Kamukta Kahani - Tumhaare Liye- Ek Prem Kahaani

[sexstories]

[color=rgb(0,]UPDATE- 36[/color]

[color=rgb(51,]Nishchal ki baat sunkar Manisha hansne lagi sath me Nishchal bhi hansne laga. Tabhi Savita ki aawaz aati hai jo unhe niche bula rahi thi. Dono hanste huwe niche aata hain.

Haall ke bich me ek bada sa round table laga huwa tha. Jis par cack rakha huwa tha. Hall ki sajawat ki gayi thi. Table ke charo or gubbare lagaye gaye the. Hall ko ekdam Dulhan ki tarah sajaya gaya tha. is sajawat ke poore kaam ko Mohit, Javed aur Raghav ne milkar kiya tha.

Usi table ke paas sabhi log maujood the. Niche aane ke baad Manisha Sarita ke paas chali gayi. Nishchal ki najar jab Sarita par padti hai to wo apni aankhe jhapkana bhool jata hai.

Sarita ke badan par is samay Halke green aur blue colour ka party gown tha. uske sath hi chehre par halka sa make-up, khule huwe baal, kano me gown se maching colour ki earing aur bahut hi pyaari muskan ke sath uski khoobsurti me char chaand laga rahi thi.

Uske sath hi uske balo ki ek lat uske chehre par aa rahi thi. Jise wo apne hantho se baar baar sanvar rahi thi. Nishchal ne Sarita ka aisa roop pahli baar dekha tha aur ye roop dekhne ke baad wo Sarita mein kho sa gaya tha. Uski najarein Sarita par se hat hi nahi rahi thi.

Nishchal na Sarita ko hamesha se Vardi me dekha tha ya fir sadharan se kurte aur jeens me dekha tha. par aaj party gown me Nishchal Sarita ko pahli baar dekh raha tha. jisme sarita kahar dha rahi thi. Nishchal Sarita ki khoobsurti me khoye huwa tha. Uska dhyaan Manisha ki khanakti hui aawaz se bhang huwa.

Manisha- Chalo dididya ab cack cut karo. bahut joro ki bhookh lagi hai.

Manisha ki baat sunkar Sarita ne hanth me chaku uthaya. Manisha ne mombatti jalayi aur sarita jaise hi cack katne ke liye nichhe jhuki. uske hath wahi par jam ho gaye aur aankho se jhar jhar aanshu bahane lage. Sarita ne chaku niche rakh diya. ye dekhkar Savi ne kaha.

Savi- Kya huwa Sarita Chaku kyon niche rakh diya. Cack kato na.

Lekin Sarita ne uski baato ka jawab nahi diya aur rote huwe kamre me chali gayi. Nishchal. Raghav, Savita, Mohit aur Javed Aashcharya se Sarita ko jate huwe dekhte rahe. Unhe samajh me hi nahi aa raha tha ki Sarita ko Achhanak kya ho gaya.

Manisha, Aanand ji aur Rani ji samajh gaye the ki baat kya hai. isliye Manisha Didiya Didiya karke Uske pichhe pichhe bhagte huwe uske kamre me chali gayi. Khushiyo ka mahaul gamgeen ho gaya tha. Savita ne Rani ji se poochha.

Savi- Sarita ko Kya ho gaya Aunti Ji. Ye Achhanak rone kyon lagi.

Raani jj- Ab Kya batau beti tumhe. meri to kismat hi kharab hai. meri bachhi ne Jindagi mein bahut dukh jhele hain. ye dukh meri bachhi ka pichha hi nahi chhod raha hai.

Savi- Aakhir baat kya hai Aunti. Sarita ne achanak aisa react kyo kiya. ham logo ne to use aisa kuchh nahi kaha jiski wajah se wo rone lag jaye.

Aanand jj- Aap logo ne kuchh nahi kaha. wo to apne bhaai ki wajah se ro rahi hai.

Nishchal- Apne bhaai ki wajah se. main kuchh samjha nahi.

Aanand ji- Baat ye hai ki mera ek beta bhi tha. Abhishek naam tha uska. wo apni bahano se bahut pyaar karta tha. Uski to jaan basti thi apni bahano mein. Sarita aur Manisha bhi Use bahut pyaar karti thi. Meri ek galti ki wajah se wo ghar chhod kar jo ek baar gaya to kabhi lautkar dobaara ghar nahi aaya.

Meri baat ko ignore karke wo shayad ghar aa bhi jata, lekin jab Sarita ne bhi use galat kaha to shayad wo bardast nahi kar paya. isliye wo ghar kabhi laut kar nahi aaya. hamne use bahut dhoondha, lekin wo nahi mila. uske baat to jaise meri bachhi ke jeewan se khushiya hi chali gayi.

Koi bhi tyohar, khushi ka mauka, Birthday Sarita ka aise hi bit-ta hai. har khushi ke mauke par wo apne bhai ko yaad karke aise hi roti hai aur ham sabko bhi rulati hai. wo kahti hai ki wo apne bhai ko dhooondh legi. lekin pata nahi wo kaha hoga, kiss haal me hoga, hai bhi ya nahi pata nahi.

Itna kahkar Aanand ji aur Rani ji ki aankho me bhi aanshu aa gaye. SaVi ne Rani ji ko jabki Nishchal ne Aanand ji ko sambhala. Sabhi ke chehre par gam saf dikhayi de raha tha. Udhar Manisha Kamre me Sarita ko samjha rahi thi.

Manisha- Ye kya hai didiya. tum fir se bhaiya ko yaad karke rone lagi.

Sarita- Main kyaa karu Manisha. mujhe bhaiya ki bahut yaad aati hai. jab bhi aisa koi mauka hota hai to main apne aapko rok nahi pati hoon. kaas aaj bhaiya bhi hamare sath hote to kitna achha hota. meri ek galti ke karan bhaiya mujhse itna naraz ho gaye ki ek baar bhi apni bahan se milne tak nahi aaye. kya main itni buri hoon manisha.

Manisha- Nahi didiya. Aap duniya ki Sabse Achhi bahan ho. Dekh lena ek din bhaiya ko apni galti ka ehsas hoga aur wo hamare paas laut kar aayegne.

Sarita- Wo din kab aayega manisha. jab bhaiya laut kar aayege aur hame pahle ki tarah pyaar karenge.

Manisha- Wo din bahut jaldi aayega didiya. Ab chalo bahar aur cack kato. tumne apne chakkar me sabko rula diya hai. tumko pata hai na ki jab tum bhaiya ko yaad karke roti ho to mummy papa ko kitni takleef hoti hai. chalo ab jaldi se apna chehra saf karo aur bahar chalo. sab tumhara intezar kar rahe hain.

Sarita- Tum chalo main aati hoon.

Manisha SArita ki baat sunkar bahar chali gayi aur Sarita bathroom me ghus gayi. Manisha jab bahar aayi to Rani ne poochha.

Raani ji- Kaisi hai meri bachhi manisha.

Manisha- Aap ki bachhi ko kuchh nahi huwa hai. wo aa rahi hai. faltu me drama karti rahti hain didiya.

Rani ji- Tu chup kar. meri beti ke pyaar ko drama kah rahi hai.

tabhi Sarita kamre se bahar aati hai. uske chehre par ab pahle jaisi khushi nahi dikh rahi thi. wo aakar table ke samne khadi ho gayi. Manisha ne fir dobara se Candle jalai. Sarita ne cack kata aur sabko ek ek peace khilane lagi. Sabne use birthday wish kiya.

Sarita ne apne mummy papa ko cack khilane ke baad usne unka aashirwad liya. fir Savita ko Sarita ne cack khilaya fir ek tukda uthakar manisha ko khilane jane lagi. lekin manisha gubbaara phodne ke liye idhar udhar bhag rahi thi. Manisha ne apna phone SAvi ko de diya aur photo kheechne ke liye bol diya. Sarita ne Manisha se kaha.

SArita- Tum ek jagah khadi nahi ho sakti ho kya. gubbare baad me phod lena, tumhare alawa yaha par koi chhota bachha nahi hai. sab tumhe hi phodne ke liye milega.

Manisha- Lo khadi ho gayi hoon Khilao.

Sarita ne cack ka tukda liye apna hanth aage badhaya. Manisha ko pata nahi kya shararat sujhi ki jaise hi Sarita ka hanth uske munh ke paas pahucha wo waha se hat gayi. Manisha ke thik pichhe Nishchal khada tha.

jaise hi manisha hati. Sarita ke samne Nishchal khada tha. jab tak Sarita apna kuchh samajhti tab tak Sarita ka hanth Nishchal ke munh tak pahuch gaya tha, Fir bhi Sarita ne apna hanth rok liya aur hanth wapas karne lagi to Nishchal ne kaha.

Nishchal- AB hath aage badhaya hai to khila bhi do. waise bhi kisi ne kaha hai ki dane dane par likha hota hai khane wale ka naam.

Nishchal ki baato ka Sarita ne koi jawab nahi diya. wo waha se jaise hi jane ko hui. Nishchal ne uska hanth pakad liya aur uske hanth se cack lekar uske munh ke paas karke bola

Nishchal- Agar mujhe khila nahi sakti ho to kam se kam mere hantho se kha hi lo. aur haan Janamdin kii bahut bahut badhaai Miss Joshi.

Sarita ne Nishchal ko gusse se dekha, lekin is samay wo koi tamasha create nahi karna chahti thi. isliye usne chupchap cack kha liya. Savi ne Manisha ke phone se is movement ko kaid kar liya. cack khane ke baad Sarita ne Nischal ko thank You kaha aur waha se chali gayi. Nishchal ke chehre par muskan aa gayi.

udhar Manisha gubbare phodne ke chakkar me idhar udhar bhag rahi thi. tabhi wo Raghav se takra gayi. dono ki takkar kuchh jyada hi tez thi. jiske kaaran dono ka balance bigad gaya aur dono jameen par gir pade. ab setuation ye thi ki Raghav jameen par pith ke bal gira huwa tha aur Raghav ke upar Manisha pet ke bal giri hui thi.

manisha poori tarah se Raghav ke upar dhah gayi thi. girne ke karan uske munh se cheekh nikal gayi. uski cheekh sunkar Sabhi ki najar unki taraf gayi to Sarita jaldi se unke paas pahuchi aur Manisha ko pakadkar Raghav ke upar se uthaya. Manisha ke uthane ke baad Raghav bhi uth kar khada ho gaya.

Manisha Chunki Raghav ke upar giri thi, isliye use jyada chot nahi aayi thi, lekin wo thahri ladki aur ladkiyan jaldi apni galti manti nahi hai aur ladki hone ke karan natak bhi karti hain Sampathy gain karne ke liye to Manisha ne Raghav ko ghoorkar dekhate huwe kaha.

Manisha- Andhe ho tum. tumhe dikhayi nahi deta kya. dekh ke nahi chal sakte kya. tumhari aankhe hain ya aalu. aahhhhhhh maar dala reeee. bahutt tezz dardd hoo raha haiiii mujhee. uuuuuiiiiii mummyyy.

Raghav- Mujhe maaf kar dijiye Manisha Ji. maine aapko dekha nahi tha ki aap udhar se aa rahi hain.

Sarita- Are nahii Raghav ji. Aap kyon maffi mang rahe hain. ye sab iski nautanki hai. Jab bandro ki tarah idhar udhar uchaal kood kar rahi hai to yahi hoga na. ise chhot wot kuchh nahi lagi hai. choot to aapko lagi hogi, kyoki ye bhais aapke upar jo giri thi. (hanste huwe)

Manisha- (ghorkar) Didiya. tum meri side ho ya uski side. he bhagwaan mera to koi hai hi nahi is kalyugi sansar me. Mujhe utha le bhagwan. Mujhe nahi rahna in praniyo ke bich.

Manisha ki nautanki dekhkar sabhi hans rahe the. Raghav ke chehre par bhi muskaan aa gayi Rani ji ne Manisha se kaha.

Rani ji- Chalo manisha ab bas karo. bahut ho gaya tumhara. kahi bhi shuru ho jati ho. ye tumhara ghar nahi hai Manisha.

Rani ji ki baat sunkar Manisha bura sa munh banati hai. Sabhi log fir se haal mein baith jate hain. Mohit aur Jawed Ko ghar jana tha isliye wo khana khane chale gaye. Manisha ko fir se kuchh shararat sujhi to Manisha sofe par khadi ho gayi aur apne hanth ko mike banakar boli.

Manisha- hello, hello, mike testing hello. haan Attention Please. Sabhi Sarv Samanya ko suchit kiya jata hai aur jaisa ki aap sab jante hain ki aaj hamari pyaari didiya, sundar didiya, thodi si nakchadhi didiya aur bahut hi jyada gussail didiya ka janamdin hai. aaj meri didiya poore. kitne sal ki ho gayi ho didiya. haan poore 52 saal ki ho gayi hain.

Manisha ki baat sunkar Sabhi hansne lage. SArita ne manisha ko gusse se dekhte huwe kaha.

Sarita- Abhi to tumko chot lagi thi aur bahut dard bhi ho raha tha. lagta hai usi ka prabhav hai ki tumhara dimag thik se kam nahin kar raha hai.

Manisha- Ohhhhh, legta hai ki maine kuchh jyada bol diya. to deviyon aur sajjano. maine abhi jo apni didiya ki umar 52 varsh batayi hai wo bahut jyada ho gaya hai. meri didiya to abhi 25 sal ki hui hain. to is khushi ke mauke par kyon na kuchh masti majak aur dance gana ho jaye. Kya kahte hain aap sab log.

