" voh kaafi der apne sapne ke baare me sochti rahi..par use apne sawalo ke jawab nahi mile

Pari apne man me "kuch samaj nahi aa raha..kya karu mai, kise batao..?? kya muje inn dono ko batana chahiye" voh kruti aur siddhi ki aur dekhti hai, jo aram se so rahi thi "nahi.mai unhe nahi bata sakti, kya pata yeh sab fizul ki baate ho, mai unhe pehle hi bahut pareshan kar chuki hu.ab aur nahi, mere inn sapno ki vajah se voh dono sirf aur sirf pareshan hongi, aur vese bhi yeh sirf sapne hi toh hai..inka asal zindagi se koi lena dena nahi hota"

Subah ke karib 6 baj rahe the, Pari aaj fir puri raat nahi soyi thi, subah jab Siddhi uthkar Pari ko apne bed par baitha dekhti hai toh usse raha nahi jata, voh pari se bol padti hai "pari..kab tak tu aise rahegi, tu iss tarah bas khud ki health kharab kar rahi hai, tuje uncle aunty ki jarah si bhi fikar nahi hai, kya Aarav tuje aise haal me dekhkar khush hoga..?? nahi na, please Pari, sambhal khud ko"

Pari juthi smile dete hue "hmm..koshish karungi"

Siddhi "pari mai tera dard samaj sakti hu, par kab tak aisa chalta rahega"

Kuch der baad

Manthan aaj kaafi jyada khush tha, voh park me Siddhi ka wait kar raha tha, aur thodi der baad use Siddhi aati hui dikh gayi

Siddhi aate hi "manthan..sun na ek baat kehni hai tujse"

Manthan "ha bolna baby, kya hua..??"

Siddhi "yaar..dekh tu bura mat manna par"

Manthan thoda serious hote hue "baat kya hai Siddhi..?? tu itni tensed kyu hai..??"

Siddhi "I am sorry par..ab mai tujse baat nahi kar sakti"

Manthan "kya..?? matlab..??" tu majak kar rahi haina..??"

Siddhi "nahi manthan..ab aur nahi please, I can't talk to you anymore"

Manthan chaunkte hue siddhi ki aur dekhta hai "yeh tu kya bol rahi hai..?? tuje achanak se kya hogaya..??"

Siddhi "I am sorry, par mai tuje voh nahi bata sakti, just don't talk to me" aur voh vaha se chali jaati hai

Manthan se kuch kaha nahi jaa raha tha, voh toh bas Siddhi ko jaate hue dekhta raha, uske kaano me abhi tak Siddhi ki awaaz gunj rahi thi, yaha tak ki uski aankhe bhi gili ho chuki thi

Pathik "abe sale gandu, bc kaha mara raha hai lode"

To be continued.

 

[sexstories]

Update : 7 (Dosti)
​

Time : 7:00 AM

Pathik angdayiya lete hue uth jata hai..voh bed par baithe hue ubasi leta hai, aur fir aadhi khuli hui aankho se hi bathroom me ghus gaya

Karib adhe ghante baad Pathik fresh hokar bahar aaya, par aaj use kuch ajib laga..voh apne hi man me bola "bc..aaj yaha itna sannata kahe hai, varna haroj toh sala voh chutiya." kehte hue voh Manthan ke bed ki aur dekhta hai, aur Manthan ko dekhkar voh chaunk gaya aur apne man me bol pada "yeh sala subah subah kiski mannat me jaakar aaya hai..??"

Pathik ne dekha ki Manthan ro raha tha..aansu uske chehre se behte hue takiye ko bhego rahe the..par dhyan se dekhne par pata chala ki Manthan neend me hi ro raha hai, Pathik manthan ke pass jakar khichke uske pait me ek laat marte hue kehta hai "uth ja bc..8 baj gaye lode"

"aaaahhhhh" kahrate hue Manthan uth jata hai, aur fir apni aankho ko malte hue Pathik ki aur dekhta hai, jo usi ko ghur raha tha "bc..aise ghurna band kar..mai teri tarah gay nahi hu"

Pathik "bc..sale ch*tiye..subah subah kiski mahiyat me jaakar aaya hai..??"


Manthan ajib sa muh banate hue Pathik ki aur dekhta hai, toh pathik haste hue "tere thobde se pata chal raha hai bc"

Manthan aapne chehre par haath firata hai, use mehsus hua ki uska pura chehra bhiga hua hai..aur aankho se aansu abhi bhi beh rahe the, vohek gehri saans lete hue "thank god yeh sapna tha" aur voh uthkar Pathik ke gale lag jata hai

Pathik "bc..ab dekh gay vede kaun kar raha hai, sale hat bc..agar Siddhi ne dekha liya toh tere ko toh kuch nahi..meko hi kahegi ki mai uske bf par dore dal raha hu"

Manthan "yaar..tu nahi samjega ki kitna bura sapna tha"

Pathik haste hue "kyu be..kisne teri g**nd mar li..??"

Manthan "sale..chutiye mai majak nahi kar raha..bc"

Pathik "bhaunk be..tu kahe bina manega nahi, bakna shuru kar"

Manthan roni si shakal banata hai "siddhi ne mujse break up kar liya tha" isspar Pathik ne Manthan ka bahut majak banaya

Time 9:00 AM

Aaj ka din bahut hi suhana tha, asmaan me kale badal chaye hue the..aur halki halki barish ho rahi thi jo meeti ko bhego rahi thi..aur meetti ki bhini bhini khusbu vatavaran ko aur bhi pyaar bhara bana rahi thi

Manthan aur Pathik barish me bhigte hue college ki aur chal rahe the, tabhi manthan kehta hai "yaar bhai..aaj ka din bahut hi acha hai, bc..aaj padhayi me man toh lagega nahi, soch raha hu pura din Siddhi ke saath bitau"

Pathik kuch sochte hue "haa yaar, aaj toh mera bhi man nahi ho raha class me jaane ka"

Asie hi baate karte hue voh college canteen me pahuch gaye, jaha pehle se hi Siddhi aur Kruti maujud the, inn dono ke aate hi Siddhi Manthan par baras padti hai "kaha tha tu itni der se, tuje akal vakal hai ya nahi, mai kitni der se tera wait kar rahi hu" voh apne mobile me time dikhate hue "ab jaldi kar..lec shuru hone me sirf 5 minute reh gaye hai"

Manthan siddhi ke kandho par haath rakhte hue "shant shant.chill yaar, saans toh le..tu bahar toh dekh..itna romantic mausam hai aur tuje lec me jana hai..mai toh aaj pura din tere saath bitane ki soch raha tha"

Siddhi manthan ko ajib najro se dekhti hai "tu aaj late kyu hua..hmm..??"

Manthan "voh aaj uthne me der ho gayi..vaise voh chudail kaha hai..aaj aayi nahi tumhare saath..??"

