Desi Sex Kahani Ek Ajeeb si love story

[sexstories]

Update # 10

Himansh- bachchi nahi hai janta hoon par meri responsibility hai isliye pareshan hoon samjhi .

Himansh paglon jaise Pari ko khojne laga . Reveka thodi der to Himansh ke peechhe ghoomti rahi lekin jald hi muh fulakar baith gayi par Himansh Pari khojta raha . Kareeb 15 min baad Himansh hall se jude garden me gaya . Waha bhi party chal rahi thi . Pool side me halki neeli roshni me jane kya deka usne aur us taraf daud laga di .

Pari wahi par thi . swimming pool ke kinare pairon ko pani me daal kar baithi thi . Uske Ek haat me uski sandals to doosri haath me khali glass tha . Himansh bina kuchh bole jakar uske bagal me baith gaya aur use ghoorne laga to Pari ne badi style se battisi dikha di .

Himansh - Pari yahan akeli kyu baithi ho tum ?

Pari - mai akeli kahan hoon mere sath tito aur kiko to hain na .

Pari ne nashe me kaha .

Himansh - ab ye kaun hain .

Pari - Ye raha left me tito aur right me kiko . Ye dono hamesha mere sath rahte hain kabhi bhi mujhse door nahi jate hain .

Pari ne apne dono pairon ko pani me hilate huye kaha . Himansh ko Pari ki awaaj ladkhadati huyi to lag hi rahi thi lekin uski chadhi huyi aankhon ki jhalak pane ke baad Pahle usne Pari ke face ko apni ore kiya to use uski saanson me use vine ki smell aayi . Jab usne Pari ke haathon se glass leni chahi .

Pari - chhodo meri glass mujhe aur sharbat peena hai , la ke do na .

Himansh - kisne diya tha ye tumko ?

Pari - Santa Claus ne woohoo .

Pari ne party hall ke dadhi wale waiter ki ore ishara kiya .

Himansh - utho chalo yahan se .

Pari- pahle santa claus se sharbat lekar aao pahle .

Himansh- santa ki aisi taisi na kar doon mai jane kahan se idhar aa mara . Utho tum pahle .

Pari - kaise uthoon mujhe chakkar aa rahe hain yaar .

Himansh -- aur gatak lo sharbat .

Himansh ne Pari ko god me utha liya lekin Pari ne ab bhi apni sandals aur glass nahi chhodi . Himansh peechhe ke gate se hi Pari ko lekar parking ki ore chal diya . Pari ab bhi khali glass me se vine peene ki koshish kar rahi thi . Jab Himansh ne Pari ko car me bithaya to Pari chup chap sir tika kar baith gayi .

Himansh ko ghabrahat ho rahi thi wo jald se jald bas ghar pahunchna chahta tha . Usne raste se hi Reveka ko call kar diya ki Pari ko chhodne ja raha hai par use ye nahi bataya ki Pari ko lekar apne hi ghar ja raha hai . Pari raste me hi so gayi to uske hath se glass aur sandle chhot gayi .

Himansh baar baar Pari ke masoom chehre ki ore dekh raha tha . Uska chehra aaj Himansh ki aankhon ko baandh raha tha . Na jane kab car chalate chalate Himansh gungunane laga .

" Bahot Khubsoorat Ghazal
Likh Raha Hoon
Tumhe Dekhkar Aajkal
Likh Raha Hoon

Mile Kab Kaahaan,
Kitne Lamhe Gujaare
Main Gin Gin Ke Wo
Saare Pal Likh Raha Hoon "

Apne apartment pahunch kar Himansh seedhe parking chala gaya aur wahi ki lift se Pari ko baahon me uthaye apne floor ki taraf badh gaya . Use na jane kyu apne andar kuchh badlta sa feel ho raha tha . Pari ko bed par lita kar pahle wo bahar jane ke liye palta lekin jane kaun si magnetic power use wapas Pari ki ore le gayi . Himansh ne Pari ke maathe par halke se kiss kiya aur " happy Valentines day my dear " bol kar teji se room se bahar nikal gaya

 

[sexstories]

Update # 11

Apne apartment pahunch kar Himansh seedhe parking chala gaya aur wahi ki lift se Pari ko baahon me uthaye apne floor ki taraf badh gaya . Use na jane kyu apne andar kuchh badlta sa feel ho raha tha . Pari ko bed par lita kar pahle wo bahar jane ke liye palta lekin jane kaun si magnetic power use wapas Pari ki ore le gayi . Himansh ne Pari ke maathe par halke se kiss kiya aur " happy Valentines day my dear " bol kar teji se room se bahar nikal gaya .

Room se Bahar aakar Himansh seedhe terrace ki ore tej kadmo se badh gaya . Is wakt use taazi hawa ki sakht jaroorat mahsoos ho rahi thi . Uski dhadkne itni tez thi ki agar koi samne khada hota to bina stethoscope ke sun leta . Himansh ka poora sharir kamp raha tha aur lips par jaise smile chipak gayi thi .jo bhi thodi der pahle usne kiya tha uske liye bilkul naya ahsas tha . Wo khud se hi baatein karne laga .

Himansh - ye kya hua hai aaj mujhko . Pahle to kabhi bhi bhi aisa nahi hua tha . Ye mera pahla kiss nahi tha par mujhe kyu lag raha hai jaise aaj mera ye pahla ahsaas tha . Ye feelings Reveka ke sath kyu nahi aati hain . Aaj kyu meri aankhein us par se hat nahi rahi thi . Uski aankhein kitni badi hain aur uske lips kitne pyare hain , Wo sach me itni cute kyu hai

ohh my god kahi mujhe Pari se sach much wala pyar to nahi ho gaya . Nahi nahi ye kaise ho sakta hai par ho gaya to ?

Himansh khud ko badi mushkil se shant kara paya doosri taraf Reveka ne use 50 calls sath hi 10 " go to hell " ka msg kiye sari raat me par Himansh to Pari ke khayalon me khoya tha aur sote hi uske khwabon me kho gaya .

subah jab Pari uthi to uska sir bhari tha . Raat ki koi bhi baat use yaad hi nahi aa rahi thi ki wo yaha kab aur kaise aayi . wo baal bikhere aadhi khuli aankhon se Himansh ko khojte huye hall me pahunch gayi jahan Himansh sofe par so raha tha . Pari Himansh ke sir ki taraf farsh par baith gayi aur kisi chhote bachche ki tarah uska kandha hilane lagi .