Raghav- Lekin aap dance kaise karengi. Aapko to abhi kuchh der pahle chot lagi hai na.

Manisha- Wo to thik ho gayi.

Raghav- Aise kaise thik ho gayi.

Manisha- To aap kya chahte hain ki meri chot aapse puchhkar thik hoti. baat karte hain.

Sarita- Maine kaha tha na ki ise kuchh nahi huwa hai. ye sab iski nautanki hai. Ise yahi kaam bahut achhi tarike se aata hai.

Manisha- Lagta hai aap dono ko kuchh jyada hi takleef ho rahi hai mujhe thik dekhkar. agar aap dono kahe to main apne hanth pair tudwakar baith jaun. matlab ek bhali changee ladki dekhi nahi ja rahi hai dono ko. khair chhodo main aap dono ki baato par dhyan nahi doongi. ye bataiye ki aap sab taiyaar hain ya nahi.

Savi- Main to taiyaar hoon aur mujhe lagta hai ki baki sab bhi taiyaar honge.

Sarita- Mujhe koi Intrest nahi hai in sab mein. Mujhe nahi khelna ye game.

Manisha- Dekho na ma. didiya kya kah rahi hain.

Sarita- Maa se kya baat kar rahi ho. mujhse baat kar. maine ek baar kah diya na to tumhe samajh me nahi aa raha hai kya. mujhe intrest nahi hai is game me.

Nishchal- (apne man me) Kya ladki hai ye yaar. Kitna gussa karti hai. Main ise kaise sambhalunga. Ohhh shiiiittt. ye main kyaa sochane laga. agar is baat ki bhanak bhi ise lag gayi to ye mujhe kachha chaba jayegi.

Manisha- Tum chupchap baithi raho didiya. maine tumse to nahi kaha na. maine mummy se kaha hai.

Raani ji- Ye kya hai Sarita. Manisha itne pyaar se kah rahi hai aur tum naraz ho rahi ho.

Sarita- Meri sach me is game me ruche nahi hai aur meri ichhha bhi nahi ho rahi hai koi game khelne ki. aap samajh sakti hain na maa.

Savi- Chalo koi baat nahi. fir kabhi ye game vagairah ka programme ho jayega. Chaliya ab sabse pahle khana kha lete hain uske baad sona bhi to hai. aap log subah se safar me thake huwe honge.

Manisha- (Sarita ko ghoorkar) tum bahut boring Prani ho didiya. tumhare man ka ho gaya na. kabhi to khul kar kisi cheez mein intrest dikhaya karo na. hamesha mujhe nahi khelna mujhe nahi khelna karti rahti ho. (Raghav ko dekhkar) tumhare man ka bhi ho gaya na. tum bhi to yahi chahte the na

Raghav- (man me) kya ladki hai yaar. job hi man me aata hai bol deti hai. ye bhi nahi sochti ke samne wala kya sochega. beijjati kar deti hai ekdam se. isase bachkar rahna padega. jab tak ye yaha par hai main isase door hi rahunga.

Nishchal- (man me) Kya baat bol di tumne chhote miya. kaun kahta hai ki tumhari didi ko kisi cheez me intrest nahi hai. gussa karna aur thappad marna in dono me bahut achhi tarah se interest leti hai.

Sarita- Di. main soch rahi thi ki khana khakar main sabhi ko lekar apne room par chali jaungi. aap bilkul bhi pareshan na ho.

Savi- Kyon. Yaha rukne me kya burai hai. Aaj yahi ruk jao. kal subah nashta wagairah karke chali jana. Aaj sab log sath me hain to kitna achha lag raha hai. Roj kaha Uncle, Aunty se mulakat hogi. Please Aunty ji aaj yahi par ruk jaiye na. kal subah chali jaiyega.

Raani ji- Are bitiya tumhe please kahne ki jaroorat nahi hai. jaise manisha aur Sarita meri beti hain. waise tum bhi to meri beti hi ho. ham aaj raat yahi rukenge.

Rani ji ki baat sunkar Savita khush ho jati hai. fir sabhi log milkar khana khate hain. Sarita Aaj apni maa ke sath hi soyi unse lipatkar. Itne mahine baad apni maan ke aanchal me lipatkar use sukoon ki neend aayi. Uske bagal me Manisha so rahi thi. Aanand ji Nishchal ke sath uske kamre me sone ke liye chale gaye.

[/color]
[color=rgb(0,]Iske Aage ki Kahaani Agle Bhag mein..[/color]

 

[sexstories]

[color=rgb(0,]UPDATE- 37[/color]

[color=rgb(51,]Rani ji ki baat sunkar Savita khush ho jati hai. fir sabhi log milkar khana khate hain. Sarita Aaj apni maan ke sath hi soyi unse lipatkar. Itne mahine baad apni maan ke aanchal me lipatkar use sukoon ki neend aayi. Uske bagal me Manisha so rahi thi. Aanand ji Nishchal ke sath uske kamre me son eke liye chale gaye.[/color]

[color=rgb(65,]********[/color]

[color=rgb(51,]Usi Raat Shahar se door Ek kamre me Bachha singh baitha huwa tha, uske hanth mein sharab ki poori bhari hui botal thi. jise wo gat gat karke khali kar raha tha.

Sharab pine ke baad usne botal ko deewar par de mara. Bachha singh ka chehra gusse me tamtamaya huwa tha. uske bagal me Kaluwa, Raka aur Shambhu bhi baithe huwe the. Bachha Singh gusse se phunfkarta huwa bola.

Bachha Singh- Thhu hai tum sab ki zindagi par salo. tum sab Ek laundiya ko thikane nahi laga paye. bahut bade gunde bane firte ho. jakar chullu bhar pani me doob maro tum sab.

Kaluwa- Aisa mat kaho bhaai. Apan bhaeje rahe do aadmiyan ke. Lekin hamka nahi maloom tha ki dono ke dono ekdam nithalle nikalenge. Ek Laundiya ko nahi maar payenge.

Bachha singh- Raghu Aa Raha hai 3-4 din mein. Use agar is baat ka pata chal gaya ki tu saban ek ladki ko nahi maar paye to pata nahi wo kya karega tum sab ke sath.

Rakaa- Aap shaant ho jaiye maai baap. ham kuchh karte hain kuchh.

Bachha singh- (gusse se chillate huwe) Kaa karoge... haaann bolo.. kaaa karogeee.. bol be. Sala itne din se dekh to raha hoon ki kaa kaam kar rahe ho tum sab. Ek kaam bhi tum saban se dhang se nahi hota.

Hamari hi mati mari gayi thi jo tum logo ke bharoshe ab tak baitha raha aur tum logan ko use marne ka kam saupa. Hamhi chutiya the jo soch rahe the ki ladki hai jyada kuchh nahi kar payegi, agar bahut pahle hi uska kaam tamam kar diye hote to aaj ye din nahi dekhna padta.

Shambhu- Aap apna khoon kahe jala rahe hain maai baap. Aap shant ho jaiye. Ab to Rahu bhai aa hi rahe hain to unke aane ke baad wo sab sambhal hi lenge.

Bachha Singh- (Gusse se) Haan jab Sab wahi sambhalega to tum log kaa achaar dalne ke liye baithe ho yaha. Bhago salon. Nikalo yaha se aur jab tak main na bullaun apni shakal bhi mat dikhana mujhe nahi to tum logo ki gand me goli marunga main. Bhago yaha bujdilo.

Bachha Singh ki dutkar se Kaluwa, Shambhu aur Raka Waha se chale gaye.[/color]

[color=rgb(65,]******[/color]

[color=rgb(51,]Agli Subah Sab log sokar uthe. Kaal ki thakan ke baad sabhi ko achhi nind aayi thi. Savita ke yaha kafi chahal pahal thi. Sabhi apne apne kam me vyast the. Sarita Subah jaldi uthkar PS ke liye nikal gayi thi. Raani ji ne use jaldi ghar aane ke liye bola tha. Rani ji apna saman pack kar rahi thi ki tabhi Savi unka nashta lekar kamre me aati hai.

Savi- Good Morning Aunty ji. Aap apni packing Kyon kar rahi hain. AAp log aaj hi ghar ke liye nikal rahe hain kyaa.

Rani ji- Haan bitiya. Waha bhi ghar me tala laga huwa hai.

Savi- To bas aaj bhar ke liye aap log aur ruk jaiye. Kal aap log chale jaiyega. Sarita ko bhi aap logo ke sath rahne ka mauka mil jayega.

Raani ji- Nahi bitiya. Ab hame jane do. Bahut kaam pada hai waha bhi.

Savi- Please Aunty. Ruk jaiye na. Bas aaj bhar ke liye ruk jaiye. Aapne mujhe apne beti kaha hai to apni is beti ki baat maan lijiye Aunty ji.

Raani ji- Thik hai bitiya. Ab tum itna kah rahi ho to ham ruk jate hain, lekin aaj tak hi. Kal ham logo ko jane se nahi rokogi.

Savi- thank You Aunty ji. To Chaliye aaj Aap sab log mere sath aaj shoping karne. Isi bahane thoda ghoomna firna bhi ho jayega.

Raani ji- Thik hai bitiya jaisa tummhe thikk lage.

Raani ji se baat karne ke baad Jab Savita bahar aayi to Nishchal ne use apne kamre me aane ke liye kaha. Savita Nishchal ke kamre me pahuchi aur kaha.

Savi- haan Nishu. Kuchh kaam tha kya.

Nishchal- Mujhe aapse bahut jaroori baat karni hai di. wo main. wo main.. kah raha tha ki aaj Se Agar Sarita hamare sath rahe to aapko koi dikkat to nahi hai.

Savi- (Hairani se) Kyon Kya huwa. Koi baat ho gayi kyaa.

Fir nishchal ne Us din ki sari ghatna Savi ko bata di. jise sun-ne ke baad Savi bhi chintit ho gayi aur usne Nishchal se kaha.

Savi- Achha Isiliye tum us din der raat tak uske sath the.

Nishchal- Haan di. waise Darne ki koi baat nahi hai. PS me waise bhi uska koi kuchh nahi bigad sakta. Waise bhi main to hoon hi uska dhyaan rakhne ke liye. Lekin Use Uske quarter me khatra hai.

Savi- Baat to sach me bahut Gambhir hai, lekin mujhe ye samajh nahi aa raha hai ki Sarita ne mujhse is baat ka jikar tak nahi kiya abhi tak. Uski family bhi nahi rahti sath me uske to kam se kam mujhe to bata sakti thi na.

Nishchal- Aap to janti hi hai di ki wo kitni jiddi hai. Kisi ki nahi sunti. Maine jab use kaha ki ab se use mere ghar par rahna hai to wo mujhse bhi bahas karne lagi, bolne lagi ki wo kisi bhi kimat par hamare sath nahi rahegi.

Savi- Achha. Aane do use aaj. Main bhi dekhti hoon ki wo kaise apne man ka karti hai. Use yaha to rahna hi padega.

Nishchal- Thik hai di. Aap use achhe se samjha dena ki jid na kare. Nahi to main apni jid par aa gaya to use bahut mahanga padega.

Savi- Haan dekhi hoon main tumhe. Uske samne aate hi bhigi billi ban jate ho aur baat aise kar rahe ho jaise bahut teer mare hain Uske rahte.

Nischal- Kyaa di ab aap bhi meri khichai kar rahi hain. Jaaiye main aapse baat nahi karta.

Savi- Are nishu main to majak kar rahi thi. main use achhe se samjha dungi. Tum fikar mat karo.

Savi ki baat sunkar Nishchal bhi taiyar ho kar apne kaam par nikal jata hai. Uske jane ke baad bhi Nishchal ki baate hi Savi ke dimag me ghoom rahi thi. Use Sach me sarita ki chinta hone lagi. Usne aaj hi Sarita se baat karne ka nirnay liya.[/color]

[color=rgb(65,]********[/color]

[color=rgb(51,]Idhar Bachha Singh ka Chhota bhaai Raghu Jis kaam ke liye Shahar se bhahar gaya tha. Wo kaam poora karke wapas Samay se pahle hi laut aaya tha. Aur Sidha bachha sinhg se milne ke liye Apne Adde par pahucha. Waha par use koi nahi dikha to Usne Bachha Singh ko phone lagaya to Bachha singh ne uSe Naye address par milne ke liye bulaya.[/color]

[color=rgb(65,](Raghu 27-28 Sal ka ek Gabaru Naujawan hai. Sharir se balishth , Majboot kadkathi ka aur Aakarshak Vyaktitva ka Swami hai. Lambai lagbhag 6 fit ki, Gehuwe rang ka kaafi teekhe nain kakhs wala banda hai jo apne ek hanth me hamesha gold ke kade pahanta hai. Chehre par hamesha Gambhir bhav rakhta tha.

Dekhne wale Use Bahut siddha samajhte the, lekin uske Isi gambhir bhav ke pichhe Bepanah Gussa chhupa hota tha. Wo Ek Anath tha aur Bachha Singh ko Sadak kinare mila tha jab uski umar 5 Sal ki thi. Usne Bachha Singh ko Bhaiya bol kar khana manga tha. Raghu ki baato mein aisa jadu tha ki Bachha singh ko Uspar Taras aa gaya aur usne Raghu ko apne sath Rakh liya. Tab Se Bachha Singh hi Uske liye maa Baap Bhaai Bahan Sabkuchh tha.