Kruti "voh library gayi hai..use kuch kaam tha, vaise acha hua yaar aaj hum bunk kar rahe hai, I need your help guys"

Fir voh sab canteen me ek table dhund kar baith jaate hai, aur fir pathik "ha ba bol Kruti..?? kya hua..??"

Kruti "listen, next pura week college me chutti hai..aur hum sab apne apne ghar jaa rahe hai, Pari ke baare me kuch socha..?? matlab ki voh kaha jayegi..?? aur mai use yaha akele nahi rehne dena chahti"

Siddhi "kruti..maine pari se mere ghar chalne ke liye pucha tha..par usne mana kar diya, aur kehne lagi ki voh yahi par rahegi"

Kruti "maine bhi usse kaha tha, par voh meri baat sunne ko hi taiyaar nahi hai"

Manthan haste hue "yaar..isme kya hai..use chudail ghar par chod aate hai"

Siddhi gusse se manthan ki aur dekhti hai "manthan..it's serious, yaar voh aaj fir puri raat nahi soyi"

Kruti "exactly..aur tu janti haina..har raat ko voh roti hai, agar use akela choda toh pata nahi voh kya kar baithegi"

Manthan kuch sochte hue "hamm..sorry, yaar sach kahu, voh muje aise bilkul achi nahi lagti..matlab ki esi udas si, isse acha toh voh pehle vali thi..mana ki maine use kabhi pasand nahi kiya..par aaj aisa lag raha hai ki voh pehle jesi thi vaise hi sahi thi..atleast voh bola toh karti thi..fir vajah mujse hua jagda hi kyu na ho"

Kruti "haa manthan..yeh toh tune sahi kaha, tu jitna soch raha hai Pari utni buri bhi nahi hai..uss din ke baad toh jese Pari hasna hi bhul gayi ho, muje toh yeh bhi yaad nahi ki voh pichli baar kab hasi thi"

Siddhi "guys..we need to help her, she is my best friend, par samaj nahi aa raha ki kaise madad karu uski..??"

Manthan kuch sochkar "I have an idea"

Sab "kya..??"

Manthan apna idea sabko sonata hai, uspar Siddhi "nahi manthu, muje nahi lagta ki tera yeh idea kaam karega..isse voh bahut hi jyada hurt hogi"

Kruti "nahi Siddhi..i think manthan should try, kyunki kahi baar kuch baate pyaar se nahi banti, and I think Manthan can do this"

Tabhi pass mese do ladke gujar rahe the, aur unki baate sunkar yeh sab unn dono ki aur dekh rahe the

Ladka 1 "yaar tune kal ki news dekhi, Mumbai me kal firse 5 log maare gaye"

Ladka 2 "haa..unki maut bahut hi dardnak tarike se hui hai"

Kruti "kyaa..?? firse..??"

Manthan "haa..aur maine toh yeh bhi suna hai ki yeh khoon uss ganv me bhatak rahi aatmaye kar rahi hai"

Siddhi thoda sa darte hue "kyaa..?? sach me"

Manthan "janti ho..jab koi buri atma kisiko marti haina..toh voh bahut dardnak maut deti hai"

Siddhi manthan ka haath jor se pakad leti hai, aur usne apni aankhe jor se bandh kar di thi..Tabhi manthan sab ko chup rehne ka ishara karta hai aur fir dhire se "bbbhhhhaaawww" yeh sunkar toh Siddhi bahut dar jaati hai..aur voh apni jagah se chillate hue khadi ho jati hai

Iss tarah se Siddhi ka khade hote dekh sab uspar hasne lagte hai, jab Siddhi ko iss baat ka ehsas hua toh voh jor se Manthan ko mukke marne lagti hai aur Manthan joro se hasne laga

Manthan ko iss tarah hasta dekhkar Siddhi apna muh fulakar baith jaati hai, uski aankho se aansu nikal aate hai

Manthan yeh dekhar usko kaske hug karta hai "I am sorry yaar, mai toh bas..bas ek chota sa majak kar raha tha"

Siddhi "huh.aisa bhi koi majak karta hai bhala, tuje pata hai mai kitna dar gayi thi"

Manthan "common yaar, yeh bhoot voot kuch nahi hota, yeh sab mangadhat kahaniya hai"

Kruti haste hue "par siddhi..tu itna dar kyu gayi thi..??"

Siddhi "voh..voh actually papa Mumbai jaane ka bol rahe the, bas usi ko sochkar ki dar gayi, aur aajkal jo ho raha hai tub hi janti hai"

Manthan is baat par aur bhi hasne lagta hai, jo Siddhi ko pasand nahi aata

Pathik "bhai, tu jyada mat has, janta hai raat me kese mummy mummy kehte hue chillata hai, aur tuje pata hai siddhi, aaj yeh late kyu hua tha..?? kyunki aaj yeh neend me hi ro raha tha"

Siddhi manthan ki aur dekhti hai, aur manthan Pathik ki aur gusse se dekhte hue "batana jaruri tha"

Pathik "haa..dekh agar tu meri bhabhi ko tang karega toh mai toh yahi karunga"

Manthan "abe sale, bhai hai toh bhabhi hai"

Pathik "na na..na..na, bhai toh haroj hota hai, bhabhi kabhi kabhi hi aati hai.and I think you forgot..she is mah sis tooo"

Sidhdhi "tu sach me ro raha tha"

Manthan "haa"

Siddhi "kyu..?? firse koi bura sapna dekha..??"

Manthan haa mein apna sar hilate hue "ha siddhi..iss baar bahut ajib hua, sapne me tu muje chodkar chali gayi, aur tune yeh bhi kaha tha ki tu ab kabhi bhi mujse baat nahi karegi"

Iss baar sabhi log hasne lagte hai, par Siddhi sabko gusse se ghurne lagi toh sab shant hog aye

Location Near Mumbai

Vahi..usi gaanv ke ghar me, ek ladka khatiya par laita hua tha..dhere dhere uske hatho ki ungliya hil rahi thi, uske dimag me dhundhli si ek tasweer dikhayi deti hai, usne dekha ki voh ladki..jisse voh pyaar karta hai voh usi ke samne mari gayi hai..aur fir voh ladka chikhte hue khada ho jata hai "nnnnnnoooooooooo" aur jor jor se saans lene laga

Tabhi uss kamre me ek ladki daudte hue aati hai, voh dekhti hai ki Mayank uth gaya hai aur voh jor jor se saanse le raha hai, Mayank uss ladki ko ek baar dekhta hai..voh apne aapko ek jopde me pata hai, use samaj nahi aa raha tha ki uske saath ho kya raha hai "k..kk..uauaannn hh.hhooo t...ttt..uummmm, m..mm.aa..iiii kaha hu..??"