Pari - sir uthiye na please dekhiye mera sir kyu ghoom raha hai aur meri aankhein bhi nahi khul rahi hai .

Himansh- aur peelo vine sharbat .

Pari- wo vine tha

Pari ko khud par joron se gussa aa rahi thi .

Himansh - hmm ruko tum mai tumhare liye nimbu pani banata hoon . tumko achha lagega .

Himansh ko Pari ab koi ajnabi ladki nahi uske sapno wali Pari lag rahi thi jabki Pari Himansh ki smile dekh kar uski wajah Reveka se patch up ko soch rahi thi .

Himansh - aaj mausam kitna achchha hai na Pari .

Pari- hmm kyu ki aap ko to Reveka madam ke milne ka nasha hai par mujhe to thand lag rahi hai upar ye ajeeb se kapde uff pahle mai inko change kar loon waise mujhe aap le kab aaye party se mujhe to kuchh yaad bhi nahi .

Himansh - Reveka koi sharbat thodi hai jo uska nasha hoga baki tumko god me utha kar laya kyu ki tumhare kiko aur tito ne chalne se mana kar diya tha .

Pari - dekhiye aap mujhe chidhayein nahi

abb kya karu koi nahi hai jise apna kahti to kiko aur tito ko hi apna dost bana liya . Ye dono mera sara bojh uthate hain aur uff tak nahi karte .

Himansh- sorry mera matlab wo nahi tha .

Pari- pata hai mujhe sir aap bahut achchhe ho . Aap ke hi bharose to thi mai wahan . Aap ka jitna bhi shukriya ada karu kam hai .

Himansh- mujhe tumhare sath ki jarurat hai Pari tumhare shukriya ki nahi baki maine jo kiya wo mera farz tha .

Pari - aap bahut achhe hain sir agar bura na mane to ek baat poonchhu ?

Himansh - hmm

Pari - Aap ko apne mom dad ki yaad nahi ati hai ?

Pari baat sun aaj Himansh ko gussa nahi aya balki uski aankhein nam ho gayi .

Himansh - kyu nahi aayegi yaar . Nafarat bhi to usi se ki jati ho jis se koi rishta ho . Mujhe bhi man karta hai ki maa ke aanchal ki chhanw mile . Papa ka margdarshan mile . Kyu Reveka jaisi ladki ke peechhe ghoom raha hoon mai yaar kyu ki akela hoon . Khalti hai ye tanhai mujhe .

.kisi akele bande ka dard koi nahi samjh sakta hai .

Himansh emotional ho gaya .

Pari- mujhe pata nahi tha ladke bhi rote hain .

Himansh - to kya ladke insan nahi hote hai ?

Pari- isi baat par aap abhi call kariye apne mom ko please .

Himansh- oh no no mujhse nahi hoga please change the topic .

Lekin Pari kahan man ne wali thi jid par ad gayi khud hi Himansh ka phone liya aur mom ka no bhi khoj liya aur call bhi kar diya . Call ko Speaker mode par kar ke wo uth kar jane lagi to Himansh ne uska haath pakad kar apne bilkul paas bitha liya .

Call ko Doosri taraf Himansh ki mom ne uthaya tha . Dono taraf se sirf siskiyon ki awaaj aa rahi thi .Pari ke bhi gaalon par aansu ki boonde ludhak gayi . Himansh ke liye bahut kathin samay tha . Uske 25 saalon ke gile shikawe aur gussa pal par me mom ke aansuon me bah gaya . Jab doosri taraf se rone ki awaaj tej hone lagi to Himansh ne badi mushkil se khud ka rona roka aur bade ki pyar se bola " mom " .

Himansh ke itna kahte hi phone ki doosri side se mamta aur aashirwad ki jhadi lag gayi . Himansh se ab ruka nahi gaya aur wo Pari ko jor se hug kar ke rone laga jabki Pari Himansh ke aisa karne se hairan thi par usne khud se Himansh ko alag nahi kiya balki uske peeth ko sahla kar chup karane lagi .wo khud bhi ro rahi thi par maa bete ko milwane par wo khush bhi bahut thi .

 

[sexstories]

Update # 12

Himansh ke itna kahte hi phone ki doosri side se mamta aur aashirwad ki jhadi lag gayi . Himansh se ab ruka nahi gaya aur wo Pari ko jor se hug kar ke rone laga jabki Pari Himansh ke aisa karne se hairan thi par usne khud se Himansh ko alag nahi kiya balki uske peeth ko sahla kar chup karane lagi .wo khud bhi ro rahi thi par maa bete ko milwane par wo khush bhi bahut thi .

Himansh ko 25 saalon ke baad ahsas hua ki wo kitna adhoora tha apno ke bina . Uske gusse par sabhi ne aaj tak ghee hi dala tha kisi ne use Pari ki tarah samjhaya hi nahi tha . Wo aaj bahut hi jyada khush tha usne Pari ko achchha sa lunch karwaya wo bhi khud banakar uske baad Pari ke jidd karne par use uske orphanage chhod aaya .

Jab laut kar aaya to sab kuchh badal chuka tha . Dad ka bhi phone aaya . Ab to mom dad har pal uski khabar lene lage the . Doosri taraf Himansh ko Pari ke bin sab adhoora sa lagne laga tha . Baar baar man karta ki usase mil kar aaye lekin Pari ne sakht mana kiya tha kyu ki orphanage wali aunty ko nahi pasand tha ki koi wahan baar baar milne aaye . Upar se Pari ke paas phone bhi nahi tha . Himansh 3 dino se office bhi nahi gaya tha to wo club chal diya .

Club pahunch kar bhi wo khoya khoya tha . Aisa nahi tha ki wahan koi tha nahi ya sab use ignore kar rahe the balki Himansh hi akele rahna chah raha tha . Use Pari ke khayalon me khona achchha lag raha tha . Pichhle 5 dino me jo kuchh bhi hua tha wo baar baar uski aankhon ke samne ghoom ja raha tha khas kar Party ki raat wala hadsa jab wo khud ko Pari ko choomne se rok nahi paya tha . Wo lamha yaad kar uska dil wapas se waise hi joron se dhadak utha .

Himansh akele hi baitha tha ki wahan Reveka aur Monty aa gaye . ( Monty bhi Himansh ke office me hi job karta hai ) . Hi hallo ke baad baat shuru huyi . Reveka thoda sa Himansh par upset thi par ye un dono ke beech hota hi rahta tha to kisi ko koi fark nahi padta tha .waise bhi un dono ka rishta sirf matlab ka tha wo alag baat hai ki Reveka ko achha khasa fayeda tha Himansh ke sath relationship se .