Raghu Bachha Singh ko bahut manta tha. Wo Uske Alawa kisi ki baat nahi suntan tha, Yahan tak ki Boss Aur Sarkaar ki bhi. Boss Aur Sarkaar Bhi Use kuchh nahi bol Pate the, kyonki Wo bhale un dono ki baat nahi sunta tha, lekin bachha singh jo kaam bolta tha, use bahut hi safai se bina koi surag chhode samay se pahle Anjaam deta tha, isliye Boss Aur Sarkaar bhi Iske murid the. Raghu ka Link bahut hi tagda tha. Wo UP ke lagbhag har jile me apna kaam karta tha. Ab Raghu desh ke bahar bhi apna dhandha badhane ki firak me tha)[/color]

[color=rgb(51,]Raghu- Pranam bhaiyaa. Kya ho gaya bhaiyaa. Aap yahan par kyon baithe hain. Apna purana Adda badal diya Kyaa. Udhar koi doosra sambhal raha hai kya kaam. Waise ye jagah to pahle wali jagah se bhi jyada mast hai.

Bachha Singh- Are nahi Re Raghu. Aise koi baat nahi hai. Bas Apna dhandha Abhi bahut manda Chal raha hai. Isliye Wo jagah Chhodkar Ham Log Idhar Sift ho gaye hain. Tum baitho mere paas. Ham tumko sab batate hain.

Bachha singh ne Raghu ko kheechkar apne paas baith aliya. Bachha Singh ki baat sunkar Raghu ko kuchh andesha ho gaya ki koi na koi baat hai jo usase chhupai ja rahi hai. Uske Bachha Singh ke paas baith-te huwe Poocha.

Raghu- Bhaiya. Yuun Baat ko gol gol mat ghumao aur Saf Saf batao ki baat kya hai. Aapki bato se lag raha hai ki koi badi baat hogi.

Bachha Singh- Haan Chhote. Baat to bahut badi hai. Ek Nayi Inspectorany Aayi hai....

Iske baad Bachha Singh ne Raghu ko Sari kahani batane lagta hai jo abhi tak ghati thi. jaise jaise Bachha Singh batata ja raha tha. Waise waise Raghu ke chehre ka rang aur bhav badalta ja raha tha. Poori kahani sun-ne ke baad Raghu Gusse me chillate huwe bola.

Raghu- Ye kya Kiya aapne Bhaiyaa. Itna kuchh ho gaya aur aapne ek baar bhi mujhe batana jaroori nahi samjha.

Bachha Singh- Ham Tumhara hi intezar kar rahe the. Ham soch rahe the ki jab tun yaha aaoge to ham bataenge. Hamne tumko isliye pahle nahi bataya kyonki main nahi chahta tha ki tum jis kaam ke liye gaye huwe ho. wo kaam adhora chhod kar aao. Maine socha ki pahle wo kaam poora kar lo. Uske baad yaha ka bhi dekh lenge.

Raghu- Waha ke kaam ke chhakkar me chahe yaha ka kam chaupat hi ho jaye. Hai na bhaiyaa.

Bachha Singh- Aisi koi baat nahi hai Chhote. Hamne tumko Isliye pahle nahi bataya tha ki hamko laga tha ki ham apni taraf se Us Inspectorani ko dekh lenge, magar wo bahut chalak hai. Hamse na ho paya.

Raghu- (gusse se dant piste huwe) Tum fikar mat karo bhaiya. Ab Raghu aa gaya hai na. To ab Poora hisab kitab hoga us laundiya aur Raghu ke bich.

Bachha- Ham to ab sab tumhare upar chhod diye hain. Ab jo bhi kaam karna hai tumhe hi karna hai. Ab wo tum soch lo ki kaise karna hai. Jaise bhi karna hai tum khud sambhalo ise. Ham to ye kah rahe hain ki Ab Jaunpur bhi tumhi dekho. Lagta hai ki ab mujhme wo baat nahi rahi gayi hai Chhote.

Raghu- Nahi bhaiya Aap me abhi bhi wahi baat hai. Aap bilkul bhi fikar mat karo. Bina uska kaam tamaam kiye to hamko bhi ab chain nahi milega. Ho sakta hai Kal hi aapko ek bahut Achhi khabar sun-ne ko Mil jaye.

Bachha- Ham to kab se ye Khushi sun-ne ke liye taras rahe the. Mujhe us Khushi ka intezar rahega Chhote. tum chaho to jate huwe apne 8-10 aadmiyon ko bhi sath me le jana. tumhe apna kam karne mein aasani hogi.

Raghu- Uski jaroorat nahi hai bhaiyaa. agar un sab ke gude me itna hi dam rahta na to mujhe apna hanth is kaam me nahi dalna hota, lekin sale sab nikamme hain. ab ye sab dekh lenge aur police wale bhi dekh lenge ki main us inspectorani ka kya haal karta hoon.

in police walo ki nani na yaad dilayi to mera naan bhi Raghu nahi. Sala main kuchh kaam se bahar kya chala gaya police ke bhi pankh nikal aaye hain jo jo sab sher bane fir rahe hain.

Bachha- tum chaho to jate samay ek baar singh Sahab se mil lena. tumhari kuchh madad bhi ho jayegi.

Raghu- Wo bhala kisliye.

Bachha- Are Chhote wo jane mane nete hain. tumhari har tarah se madad kar sakte hain. hamare sath achha khasa mel-jol hai unka.

Raghu- Aapki madad ki kya us neta ne bhaiyaa.

Bachha- Nahi Chhote, Is samay chunav ka seasion hai to wo apne chunav me lage huwe hain. wo apni chhavi kharab nahi karna chahte hain na.

Raghu- To jab us neta ne aapki madad nahi ki to meri madad kya khaak karega. ye neta sale jab apno ke sage nahi hote to hamare kya honge. main kisi ke paas nahi jaunguga bhaiyaa. mujhe apna kam bakhubi karna aata hai aur uska tareeka bhi mujhe pata hai.

tabhi to maine itna khoon, kidnapping, smuggling ki. lekin aaj tak mujhe police pakad nahi paayi. kyonki use pata hi nahi hai ki Raghu dikhta kaise hai. Agar main unke samne jakar bhi baith jaun to bhi mera kuchh nahi kar sakte wo log. Isliye main apne tareeke se hi kaam karunga.Aaap bas achhi khabar ka intezar karo bhaiya. ab main chalta hoon.

Itna kahkar Raghu Apna hanth hawa me lahrata ek hanth se doosre hanth me pahne kade ko pakadkar upar ki taraf karta ghumata huwa waha se chala gaya. uske jane ke baad Bachha singh khushi khushi apne man me sochne laga.

Bachha Singh- Bahut fudak liya tumne Inspectorani. Tumko pyaar ki bhasha samajh me nahi aati na ab dekhna mera bhaai tumhari kya halat karta hai. ab jo bhi hoga uski jimmedar tum khud hogi. sirf tum jimmedar hogi.

Itna kahkar Bachha singh jor jor se hansne laga aur wo bhi waha se uthkar chala gaya.[/color]

[color=rgb(65,]*******[/color]

[color=rgb(51,]Idhar Savi sab ko jaldi jaldi market chalne ke liye taiyar hone ke liye bol rahi thi. Manisha ne pahle hi Sarita ko phone karke bata diya tha ki use kitne baje mall pahuchna hai. Kuchh hi der me sab taiyar hokar mall jane ke liye nikal gaye.

[/color]
[color=rgb(255,]Iske Aage ki Kahaani Agle Bhag mein..[/color]

 

[sexstories]

[color=rgb(65,]UPDATE- 38[/color]

[color=rgb(0,]Idhar Savi sab ko jaldi jaldi market chalne ke liye taiyar hone ke liye bol rahi thi. Manisha ne pahle hi Sarita ko phone karke bata diya tha ki use kitne baje mall pahuchna hai. Kuchh hi der me sab taiyar hokar mall jane ke liye nikal gaye. Jab sab log waha pahuche to Sarita waha pahle se hi maujood thi. Unhe dekhte hi Sarita ne kaha.

Sarita- Badi jaldi aa gaye aap log. main yaha aadhe ghante se khadi hui hoon. lekin aap log abhi aa rahe hain. aapko pata hai ki main kitna important kaam chhodkar aayi hoon.

Raani ji- Haan pata hai. jab dekho tab kaam kaam aur bas kaam. noukari milne ke baad to hamari koi fikar hi nahi rah gayi hai tumhe. bas kaam ki hi fikar hai tumhe.

Sarita- Ara maa aisi baat nahi hai. main to bas ye kah rahi thi ki yaha pahuchne ke baad agar mujhe phone karti tab bhi main aa jati. mujhe itni jaldi bulaya isliye main ye bol rahi hoon.

Savi- Achha. ab to aa gaye hain na. chaliye jaldi jaldi shoping kar lijiye. jyada samay nahi lagana hai na.

Savi ki baat sunkar sabhi shoping karne ke liye mall ke andar chale gaye. Manisha aur Savi ne poore mall me ghoom ghoom kar kapde, cosmatics ke saman aur ladies section me jakar kapde khareedne lagi.

Sarita ne sabke liye kuchh na kuchh khareeda. Rani ji aur Aanand ji bas unke sath ghoom rahe the. unhone apne liye kuchh nahi khareeda tha. Poori shoping khatam hone ke baad jab bill dene ki bari aayi tho savi bill ka payment karne lagi to Sarita ne kaha.

Sarita- Di aap rahne dijiye. main payment karti hoon.

Savi- Are nahi tum rahne do. main karti hoon. shoping par to main tum logo ko lekar aayi hoon na.

Manisha- Are didi. bhale hi shoping par aap lekar aayi hain. lekin kal didiya ka janamdin tha aur mere yahan janamdin ka gift jiska janamdin rahta hai wo khareed kar sabko deta hai isliye ye sari shopping didiya ki taraf se hai.

Savi- Ye to bahut ajeeb hai. matlab jiska janamdin hai uski poori khushi tohfa kharidne me hi khatam ho jayegi.

Savi ki baat sunkar sabhi hansne lage. Sarita ne payment kiya aur sabhi mall se bahar aa gaye. sham ho chuki thi, isliye sabhi shidha ghar aa gaye. ghar pahuch kar Manisha ne turant apne kapde nikal kar check karne lagi aur sabko uske bare me batane lagi. baki sabhi hall me baithkar baatcheet karne lage.

subah Manisha, Ranii ji aur Aanand ji ko ghar nikalna tha isliye wo log jaldi se khana khakar sone ke liye chale gaye. Sarita Savita ke sath baith kar baat karne lagi, lekin usne ek baat note ki ki Savita Uski baato ka thik se jawab nahi de rahi thi.

na hi us-se kuchh pooch rahi thi. jab sarita usase kuchh kahti ho haan huun kahkar tarka deti thi. thodi der baad SAvi bhi apne kamre me chali gayi. wo apna bister thik kar rahi thi tabhi Sarita bhi Savi ke kamre me aa gayi. Sarita ne Savi se kaha.

Sarita- Kya huwa hai aapko di.

Savi- Kuchh to nahi. mujhe kya hoga.

Sarita- Nahi di kuchh to baat hai. tabhi aap mujhse aise baat kar rahi hain. mujhse koi galati ho gayi hai kya.

Savi- Nahi Sarita bas aaj kuchh thik nahi lag raha hai. baki aur koi baat nahi hai.

ye sunkar Sarita ne Savi ko pakadkar bed par baithaya aur uske pairo ke paas jameen par baith gayi. usne Savi ka hanth apne hanth me le liya aur use sahlate huwe SAvi ki aankho me dekhte huwe poocha.

Sarita- Dekhiye di. main janti hoon ki koi bahut badi baat hai jiske karan aap mujhse is tarah se baat kar rahi hain. aapko pata hai ki main aapse kitna pyaar karti hoon. yaha par ek aap hi hain jise main apna kah sakti hoon.

Savi- yahi to dikkat hai Sarita. ki tum mujhe apna samajhti hi kaha ho. kahne ko to tum bol rahi ho ki main tumhari apni hoon, lekin kya sach me aisa hai.

Sarita- Aakhir baat kya hai di. aap aisi baat kyon kar rahi hain. jab tak aap mujhe bataengi nahi ki baat kya hai tab tak mujhe pata kaise chalega ki aap kis baat ko lekar aisa bartav kar rahi hain mere seth.

Savi- Tum mujhe koi baat batati ho jo main tumhe bataun. maine tumhe kitni baar kaha hai ki koi bhi baat ho kaisi bhi baat ho mujhse chhipane ki jaroorat nahi hai tumko. main tumhari har baat par tumhare sath khadi rahungi, lekin tum batati hi nahi ho ki kya ho gaya hai kya nahi .

Sarita- Oohhhh Achhaa diii. aap abhi takk birthday wali baat ko lekar mujhse naraj hain Sorryy di. wo to bas mere dhyan se utar gaya tha.

Savi- Tumhare birthday wali baat par mujhe itna gussa nahi aaya tha, lekin jab tumhari jindagi..... Kya tum mujhe is kabil bhi nahi samajhti ki mujhse ye baat share kar sako. agar tumhe kuchh ho jata ho.

Itna kahte kahte Savi ki aankhe chhalak aayi. dono me pata nahi kaise ye pyaar tha. koi rishta na hota huwe bhi ek aisi anjani dor ne Savita ko Sarita se bandh rakha tha ki Savita ke liye Sarita apni ho gayi thi. Savita ki aankho me aanshu dekh SArita ne uske aanshu pochhte huwe kaha.