Voh ladki "dariye mat Mayank ji..aap surakshit hai, aap baitho mai abhi bapu ko bulakar laati hu"

Aur voh ladki bhagte hue uss jopde se bahar nikal gayi, aur bahar jaakar apne baapu se kehti hai jo SP Karan se baat kar rahe the

Ladki "bapu..voh Mayank ji ko hosh aa gaya hai"

Karan "yeh Mayank kaun hai..??"

Chacha "voh chora maare ko uss jungle me mila tha, 6 mahino se uuu coma me tha..aaj hosh me aaya hai"

Karan "hmm..thik hai chacha ji, mai bas itna hi kehne aaya tha ki yeh gaanv ab shurkashit nahi raha..ho sake toh aap sab yeh gaanv chod de, kyunki voh khooni bahut hi khatarnak hai" aur fir Karan aur Patil vapis nikal jaate hai

Patil jeep chalte hue Karan se kehta hai "sir..muje lagta hai ki hume gaanv valo ko sachai bata deni chahiye thi"

Karan "nahi Patil..gaanv vale pehle se hi dare hue hai, hum unhe iss waqt yeh saari baate nahi bata sakte, unn sab ke liye yahi behtar hai ki voh iss gaanv ko chodkar kahi aur chale jaye"

Chacha "chal re chori" aur fir voh dono Mayank ke pass aajate hai, jo abhi bhi apni halat ko samajne ki koshish kar raha tha

Chacha ko dekhkar Mayank puchta hai "aap log kaun ho..?? aur mai..mai yaha kya kar raha hu, muje kuch yaad kyu nahi aa raha"

Chacha "mayank beta..chore pehle toh tu shant ho ja, aur sun tu iihhhaa par pichle 6 mahino se hai, tu coma me chala gaya tha"

Mayank chillate hue "kkkyyaaaaa.??? Mai yaha par kaise aaya..??

Chacha "tu maare ko uss jungle ke bahar mila tha"

Jungle ka naam sunte hi Mayank ki aankhe khuli ki khuli reh jaati hai, uski aankho se aansu nikal aate hai, aur tabhi voh chacha firse puchte hai "choro tu uss jungle me ka karne aaya tha"

Mayank "mai vaha kaam se aaya tha..aur chacha mera naam.." Voh kuch kehta uske pehle hi uss jopde me ek shaks daudte hue aaya

Voh shaks "chacha, chacha"

Chacha "kaha itna bhaunk raha hai launde"

Shaks "chacha, manohar aur uske pariwar valo ko ussi bhut ne mara hai, police maane ya naa mane, aur hum gaanv valo ne iss gaanv ko chodne ka faisla kiya hai"

Chacha "thik hai, mai aata hu bahar" fir chacha mayank ko aaram karne ka kehkar bahar chale jaate hai

Mayank uss ladki ki aur sawaliya bhari najro se dekhte hue kehta hai "bhoot..?? tum sab abhi tak iss bhut jesi chizo me mante ho..??"

Ladki "haa..mayank ji, pichle kuch dino se uss bhoot ne bahut logo ko mara hai, aur aaj subah me manohar chacha aur unke pariwar vale bhi maare hue mile, voh bhoot bahut hi khatarnak hai Mayank ji"

Mayank apne man me "what the hell, agar mai ab yaha ek pal bhi ruka toh pakka inn sab ki tarah pagal ho jaunga" fir voh ladki se kehta hai "aapka naam kya hai..??"

Ladki "ji aneri"

Mayank "aneri..nice name"

Aneri ajib sa muh banate hue "ji..??"

Mayank "are..mera matlab tha ki acha naam hai, aapne itne din tak mera khayal rakha uske liye dhanyawad, muje ab chalna chahiye"

Aneri "par aapki tabiyat"

Mayank "ji..mai bilkul thik hu, muje jana hoga" fir voh uss jhopde se bahar aata hai, tabhi aneri Mayank ko apna wallet deti hai, Mayank wallet ko lekar sidhe chacha ke pass jaata hai, aur unhe bhi dhanywad kahta hai, aur vapis aane ka kehkar Mayank uss gaanv se nikal jaata hai

Ganv se main road ka raste ussi jungle se hokar gujarta tha, Mayank uss jungle ke andar jaane ke rasti ki aur dekhta hai aur apne aap se "I am sorry jaan..i am really sorry, mai nahi bacha paya tuje" aur uski aankho se aansu nikal aaya aur voh bina mude vaha se chala gaya

Location : DELHI

Pari canteen ke aage bane hue garden me khadi thi, voh aankhe band kaarke apna sar asmaan ki aur karti hai, barish ki halki halki bunde uske pyaare se chehre ko bhigo rahi thi, aaj 6 mahine baad pari ke chehre par halki se muskaan aayi thi, aisa lag raha tha ki voh barish ki bunde, pari ke dil me rahe dard ko bhi apne saath baha rahi thi

Pari ko iss tarah bhigte Kruti dekh leti hai, aur voh Pari ki aur ishara karte hue sabse kehti hai "guys, see, 6 mahine baad pehli baar Pari aaj itni khush lag rahi hai"

To be continued.

 

[sexstories]

Update : 8 (Dil se Sab Jude hai)
​

Barish..yeh ek aisa mausam hai jo har kisi ko pasand hota hai, chote se lekar bade..sabhi bearish ko pasand karte hai

Barish..yani pyaar ka mausam, kehte hi barish pyaar karne valo ko aur bhi karib le aati hai.par kabhi kabar yahi barish kisi ki zindagi le jaati hai, toh kisiki puri duniya hi ujaad leti hai

Aaj ho rahi barish ne pari ke chehre par muskaan toh vapis laa di thi.par voh nahi janti thi aane vala pal uski zindagi me kya mod le aayega

Sab kuch bhulakar Pari iss mausam ki pehli barish ka maja lee rahi thi, apne baanhe failaye hue voh barish ko pura anand utha rahi thi, barish ki har boond uske chehre ko chuti hui jaa rahi thi..aur jese jese barish ki bund uske chehre ko chuti..pari ke dil me raha dard bhi kam ho raha tha.halaki jo dard Pari ko mila tha voh aise kam hone vala nahi tha..par ha kuch der ke liye hi sahi..Pari apne dard ko bhulti jaa rahi thi

College me rahe students bhi iss baarish ka swagat kar rahe the..kruti, manthan, pathik aur siddhi..pari ko iss tarah hasta dekh kar unhe bhi acha lag raha tha

Manthan "mai nahi janta tha ki pari itni khubsurat bhi lag sakti hai"

Yeh sunkar siddhi manthan ki aur ajib najro se dekhne lagi..siddhi ko apni aur iss tarah dekhta paakar manthan turant kehta hai "mera matlab tha ki pari ko iss tarah haste hue dekhkar acha lag raha hai"