Monty - kya bhai saab kidhar gayab ho aaj kal ?

Himansh - kuchh khas nahi bas aise hi .

Reveka- weekends ka koi aur plan mat rakhna ham sab Manali chalenge .khoob maje karenge .

Himansh- sorry par mom dad aa rahe hain to mera to unke sath hi programme hai .

Reveka - wow par tum to unse door i mean utni banti nahi thi .

Himansh - hmm doori thi kyu kabhi kisi ne pahal karna nahi sikhaya tha par abb aisa kuchh nahi hai .

Reveka- wowowo life barbaad mat karo dude .

Momty- chhod na Reveka waise bhai shadi wadi ka koi plan bhi hai kya ?

Himansh- shadi ke liye ladki chahiye hoti hai dude .

Monty- Reveka hai na ?

Reveka - no ways guys , shadi wadi mere bas ki nahi hai . Mujhe meri life ko freedom ke sath jeena pasand hai aur waise bhi Himansh ke rules and regulations mujhse follow nahi hote hai meri life me mere apne rules chalte hain . Usme shadi jaisi bewkoofi ki koi jagah nahi hai .

Reveka thodi hi der me bye bol kar nikal gayi kyu ki use ye baatein bore kar rahi thi aur haan jate jate Himansh ke ghar " raat ko aane ka bolna nahi bhooli ." Monty uske vyohar se sakte me tha .

Monty- bhai aisi ladki ko kaise jhelta hai tu ?

Himansh- paise se .

Monty- chhod na yaar iski baat ko khair tere mom dad ke baare jaan kar bahut achchha laga btw ek baat poonchhu ?

Himansh- kyu nahi .

Monty- Valentine's Day party ke din wo ladki kaun thi tere sath ?

Himansh- meri sab kuchh .

Himansh bina Monty ki ore dekhe uth kar bahar chala gaya . Monty to Monty khud Himansh bhi hairan tha apne behaviour par . Himansh ka club me dum ghutne laga to wo wahan se nikal kar seedhe Pari ke orphanage ki ore chal diya . Usne aaj Pari ko dil ki baat batane ka soch liya tha .

 

[sexstories]

cool update. acha hai
bhai ek request hai, paragraphs ke beech itne lambe gap matlab space mat chorro yaar, ek example deta hoon jiss se update behtar dikhe aur padhne ke iye ziada scroll nah karna pade, yahan to har line ko padhne ke liye move karna padta hai...tumhara hi update main yahan dobara post karta hoon eisa try karna next time please..............


Update # 12

Himansh ke itna kahte hi phone ki doosri side se mamta aur aashirwad ki jhadi lag gayi . Himansh se ab ruka nahi gaya aur wo Pari ko jor se hug kar ke rone laga jabki Pari Himansh ke aisa karne se hairan thi par usne khud se Himansh ko alag nahi kiya balki uske peeth ko sahla kar chup karane lagi .wo khud bhi ro rahi thi par maa bete ko milwane par wo khush bhi bahut thi .

Himansh ko 25 saalon ke baad ahsas hua ki wo kitna adhoora tha apno ke bina . Uske gusse par sabhi ne aaj tak ghee hi dala tha kisi ne use Pari ki tarah samjhaya hi nahi tha . Wo aaj bahut hi jyada khush tha usne Pari ko achchha sa lunch karwaya wo bhi khud banakar uske baad Pari ke jidd karne par use uske orphanage chhod aaya .

Jab laut kar aaya to sab kuchh badal chuka tha . Dad ka bhi phone aaya . Ab to mom dad har pal uski khabar lene lage the . Doosri taraf Himansh ko Pari ke bin sab adhoora sa lagne laga tha . Baar baar man karta ki usase mil kar aaye lekin Pari ne sakht mana kiya tha kyu ki orphanage wali aunty ko nahi pasand tha ki koi wahan baar baar milne aaye . Upar se Pari ke paas phone bhi nahi tha . Himansh 3 dino se office bhi nahi gaya tha to wo club chal diya .

Club pahunch kar bhi wo khoya khoya tha . Aisa nahi tha ki wahan koi tha nahi ya sab use ignore kar rahe the balki Himansh hi akele rahna chah raha tha . Use Pari ke khayalon me khona achchha lag raha tha . Pichhle 5 dino me jo kuchh bhi hua tha wo baar baar uski aankhon ke samne ghoom ja raha tha khas kar Party ki raat wala hadsa jab wo khud ko Pari ko choomne se rok nahi paya tha . Wo lamha yaad kar uska dil wapas se waise hi joron se dhadak utha .

Himansh akele hi baitha tha ki wahan Reveka aur Monty aa gaye . ( Monty bhi Himansh ke office me hi job karta hai ) . Hi hallo ke baad baat shuru huyi . Reveka thoda sa Himansh par upset thi par ye un dono ke beech hota hi rahta tha to kisi ko koi fark nahi padta tha .waise bhi un dono ka rishta sirf matlab ka tha wo alag baat hai ki Reveka ko achha khasa fayeda tha Himansh ke sath relationship se .

Monty - kya bhai saab kidhar gayab ho aaj kal ?

Himansh - kuchh khas nahi bas aise hi .

Reveka- weekends ka koi aur plan mat rakhna ham sab Manali chalenge .khoob maje karenge .

Himansh- sorry par mom dad aa rahe hain to mera to unke sath hi programme hai .

Reveka - wow par tum to unse door i mean utni banti nahi thi .

Himansh - hmm doori thi kyu kabhi kisi ne pahal karna nahi sikhaya tha par abb aisa kuchh nahi hai .

Reveka- wowowo life barbaad mat karo dude .

Momty- chhod na Reveka waise bhai shadi wadi ka koi plan bhi hai kya ?

Himansh- shadi ke liye ladki chahiye hoti hai dude .

Monty- Reveka hai na ?

Reveka - no ways guys , shadi wadi mere bas ki nahi hai . Mujhe meri life ko freedom ke sath jeena pasand hai aur waise bhi Himansh ke rules and regulations mujhse follow nahi hote hai meri life me mere apne rules chalte hain . Usme shadi jaisi bewkoofi ki koi jagah nahi hai .