Sarita- Bas main isiliye aapko nahi batana chahti thi. aap bahut jaldi pareshan ho jati ho. ab aap chup ho jaiye. mujhe kuchh nahi huwa. main bilkul thik hoon. Sir ne sahi samay par aakar mujhe bacha liya. ab main bilkul satark rahungi.

Savi- Ab tum waha par nahi rahogi.

Sarita- (chaukte huwe) WAha par nahi rahungi matlab. fir main kaha jaungi rahne ke liye.

Savi- Ab se tum mere sath rahogi isi ghar me.

Sarita- Are diii. uski koii jaroorat nahi hai. aap kyon pareshan ho rahi hain itna. maine 2 sipahi tainat karwa liye hain apne room ke bahar. ab darne ki koi jaroorat nahi hai.

Savi- Mujhe ab iske bare me koi baat nahi karni. main eek baar kah diya to kah diya. agar tumne meri baat nahi mani to aaj ke baad na hi tum mujhe di kahkar bulaogi aur na hi kabhi mujhse milne ki koshish karogi.

Sarita- (aankhe badi karke) Kya. ab ye kaisi jid hai aapki di.

Savi- Ye koi zid nahi hai Sarita. ye mera pyaar hai. Agar tumhe ise jid samajhna ho to samajhti raho. jab tum pyaar se nahi manogi to mujhe zid to karni padegi na. Ab is bare me koi baat nahi hogi. kal tum apna boriya bister bandhkar yaha par aa rahi ho ye final ho gaya. ab tum so jao. kal subah uncle Aunty aur Manisha ko Allahabad ke liye bhi nikalna hai.

Sarita Thik hai di. Jo aap chahengi wahi hoga.

Sarita ki baat sunkar Savita muskurane lagi. fir kuchh der Savita se baat karne ke baad Sarita apni maa ke paas sone ke liye chali gayi. Sarita ko aaj bhi bahut chain ki neend aayi.

Agle din subah Sarita ki family ko wapas lautna tha to wo sab subah jaldi jaldi taiyaari karke nashta wagairah karke Saman lekar Satation ke liye chale gaye. Sabhi ke chehre latke huwe the. Manisha bahut jyada udas thi. use dekhkar Savi ne kaha.

Savi- Manisha tum to ruk jao kuchh din.

Manisha- Rukne ke liye to main bhi soch rahi thi didi. Magar yahan par koi aisa hai jise meri Khushi bardast nahi hoti. Isliye main nahi ruk sakti.

Sarita- (gusse se) Bilkul bhi jaroorat nahi hai yahan rukne ki. Pahle padhai par dhyan lagao uske baad hi kuchh sochna.

Manisha- Dekha didi. Maine pahle hi kaha tha ki koi ek hai jise meri Khushi bardast hi nahi hoti. Meri khushiyo ke bich ka sabse bada roda yahi hai. Meri didiya.

Savi- Waise Sarita ne kuchh galat bhi nahi kaha. Padhai sabse jyada jaroori hai. ( Rani ji se Mukhatib hokar) Aunty ji aap logo se milkar bahut achha laga. Pata hi nahi chala ki do din kaise nikal gaye. Fir kabhi samay milega to jaroor aaiyega.

Ye sunkar Raani ji ne uske Sir par pyaar se hanth pherte huwe kaha.

Rani ji- Jab Sarita beti ghar se chali thi is Naukri ke liye to mujhe bas ek hi dar khaye ja raha tha ki yaha par ye kaise rahegi. Mujhe dar lagta tha. Meri beti pahli baar Allahabad Shahar se bahar Akeli hai, lekin jab usne phone par tumhare bare me bataya tha to main nishchint ho gayi thi aur tabhi se tumse milna chahti thi.

Tumse milne ke baad mujhe pata chala ki tumhare bare me Sarita ne hame jitna bataya hai, tum usase lakh guna Achhi ho. tumne meri beti ka itna achhe se dhyan rakha. Uske liye main tumhari bahut Ehsan mand hoon bitiya. Ham logo ko bhi tumse milkar bahut achha laga.

Savi- Are Aunty ji Ye aap kaisi baate kar rahi hain. Jaise Wo Manisha ki bahan hai waise wo meri bhi bahan hai. Aap Uski bilkul bhi chinta mat kijiye Aunty ji. Main uska bahut achhe se dhyan rakhungi.

Aanand ji- Wo bilkul sahi bol rahi hain bitiya. Tum wakai me bahut achhi ho. bhagwan tumhare jaisi beti har maa baap ko de. Achha bitiya. Ab ham chalte hain train bhi aa gayi hai.

Train bhi Platform par aa kar lag chuki thi aur chalne ke liye taiyar thi. Sarita ne apne maa-baap ke pair chukar aashirvad liya. Usne Manisha ko gale laga liya to Manisha Subukane lagi. Sarita ne use chup karaya.

Savi ne Bhi Raani ji aur Aanand ji ke pair chukar unhe pranam kiya aur Manisha ko gale lagakar fir se aane ke liye kaha. Uske baad Sabhi train me baith gaye. Kuchh hi der me train plateform chhodne lagi. Manisha train ke darwaze ke paas aakar khadi ho gayi aur Sarita aur Savi ko bye bolne lagi.

Un dono ko bye bolkar jaise hi wo mudi. Uski najar door khade huwe Raghav par padi. Wo bye ke ishare me hanth hilate huwe hanf raha tha. Aisa lagta tha ki jaise wo daudkar aaya ho. Manisha ke chehre par Raghav ko dekhkar ek muskan aa gayi aur usne bhi hanth ke ishare se Raghav ko bye kaha.

Fir Manisha ne apne dono hanth se apne kan pakadkar maafi ka ishara kiya. Jise dekhkar Raghav ke chehre par muskan aa gayi aur usne Use uski mafi kabool karne ka ishara kar diya. Dhire Dhire Train platform chhod chuki thi. Sabhi Allahabad ke liye rawana ho gaye the.

Raghav, Sarita aur Savi ke chehre par mayushi saaf dekhi ja sakti thi. Sarita Wahi se Direct PS ke liye nikal gayi. Raghav Aur Savii ghar ke liye nikal gaye.[/color]

[color=rgb(65,]*******[/color]

[color=rgb(0,]Ek Sunsan jagah par baithkar Raghu apne Vishwashpatra aadmiyo ke sath Sarita ko Raste se hatane ke liye vichar vimarsh kar raha tha. Raghu ne apne aadmiyo se kaha.

Raghu- Maine jaisa tum logo ko bataya hai thik waisa hi hona chahiye.

Aadmi- Jii bhaai aap fikar mat kijiye sab kuchh plaan ke mutabik hoga.

Raghu- Pata to hai na ki kya karna hai.

Aadmi- Haan bhai pata hai ki hame kya karna hai. Aap bilkul bhi fikar mat kariye.

Raghu- Agar koi bhi galti ki tum sab ne to tum log samajh sakte ho ki main tum logo ka kya haal karunga.

Aadmi- Koi galti nahi hogi bhaai.

Raghu- Thik hai fir niklo yaha se aur apne plaan ko anjam do.

Aadmi- Thik hai bhaai.

Itna kahkar wo Aadmi apne gantavya ki taraf chala gaya aur Raghu apne do tin aadmiyo ke sath nikal gaya.[/color]

[color=rgb(65,]******[/color]

[color=rgb(0,]Sarita PS me baithkar apna kaam kar rahi thi ki tabhi Janhavi Uske kabin me aati hai aur bolti hai

Janhavi- Madam, Abhi Ek phone aaya tha. Kisi ladki ki aawaz thi. wo kafi ghabraai hui lag rahi thi. Use hamari madad ki jaroorat hai.

Sarita-(chaunkate huwe) Kya. Mujhe turant uska Address do aur mohit, Amit aur Kaushal ko jaldi bhejo mere paas. Hame abhi nikalna hai usko bachane ke liye.

Jahhavi- Ji madam, Abhi bhejti hoon.

Kuchh hi der me Amit aur Mohit Sarita ke samne khade the. Sarita dono ko Sath lekar Ladki dwara diye huwe pate par jane ke liye nikalne ko hoti hai to Mohit ne Sarita se kaha.

Mohit- Madam . Ham waha par nahin Jayenge.

Sarita- Kyon Nahin jayenge wahan Par.

Mohit- Kyonki DSP sir ne aapko kahin bahar jane ke liye mana kiya hai.

Sarita - (thoda Gusse mein) Wahan par ek ladki ki jaan khatre mein padi hai aur Aapko DSP sir ke order ki padi hui hai. Aap Apni naukri karte hain ya unki Chamchagiri.

Mohit- Aapko Jo samajhna ho Samajh lijiye, lekin DSP sir ka yahi Order hai aur waise bhi jis jagah ka pata bataya hai us ladki ne wo jagah thik nahi hai. Ye kisi ka trap bhi to ho sakta jai Madam.

Sarita - (gusse me) Aap kitne bujdil hai Mohit ji. Apna farz nibhane se katra rahe hain aap. agar ye sach mein trap n hokar Hakikat hua to. Nahi main ye roka nahi ke sakti. Hame is ladki ko bachana hai. Ye mera PS hai aur mujhe kya karna hai ye achhi tarah se pata hai. Ab apni bakwas band karo aur chalo mere sath.

Zariye ki dant sunkar Mohit kuchh kah na saka aur sarita ke sath PS se bahar nikal gaya. Jo pata ladki ne Janhavi ko diya tha wo Shahar se thoda hatkar tha aur lagbhag sunsan tha. Wahan Gadiyon ki Aawajahi na ke barabar thi aur Road ke dono taraf badi badi jheel jhankhad the.

Sarita jab waha par pahuchi to waha door door tak koi nahi dikh raha tha. Mohit ne MSG dwara PS se aate samay hi Nishchal ko sab kuchh bata diya tha.

Nishchal ne MSG par hi Sarita ko Waha na jane ke liye mana karne ke liye Mohit ko bol diya tha. Nishchal ko shayad kuchh shak sa hone laga tha. Waha pahuchne ke baad Sarita se Mohit ne kaha.

Mohit- Madam, Mujhe to lagta hai ki shayad hamare sath kisi na majak kiya tha. Yaha door door tak koi najar nahi aa raha hai. Chaliye Wapas chalte hain yaha se.

Sarita- (gusse se) Mohit ji. Ye kaisi baate kar rahe hain aap. Kisi ladki ki jaan par ban aayi hai aur aap ko ye Mazak lag raha hai. Chalo thoda aage chalkar dekhte hain.

Mohit- Madam, Ladki ko phone kiye 30 minute ho chuke hain agar uske sath koi anhoni honi hoti wo wo ho chuki hogi. Waise bhi yaha par koi dikh to nahi raha hai.

Sarita- Sut-up Mohit ji. Apni bakwas band kariye aap aur duty par dhyan lagaiye apna.

Itna kahkar Sarita ne kuchh aage jakar charo or dekhne lagi. Sarita ka phone lagatar baj raha tha lekin Sarita ne us par koi dhyan nahi diya. Udhar Raghu Jhadiyo ke pichhe apne do sathiyo ke sath chhupa huwa tha. Usne apne sathiyo se kaha.

Raghu- dhyan rakhna tum dono. Nishana chukna nahi chahiye kisi ka nahi to bahut bura hall karunga main tum dono ka.

Dono- Ji bhaai.

Sarita Idhar Udhar ghoom rahi thi. tabhi Use 4-5 Log dikhayi diye jo shayad juwa khel rahe the. Sarita ne Mohit ko waha ja kar Unhe pakadne ka ishara kiya to mohit ne kaha.

Mohit- Madam, Aap yaha se chaliye. DSP Sir ne Turant yaha se nikalne ke liye order diya hai aur wo kab se aapko phone kar rahe hain. Aap phone to utha lijiye unka.

Sarita Mohit dwara Nischal ka jikar karne par chidh gayi. usne Mohit se gusse me kaha.

Sarita- Mohit ji. Ye mat bhuliye ki aapki boss abhi main hoon. To aapko is samay meri baat man-ni hogi na ki kisi aur ki. Agar aap un logo ke paas jane me dar rahe hain to aap wapas PS ja sakte hain. Mujhe meri team me darpok log nahi chahiye. Aap PS jaiye main aur Amit yaha par sab sambhal lenge.

Itna kahkar Sarita Amit ke sath un Juwariyo ke paas pahuch gayi aur Dono ne Apni gun nikal kar un par taan di. Mohit bhi ab majboor ho gaya. Wo aise Sarita ko chhodkar ja nahi Sakta tha. Isliye majbooran Use Sarita ke paas jana pada.

Mohit ne bhi apni gun nikali aur Us Juwariyo ke upar taan di. Wo Sare Aadmi Raghu ke Aadmi the jise Raghu ne Samjha kar bheja tha aur bas Juwa khelne ka natak karna tha Unhe tab tak koi Action nahi lena tha jab tak Raghu ki taraf se tin goli na chal jaye.

Sarita ko dekhkar wo Sabhi bhagne ka natak karne lage to Sarita ne ek ke pairo ke paas goli maar di to Sabhi apni jagah par ruk gaye. Sarita ne Amit se kaha.

Sarita- Bharo sabko gadiyo me. Aisa case lagaungi ki aaj ke baad ye yahan aana chhod denge.

Itna kahkar Sarita ne Ek kaskar Mukka Ek Aadmi ke pet me maar diya. Wo aadmi dard se bilbilane laga. Amit aur Mohit ghasit kar Un logo ko gypsy me bharne lage.