Kruti "manthan..shayad tum dono ke jagdo ki vajah se hi tune kabhi pari par dhyan nahi diya.voh hamesa se inti hi khubsurat thi..bas uss hadse ne pari ki puri duniya hi badal dali"

Pathik "sach me yaar..pari ke saath jo hua voh bahut hi bura tha, aur sirf pari hi nahi..aise bahut se log hai jinke saath isse bhi bura ho chuka hai"

Kruti "aakhirr dexter chahta kya hai, iss tarah logo ko marker voh kya hasil karna chahta hai"

Pathik "pata nahi..par voh jo koi bhi use rokna bahut hi jaruri hai"

Manthan "use koi rok nahi sakta, tum sab jante ho..jisne bhi use rokne ki koshish ki..voh sab mare gaye, aajtak koi bhi zinda nahi bacha"

Siddhi "haa..aur maine toh yeh bhi suna hai ki usne sirf India me hi nahi..balki pure world me apna atank macha rakha hai, pichle hafte hi..usne America ke ek pure sheher ko uda diya tha"

Manthan "hmm..pata hamari army use kese rokegi, rok payegi bhi yaa nahi, even world ki best army tak use rok nahi paayi"

Kruti "khair..filal hame Pari ka khayal rakhna hoga, use rokne ke liye pura world koshish kar raha hai"

Sab ki najar firse ek baar Pari ki taraf gayi..baris ka maja Pari puri tarah se le rahe thi..aisa lag raha tha ki jese Pari ka bachpana laut aaya ho..voh sab kuch bhulkar ghol ghol ghumte hue iss barish ka anand le rahi thi

Manthan dhire dhire chalte hue Pari ke pass aaya, lekin Pari..use toh mano jaise kisi ki parwah hi naa ho..voh apni hi duniya me kho gayi thi

Pari ke pass aaye Manthan ko 5 mins se upar ho gaye the, lekin Manthan ne abhi tak kuch nahi kaha tha..manthan sach me iss waqt yeh bhul chuka tha ki voh Pari ke pass kyu aaya hai, use kuch yaad tha toh Pari ka voh khubsurat chehra aur uski cute si smile, jisme voh puri tarah kho chuka tha

Vahi yeh dekhkar Siddhi thodi chidchidi si ho gayi thi, manthan ka iss tarah se Pari ko ghurna shayad use acha nahi lag raha tha "yeh idiot kar kya raha hai"

Kruti "matlab..??"

Siddhi "dekh na, kabse voh ullu ki tarah khada hai, abhi tak usne Pari se baat tak nahi ki"

Yeh sunkar Kruti hasne lagti hai, jise dekhkar Siddhi ko gussa aagaya, aur voh Manthan ki aur jaane lagi aur use Kruti ki awaaz apne kaano me sunayi di "Pathik..muje kahi se kuch jalne ki buu aa rahi hai"

Pathik bhi siddhi ko chidate hue "tuje bhi aa rahi hai..yaar muje toh kuch jalta hua dikh raha hai" aur voh dono hi hasne lage

Siddhi apna muh banate hue "huh..tum dono se toh mai baat hi nahi karungi"

Kruti "hehehehe..are darling..jara ruk ja, kya pata Manthan shayad yeh jaan bujkar kar raha hai, mera matlab ki voh Pari se baat hi naa kar paaya ho, tu khud ek baar Pari ki aur dekh, voh itni jyada khus hai ki Manthan usko hurt nahi karna chahta, bas kuch der Pari ko aise khus rehne dena chahta ho..taaki Pari ko jyada takleef na ho"

Kruti ki baat siddhi ko sahi lagi..par fir bhi uske dil me dar tha..ki shayad kuch bura hone vala hai

Badal ke kadakne ki awaaz se Manthan aur Pari dono hi hakikat ki duniya me vapis aaye, achanak se hui bijli ki awaaz sunkar Pari jese ghabra gayi..jaise hi usne aankhe kholi, use apne samne Manthan dikhayi de gaya, voh kuch samaj paati uske pehle ek aur bijli ke kadakne ki awaaz ne Pari ko dara diya, aur bina kuch soche samje hi Pari turant hi Manthan ke gale lag gayi

Manthan jo kuch der pehle Pari ki khubsurat hasi me kho gaya tha, voh hakikat me vapis aa chuka tha, use kuch samaj nahi aa raha tha ki uske saath hua kya hai, jiss ladki se hamesa usne jagda kiya hai, hamesa usko harane ke bare me socha..chahe voh sports ho ya exams ka result, ya koi bhi baat ho, hamesa Pari se jagda kiya, uss ladki ke liye voh aisa kuch feel kar payega usne sapne me bhi nahi socha tha

Jo feeling use apne dil me Pari ke liye aa rahi thi, voh uske samaj ke bahar thi, par tabhi firse kuch aisa hua ki Manthan sab kuch bhul gaya, bijli ke kadakne ki awaaz sunkar Pari ne Manthan ko kaske hug kar liya, aur fir ek baar Manthan pari ki duniya me chala gaya

Pari ko Manthan ke gale laga dekhkar Siddhi ko bahut hi jyada gussa aaraha tha, Siddhi ke maje lete hue Kruti boli "yeh mai kya dekh rahi hu..manthan aur pari ek saath..voh bhi itne pyare mausam me..how romantic na"

Siddhi janti thi ki Manthan sirf Pari ki madad kar raha hai..par fir bhi use acha nahi lag raha tha, voh Manthan ko iss tarah nahi dekh paa rahi thi, apna bag lete hue Siddhi "mai jaa rahi hu" kehte hue vaha se chali gayi

Kruti bhi siddhi ke piche jaane lagi "siddhi..rukna, are yaar majak kar rahi thi mai toh" par Pathik uska hath pakad leta hai, aur naa me apna sar hilata hai "nahi kruti..abhi nahi, shayad yeh jealousy unn dono ke liye sahi hai"

Ek baar toh Kruti bhi yeh sunkar dang reh jaati hai, par Pathik ki baat samajte hi voh smile karti hai, aur Pari ki aur dekhne lagi, jo abhi bhi Manthan ke gale lagi hui thi

Achanak se baarish tej ho gayi, jiski vajah se Pari aur Manthan dono hi jese neend se jaage, Pari manthan se turant hi dur ho jaati hai, aur voh Manthan ko ghurne lagi

Manthan abhi bhi kuch nahi keh paa raha tha, voh toh bas pyaar se Pari ki aankho me dekh raha tha, aur vohi Pari gusse se Manthan ko ghur rahi thi

Pari "how dare you touch me, aur aise ghur kya raha hai..?? tuje jara si bhi sharam nahi aati, aisa karte hue tuje ek baar bhi Siddhi ka khayal nahi aaya, voh bichari tujpar jaan chidakti hai, aur tu har ladki par muh marta dirta hai..aur yaha tak ki ab toh usi ki friend par, just go to hell"