Reveka thodi hi der me bye bol kar nikal gayi kyu ki use ye baatein bore kar rahi thi aur haan jate jate Himansh ke ghar " raat ko aane ka bolna nahi bhooli ." Monty uske vyohar se sakte me tha .

Monty- bhai aisi ladki ko kaise jhelta hai tu ?

Himansh- paise se .

Monty- chhod na yaar iski baat ko khair tere mom dad ke baare jaan kar bahut achchha laga btw ek baat poonchhu ?

Himansh- kyu nahi .

Monty- Valentine's Day party ke din wo ladki kaun thi tere sath ?

Himansh- meri sab kuchh .

Himansh bina Monty ki ore dekhe uth kar bahar chala gaya . Monty to Monty khud Himansh bhi hairan tha apne behaviour par . Himansh ka club me dum ghutne laga to wo wahan se nikal kar seedhe Pari ke orphanage ki ore chal diya . Usne aaj Pari ko dil ki baat batane ka soch liya tha .

yeh eise behtar nahin dikhta bhai?
thanks to ab dekhte hein ke himansh wahan pari se mil pata hai ke nahin
waiting for next update

 

[sexstories]

Update # 13

Himansh bina Monty ki ore dekhe uth kar bahar chala gaya . Monty to Monty khud Himansh bhi hairan tha apne behaviour par . Himansh ka club me dum ghutne laga to wo wahan se nikal kar seedhe Pari ke orphanage ki ore chal diya . Usne aaj Pari ko dil ki baat batane ka soch liya tha .

Himansh abhi aadhe hi raste tak pahuncha tha ki Monty ki call aa gayi . Problem ye thi ki Reveka surprice dene ke liye Himansh ke ghar ja rahi thi kyu ki uske pass Himansh ke ghar ki spare keys thi lekin wo Himansh ke ghar ke paas pahunchi hi thi ki uska accident ho gaya tha .

Himansh - wtf kahan accident ho gaya uska aur usne mujhe kyu call nahi ki ?

Monty- usne nahi ki thi call uske mobile se kisi aur ne kiya tha . Mera no last dial me tha to mujhe ko laga di gayi call .

Himansh - jyada chot lagi kya ?

Monty- bhai wo tere hi ghar gayi hai ja kar dekh le mai to abhi club me hi hoon jaroorat ho to bula lena .

Himansh- yaar mai khud ulte raste par tha

Himansh ka muh ban gaya . Use Reveka par had se jyada gussa aa rahi thi uske pas lekin option bhi to koi aur nahi tha . Usne apni car ghuma li apne ghar ki taraf . Jab wo apne flat par pahuncha to Reveka wahan maujood thi . Ek taang center table par lade baithi thi .

Himansh - tum theek to ho na ?

Himansh ne uski taang ko dekhte huye kaha .

Reveka - haan bas sir me dukh raha hai . Jor se lagi mujhe .

Himansh - hain sir me lagi . Oh eaise Dr ke paas jana chahiye tha tha tumko .

Reveka - tumhare apartment ke Dr ko hi dikha liya unhone total bed rest karne ko kaha hai .

Himansh - ohk tum karo rest mai tumhare liye coffee banata hoon.

Reveka - itni jaldi kya hai mai kahi bhagi to nahi ja rahi hoon . ek do din yahi hoon .

Himansh- tumko apne flat par jakar aaram karna chahiye . Mai hamesha to baitha nahi rahoonga

Reveka - nahi mujhe akele dar lagta hai . Mai tumhare sath hi rukungi .

Himash - pahli baar suna hai ki bhootni ko dar lag raha hai ( in very low voice) . Yahan dikkat hogi tumko kyu ki mujhe bahar jana padega .

Reveka - oh koi baat nahi tum jao apne kaam se mai chali jati hoon apne ghar bas itna kar dena ki jab wakt mile meri car pahuncha dena kyu ki meri halat drive karne ki nahi hai abhi . Bahut kamjori lag rahi hai. Chakkar bhi aa rahe hain mujhe .

Reveka ne muh bana kar apne agla daanw fenka .

Himansh- achchhi aafat hai yaar ok araam karo yahi mai coffee banata hoon .

Himansh beman se kitchen ki ore badh gaya jabki Reveka apni jeet par muskurati huyi bed par pasar gayi . Coffee peete huye Reveka ne Himansh se poonchha .

Reveka- bada sahi set kar rakha hai tumne ghar ko Himansh . Mom dad ke ane ki khushi me na ?

Himansh- are maine nahi kiya Pari ne kiya tha .

Bolte hi Himansh ko apni galti ka ahsas ho gaya tha par ab koi fayeda nahi tha kyu ki teer kaman se chhot chuka tha .

Reveka - wow to Pari yahan tak pahunch chuki hai .

Reveka ne Himansh ke bed roon ki ore najre ghumate huye kaha .uski aankhon me jalan saaf dikh rahi thi .

Himansh- tum jaisa soch rahi ho waisa bilkul nahi hai . Wo is type ki nahi hai .

Himansh ko samjh aa gaya tha ki usne Pari ka naam lekar galti kar di hai .

Reveka - badi jaldi tumko uska type bhi pata chal gaya Himansh ?

Himansh- look Reveka mera ladne ka bilkul mood nahi hai . Mai living room me ja raha hoon tumko kuchh jarurat ho to bata dena .

Himansh ne full on rudeness se kaha .

Reveka - jaise tumko paha hi nahi mujhe kya chahiye .

Reveka Himansh ke bilkul pas aakar usase sat kar baith gayi aur apne lips ko uske Shoulders se satati huyi boli .

Himansh- Reveka tumhare sir par gahri chot aayi maloom padti hai . Please tum rest karo mai bahar hi hoon .

Himansh ne uthna chaha par Reveka ko jaise koi nasha sawar ho gaya tha . Usne Himansh ko kheench kar bed par hi gira liya aur khud uske upar palat gayi . Himansh ko kuchh bhi samajh ata isase pahle hi Reveka ne apne lips Himansh ke lips se jod diye lekin Himansh ko jane kyu sirf Pari ka kyal aa raha tha . Usne Reveka ko khud se alag kiya aur jhatke se bahar aa gaya . Himansh abhi khud ko sayamit hi kar raha tha ki door bell bajne lagi .