[/color]
[color=rgb(65,]Iske Aage ki Kahaani Agle Bhag mein..[/color]

 

[sexstories]

[color=rgb(0,]UPDATE- 39[/color]

[color=rgb(51,]Udhar Jab Sarita ne goli chalayi to Raghu aur Uske aadmi Satark ho gaye. Usne Apne dono pantaron ko ishara kiya ready rahne ke liye. Amit aur Mohit ne Sabhi Aadmiyo ko gadi me baithaya. Gadi me baithne me un logo ne koi jaddo jahad nahi ki aur aaram se baith gaye.

Mohit ne Driving Sheet sambhali aur Amit un logo ke sath pichhe baith gaya. Sarita ne Unhe baithane ke baad idhar udhar dekhne ke baad jaise hi gadi me baithne ke liye jane lagi. Usi samay Raghu ne goli chala di. Jaise hi Raghu ne goli chalayi. Waise hi Sarita ka pair ek patthar se takaraya. Jiski wajah se Sarita ladkhada gayi aur niche ki taraf jhuk gayi.

Goli chalne ki ghanta aur Sarita ka pair pathhar se takrane ki ghanta dono ek sath hui. Sarita ke ladkhadane aur niche jhuk jane ke karan Goli Sarita ke kandhe ko halka sa chukar nikal gayi.

Goli lagne ke karan Sarita ke munh se ek ghiri hui cheekh nikal gayi. Uski cap uchhal kar jameen me gir padi, uske hanth se gun chhitak gayi. Uski Aankho par laga Stylise googals jameen par gir gaya aur uske baal poore khulkar uske kandhe aur chehre par bikhar gaye.

Sarita ne pahli baar jidhar radhu khada tha udhar dekha. Sarita ka uski Taraf dekhna tha ki Raghu Apni jagah par jam sa gaya.

Raghu Sarita ki sundarta me kho gaya. Sarita ke lahrate huwe geshuwon me Raghu ka Dil ulajh kar rah gaya. Wo pahli najar me hi Sarita ko apna dil de baitha tha. Usne turant Apne pantaro se kaha.

Raghu- Koi bhi goli nahi chalayega.

Panter- Lekin kya huwa bhaai. Bahut badhiya mauka hai. Aaj hi maar girate hain ise.

Raghu- Maine kaha na ki is par koi goli nahi chalayega. Apni gun niche karo tum dono. Aur jhadiyo me chip jao.

Raghu ki baat mankar uske dono pantaro ne apni gun niche kar li aur jhadiyo me chip gaye. Raghu Jhadiyon ki ont se Sarita ki sundarta niharne laga aur apna hanth apne sine par rakh liya.

Goli chalne ki aawaz se Amit aur Mohit satark ho gaye, lekin jab dono ka dhyan Sarita ki taraf gaya to Sarita Jameen par baithi hui apne hanth se apne kandhe ko pakade huwe thi. Jisme se khoon nikal raha tha. Mohit daudkar Sarita ke paas aaya aur bola.

Mohit- Madam Aap thik to hain na. aapko to goli lagi hai.

Sarita- Main thik hoon. Goli us taraf se chali hai. aap dono jakar udhar dekho.

Mohit- Bilkul nahi madam. Abhi hamko yaha se nikalna hoga. Aap ko maine pahle bhi chalne ke liye kaha tha, lekin aap ne mana kar diya.

Sarita- Main tumhari Senior hoon. Maine kaha na ki aap dono udhar jakar dekhe.

Mohit- Abhi main aapki koi baat nahi man-ne wala. Aap iske liye mujhe chahe jo saza de dijiyega, lekin abhi aapko hospital chalna hoga. Ham yaha surakshit nahi hain madam.

Sarita- Mohit ji....

Mohit- (baat bich me katkar) Maine apko kah diya na ki main aapki koi bhi baat ab nahi man-ne wala matlab nahi man-ne wala. abhi hame yaha se nikalna hoga.

Itna kahkar Mohit ne Sarita ko pakadkar Use Age ki sheet par baithaya aur khud driving sheet par baithkar gypsy aage badha di. Aage kuchh door jane par jaise hi breaker par jypsy dhimi hui. Sabhi Aadmiyon se Gypsy se niche chhalang laga di.

Mohit ne bhi ek baar kuchh Action lene ki socha, lekin Sarita ka khayal aate hi usne apna irada badal liya. Sarita ko lekar Mohit paas ke hi ek hospital me le gaya. Jab Nurse Sarita ki Malham patti karne lagi to Mohit ne Nishchal ko phone kiya.

Nischal- Haan mohit bolo. Sab thik hai. Waha se nikale ya nahi.

Mohit- Sir. Kuchh bhi thik nahi hai. Madam ko goli lagi hai.

Nishchal- Kya. Kya kaha tumne. Maine tumse kaha tha na ki Sarita ko lekar waha se turant niklo, wo jagah thik nahi hai.

Mohit- Main kya karta Sir. Maine kitni baar madam ko kaha, lekin Madam meri baat sun-ne ke liye taiyar hi nahi thi. Mujeh hi bol diya ki main bujdil hoon. Main PS wapas chala jaun.

Nishchal- Ye ladki bhi na. na khud chain se rahti hai aur na hi doosro ko chain se rahne deti hai. Abhi kaha par ho tum. Sarita kaha hai.

Mohit- Sir. Main Abhi madam ko ....... Hospital lekar aaya hoon. Nurse Madam ki marham patti kkar rahi han. To maine aapko phone kar liya.

Nishchal- Main Abhi pahuch raha hoon waha par.

Mohit- Nahi Sir, Madam itni serious bhi nahi hain Goli bas unke kandhe ko halka sa chukar nikali hai. Malham patti hone ke baad main madam ko PS lekar aa raha hoon. Aap wahi aa jaiye.

Nishchal- Thik hai main pahuch raha hoon PS.

Mohit ne iske baad phone rakh diya. Malham patti ho jane ke baad Mohit, Sarita aur Amit PS aa gaye.[/color]

[color=rgb(97,]******[/color]

[color=rgb(51,]Udhar Raghu apne pantaro ke sath Wapas apne Adde par chala gaya. Waha pahunchte hi Uske ek pantar ne usase kaha.

Pantar 1- Kyua huwa bhaai. Aapne mujhe goli chalane se mana kyon kiya. Ham tino ke goli chalane ke baad hi to apne bande action me aate.

Raghu- Are dekhaa nahi tumne wo kitni bahadur thi. Apne 2 sathiyo ke sath aayi thi aur bina dare hi usne un sabhi ko apni gadi me dal liya tha. kitni nidar thi wo.

Pantar 2- Kyaa baat karte hain aap bhaai. Ye apne liye koi naya thode hi hai. Isase bhi bahadur bahadur police walo ko ham logo ne maza chakhaya hai. Aur aap to akele aise 10 -12 police walo par bhari padte hain to wo laundiya kya cheez thi.

Raghu- Pata nahi be. Use dekhte hi mujhe kya ho gaya tha. Doosri goli chalane ke liye hanth hi kaam nahi kiye hamara. Andar se kuchh ajeeb sa lag raha tha.

Raghu ne ye baat bahut hi bujhe man se kahi. Ye sunkar uske panter ghabra gaye. Unme se ek pantar ne Raghu se kaha.

Pantar 1- Kyaa huwa bhaai. Aapki tabiyat to thik hai na. aapko itna pasina kyon aa raha hai.

Raghu- Nahi to kuchh nahi huwa mujhe. Aaj garmi bahut hai isliye mujhe pasina aa raha hai. Waise Bhaiya ekdam sahi kah rahe the. Bahut bahadur ladki hai. Dekha nahi bina kisi dar ke unhe pakadne ke liye unke paas chali gayi.

Uski jagah koi aur ladki hoti to unke paas jane se pahle 10 baar sochti. Pahali baat to us jagah aane ki himmat hi nahi karti, lekin dekho, isko jhoothi khabar hi diye the aur ye us ladki ko bachane ke liye us jagah pahuch gayi.

Ye baat kahkar Raghu ne apne pantaro ki taraf dekha to uska ek pantar bahut gaur se Raghu ki taraf dekh raha tha. ye dekhkar Raghu ne kaha.

Raghu- Abe kya hai tum hamko aise mat dekho. Ham koi laundiya nahi hain be. Aur hamari tabiyat bhi bilkul thik hai.

Pantar 2- Mujhe to aisa nahi lagta bhaai ki aapki tabiyat thik hai. Aaj itna Achha mauka tha. door door tak koi nahi tha. waise bhi waha koi aata jata nahi tha. tino ko wahi maar dete to agle din tak kisi ko pata nahi chalta, lekin pata nahi aapko kya ho gaya tha jo aapne goli chalane se mana kar diya.

Raghu- Abe tum apna pravachan band karo pahle. Pata nahi kaise kya bole ja rahe ho. Chalo jao abhi yaha se kal kuchh sochte hain iske bare mein.

Iske baad Raghu aur uske panter waha se chale gaye.[/color]

[color=rgb(65,]*****[/color]

[color=rgb(51,]Udhar Sarita Ki Malham patti ho jane ke baad Sarita na Mohit ko ghar chalne ke liye kaha. Mohit ne Nishchal ko phone karke is baare me baat ki to Nishchal ne Mohit se Sarita ko apne ghar chhodne ke liye kaha. Mohit Sarita ko lekar Nishchal ke ghar chala gaya. Jab Savi ne Sarita ki halat dekhi to wo pareshan ho gayi aur boli.

Savi- Kya huwa tumhe Sarita. Tumhare hath me ye patti kyon bandhi hui hai.

Sarita- Kuchh nahi di- Bas thodi si chot lag gayi hai.

Savi- Tum Sach bol rahi ho na. Jyada jor se to nahi lagi chot tumko.

Mohit- Didi. Madam jhooth bol rahi hain. Madam ke kandho ko goli chhu kar nikal gayi hai. Jiske karan jhakam ho gaya to doctor ne Malham patti ki hui hai.

Savi- Kya. Ye kya kah rahe ho tum. Jab ye sab huwa to tum kya kar rahe the. Tumhe Sarita ka dhyan rakhna chahiye tha na.

Mohit- Main kya karta di. Maine ne Madam ko waha se wapas PS aane ke liye kitni baar kaha. Lekin madam man-ne ko taiyaar hi nahi thi.

Savi- Ye kya hai Sarita. Tum itni laparwah kaise ho sakti ho. Agar tumhe kuchh ho jata to.

Savi ki aankho me aanshu aa gaye ye sunkar ki Sarita ko goli lagi hai. Sarita ne kaha.

Sarita- Ye kya di. Aap kyon ro rahi hain. Mujhe kuchh nahi huwa hai. Main bilkul thik hoon.

Savi- Chalo tum ab aaram karo. Apne kamre ki chhbi do mujhe.

Sarita- Kyan di. Uski kya jaroorat hai.

Savi- kal jo maine kaha tha wo bhool gayi kya. Ab chupchap chabi do mujhe.

Sarita- Mera Hand bag to PS me hi rah gaya hai. Mera Office phone aur chabi to usi mein hai.

Savi- Mohit. Tum aisa karo. PS jakar Sarita ka hand bag le lo aur usme se Iske kamre ki chabi nikal kar Iska poora saman Mere yaha par sift karwa do.

Mohit- Thik hai didi. Ab main chalta hoon.

Itna kahkar Mohit chala gaya. Usne Sarita ko apne bagal wala karma, jo khali tha aur subah hi usko Sarita ke liye saf karwaya tha use rahne ke liye de diya. Sarita ko kamre me baithakar Savi ne use pani pine ke liye diya. Sarita ne Savi se poocha.

Sarita- Di. Raghav ji Dikhayi nahi de rahe hain. Kahan hain wo.

Savi- Wo subah hi kisi jaroori kaam se bahar chala gaya hai. Bol raha tha ki kaam jaldi khatam karke aa jayega. Ab tum jyada baat mat karo aur aaram karo. Main niche jar ahi hoon. Kisi cheez ki jaroorat ho to mujhe aawaz de dena.

Itna kahkar Savi niche chali gayi. Udhar jab Mohit PS pahucha to Nishchal Sarita ke cabin me hi baitha huwa tha. Mohit ne Nishchal ko poori kahani batayi to Nishchal aur jyada gussa ho gaya, lekin wo Apna gussa Mohit ke upar jahir nahi hone dena chahta tha. Mohit ne Nishchal se Savita ne Jo kam diya tha uska jikar kiya to Nishchal ne kaha.

Nishchal- Haan. Tum aisa karo ki do-tin hawaldar ko apne sath le jao aur ek tempo hire kar lena. Uska saman jyada nahi hoga. Ek tempo me aaram se aa jayega. Meri gadi ki chabi lo aur jaldi se ye kaam nipta kar aao. Tab tak main yahi baitha hoon.

Nishchal ki baat sunkar Mohit ne Chabi li aur do hawaldaro ko apne sath lekar Sarita ke quarter par chala gaya. Raste me usne ek tampo hire kar li. Lagbhag 1 Hours me Sarita ka Saman Nishchal ke yaha sift karwane ke baad Mohit wapas PS aaya aur Nishchal se mila.

Mohit- Sir. Madam ka saman aapke yaha sift karwa diya hai.

Nischal- Very good Mohit.

Mohit- Sir aur koi kaam mere liye.

Nishchal- Abhi to nahi, lekin taiyar hamesha rahna. Kabhi bhi tumhara bulava aa sakta hai meri taraf se.

Mohit- Yes Sir. Jai Hind.

Nishchal- Jai Hind Mohit.