Lekin shayad Manthan ne Pari ki awaaz nahi suni thi, are kaise sunta, Pari iss waqt itni jyada khubsurat lag rahi thi ki mai shabdo me bayan nahi kar sakta, ek dum pyaara sa chehra, jheel ki jesi neeli aankhe, gulab ke jese hoth, aur barish me bhigne ki vajah se Pari ke chehre par uske baal chipak gaye the, jise Pari ne pyaar se apne najuk se haatho se hataye

Jiss chehre par thodi der pehle muskaan thi, uski jagah gusse ne le li thi, par Manthan ko aaj yeh gussa bhi bahut pyaara lag raha tha, Manthan ko apni aur iss tarah ghurne par Pari ko aur bhi jyada gussa aa jata hai, voh manthan ke chest par mukka marte hue kahti hai "rascal, aaj ke baad tu mere samne naa aayiyo" aur voh vaha se jaane lagi

Pari ki mukke se Manthan ke chehre par ek muskaan aagayi, voh Pari ki aur mudte hue kehta hai "tuje chuna kaun chahta hai..??"

Manthan ki awaaz sunkar Pari ruk jaati hai, aur voh ajib sa muh banate hue Manthan ko ghurne lagi "tu apni iss shakal ko chudail ke jesi mat banayakar, bahut hi bhayankar dikhti hai"

Pari ka gussa satwe asmaan par tha, "kya kaha tune..teri itni himmat"

Manthan haste hue Pari ke pass gaya, aur uske haath ko pakadkar marodta hai "kya kaha tha tune ki muje siddhi ki parwah nahi hai, toh sun, Mai siddhi se bahut hi jyada pyaar karta hu, samji, uskeliye mai kuch bhi kar sakta hu..aur rahi baat tuje chune ki, tuj jesi ladki ko toh mai sapno me bhi na chuvu, baat karti hai, aur jesi adiyal aur ladaku ladki ko mai toh kya koi bhi ladka nahi chuna chahega, isiliye tere saath koi dosti nahi karta, aur nahi kabhi tera koi dost banega, tu hamesa aise akeli hi rahegi..puri zindagi, sab chodkar chale jayenge tuje..sabke sab" aur manthan vaha se chala gaya

Manthan ki baate sidhe Pari ke dil par lagi thi..kyunki usne sahi kaha tha, pari se koi dosti nahi kar raha tha, Manthan ki har baat ka jawab Pari palat kar diya karti thi..par aaj voh kuch na keh saki..kuch keh paayi toh voh thi uski aankhe, jo aansuo ke roop me bahne lagi thi, lekin shayad aaj uske inn aansuo ko pochne vala koi naa tha, barish ki vajah se aansu bhi uska saath chod rahe the, aankho me aansu liye hue Pari daudte hue hostel chali gayi..room par jaate hi usne door band kiya aur door ka sahare liye pith ke baal khadi rahi

Pari ki aankho se aansu lagatar beh rahe the, voh apni aankho ko band karte hue darwaje ke pass hi bath gayi aur jor se chikhte hue rone lagi, ek ek karke uske family valo ki tasweer uske samne aagayi

"no.noo...nnoooooo, kyu bhagwan ji.kyu, kyu kiya aapne aisa, sab kuch toh chin liya mujse, ab kya bacha hai, meri 2 pal ki khushi bhi aapse sehan naa hui, use bhi chin liya aapne, aur manthan..voh kehta hai ki mai hamesa aisi hi akeli rahugi"

Tabhi uske kaano me ek awaaz sunai di "didi...didi" awaaz sunte hu Pari ne apni aankhe kholi, aur thik uske samne Aarav apne haath failaye hue khada tha

Aarav ko dekhte hi Pari turant khadi hui aur daudte hue Aarav ke karib gayi, lekin pari ke chune se pehli hi Aarav vaha se gayab ho gaya

Pari apne charo aur Aarav ko dhund rahi thi, par use Aarav kahi nahi dikha, voh rote hue vahi zameen par baith gayi aur kahne lagi "please aarav, mat tang karna muje, mai ab iss duniya se thak chuki hu, please bhai, please"

Tabhi firse Pari ko aarav ki awaaz sunai di "didi..yaad hai maine aapse kaha tha, mai aapko fir kabhi tang nahi karunga, kabhi jagda nahi karunga, aur aapki chocaletes bhi nahi khaunga, agar uss din aap meri baat mankar ghar par ruk jaati toh aaj aapki yeh halat naa hui hoti"

Pari ko voh din aagaya, jab Aarav rote hue uske kamre me aaya tha, Pari ne Aarav se vada kiya tha ki voh har weekends me usse milne aaya karegi..par voh apna promise nahi rakh paayi

Pari vaise hi rote hue "aarav..kaise aau, tu hi bata, kaise aau mai tujse milne"

Aarav ki awaaz "didi..aap janti ho, aap iss tarah se rokar muje kitna hurt kar rahi ho, aap janti hona ki mai sab kuch bardast kar sakta hu, par apni didi ki aankho me aansu kabhi nahi dekh sakta, yaad haina apne mujse promise kiya tha ki aap kabhi nahi rogi, aur agar aapko kabhi rone ka man kare toh hum dono saath me hi roya karenge"

Pari janti thi ki yeh aarav nahi hai, bas uski awaaz thi, par fir bhi yeh sunkar pari ke chehre par halki si muskaan aagayi "aarav, teri didi, ab thak chuki hai, mujse ab yeh sab sehan nahi hota"

Tabhi uske kaano me ek aur awaaz sunai di..aur voh awaaz uske mummy ki thi "meri beti itni kamjoor nahi ho sakti, Pari uth ja meri bachi..aur dikha de duniya ko ki meri Pari kamjor nahi hai"

"ha princess, aap kabhi kamjor nahi ho sakti, aur aapke saath koi ho ya na ho, hum sab hamesa hamari princess ke saath hai" Yeh awaaz uske papa ki thi

Pari rote hue "nahi papa, aapki princess bahut kamjor hai"

Mummy "kisne kaha aisa, apni aankhe kholo beta"

Pari apni aankho ko aur jor se bhich leti hai, use lag raha tha ki agar usne aankhe khol di toh voh inn sab se fir kabhi baat nahi kar paegi, voh apna sar jor jor se naa me hilane lagti hai

Aarav "didi..please"

Aarav ki awaaz me itna jyada pyaari tha ki pari khud ko rok nahi paayi, usne apni aankho ko dhire se khola toh uske samne uske papa, mummy aur aarav ek safed roshni me dikhayi diye

Pari ke chehre par ek badi si muskaan aagayi aur voh apne aansuo ko saaf karte hue "papa..mumma, aarav, aap sab yahi ho"

Pari ke papa pyaar se uske chehre par haath firate hue "hum kabhi apni princess se dur nahi gaye"

Pari apne mummy ki aur dekhte hue "mummy, ab aap muje chodkar kabhi mat jana"

Mummy pari ke dil par haath rakhte hue "ssshhhhh..hum kahi nahi gaye, hamesa se yahi hai, tere dil me"

Apni mummy ki baat sunkar Pari firse rone lagi, fir uske mummy ki awaaz sunayi di "Pari..agar aap esi hi roya karogi, toh hume kitna hurt hoga hmm..aap promise karo ab aap ache se rahogi, aur aap ese roya bhi nahi karogi"

Pari "I love you mumma, I love you papa, and I you all so much"

Sab "we love you too"

Uske baad achanak se voh roshni gayab ho gayi, pari ab khud ko bahut hi halka mehsus kar rahi thi, jo dard uske dil me tha, voh ab kaafi had tak kam ho chuka tha, tabhi..