 

[sexstories]

Update # 14

Himansh ne uthna chaha par Reveka ko jaise koi nasha sawar ho gaya tha . Usne Himansh ko kheench kar bed par hi gira liya aur khud uske upar palat gayi . Himansh ko kuchh bhi samajh ata isase pahle hi Reveka ne apne lips Himansh ke lips se jod diye lekin Himansh ko jane kyu sirf Pari ka kyal aa raha tha . Usne Reveka ko khud se alag kiya aur jhatke se bahar aa gaya . Himansh abhi khud ko sayamit hi kar raha tha ki door bell bajne lagi .

Door bell baar baar bajne par bhi na jane kyu Himansh ki himmat hi nahi pad rahi thi door open karne ki lekin jo bhi bahar tha wo bhi fursat se aaya tha kyu ki door bell ke sath sath darwaje par tabla bhi bajne laga tha . Jab Himansh ne kafi der door nahi khola to Reveka bhi apne sawalon ki potli liye bed room se living room me aa gayi .

Reveka- Himansh kaun hai bahar , door kyu nahi khol rahe ho ?

Himansh- kyu ki mujhe door bell ki awaaj bahut pasand hai .

Himansh ne kheejh kar kaha .

Reveka- wtf

Himansh- tum andar jao mai kholta hoon aur please bahar aane ki kripa mat karna .

Reveka- wowowo expecting someone special ?

Reveka ne eye brows uchkate huye poonchha .

Himansh- if you don't mind kya ham baad me lad lein ?

Reveka aur bhi kuchh bolna chahti thi par Himansh ne use kheench kar bed room me pahuncha diya aur ek baar fir bahar nahi aane ki hidayat dekar main door khol kar darwaje par khadi Pari ko dekhne laga jiska paseene se tar batar chehra kundan ki tarah chamak raha tha aur usne bahut sara saman le rakha tha .

Pari- itni der kar di aapne door open karne me so rahe the kya aap ?

Pari dhad dhadate huye andar aayi aur saman tabale par karine se rakhne lagi .

Himansh- n nahi to so nahi raha tha w wo mai busy tha to ,

Pari- are mai to majaq kar rahi hoon waise kya mai ek glass pani le loon mera gala buri tarah sookh raha hai .

Himansh- h haan mai lata hoon pani tum baitho please .

Pari- sab theek to hai na itna pareshan kyu hain aap ?

Himansh- hmm sab theek hai . Ye itna saman kyu le aayi ho .

Pari- aap ke mom dad aa rahe hain na to bas mai thoda kitchen ka saman le aayi . Khali pada hai apka kitchen ghar wali feeling kaise aayegi un logon ko . Ja rahi hoon rakhne phir thodi safai karoongi .

Pari ne apne bikhre balon ko samet kar jooda banate huye kaha .

Himansh- iski kya jarurat hai Pari .

Himansh baar baar bed room ke door ki ore dekh raha tha .

Pari- kyu nahi hai jarurat sir wo log aayenge to kam se kam yahan sab dhang se milega to unko rahat hogi ki mera beta kitni achchhi tarah rahta hai .

Bari ne Tons of cuteness ke sath palkein jhapkate huye reply kiya to bechara Himansh ek baar aur fida ho gaya us par .

Himansh- tumko ye sab karne ki kya jarurat hai , chalo mai tumko lunch karata hoon achchha sa .

Himansh ne Pari ko bahar ke darwaje ki taraf le jate huye kaha .

Pari- are bahar ka khana kyu mai bana deti hoon na bataiye to kya khayeinge aap ?

Himansh- yaar tum samjh kyu nahi rahi ho itni mehnat kyu karogi .

Pari - kyu ki isase mujhe mujhe khushi hogi

Pari ne sir jhuka kar kaha lekin jab usne sir uthaya to samne Reveka ko dekh kar uski aankhein aur muh khule ke khule rah gaya .

Reveka- jab wo itna kah rahi hai to banane do na " jaan ".

Pari Reveka ko dekh kar bahut buri tarah chaunk gayi thi kyu ki Reveka ne apni chal chalne me koi kasar nahi chhodi thi . usne bed room me jate hi Himansh ki shirt pahan li thi jis ki wajah se dekhne wale ko sab galat hi dikhe aur wo safal bhi ho gayi thi . Uski dress aur bikhre huye baal ko dekh koi bhi confused ho sakta tha .

Pari - are waah Reveka madam .

Pari ne khud ko samhalte huye kaha .

Reveka- hmm Himansh ki official girlfriend waise kya banaogi Pari lunch me ?

Pari- jo aap ko pasand ho madam.

mai bahut kuchh bana leti hoon .

Reveka- filhal to ek cup coffee pila do fir sochti hoon kya khaya jaye .

Reveka ne Pari ko naukrani ki tarah order diya aur uska laya saman table se neeche giraya aur table par pair faila kar baith gayi .

 

[sexstories]

Update # 15

Reveka- filhal to ek cup coffee pila do fir sochti hoon kya khaya jaye .

Reveka ne Pari ko naukrani ki tarah order diya aur uska laya saman table se neeche giraya aur table par pair faila kar baith gayi .

Himansh abhi tak khamosh khada Reveka ko ghoor raha tha . Reveka badtameej hai is baat se to wo bhali bhanti wakif tha lekin is kadar giri huyi bhi ho sakti hai ye baat aaj hi clear huyi thi .

Himansh- Reveka ye kis tarah ki baatein kar rahi ho tum ?

Reveka- kya hua jaan ?

Reveka ne tipical style me apne nails ko file karte huye kaha .

Himansh- Pari koi naukar nahi hai samjhi . Wo meri .

Himansh itna bolkar Pari ki ore dekhne laga jisne ab tak sir jhuka rakha tha .

Reveka- bolo na jaan tumhari kya ?

Reveka ne shabdo ko chabate huye kaha .

Himansh- wo meri best friend hai ya usase bhi kahi jyada .

Reveka- wow 5 din me besty bhi ban gayi wo ? 10 dime to jane kya ban jayegi

Reveka ki baat abb ghatiya hoti ja rahi thi Pari ko aage ane pada baaton ko khatm karne ke liye .

Pari- koi baat nahi sir coffee banane me kitna time lagta hai mai bana deti hoon na .

Himansh- stop Pari aur Reveka tum turant nikal jao yahan se .

Reveka- par maine kiya kya ?

Himansh- mujhe kuchh nahi bolana tumse bas chali jao yahan se .

Reveka- par mai kyu jaun mai tumhari girl friend hoon aur ye tumhari so called dost ne hi to lunch banane ki peshkash ki thi kaun sa mai iske ghar jakar ise bol kar aai hoon

Reveka ne Pari ko ghoorte huye kaha .