Us Raat Kaam ke chaakkar me Nishchal apne ghar nahi gaya. Agle din bhi din bhar wo kaam karta raha. Agle din Sarita PS nahi gayi. Poore PS me ye baat pata chal gayi thi ki Sarita ko Goli lagi hai. Sabhi ne Sarita ko phone karke uska hall chal liya.

Mohit kisi kaam se bahar gaya huwa tha. to Nishchal ne Jawed ko bolkar Sarita ko doctor ke paas ghav ki saaf safaai aur uski marham patti ke liye le jane ke liye kaha. Aaj ka poora din aise hi bit gaya.

Raat ko khana pina khane ke baad Savi ne Sarita ke sath kuchh der baat ki fir apne kamre me sone ke liye chali gayi. Sarita ko neend nahi aa rahi thi to usne apni kitabe nikal li aur padhne baith gayi. Uske hatho ka dard kal ki apeksha kam ho gaya tha.

Sarita padhai me leen thi ki tabhi use bahar kuchh khat-pat ki aawaz sunai padi. Sarita ne Use najarandaz kiya. Kuchh der baad fir se use Khat-pat ki aawaz sunai padi to wo apne kamre se bahar aayi to usne dekha ki Nishchal Apne kamre ki taraf ja raha hai.

Nishchal kabhi kabhi ghar bahut deri se aata tha apne kaam ki wajah se. wo aaj bhi ghar deri se aaya tha. Savi ne apne mulajim ko bol rakha tha ki Raat me jab Nishchal gar aaye to uska khana garam karke uske kamre me pahucha diya kare.

Sarita ne Jab dekha ki wo khat-pat ki aawaz Nishchal ke ghar aane par hui hai to wo nishchint ho gayi aur wapas apne kamre me chali gayi. Us samay raat ke 12 baj rahe the. Wo apne bed par baith kar jaise hi apni kitab uthayi. Use kisi ke kadmo ki aahat apne kamre ke darwaze ke paas sunai padi, Usne man ji man socha.

Sarita- Itni raat me ye kaun ho sakta hai . kahi hitlar to nahi hai, lekin wo to abhi mere samne apne kamre me gaya hai. Kahi koi chor wagairah to nahi. Lekin CO ke ghar me chori karne ki himmat kaun kar sakta hai. Dekhti hoon kaun hai.

Itna sochkar Sarita na apni gun nikal li, tabhi darwaze par dastak hui. Sarita ne poochha.

Sarita- kaun hai bahar.

Nishchal- Main hoon Nishchal

Sarita- Kya kaam hai jo itni raat ko pareshan kar rahe ho. Jo bhi ho subah baat karna mujhe neend aa rahi hai.

Nishchal- Darwaza khole. Kuchh important baat karni hain tumse.

Sarita- Maine kaha na jo bhi baat karni hai subah karna.

Nishchal- (gusse me) Maine kaha na mujhe abhi baat karni hai.

Sarita- Thik hai fir. Main darwaza nahi kholne wali. Khade rahiye pahredar banker darwaze par. Ab ye darwaza to kal subah hi khulega.

Nishchal- Miss Joshi. Main aakhiri baar bol raha hoon ki darwaza khol do nahi to main darwaza tod doonga.

Sarita- Tod dijiye. Aapka hi nuksan hoga. Mujhe kya.

Nishchal- Darwaza khol do. Nahi to main di ko utha doonga. Fir tum unse hi sawal jawab karna.

Sarita- Ye galat kar rahe hain aap Sir. Ham dono ke baato ke bich aap di ko kyon late hain. Ye aap bilkul bhi achha nahi kar rahe hain.

Nishchal- Is samay mujhe achha aur kharab ka pravachan mat do. Main yaha tumhara bhashan sun-ne ke liye nahi khada hoon. Darwaza kholo nahi to main di ko uthane jar aha hoon.

Itna kahkar Nishchal ne kuchh pal pratiksha ki. Lekin jab darwaza nahi khula to wo waha se jane laga. Sarita ne jab Nishchal ke kadmo ki aahat jate huwe suni Tabhi Sarita ne darwaza khol diya.

Jaise hi Sarita ne darwaza khola. Nishchal furti se Sarita ke kamre me ghus gaya aur andar se darwaza band kar liya. Ye dekhkar Sarita ek pal ke liye to dar gayi, lekin fir samanya hokar tez aawaz me boli.

Sarita- Ye kya badtamizi hai. Itni raat ko mere kamre me jabran kyo aaye hain. Dekhiye mere paas gun hai. Agar aapne kuchh ulta siddha soha bhi to main aapko goli mar doongi.

Nishchal- Badi aayi goli maar dungi kahne wali. Agar Yahi bahaduri tum kal dikhati to goli tumhe nahi un gundo ko lagi hoti. (fir Sakht aawaz me) Phone kaha hain tumhara. Jab tumhe kisi ka phone receive hi nahi karna to is dibbe ko rakhti hi kyon ho. Kaha hai tumhara phone. Main ise aaj todkar hi dam lunga.

Sarita- Ye kaisi baate kar rahe hain aap mujhse. Aapki bhasha sahi nahi hai

Nischal- Waisi hi bate kar raha hoon. Jaisi baate tumhe samajh me aati hain. Tumhe isi tarah ki bhasha samajh me aati hai na.

Sarita- Aap bahut galat kar rahe hain Sir. Kahi aur ka gussa aap mujhpar nikal rahe hain.

Mohit ne jab se bataya tha ki Sarita ko goli lagi hai tab se wo bahut pareshan tha aur Sarita par gussa bhi bahut aa raha tha. lekin Sarita ki Is baat ne aag me ghee ka kaam kiya. Nishchal ka gussa satwe aasman par pahuch gaya. Nishchal ne aage badhkar Sarita ki banh kaskar pakadte huwe kaha.

Nishchal- main kahi aur ka gussa tumpar nahi nikal raha hoon. ye Jahan ka gussa hai wahi par nikal raha hoon. maine jab tumko mana kiya tha ki us jagah se PS wapas chali jao. To tum kyon ruki thi waha par. Ek baar me koi baat tumhare bheje me ghusti nahi hai kya. Ya tumne meri koi baat na man-ne ki kasam vasam kha rakhi hai.

Sarita- (dard se kasmasati huwi) Aisa kuchh nahi hai Sir. Main apni duty kar rahi thi.

Nishchal- Achha Duty kar rahi thi. To duty ka ek usool bhi hai ki apne seniors ki baat kati nahi jati. Abhi kuchh hi din pahle tumhari jaan bachi hai. Uske baad maine tumhe kitna samjhaya ki in sab se door raho. Lekin fir bhi tumhe akal nahi aayi.

Tum janti bhi ho us jagah ke bare me kuchh ki wo jagah kitni khatarnak hai. Pahle bhi waha par department ke do-tin honhar policewalo ki berahami se hatya ho chuki hai. Meri baat kyon nahi sunti ho tum.

Nishchal ne Baat ki shuruaat to dhime shuru ki thi lekin aakhiri line bolte huwe nishchal ka gussa aur badh gaya aur usne Sarita ki banh par apni pakad aur jyada mazboot kar li. Jisase Sarita ko aur jyada dard hone laga aur wo chhutne ke liye chhatpatane lagi.

Usne dhakka dekar Nishchal ki giraft se apne aap ko chhudaya aur usase door jakar khadi ho gayi. Nischal ne Sarita se kaha.

Nishchal- Ab se dhyan rakhna Kuchh bhi karne se pahle uske baare me poori inquiry karna. Jis jagah tumko jana hai us jagah ke bare me pata lagana fir waha jana. Agar tumse itna bhi na ho paya kare to mujhko phone kar lena main tumhe bata diya karunga. Agar itna bhi na kar pao to apni team ke kisi mail officer ko waha bhej diya karo. Agar itna bhi na ho paye tumse to chupchap apne cabin me baith jana. Aaya kuchh samajh me yan ahi.

Nishchal ki baat sunkar use bahut dukh huwa aur sath me Nishchal dwara bedardi se band pakadne par use bahut dard ho raha tha. uski aankho me aanshu aa gaye the. Itni Sakhti se to kabhi uske papa bhi uske sath pesh nahi aaye the. Jitni sakhti se Aaj Nishchal uske sath pesh aaya tha.

Use lag raha tha ki Hitlar ne uske upar bewajah hi gussa kiya. Sarita ki aankho se aanshu nikal kar uske galo se hote huwe niche jameen par girne lage. Uske aanshu dekhkar Nischal ko bhi ab ehsah ho gaya tha ki usne Sarita ke sath Kuchh jyada hi sakhti kar di. Isliye wo Sarita se Sorry bolkar Uske kamre se bahar nikal gaya..

[/color]
[color=rgb(0,]Iske Aage ki Kahaani Agle Bhag mein..[/color]

 

[sexstories]

[color=rgb(0,]UPDATE 40[/color]

[color=rgb(51,]Sarita ka kamre se nikalkar Wo apne room me chala gaya. Jaha par uska khana rakha rakha Thanda ho gaya tha. Uska mood kharab ho chuka tha to usne khane ke bare me socha hi nahi.

Nishchal apne bister par late gaya aur abhi jo kuchh bhi huwa uske bare me sochne laga. Mulajim se use pata chala tha ki Sarita ko Savi ne bhi khoob dant pilayi thi. Nishchal apne man me sochne laga.

Nishchal- Shiit yaar. Maine kuchh jyada hi bol diya use. Aaj se pahle uski aankho me maine is tarah aanshu nahi dekhe the. Sari galti meri hi hai. Mujhe usase is tarah se baat karni hi nahi chahiye thi. Lekin main karu to kya karu. Bahut jiddi hai ye. Meri sunti hi nahi hai. Agar mera kahna ek baar me hi maan jati to mujhe itna kahna hi nahi padta.

Pata nahi mujhe kya ho gaya hai. Baat jab Sarita ke upar khatre ki aati hai to pata nahi kyon mera dil dahal jata hai. Mujhe pata nahi kya ho jata hai ki main apne aapko rok hi nahi pata hoon. Bhagwan na kare agar use kuchh ho gaya to main kya karunga. Nahi nahi.

Main use kuchh bhi nahhi hone doonga. Chahe uske liye mujhe kuchh bhi kyon na karna pade. Lekin meri to baat hi nahi sunti wo. Lekin di ka naam sunte hi wo sari baat man-ne lagti hai. Haan ye sahi rahega. Main use di ka dar dikhakar apni baat manwa sakta hoon. Mujhe yahi karna padega.

Yahi sab sochte sochte Nishchal so jata hai. Subah Jab Sarita sokar uth-ti hai aur niche aati hai wo Guard use ek buckey lakar deta hai. Sarita ne usase poochaa.

Sarita- Ye kisne diya chacha.

guard- Pata nahi bitiya. Koi ladka aaya tha aur aapko dene ke liye bol gaya tha.

Sarita ne bukey lekar hall me aa gayi aur use dekhne lagi. Upar ki taraf ek chhota sa card laga huwa tha jisme likha tha. [/color][color=rgb(65,]Ek bahadur aur Janbaj Police Officer ko is nachhez ki or se tuchchh si Bhent. Aapka Sabse bada Fan aur Shubhchintak.[/color]
[color=rgb(51,]

Ye padhkar Sarita soch me pad gayi ki ye aakhir hai kaun. Sarita guldasta apne kamre me lekar chali gayi aur fresh hokar Chaai nashta kiya. Aaj Usko pahle se kafi aaram tha to wo PS ke liye nikal gayi. Sarita PS to pahuch gayi lekin wo mana rahi thi ki Uska Samna Nishchal se na ho. Tabhi Uske Cabin ke bahar Janhavi ki aawaz aayi.

Janhavi- May I Come in Madam,

Sarita- Are Janhavi. Tum. Maine kitni baar kaha hai ki poochne ki jaroorat nahi hai. Bina puche bhi andar aa sakti ho tum.

Janhavi- Aage se Dhyan rakhungi madam. Ye aapke liye Bukey hai madam.

Sarita- (hairani se) Kya. Kisne bheja hai.

Janhavi- Maloom nahi madam, Isme Bhejne wale ka naam nahi likha hai Madam. PS ke bahar hi koi Subah hi rakhkar chala gaya tha. Iske upar aapka naam likha hai to main aapko dene ke liye aa gayi.

Sarita ne wo phulo ka guldasta le liya. Janhavi cabin se bahar chali gayi to Sarita ne usme laga card kholkar dekha to Usme likha tha. [/color][color=rgb(65,]Ek bahadur aur Janbaj Police Officer ko is nachhez ki or se tuchchh si Bhent. Aapka Sabse bada Fan aur Shubhchintak.[/color]

[color=rgb(51,]Thik aisa hi guldasta subah use ghar par bhi diya gaya tha. Ab Sarita ye sochne par vivash ho gayi ki aakhir use ye guldasta bhej kaun raha hai. Sarita sochne lagi ki Ho sakta hai ye guldasta hitlar ne bheja ho. ho sakta hai wo kal ke wakye ke liye sharminda ho,

lekin isme na koi sorry likha hai aur na hi uska naam. Upar se isme meri tariff likhi hai aur wo mera fan aur shubhchintak bata raha hai apne aapko to ye hitlar to nahi ho sakta. Agar hitlar nahi hai to fir kaun ho sakta hai.

Dimag ke ghode daudane ke baad bhi sarita ko samajh nahi aa raha tha ki aakhir ye guldasta kisne bheja. Jab use kuchh samajh nahi aaya to usne guldaste ko side me rakha aur apna kam karne lagi. Thodi der kaam karne ke baad Sarita ne Javed ko bulaya.