To be continued.

END OF PHASE-I
​

 

[sexstories]

Update : 9 (Kya hai uska Raaz..??)
​

6 mahine pahle

Subah ke karib 7 baj rahe the, PI se baat karte waqt Pari ka dil joro se dhadak raha tha, apne dil par haath rakhe hue Pari khud ko sambhalne ki koshis kar rahi thi..par reh rehkar uske dil me bure se bure khayal aa rahe the

Call khatam hote hi Pari apni friends ke saath ghar jaane ke liye nikal padi, lekin koi bhi taxi vala uss jagah jaane ke liye taiyaar na tha, muskil se ek taxi mili..par delhi ka traffic voh bhi pick hours me, aap samaj hi sakte hai, Cab me baithe hue pari ne jese ek hi baat ki rat laga rakhi ho "papa mummy, pakka unhe kuch hua hai, kuch bura..bahut bura, kahi voh."

Pari ko shant karate hue siddhi kahti hai "pari..sabse pehle toh tu shant hoja, kisi ko kuch nahi hua hoga"

Kruti "ha pari..please yaar tu rona band kar, aisi negative baate tu sochti hi kyu hai..?? uncle aunty ko kuch nahi hua hai, dekhna sab kuch thik hoga"

Lekin jese pari inn dono ki baato ko sun hi nahi rahi thi, Pari ko shant karwane ke liye Siddhi uske gaal par ek thappad marti hai, aur uske kandho ko pakadte hue kahti hai "chup hoja Pari, chup hoja please, himmat rakh, unhe kuch nahi hua hai..sab thik hai, sab kuch thik hai"

Siddhi ke thappad ka pari par asar hua, voh bolte hue ruk toh gayi, par uski aankhe ro padi, Pari ne Siddhi ki aankho me dekhte hue pucha "Siddhi, bata na, PI ne aise achanak kyu bulaya..papa mumma thik toh honge na, aur..aur kisi ka bhi phone nahi lag raha, kabse call kar rahi hu..par sabke phone switch off aa raha hai"

Pari ki halat siddhi achi tarah se samaj sakti thi, sach toh yeh tha ki voh khud janti thi ki kuch bahut bura hua hai, lekin iss waqt use Pari ko sambhalna tha, Siddhi nahi janti thi ki Pari ke iss sawal ka voh kya jawab de, usne Pari ki aankho se beh rahe aansuo ko saaf kiya, aur voh kuch keh paati uske pehle unn sab ko ek awaaz sunayi di

RJ "delhi vasiyo ke liye yeh dukhbhara din hai, aaj subah sector 28 me jo dhamaka hua tha..uss dhamake me karib 5 colony puri tarah se tabah ho gayi hai, kaha jaa raha hai karib 1000 logo uss dhamake me apni jaan ganwa chuke hai, aur yeh ankhde shayad badh bhi sakte hai, kyunki 750 se bhi jyada log buri tarah se ghayal hai, jinhe city hospital me le jaane ka kaam jaari hai, police ka kehna hai ki yeh ek atanki hamla hai..par abhi tak dhamaka hone ke picha ka karan abhi tak nahi mila, yaha tak ki India ki special force bhi bulayi gayi hai"

News sunkar Pari jese ek alag hi duniya me pahuch gayi, nahi Pari ne kuch kaha, aur nahi uski aankho se aansu nikle, voh bas ek tak samne ki aur dekhti reh gayi

Unn dono ko ab samaj aa raha tha ki aaj koi taxi vala sector 28 ki aur kyu nahi aana chah raha tha, aur PI ne pari ko itni jaldi me ghar kyu bulaya, Siddhi aur Kruti dono hi ek dusre ki aur dekh rahi thi..pari ki halat ko shayad hi voh dono samaj sakti thi, Siddhi turant Pari ko apne gale laga deti hai aur usse shantvana dete hue kahti hai "Pari be positive, uncle aunty ko kuch nahi hua hoga"

Karib 2 ghante baad yeh log sector 28 pahuch gaye, aur inn 2 hrs me pari ek shabd na boli thi..police ki nakabandhi ki vajah se cab aage nahi jaa sakti thi, voh teeno sector ke entrance par hi utar gaye..unke piche hi Manthan aur Pathik bhi aagaye the..cab se utarte hi Pari apne colony ki aur bhagi, aur uske piche baaki log bhi chal diye

Radio me suna tha ki police sector 28 ko khali karwa rahi hai..har taraf police aur ambulance ke sirens ki awaaz gunj rahi thi, khair..police ne apna kaam bakhubi kiya tha, jyadatar ilaka khali ho chuka tha

Pari jald se jald apne ghar pahuchna chahti thi..usne apne aaspass kuch nahi dekha aur pahuch gayi apne colony ke gate par..lekin yaha police valo ka shakt pehra tha, Colony ke main gate ke charo aur police ne NO ENTRY ke sign board aur ribbon laga diye the, lekin Pari unn sab ko ignore karte hue andar jaane lagi tabhi Pari ko rokte hue ek constable kahta hai "sorry mam, aap andar nahi jaa sakti"

Pari uss constable ki aur gusse se dekhti hai..par voh usse kuch keh naa paayi, yeh dekh Pathik turant Pari ke pass aaya, aur constable se kaha "sir..hume PI Chandrakanth sir ne bulaya hai"

Constable "ji..aap kaun..??"

Pathik "actually muje nahi, she is my friend, Pari, isko bulaya hai
yeh meri friend Pari ko bulaya hai" Pari ki aur ishara karte hue kaha

Constable pathik ko sawaliya najro se dekhta hai, pathik "I mean Paridhi Bhatt, inka ghar hai yaha..hmm, C/98"

Constable apne sir ko wallkie talkie se puchta hai, aur fir unn sab ki aur dekhte hue "aap sab inke saath hai..??"