Himansh- tum kya ho ye mujhe mat sikhao tumko mujhse jyada tum khud nahi janti ho ok .

Himansh ne Reveka ke kareeb jate huye kaha .

Pari- aap log please ladiye mat mai kar rahi hoon na sab .

Pari ne Rona shuru kar diya aur shayad use ab dar bhi lag raha tha to wo bas peechhe khiskti ja rahi thi . Use dekh kar aisa lag raha tha ki jaise do sheron ki ladai ki awaj sun hirni vichlit hokar chhipne lagti hai .

Himansh- Pari tum chup chap baitho aur Reveka tum pahle jao yahan se baki baatein tumko jald samjh me aa jayegi aur please ye manhoos shakl dobara mat dikhana mujhe .

Reveka- tum mujhe is do take ki ladki ke liye nikal rahe ho apne ghar se ?

Himansh- iske khilaf ek lafj bhi muh se nikala tumne to mai tumhara muh tod doonga

Reveka - Himansh tumhari is dost ke jaisi 10 naukraniya rakhne ki awkat hai meri ok to mujhse ye sab to tum bolna nahi

Himansh- waise pichhle 2 yrs se tumhara kharcha to mai hi utha raha hoon aur rahi baat mere bolne ki to wakai bolna bekar hai kyu ki tum jaisi egoist aur bewkoof ladki ko samjh nahi ayega

Itna kah kar Himansh ne Reveka ka haath pakda aur jis halat me thi wo usi halat me use apne flat se dhakka dene laga . Pari ne beech bachaw kiya to Himansh ne Reveka ko itna mauka diya kiya ki wo dress change kar de . Reveka chali gayi lekin jate jate Pari ko " dekh lene " ki dhamki bhi de gayi jis par pari to kuchh nahi boli lekin Himansh ne daant peeste huye kaha ,

Himansh- use haath lagane ki sochna bhi mat warna tumhara wo hashra karunga ki khud se bhi kabhi aankh nahi mila paogi aur haan kabhi Pari se barabari karne ki koshish bhi mat karna warna tumko pata chal jayega ki society me tum kis category se belong karti ho

 

[sexstories]

Update # 16

Himansh- use haath lagane ki sochna bhi mat warna tumhara wo hashra karunga ki khud se bhi kabhi aankh nahi mila paogi aur haan kabhi Pari se barabari karne ki koshish bhi mat karna warna tumko pata chal jayega ki society me tum kis category se belong karti ho

Reveka ke jate hi Himansh ne poori taqat se darwaja band kiya aur apna sir thame sofe par baith gaya jabki Pari dari sahmi kone me dubki thi . kahi na kahi wo Himansh aur Reveka ki is halaat ka jimmedar khud ko man rahi thi . Himansh ke flat me gahra sannata chha gaya . Pari apne dupatte se apna aansu ponchh rahi thi jabki Himansh jane kis soch me dooba tha .Thodi der baad Himansh utha aur ek glass pani Pari ki ore badhate huye bola ,

Himansh- sorry Pari please maaf kar do , meri wajah se tumko itna kuchh sunana pada

. mai isi liye tumko bahar lekar ja raha tha .

Himansh bahut jyada upset tha .

Pari- aap kyu sorry bol rahe hain sir, meri wajah se aap ka poora day spoil ho gaya aur Reveka madam se lidai alag se ho gayi

Pari ne aansu ko apne dupatte ke kone se saaf karte huye kaha .

Himansh- ye kya sir madam laga rakha hai tumne ( thoda tez awaaj me ). Please mujhe Himansh bulao samjhi aur tumne sirf meri jaan chhudai hai us panauti se aur kuchh bhi nahi hua par tumhari jo insult huyi uske liye mai sharminda hoon .

Pari- mujhe aap ne apni dost bola mere liye yahi bahut hai mujhe kuchh bhi bura nahi laga par please apna aur Reveka madam ka rishta bacha lijiye kyu ki pyar karne wale bahut mushkil se milte hain .

Himansh- tum bilkul pareshan mat ho mai jisase pyar karta hoon use bacha loonga aur apni bana loonga tum bas mere sath rahna

Himansh ne Pari ke chehre ko gaur se dekhte huye kaha .

Pari- m mai apke liye coffee banati hoon .

Himansh- mai bana doon

Pari- n nahi bas aap aise mat smile kariye mujhe ajeeb lagta hai .

Himansh- kaisa lagta hai Pari.

Pari- mujhe wo sab nahi pata

Pari confused si kitchen me jakar coffee banane lagi jabki Himansh wapas Reveka ki harkaton ko yaad kar upset ho gaya . Himansh ko bilkul nahi samjh aa raha tha ki ab Reveka kya karegi par wo dam sure tha ki wo itni asaani se matter ko nahi bhoolegi . Himansh ko ye bhi fikar ho rahi thi ki Reveka Pari ko nuksan pahunchane ki koshish na kare .

####

Reveka pair patkti huyi bahar parking me pahunchi lekin uska din kafi kharab tha kyu ki uski car start hi nahi huyi . Wo sir patkti huyi bahar aayi aur cab se seedhe apne ghar pahunchi . Raste me usne monty ko call lagai aur sari baatein namak mirch laga kar batayi ,

Monty- matlab kya hai tumhara us ladki aur Himansh me koi scene hai kya ?

Reveka- wo to mujhe nahi pata par mai use kahi muh dikhane layak nahi chhodungi .

Monty- isi liye Himansh me mujhe uske bare me kuch nahi bataya .

Reveka- tumko kyu janana tha uske bare me ?

Monty- ek ladka ek ladki ke bare me kyu janana chahta hai yaar .

Reveka - great to mere paas ek idea hai . Tum help karo to Pari tumhari aur Himansh wapas mere paas

Monty- koi khatra to nahi ?

Reveka - nahi sir tumko mere kuchh kaam karne honge .

Monty- mai taiyar hoon.

####

Pari ne Himansh ke mana karne par bhi coffee ke sath maggi bana li . Dono ke beech khamoshi thi . Pari ke man me chal raha tha ki aaj jo bhi hua wo usi ki wajah se hua aur wo man hi man Himansh aur Reveka ko wapas ek karne ki planning kar rahi thi to doosri taraf Himansh Pari ke vyaktitwa ki sthirata se kafi prabhavit ho raha tha . Itna hone par bhi use Himansh ke khane peene ki fikar thi .