Jawed- Ji madam. Aapne bulaya.

Sarita- Javed ji. Maine aapko jo kaam diya tha bachhiyo ke maan baap se milane ke liye. Wo kaha tak pahucha.

Jawed- Madam. Ek bachhi ko to dadi le gayi baki bachi bachhiyo ke mummy papa ne mujhse sampark kiya tha to maine sab ko kal aane ke liye bol diya hai.

Sarita- Chalo ye achha huwa. Kam se kam sabhi apne ghar surakshit to ja rahi hain

Jawed- Madam ye to sab aapki mehnat ka nateeza hai. Aap itni shiddat se lagi hui thi to sabko surakshit rahna hi tha.

Sarita- Main un aadmiyo ke khilaf itni kadi report taiyaar karungi ki sab kam se kam 2-3 sal jail ke andar sadenge. Jab unke pariwar wale tadpenge to unhe pata chalega ki dard kya hota hai.
Jawed- Sahi kaha madam. Kisi ko bhi chhodna nahi hai.
Sarita- Main soch rahi thi ki kal sab bachhe ja rahe hain to main NGO hi chali jaun. Kal ke baad shayad hi un bachhiyo se kabhi mil paun main.

Jawed- Jaisa aapko thik lage madam. Koi aur kaam madam.

Sarita- Nahi jawed ji. Aap ja sakte hain.

Jawed Sarita ke cabin se chala gaya. Sarita ne sham tak PS me kaam kiya. Sham ko PS se nikalne ke baad wo dukan par rukkar sabhi bachhiyo ke liye kuchh gift aur chocolate li aur NGO Chali gayi.

SAbhi Bachhiya Sarita ko dekhkar bahut khush huwi Khaskar Akku. Wo to Sarita ka pichha hi nahi chhod rahi thi. Kuchh der NGO me rahne ke baad Sarita Sabhi bachho ko bye bolkar ghar ke liye nikal gayi.[/color]

[color=rgb(97,]*****[/color]

[color=rgb(51,]Udhar Bachha Singh Khushi wali khabar sun-ne ka intezar kar raha tha. Aaj tisra din tha aur sham ho gayi thi lekin abhi tak koi Khushi ki khabar nahi aayi thi.

pareshan hokar Bachha singh ne Raghu ko phone kiya. Us samay Raghu apne Panter heera ke sath baitha huwa gappe lada raha. Tabhi uska phone bajne laga. Raghu ne apne panter ko chup rahne ka bolkar Phone utha liya.

Raghu- Pranam Bhaiya.

Bachha Singh- Khush raho chhote. Chhote tum to kahe the ki do-teen din ke andar koi Khushi ki khabar sun-ne ko milegi, lekin aaj teesra din hai aur abhi tak koi Khushi ki khabar nahi sunai tune.

Raghu- Bhaiyaa. Wo Inspector mili hi nahi abhi tak.

Bachha Singh- Mili nahi matlab.

Raghu- Matlab ye bhaiya ki mere hatthe abhi tak nahi chadhi hai wo. Abhi uski Security bahut tite hai. Koi achha mauka dekhkar uska kaam tamaam kar doonga bhaiya. Aap fikar mat kariye.

Bachha Singh- Iska ye matlab huwa ki hamko aur intezar karna padega abhi.

Raghu- Haan bhaiya. Thoda to intezar karna hi padega na.

Bachha Singh- Jo bhi karna hai Jaldi kar chhote. Dhandhe ka bahut nuksan ho raha hai.

Raghu- Bas bhaiya kuchh din aur. Fir hamare rashte ka kanta hamesha hamesha ke liye saaf. Thik hai bhaiya ab ham phone rakhte hain. Heera ke sath ran-niti bana rahe hain usko sabak sikhane ka. Baad me baat karte hain.

Bachha Singh- Thik hai Chhote apna khayal rakhna.

Raghu- Ji bhaiya.

Itna kahkar Raghu ne phone Rakh diya aur ek gahri sans li. Raghu ke bagal me baitha huwa Heera use hairani se dekh raha tha. Raghu ke phone rakhne ke baad Heera ne kaha.

Heera- Aapne Bade bhaiya se jhooth kyon bola bhaai ki wo mili hi nahi. Us din to itna achha mauka chhodkar chale aaye the aap.

Raghu- Tu nahi Samjhega Be. Aur iske baare me ab mujhse kuchh mat poochna. Ab main ja raha hoon. Tum bhi jao apne ghar.

Itna kahkar Raghu uthkar waha se chala jata hai. Heera bhi uske pichhe pichhe bahar aa jata hai.[/color]

[color=rgb(97,]*****[/color]

[color=rgb(51,]Udhar Sarita NGO mein Bachhiyo se milkar Ghar aa gayi. aur kamre me jakar apne kapde badale aur Lone me aakar baith gayi. Waha par baithkar wo hare bhare pedo ko niharne lagi aur Usme kho gayi. Uska Dhyan tab Tuta Jab Savi ne use Aawaz di.

Savi- Sarita.

Savita- (hadbadakar) Hhaann... Kyaa... Kuchh kaha di aapne.

Savi- Are main ye bol rahi thi ki kiske khayalo me khoi hui ho jo mere aane aur mere bolne ke baad bhi tum apne khayalo se bahar nahi nikali.

Sarita- Kuchh nahi di. bas aise hi.

Savi- Kya huwa Sarita. Koi baat pareshan kar rahi hai kya tumhe.

Sarita- Nahi di. aisi koi baat nahi hai.

Savi- To fir tum yahan par akele kyon baithi hui ho aur itni udas kyon ho.

Sarita- Aise hi di. Kuchh Achha nahi lag raha hai. Aaj NGO Gai thi Un bachhiyo se milne. Kal wo sab apne apne pariwaron ke sath ghar chali jayengi. Pata nahi fir kab milna hoga. Bas yahi soch rahi thi.

Savi- Ye to bahut Khushi ki baat hai ki sabhi bachhiya bahut dino baad apne Parivar ke sath hongi. Jo pata nahi kitne din apne mata pita se door rahi.

Sarita- Haan di. Aapki baat sahi hai. Lekin in kuchh dino me unse bahut lagav sa ho gaya hai. Jab maine unhe bataya ki kal wo sab apne ghar chali jayengi to sab mere gale se lipat gayi. Unhe bhi mere sath lagav ho gaya hai. Lekin sab bahut khush thi apne Parivar ke sath jane ka sunkar.

Unke chehre ki Khushi bata rahi thi ki Sab kitni betab hain apne pariwar se milne ke liye. Khaaskar wo Akku. Wo to mujhe bhi apne sath chalne ke liye bol rahi thi. Mujhe samajh me nahi aata ki duniya me itna bure aur kamine log kyon hain. Jo chhote chhote bachho ko unke Parivar se alag kar dete hain.

Yahan to main thi. aur maine koshishh karke inhe bacha liya. Lekin har jagah to main nahi hoon na. Abhi kitni bachhiya kai jagah nark se bhi jyada badtar zindagi jine ke liye majboor hongi na di.

Savi- Pyar se sir sahlakar) Are Tum to bahut bahadur ho. tum itne se hi himmat haar gayi. abhi to tumhe in jaisi na jane kitni ladkiyo ko bachana hai. Hausla rakho.

Sarita- Himmat nahi hari hoon di. par mujhe khud par gussa aata hai ki main bachha singh jaise aadmiyo ka abhi tak kuchh nahi kar paayi. Sath me Sir ke upar bhi gussa aata hai ki wo mujhe har kaam karne se rokte hain. Itni khojbin karne ke baad bhi main uska pata nahi laga paayi abhi tak. Pata nahi kis bil me chhupkar baitha hai.

Savi- (Pyaar se) Sarita Ye duniya aisi hi hai aur aise hi chalti hai. Yaha agar Achhe log hain to bure log bhi hain, Agar Gam hai to Khushi bhi hai. Buraai hai to Achhai bhi hai. Isi achhai ko banaye rakhne aur Bachha singh jaise logo ka khatma karne ke liye hi bhagwan tum jaise kuchh imandar aur nek logo ko dharti par bhejta hai.

Bas tum Imandari se Apna kam karo, baki Jaha tak Nishu ki baat hai to Maine usase kaha hai ki wo tumhe har musibat se bacha kar rakhe. Isliye wo tumhe rokta rahta hai.

Sarita- Lekin aapne Sir se aisa kyon kaha.

Savi- Kyonki main apni pyaari bahan ko kisi khatre me nahi dekh sakti. kuchh nahi to kam se kam itna to kar hi sakti hoon.

Sarita- (muskura kar) Thik hai di.

Savi- Achha ab apna mood thik karo. Dekho Manisha ne tumhare birthday ki sari photo bheji hai. Chalo dekhte hain biathkar.

Tabhi Savi ko Rasoiya kisi kaam se bula leta hai to Savi Sarita ko mobile dekar kitchen me jane lagti hai aur Sarita se kahti hai.

Savi- Tum tab tak photo dekho, main aati hoon kitchen se.

Ye kahkar Savita kitchen me chali gayi. Sarita Savita ke mobile se photo dekhne lagi. Photo dekhte huwe kabhi uske chehre par muskan aa jati thi to kabhi hansi nikal jati thi to kabhi chehre par udasi chha jati thi. wo har photo ko bade dhyan se dekh rahi thi. photo dekhte dekhte Birthday ki sari photo khatam ho jati hai. Aur Savi ki photo shuru ho jati hain

Raghav Nishchal aur Savita ke NGO ke sahyogiyo ke sath. Sarita photo slide karti ja rahi thi aur dekhti ja rahi thi. Sarita ne do photo slide karke aage chali gayi. tabhi use kuchh dhyan aata hai to wo do photo slide karke pichhe aathi hai aur wo photo dyan se dekhne lagti hai.

Sarita Jis photo ko dekh rahi thi. usme Savita Ek aadmi ke sath thi aur Us aadmi ke sath bahut close selfi thi Savita ki. Us Aadmi ko dekh Sarita ne apne man me sochha.

Sarita- Ye aadmi to kuchh jana pahchana sa lag raha hai. Pata nahi kaha dekha tha. Kaha dekha tha kuchh yaad kyon nahi aa raha hai. Abhi kuchh din pahle hi dekha tha. Kahan dekha tha kahan dekha tha. Haan yaad aaya.

Ye to wahi aadmi hai. Jisase us din main mili thi. jab chhupkar main dadi se milne gayi thi aur wapsi me meri ghadi gir gayi thi to isi aadmi ne mujhe meri ghadi wapas la kar di thi, lekin di Is aadmi ke sath kya kar rahi hain. Kahi aisa to nahi hai ki ye wahi aadmi ho jisase us din didi chhup chhup kar baat kar rahi thi.[/color][color=rgb(65,](ye wakya UPDATE No. 24 par hai)[/color]

[color=rgb(51,]Sarita apni hi soch me doobi hui thi ki kitchen ka kaam khatam kar ke Savita waha aa jati hai. Sarita ko itni gahri soch me dooba dekhkar wo uske kandhe ko hilatii hui kahti hai.

Savi- Are kya huwa madam. Sapne me hi kisi gunde mawali ko pakadne to nahi chali gayi tum.

Sarita- Kuchh nahhi. diiiii. wooo aapse ek baat poochni thiii di. agar aap bura na mane to main puchh sakti hoon.

Savi- Ye kya hai Sarita. Tumhe koi baat puchhne ke liye izazat ki jaroorat nahi hai. Tumm kuchh bhi puchh sakti ho.

Ye Sunkar Sarita ne Mobile Savita ke samne kar diya. Savita ke samne wahi photo thi. jise abhi Sarita dekh rahi thi. photo dikhate huwe Sarita na Savita se kaha.

Sarita- Ye Aadmi kaun hai. Iski photo aapke sath kaise. Kyaa aap ise janti hain.

Ye sunkar Savi ke chehre hi hansi gayab ho gayi aur uske chehre ke bhav badal gaye. Uska chehra aisa ho gaya jaise kisi ne uski chori pakad li ho. Savita ne turant Sarita ke hantho se mobile cheen liya. Sarita ne kaha.

Sarita- Kya huwa di. Maine kuchh galat pooch liya kyaa.

Savi- (hadbadate huwe) Wo.. Nahiiii.. too. wo main . tum ise kaise janti ho Sarita.

Sarita- Wo us din main Raat me raste se ja rahi thi..

Iske baad Sarita ne Us din ki sari kahani Savita ko bata diya. jise sunkar Savita ko kuchh tasalli hui. Poori kahani batane ke baad Sarita ne Savita se phir se poocha.

Sarita- Ab aap bataiye di. Aaap kaise janti hain inhe aur us din aap inse chhupkar kyon mil rahi thi.

Savi- Bahut lambi kahani hai Sarita.

Sarita- Kahani chahe jitni lambi ho, mujhe sun-na hai. Aap bataiye.

Savita- Thik hai main tumhe sab bataungi. Lekin agar chaay ki chuski lete huwe ye kahani shuru ki jaye to achha rahega.

Sarita- Thik hai di. Chaliye fir.

Uske baad Sarita aur Savita dono ghar ke andar aa gaye.

[/color]
[color=rgb(0,]Iske Aage ki Kahaani Agle Bhag mein..[/color]

 

[sexstories]

[color=rgb(0,]UPDATE- 41[/color]

[color=rgb(51,]Uske baad Sarita aur Savita dono andar aayi aur chaay ka cup lekar balcony me chali gayi. waha par lagi hui kursi par dono baith gayi. Chaay ki chuski lete huwe Sarita ne poochaa.