Pathik "yeah, hum sab dost hai"

Constable "chaliye..par mai aapko bata du ki agar koi kamjor dil vala hai toh andar naa aaye toh hi behtar hai"

Manthan "kyu sir, aisa kyu keh rahe hai aap"

Constable "andar ke halat dekhkar samaj jaoge" voh sab ko colony ke andar lekar chal diya

Colony 3 hisse me faili hui thi, A/B/C Section, aur constable ne aisa kyu kaha tha uska jawab manthan ko section A dekhkar hi pata chal gaya

Jese jese voh sab colony ke andar jaa rahe the..unn sab ke dilo ki dhadkan tej hoti jaa rahi thi, kyunki andar ka najara hu kuch aisa tha ki koi pathar dil vala insan bhi khauf ho jaye, fir yeh toh teenagers the

Vaha ki halat bahut hi jyada bhayankar thi..uss jagah ko dekhkar koi yeh nahi keh sakta tha ki vaha kuch pal pehle ek colony hua karti thi, aisa lag raha tha ki voh colony nahi.koi bahut saalo purana khandar ho, kuch bhi nahi bacha tha..ek pathar tak na tha vaha par, kuch bacha tha toh sirf jali hui rakh..jali hui rakh ke alawa vaha kuch nahi dikh raha tha jisme se abhi bhi halka halka dhua nikal raha tha

Khair yeh toh kuch nahi tha, kyunki isse jyada bhayank chize dekhni baki rah gayi thi, yeh toh Section-A ki kahani, Section-B ki kahani kuch aur hi bayan kar rahi thi, jese jese yeh log aage badhe..voh uss jagah ko dekhkar chaunk gaye, ek pal ke liye toh Pari bhi ruk gayi thi..kyunki jaha par ghar hua karte the..vaha ab ek khula maidan tha..shayad uss jagah ko maidan kehna sahi nahi hoga..kyunki voh jagah kisi registan se kam na thi..jese registan me dhul ke alawa kuch nahi hota..thik usi tarah vaha par dhul hi dhul thi

Yeh dekhkar Siddhi turant bol padi "y..yye..hh sa.aabb kk..kyaa hai.?? Aisa kaise ho sakta hai..??"

Constable ek najar Siddhi ki aur dalta hai, aur fir kahta hai "madam, yeh toh kuch bhi na hai..aage bahut kuch ajib hai, jise aap ya mai nahi samaj payenge"

Constable ki baat sunkar Kruti kahti hai "sir, yaha yeh registan hai, aur vaha samne sare ghar thik kese hai..??" voh apni ungli se ishara karti hai..jaha kuch dur par sahi salamat ghar the

Unn ghar ko sahi salamat dekhkar Pari ke chehre ek muskaan aagayi, use lagne laga ki uske mom dad ko kuch nahi hua hoga

Par jese hi voh unn ghar ke pass pahuchi..uska bhram tut gaya..kyunki voh abhi bhi Section-B ke akhri hisse me the..jaha ki halat abhi tak ki sabse jyada khaufnak thi

Uss jagah ko dekhkar ladkiyo ne turant hi utli kar di..yaha tak ki Manthan aur Pathik bhi voh najara dekh nahi paaye..kyunki uss hisse me lasho ke alawa kuch na tha..aur iss tarah ki laashe toh shayad unhone kisi zombies ke shows me dekhi ho

Section-A me jiss tarah har jagah jalti hui rakh thi..thik usi tarah Section-B ke iss hisse me lashe giri hui thi, Lashe bhi kesi..behad hi ajib, shayad iss tarah ki lash toh unn sab ne kisi TV Show ya movies me bhi na dekhi ho, har lash mese ek hissa gayab tha, aur jo baat sabse jyada hairan kar rahi thi..voh thi lash ka gayab hua hissa..jo gayab toh nahi..balki jal kar rakh ban chuka tha

Chalte hue unn sab ne ek ajib si lash ki aur dekha, Sharir par chaut ka koi nishan nahi tha, aur nahi kahi se khun nikal raha tha, jo chiz uss lash ko ajib bana rahi thi voh tha uss lash ka upar ka hissa, uss lash ka sar tha hi nahi, gale ke haddi saaf dikh rahi thi..par vaha khun ka namonishan nahi tha..aur sar..sar ki jagah jail hui rakh

Aur sirf yeh lash hi nahi, vaha giri hui har lash ki yahi kahani thi, kisi ka haath nahi tha..toh kisi ka pair, aur kahi lashe toh aise thi ki sar, hath aur pair ek dum sahi the.par sharir ka bich vala hissa yani dhad tha hi nahi..sirf rakh thi, samaj lo ke sharir ke bich me ek ched ban gaya ho

Aur kahi lashe alag alag jagah par latki hui thi, koi light pole ke kambhe me jaa ghusi thi, toh koi tuti hui building ke saliyo me ghusi hui thi, jaha najar pahuche vaha par sirf lash hi lash thi

Kruti se yeh sab dekha na gaya, usne turant hi Pathik ka haath pakad liya aur apni aankhe band karke Pathik ke sahare chalne lagi

Inn sab ko ignore karte hue Badi muskil se voh log Section-C me pahuche..aur yaha dekhkar toh unn sabhi ke sar chakrane lage

Pathik "yeh kaise possible hai, yaha ke gharo me ek halki si darar tak na hai, aur nahi kahi laashe hai, yaha par ho kya raha hai..??"

Har ghar yaha par sahi salamat tha..ya yu kahu ki aage aur piche ke hisse se..par bich vala hissa gayab tha, puri line me rahe sare ghar do hisso me bat chuke the

Constable "5 colony me se sabse kam nuksan ise jagah hua hai, aur jo koi bhi iss dhamake me bacha hai, voh yahi se hai

Pari daudte hue apne ghar ke bahar pahuchi..par vaha khade police valo ne use andar nahi jane diye

Inspector "sorry..mam, aap andar nahi jaa sakti"

Pari kuch bol paati uske pehle hi usne apni ghar ki aur dekha, jaha se ward boy 3 stretchers lekar bahar aaye, unn stretchers ke upar safed kadpa Dhaka hua tha, jo safed se jyada khun ki vajah se lal ho chuka tha, unn stretchers ko dekhkar pari ko samaj ne me der nahi lagi..voh jaan gayi thi ki uske parents ab iss duniya me nahi rahe

Usne kanpte hue apna hath ek stretcher ki aur badhaya par inspector ne use rok diya

Inscpector "aap inhe nahi dekh sakti, we are extremely sorry"

Pari gusse se chillati hai "yeh mere mom dad hai"

Police vala firse narmi se kehta hai "I am sorry, par lash ki halat bhut hi jyada kharab hai, aap nahi dekh paogi"