Himansh- Pari tum wakai bahut achchhi ho

Pari- achchhi mai nahi aap ki najrein hain sir , ek baat bolu ?

Himansh- hmm.

Pari- please Reveka madam ko ek mauka aur de dijiye . Wo apse bahut pyar karti hain isliye unko gussa aa gayi thi . Pyar khush naseebi se hasil hota hai jald baji me koi nirnay mat lijiyega . Mujhe is tarah bina bataye nahi ana tha .

Himansh- tum jab chaho yahan aa sakti ho Pari aur tum bahut khus naseeb ho .

Himansh uth kar chala gaya jab ki Pari uski baat ko samjh kar sakte me baithi rah gayi .

 

[sexstories]

Update # 17

Himansh- tum jab chaho yahan aa sakti ho Pari aur tum bahut khus naseeb ho .

Himansh uth kar chala gaya jab ki Pari uski baat ko samjh kar sakte me baithi rah gayi .

Pari ke liye Himansh ki baatein achambhit kar dene wali thi . Uski baaton ka jo bhi matlab nikal raha tha wo samajh kar bhi Pari usase anjan bani rahna chahti thi lekin uske pet me ajeeb si gudgudi ho rahi thi Himansh ki kahi gayi baaton ko yaad karke .

Himansh to muskurata hua apne bed room me chala gaya tha jabki Pari kaam karne me lag gayi thi lekin jab jab aaina uske samne aata wo khud ko hi dekh kar sharma uthti thi . Wo khud hi nahi samjh pa rahi thi ki use ho kya raha hai . Kyu Himansh ka muskurata hua chehra baar baar khayalon me aakar uski bechaini badha raha tha . Khud se hi poonchhne lagi wo ,

Pari- uff ye mujhe kya ho raha hai . Mai Himansh sir ke bare me aise soch bhi kaise sakti hoon . Mujhe khud ko rokna hoga yaar par jab jab wo meri side dekh kar smile karte hain meri heartbeat kyu badh jati hai . Itni thand me bhi paseene kyu aane lagte hain . Ek kaam karti hoon mai unki side dekhungi hi nahi . Haan haan ye theek rahega .

Pari khud se baatein kar rahi thi , usko andaja bhi nahi raha ki Himansh aa kar uske peechhe khada ho gaya .

Himansh- tum khud se bhi baatein karti ho ?

Pari- n nahi to mai to sheeshe se baatein kar rahi thi .

Himansh- chalo tumko Dr ke paas le chalu lagta hai tumhare sir ki chot abhi theek nahi huyi

Himansh ne Pari ke kareeb jakar kaha .

Pari- hmm le chalein aap mujhe lekin ilaj pahle aap karwaiyega . Aap ko jyada jarurat hai .

Himansh- mujhe kya hua hai

Pari- aaj ki ghatna ?

Himansh- shut up Pari aur dobara bolna bhi mat ye . Jaan le loonga agar kisi ne tumko kuchh kaha samjhi .

Himansh ne gusse se kaha

Pari- sorry mera matlab wo nahi tha,

Himansh- janta hoon ki tum dhakkan ho .

Pari- dhakkan nahi hoon mai

lekin aap mere liye kab tak ladenge sab se mai to is poori duniya me akeli hoon khair next time mai khud ladoongi

mai itni bhi kamjor nahi hoon

Pari wapas apne kaam me jut gayi par Himansh ka dil ab Pari me doobta ja raha tha .

Himansh- sari jindgi ladoonga . Antim saans tak ladoonga . Tumhari jimmedari ab meri hai bas tumko kaise kahoon ki mai tumse bahut bahut jyada wala pyar karta hoon .

Himansh khud se to is pyar ko sweekar kar chuka tha par Pari se kahne ki himmat usme nahi thi .

Pari aur Himansh ek doosre ko door se dekh kar hi aah bhar rahe the . February ki gulabi thand aur ye parwan chadhta ishq behad khushnuma ho gayi thi dono ki sham aise me long drive ki hasrat liye Himansh ne Pari se poonchha .

Himansh - Pari ghoomne chalein ?

Pari- nahi mujhe wapas bhi to jana hai .

Himansh- kal chali jana .

Pari - koi majjaq hai kya sir . Aunty ko kya bolungi ? Aap ko pata hai sab mere bare me buri baatein sochne lagenge

Himansh- ek din me kya ho jayega

Pari- ladki hoon sir . Raat Raat bhar bahar rahne par log mere character par hi finger put on karne lagenge . Aisi galti hi kyu karna .

Himansh- are haan bilkul sahi kah rahi ho . Ok chalo tumko drop kar deta hoon .

Pari- are abhi thoda ruk sakti hoon itni kya jaldi hai .

Himansh- nahi tumko koi kuchh bol dega . Chalo abhi .

Pari samjh gayi ki Himansh ko bura lag chuka hai lekin Par kar bhi kya sakti thi . Apni hand bag lekar chal padi Himansh ke peechhe peechhe . Parking me bhi Himansh muh fulaye raha . Pari bhi kuchh nahi boli . Kya karti wo use to " manana hi nahi aata tha kyu ki usase to koi pahli baar rootha tha " . Himansh ki building se Pari ke orphanage tak dono chup chap baithe the lekin iske baad jo hua wo aur bhi chaunkane wala tha .

Himansh ne Pari ke orphanage ke samne car roki hi nahi aur seedhe chalta raha . Pari ne jab use rokna chaha to uske chehre ki shararti smile dekh kar kuchh bhi nahi bol saki sir sharma kar window se bahar dekhne lagi .

Himansh Pari ko lovers point wali pahadi par le gaya . Yahan ka khoobsurat najara pyar bhare dilon ko aur bhi muhobbat se bharne wala tha . Bahut khush thi Pari Himansh ki ankahi muhobbat ki sohbat me lekin abhi uski pareshaniyon ka ek daur aur bhi bacha hua tha jo jald aane wala tha .

 

[sexstories]

Update # 18

Himansh Pari ko lovers point wali pahadi par le gaya . Yahan ka khoobsurat najara pyar bhare dilon ko aur bhi muhobbat se bharne wala tha . Bahut khush thi Pari Himansh ki ankahi muhobbat ki sohbat me lekin abhi uski pareshaniyon ka ek daur aur bhi bacha hua tha jo jald aane wala tha .

Pari aur Himansh kafi der wahan khamosh baithe the . waise to ek dusre ke sath unka wakt bahut hi khoobsurat gujarta tha lekin aaj ki baat hi kuchh aur thi , Aaj dono Khamoshi se ek doosre ki aankhon me jhank rahe the . Jaban par tala laga hua tha par aankhein apni chanchalta se baaj nahi aa rahi thi .

Ek taraf Himansh ijhaare e muhobbat karne ke liye pareshan tha to doosri taraf Pari ye soch kar pareshan thi ki Himansh ka sath , uska muskurana , uski sharartein Pari ko kyu aaj jyada achchhi lag rahi thi . Jab dono ki aankhein takrati to dono muskura dete , Badi himmat kar ke Himansh ne Pari se kaha ,

Himansh- Pari mai tum se kuchh kahna chahta hoon .

Himansh ki baat sun kar Pari ka sharm se chehra lal ho gaya lekin na jane kyu us sharm ki lali me ek ajeeb sa dar bhi tha . Wo samajh hi nahi pa rahi thi ki Himansh ko kya reply de . Uski life me aisa bhi wakt aayega usne socha hi nahi tha . Bas hakla kar teen shabd bol payi .

Pari- kuchh mat kahiye .

Himansh- kyu Pari mujhse koi galti huyi hai kya ?

Pari- nahi sir ek sath itni khushiyan nahi bardasht kar paungi mai . Bahut kamjor pad rahi hoon dar hai ki kahi khushi se mar hi na jaun .

Pari ne sir jhuka kar kaha .

Himansh- aisa kuchh nahi hoga tumko Pari aur please in khushiyon ki aadat daal lo kyu ki in par sirf tumhara haq hai .

Pari- mujhe dar lag raha hai kahi mera ye pyara sa sapna na toot jaye .

Pari ki jheel si aankhein aansuon se doob gayi aur uske shabdon ki chubhan seedhe Himansh ko apne seene me mahsoos huyi .

Himansh- fir to in khwabon ko aankhon me kaid kar lo Pari .

Pari- mujhe nahi aata hai

Himansh- mai sikhata hoon .

Himansh ne Pari ka chehra apne haathon me thama aur uski dono aankhon ko choomne laga . Pari ka sharir kaamp utha . Wo haule se apna sir peechhe kar ke Himansh ki aankhon me dekhne lagi . Saikdon sawaal the Pari ki bheegi aankhon me . Himansh ko pal bhar bhi na laga Pari ki duwidha samjhane me .

Himansh Pari ke samne ghutne ke bal baith gaya aur behad pyaar se bola ,

Himansh- maine tum se apne dil ki baat kahne ke liye bahut practice ki thi par abhi sara bhool gaya hoon . Sirf itna yaad hai hai ki mai tumse bahut jyada pyar karne laga hoon aur apni sari jindgi tumhare sath bitana chahta hoon . Janta hoon tumhari najron me meri chhavi achchhi nahi hai par trust me mai itna bhi bura nahi hoon . Akele pan ko door karne ke liye thoda sa bahak gaya tha lekin kabhi un sabhi cheejon ko apni kamjori nahi banaya maine na hi apni maryada ko langha hai .

Jab se tumhara sath mila tab se mujhe pyar aur apno ke baare me sochne ka saleeka aa gaya . Jab se tum mili ho mujhe apna aur apno ka khayal rakhna aa gaya hai . Jindgi bhar jis mamta ki chhaw ko mere gusse aur nafrat ne door kar rakha tha tumne apni masoom muhobbat se mujhe un rishto ke kareeb pahuncha diya . Tumhare bina jindgi ab soch bhi nahi sakta mai .

Tum meri jindgi me sach much ki Pari ban kar aayi ho . Mere khwabon ki Pari . Kya tum sirf meri banogi Pari . Kya tum sari jindgi meri galtiyon ko sudharogi . I love you Pari

Himansh ek saans me sab bol gaya aur aplak pari ka chehra niharne laga jabki Pari ke gaal aansun se bheege huye the . Ye khushi ke aansu the kyu ki sari jindgi ek boond pyar ke liye tarsne wali anath aur besahara ladki ko aaj poora sagar mil gaya tha . Pari ko kuchh bhi samajh nahi aa raha tha wo kya kare , kya kahe , wo apni jagah se uthi aur Himansh ke samne ghutno par baith gayi . Pari ko itna rota dekh sab samajh gaya Himansh . Usne aage badh kar Pari ko khud me samet liya .

####

Kahte hain ki gareebon ki jindgi aur khushiyon ki koi keemat nahi hoti hai . Jab Pari khile huye chehre ke sath orphanage pahunchi to waha sabhi ladkiyan use ajeeb najron se dekh rahe thi . Kuchh khusar fusar bhi jari thi uski peeth ke peechhe . Pari bade asmanjas me thi ye sab dekh kar tabhi use ek ladki ne bataya ki use " aunty ne bulaya hai " .

Pari ko ajeeb sa dar lagne laga . Jab wo aunty ke cabin me pahunchi to aunty ka pareshan chehra uska khoon sukhane laga .

Aunty- itni der tak kahan thi beta ?

Pari- aunty bahar gayi thi .

Pari ka chehra aunty ka sawal sun kar hi utar gaya tha .

Aunty- mujhe tumse ye ummid nahi thi Pari

kya soch kar tumne ye kam kiya . Mere diye gaye sanskaron ko itni asaani bhool gayi tum

. Apni beti samjh kar pal rahi hoon mai tum sab ladkiyon ko . Kalank laga diya tumne meri parwarish par .

Aunty apna sir pakad kar baith gayi .

Pari- aunty maine kiya kya hai . Mai koi galat kaam nahi karti hoon . Aap please mujhse naraaj mat hoiye .

Aunty- tumko pata hai yahan police aayi thi . Tumhare bare me poonchhne . Tum par kayi iljam bhi lagaye gaye hain aur hamare orphanage par chhapa marne ki baat kah rahe the . Sari ijjat mitti me mil jati aaj to . Aaj to maine samhal liya hai lekin aage se aisa kuchh hua to mai tumko yahan nahi rakh paungi . Tumhare alawa mujhe auron ka bhi khayal rakhna hai . Ye photos lo aur jao yahan se .

Pari ne kampte haatho se photos dekhi . Sari photos uski aur Himansh ki party wali raat ki thi jisme do photos me uske haanth me vine ka glass bhi tha . Pari ke pas ab kahne ko kuchh nahi tha . Wo rote huye apne room ki taraf bhaag gayi .