Yeh sunkar pari ko bahut hi tej gussa aata hai aur usne khichkar ek thappad uss police vale ko mar diya "how dare you say like that, they are my parents you bastard" lekin uss police vale ne kuch nahi kaha, voh bas vaise hi khada raha aur Pari ne uss stretcher se voh safed kapda hata diya..lekin uss stretcher par laite hue Aarav ko dekh na paayi..uske pair kanpne lage aur voh ladkhadete hue vahi gir gayi

Uss inspector ne turant hi aarav ke chehre par kapda dhak diya, Aarav ki lash dekhkar lag raha tha ki uski maut behad dardnak thi, uski dono aankho me lohe ke saliye ghuse hue the, aur gala dhad se alag tha, aur dono haath side me alag se rakhe hue tha

Jese hi ward boy unn stretcher ko le jaane laga, Pari jaldi se uss aur jaane lagi, par Manthan ne use khich diya aur ward boy unn stretcher ko leke chale gaye

Ward boys ke jaate hi Pari Manthan ke gale lag gayi aur jor jor se rone lagi..aur manthan ne bhi use chup karane ki koshis nahi ki, voh pari ko jee bhar ke ro lena chahta tha

Thodi der baad vaha uss inspector ke saath ek 50-55 saal shaks aaya, jo PI Chandrakanth tha

PI pari ke pass aaya, aur pyaar se uske sar par haath firate hue kaha "beti, sambhalo khud ko, janta hu yeh bahut muskil samay hai, par tumhare papa ne kaha hai, rona nahi"

Yeh sunkar Pari turant Manthan se alag hui, aur PI ki aur dekhne lagi, PI uske sawal ko samaj gaya aur kaha "jab hum yaha aaye, uss waqt aapke papa jinda the, unhone hi kaha ki voh ek baar aapko dekhna chahte hai, bas isiliye apko maine turant yaha bulaya..unki saanse band hone se pehle unhone kaha tha"

Pari's Dad ukhde hue shabdo me "inspector, p..pp..llzz..zz ma..mmaa.ii ek bar apni beti ko dekhna chahta hu..vv..ovo..hhh GLS me padhti hai, par shayad mai use na dekh paau, aap use mera ek msg de dena, mai aur uski mom, hum dono usse bahut pyaar karte hai, aur hamare jaane ke baad use rona nahi hai"

Itna kehte hue PI vaha se chala gaya, aur Pari manthan ke sene lagkar joro se chillate hue rone lagi..par iss bar vo jyada ro nahi paayi aur vahi Manthan ki baanho me hi behos hokar gir gayi

Manthan ne siddhi ko ishara kiya, aur voh PI pass gaya

Manthan "sir, yaha hua kya hai..?? aisi halat kese..??"

PI "yaha dhamaka hua tha"

Manthan "kesa dhamaka sir..?? itna toh mai bhi janta hu ki aisi halat dhamake ki vajah se nahi ho sakti"

PI "yeh sab baate tum bacho ke liye sahi nahi hai, jaao bache, ghar jao"

Uske baad PI vaha se chala gaya, aur Manthan aur baaki sab Siddhi ke ghar aagaye

Kuch waqt baad

Aaj pure do hafte ho chuke the, par aajtak uss dhamake ke baare me koi nahi jaan paaya tha, ulta yeh rahsya badhta hi jaa raha tha

Yeh do hafte Pari ne ek jinda lash ke jese kaate the, na kisi se kuch bolna aur nahi kuch karna, voh bas ek kone me baithe hue roya karti thi, yaha tak ki usne khana pina tak chod diya tha, jis vajah se voh kahi baar behosh ho chuki thi..jaise jaise waqt beet raha tha, Pari ki halat bigadti jaa rahi thi, Siddhi aur Kruti ne bahut muskil se Pari ko sambhala tha..aur ek mahine baad voh tino hostel vapis aayi thi

Aaj bhi Pari ko voh din yaad hai, yeh sab sochkar Pari ki aankhe firse bhar aayi, Pari abhi tak darwaje ko tek lagaye baithi hui thi, uss din ki halat bar bar uske samne aa rahe the, aankho se aansu firse behne lage the, par usne ab faisla kar diya tha, voh khud ko aur jyada hurt nahi karegi, akhir usne apne mom dad se promise kiya tha, aur voh apne mom dad ko aur jyada hurt nahi karna chahti thi

Tabhi..tabhi use kuch der pehle ki baat yaad aagayi, usne Manthan ko bewajah hi bura bhala keh diya tha, "mai bhi na, kuch bhi bol deti hu, shayad yeh meri hi galti thi, ha meri hi galti thi, mai hi hamesa manthan se gussa rahti hu..shayad yahi vajah hai jo mai manthan ko jaan nahi paayi, voh utna bhi bura nahi hai, muje toh yaad bhi nahi hai ki mai Manthan se itna ladti kyu hu, nahi..ab bas, bahut hua, abse mai Manthan se jagda nahi karungi, aur nahi usse kabhi jagda karungi..par aaj jo hua uske baad manthan muje maaf karega..?? ha use karna hi padega, mai usse maafi mangugi, voh kahega voh karungi, par ab mai iss dushmani ko bhulakar ek nayi dosti ki shuruwat karungi"

Yeh sochkar pari turant khadi hui aur fresh hone chali gayi,fresh hoti hi voh hostel se bahar nikali aur college canteen ki aur jaane lagi..kyunki use pura yakin tha ki uske dost vahi par honge

Waqt..yeh bhi kitna ajib haina, kab kisi ke saath kya ho jaye..koi nahi janta, par kehte haina ki jo bhi hota hai ache ke liye hota hai, waqt jo jakham deta hai, uss jakhmo ko waqt hi bharta hai, lekin hum insaan..yeh baat jante bhi hai..aur ache se samajte bhi hai, jabhi hamare saath kuch bura hota hai, uske saath hamare nasib me kuch acha likha jaa raha hota hai, par hume uss ache chiz ki kadar nahi hoti aur bas uss buri aur kadwi yaado ko sochte rehte hai aur apne nasib ko koste rehte

Akshar hamare saath aisa hota hai, par ek baat hai jo mai kehna chahta hu..waqt..yeh ek aisi chiz jo hamare saath kabhi kuch bura nahi hone degi, kuch chize paane ke liye kuch chize khoni padti hai, insan ko sab kuch nahi mil sakta..par ha uske liye jo sahi hai, jo behtreen hai voh use milkar rehta hai..bas kisi ko jaldi milta hai..toh kisi ko der se, kuch logo ko pehle se ehsas hota hai..toh kisi ko der se uss chiz ka ehsas hota hai

Pari ke saath bhi aisa hi hua, jiske sath voh hamesa ladti rahti thi..voh hi Manthan ne hamesa usko sambhala hai, khair aage dekhte hai ki Pari ki kismat me aage kya likha hai

To be continued.