Sarita- To di. Ab aap apni lambi wali kahani shuru kariyye.

Savi- Matlab tum bina sune nahi manogi.

Sarita- Sawal hi paida nahi hota di. [/color]

[color=rgb(65,](Yaha se kahani tab tak Savi ki jubani chalegi jab tak Photo wale ladke ke bare me Savi Sarita ko bata nahi deti, lekin bich bich mein Sarita aur Savita ka conversation hota rahega. Isliye is UPDATE ko dhyan se padhiyega aur confuse mat hoiyega.)[/color]

[color=rgb(51,]Savi- (Muskurakar) Thik hai to suno. Mere sath jo khade huwe hain photo mein. Unka Naam Anant hai, Ab chahe use mera boyfriend kah lo. Mera dost kah lo, mera pyaar kah lo ya meri zindagi kah lo. Wo mujhe Lucknow mein mila tha. Jab main NGO ke kaam ke silsile me Luchnow gayi thi.

Sarita- (Bich me kat-te huwe) Jab wo aapke liye itne mayne rakhte hain to fir aap unse chhup chhup kar kyon milti hain.

Savi- (hanskar) Itni Utawali mat bano Sarita. Pahle meri poori baat sun lo tumhe sare sawalo ka jawab mil jayega. To main kah rahi thi ki main inse Lucknow me mili thi. Jab main NGO ke kaam ke chalte waha gayi thi. Ye kareeb 5 Saal pahle ki baat hai.

NGO ke lagbhag 1 KM door hi Inki Pharmacy ki dukan thi. Ab ise sanyog kaho ya bhagwan ki marji ki mujhe rahne ke liye NGO ki taraf se jo flate mila tha wo inki pharmacy ke thik samne tha. To aksar Ye mujhe aate jate dekha karte the.

Pahle to maine is par jyada dhyan nahi diya kyonki Mard Jati hoti hi aisi hai. Ladkiyo ko dekhna to inki fitrat hi hoti hai. Lekin jab ye lagatar mere sath hone laga. Mere matlab hai ki ye mujhe lagataar dekhne lage to ek din mujhe gussa aa gaya aur maine jakar inhe khari khoti suna di.[/color]
[color=rgb(51,]Ye bechare meri ek hi dant se bhigi billi ban gaye. Inke munh se ek bhi shabd nahi nikla. Maine lagbhag 5 Minute tak inki jam kar class li, lekin Kya majal inki jo mere samne inhone apni juban kholi ho.[/color]
[color=rgb(51,]Sarita- (bich me hi) Are waah didi. Matlab Pyaar hone se pahle hi aapne nakel dal li jija ji ke upar.

Savi- Kaun jija. Kiska jija.

Sarita- Anant jija. Mere jija. Samjhi aap.

Savi- Chup kar tu aur aage sun. meri us dant ke baad in par itna asar pada ki agar ye mujhe kahi raste me dekh lete the to ye apna rasta badal lete the. Inki halat dekhkar mujhe bhi laga ki shayad maine kuchh jyada hi dant diya tha inhe.

Aise hi lagbhag 10 din bit gaye. In 10 dino me Anant ka ravaiya waisa hi raha. Ek din mujhe NGO ki kuchh ladkiyon ne bataya ki Yaha ki jo main market hai. Jab wo kisi kaam ke liye wahan jati hai to manchale ladke unko chhedte hain aur fabtiya kaste hain.

Mujhe ye sunkar bahut gussa aaya to AGLE din main khud un ladkiyo ke sath waha par gayi. waha jane ke baad mujhe pata chala ki wo ladke na sirf ladkiyo ko fabtiya hi nahi kaste balki unka hanth bhi pakad lete hain aur gandi bate karte hain.

Us din mere sath bhi yahi huwa. Ek manchale ne aakar mera hanth pakad liya aur mujhse badtamizi karne laga. Maine use samjhaya.

Main- Ye kya badtamizi hai. Chhodo mera hanth. mahilaon ko chhedna Achhi bat nahi hai. Tumhe tumhare gharwalo ne sanskar nahi diye hain kya.

Ladka- Tumm to in sabhi ladkiyo se jyada haseen ho. tum jaisi katto ladki maine aaj tak nahi dekhi. Meri girlfrnd ban ja. Bahut maze karaunga tujhe main.

Uski baat sunkar mujhe bahut jyada gussa aa gaya aur maine apna hanth jhatak kar uske dono galo par jordar thappad laga diye. Uske dono galo par mere hanth chap gaye. Waha par bahut public jama ho gayi.

Thappad khakar wo ladka baukhla gaya aur mujhe kheechkar apni car me baithane laga. Jisme uske do sathi bhi uski madad karne lage. Waha par itni public jama thi, lekin kisi ne aage badhkar mujhe bachane ki koshish nahi ki. Main chhekh rahi thi madad ke liye. Lekin koi bhi meri madad ke liye nahi aaya.

US din to meri izzat lut hi jati, lekin pata nahi kaha se Anant waha par hawa ke jhoke ki tarah aa gaye aur unhone mujhe us ladke se chhudaya aur us ladke ke bahut kutayi ki. Uske dono dosto ne bhi anant ko mara.

Tab tak public se 4-5 log aage aaye aur unhone anant ko un ladko se chhudaya. Wo tino ladke waha se bhag gaye. Mujhe bachane ke chakkar me Anant ko bhi bahut maar padi. Main unke paas gayi aur boli.

Main- Are Aapko to bahut chote aayi hain. Chaliye hospital chalte hain.

Anant- Nahi main thik hoon. Aap thik to hain na.

Main- Haan main thik hoon. Lekin aap thik nahi hai. Aap Chaliye mere sath hospital.

Anant mana karte rahe lekin main nahi mani aur Auto karke Anant ko baithakar main hospital chali gayi. Waha par unki ghavo ko saaf karke un par Malham lagakar kuchh dava di doctor ne aur aaram karne ke liye kaha.

Main Anant ko lekar Auto se Unki pharmacy tak aayi. Waha utarne ke baad main Auto wale ko kiraya diya. iske liye bhi wo mana karte rahe lekin main nahi mani. Fir maine Anant se kaha.

Main- Thank Yon Aapka. Agar aaj aap sahi samay par nahi aate to pata nahi kya ho jata.

Anant- Its Okk. Ye to mera farz tha. Aap ki jagah agar koi aur bhi ladki hoti tab bhi main yahi karta.

Main- Aap bahut achhe insan hai. Mujhe maaf kar dijiye. Maine us din aapko kuchh jyada hi suna diya tha. Jiska mujhe baad me pachhtava bhi huwa.

Anant- Koi baat nahi. Aapne kuchh galat nahi kiya tha us din. Waha par poori galti meri hi thi. Mujhe is tarah Aapko Nahi dekhna chahiye tha. Koi bhi ladki aisa hi react karti jaisa apne kiya hai. Isliye aap ko maafi mangne ki jaroorat nahi hai. Balki aap mujhe maaf kar dijiye. Pata nahi main aisi galti haise kar baitha.

Main- Koi baat nahi. Kabhi kabhi har insan se galti ho jati hai. Aap us baat ko bhul jaiye. Achha main chalti hoon ab.

Anant- Thik hai.

Main- Aur haan doctor ne jo dava di hai use time se kha lijiyega.

Itna bolkar main apne kamre me chali gayi. maine is ghatana ki jikar ghar par kisi se nahi kiya nahi to sab pareshan ho jate. Maine socha ki kuchh din baad yaha se chali hi jaungi. Isi tarah din gujarte rahe aur Anant ke sath mera milna julna bhi shuru ho gaya.

Jitna main usase milti. Usase baat karti. Utna hi uske bare me bahut sari achhi bate pata chali mujhe uski khoobi pata chali mujhe. Wo apne maa baap ka eklauta beta hai. Uski ek chhoti bahan bhi hai. Wo bahut suljha huwa insan hai.

Wo logo ki bahut izzat karta hai. Sabhi se prem se baat karta hai. Lekin kahte hain na ki aaj kal ke jamane me achhe insan ko koi chain se jeene nahi deta.

Khair dhire dhire ham dono ki mulakatein badhne lagi. Ham dono samay nikal kar ek doosre se milne lage. Ek din Anant ne mujhe park mein milne ke liye bulaya. Jab main park me pahunchi to wo pahle se hi waha par maujood the. Maine uske paas jakar baith gayi. Anant ne mujhse kaha.

Anant- Savi. Main tumse kuchh kahna chahta hoon, lekin samajh me nahi aa raha hai ki main tumhe kaise kahu wo baat.

Main- Ab tum mujhse kuchh kahne ke liye itna kab se sochne lage. Jo bhi kahna hai khulkar kaho.

Anant- main kah to doon, lekin pata nahi meri baat sunkar tum kaisa react karo.

Main- Aisi kya baat hai Anant. Jo tum itna hichkicha rahe ho. kaho tumhe jo bhi kahna hai.

Anant- Pahle tum wada karo ki tum meri poori baat sunogi. Aur agar tumhe meri baat pasand na aayi to tum mere sath apni dosti ka Rishta nahi todogi. Tum mujhse naraz nahi hogi.

Anant ki baat sunkar mujhe kuchh kuchh andaza ho gaya tha ki wo kya kahna chahta hai, fir bhi maine usase kaha.

Main- Thik hai. Main wada karti hoon. Ki tumhari ye baat kahne ke baad bhi hamara Rishta pahle jaisa hi rahega. Tum mere dost ho aur hamesha rahoge.

Anant- Savi. Mere papa sal bhar se mujhe shadi ke liye bol rahe hain. Kyonki meri maa ki halat to tum janti hi ho. shadi ke sambandh mein main jin ladkiyo se mila. Wo sab sundar thi. lekin mere dil me kabhi aisi feeling nahi aayi ki wo meri jivan sangini ban sakti hain. Isiliye maine abhi tak shadi nahi ki hai.

Lekin jab maine tumhe pahli baar dekha tha. Usi din se mere din se ye aawaz aati hai ki tum hi wo ladki ho jo meri Jeevan sangini ban sakti hai. Mujhe tumhari har baat pasand hai. Tumhara hansna, tumhara bolna, tumhara muskurana, aur tumhara marna.

Main apni baat jyada ghuma fira kar tumse nahi kahna chahta hoon Savi. Baat bas itni si hai ki mujhe tumse pahli najar me hi pyaar ho gaya hai aur main tumse shadi karna chahta hoon.

Main- Kyaa. Ye kya kah rahe ho tum.

Anant- Dekho Savi. Tum naraz mat hona. Mere dil me tumhare liye jo bhi feelings hain. Maine tumhe bata diya hai. Jaroori nahi hai ki tum bhi mere bare mein aisa hi socho. Agar tum mere proposal ko mana bhi kar deti ho tab bhi mujhe tanik bhi bura nahi lagega. Kyonki tumhari Khushi mere liye jyada mayne rakhti hai.

Main- Aisi baat nahi hai Anant. Tum bahut achhe ladke ho. wo bahut khushnaseeb ladki hogi. Jiske sath tumhari shadi hogi. Aisa nahi hai ki tum mujhe achhe nahi lagte, lekin main abhi shyor nahi hoon. Ki mere dil me tumhare liye jo feelings hain wo dosti hai ya pyaar. isliye Mujhe abhi thoda samay chahiye.

Anant- Koi baat nahi Savi. Maine tumse pahle hi kaha hai ki tummhari Khushi mere liye jyada mayne rakhti hai. Tum jitna chahe utna samay le sakti ho. tumhare haan aur naa ka intezar rahega mujhe. Chalo bahar kuchh khate pite hain.

Uske baad ham dono park se bahar aa gaye aur chaat ke thele ke paas chat khane chale gaye.

Sarita- Kya di. aap ko to turant jija ji ko haan bol dena chahiye tha. Aakhir jaisa aapne bataya hai us hisab se to jija ji bahut achhe insan hai. Aapko unhe aise tadpana nahi chahiye tha.

Savi- tum sahi kah rahi ho, lekin us samay mujhe kuchh samajh me nahi aa raha tha ki main haan karu ya na karu.

Sarita- Fir aage kya huwa. Jaldi batao.

Savi- Aage kuchh khas nahi huwa. Anant apne kam me busy ho gaye aur main apne kam me busy ho gayi. lekin ham dono samay nikal kar ek doosre se milte the, bate karte the aur ghoomte the. Us din ke baad Anant ne Us bare me dobara mujhse baat nahi ki aur na hi uske baat vyavhaar me hi koi kami aayi.

Kabhi kabhi main Anant ki baton par vichar karti to mujhe bhi lagne laga ki main bhi Anant ki taraf khichi ja rahi hoon. Isi tarah din gujarte rahe aur lagbhag 6 Mahine bit gaye. Ab mera NGO ka kaam poora ho gaya tha aur mujhe kabhi bhi Lucknow chhodkar wapas aana pad sakta tha.

Fir ek din maine Anant ko Park me milne ke liye bulaya. Ham dono usi park me mile aur usi jagah par chale gaye jaha us din Anant ne apne pyaar ka izhar aur Shadi ka prastav rakha tha. Hall chal janne ke baad maine Anant se kaha.

Main- Anant. Mera NGO ka kam ab poora ho gaya hai. Mujhe kabhi bhi yaha se jana pad sakta hai.

Anant- Tumhare sath samay itni jaldi gujar gaya pata hi nahi chala. Kuchh din aur ruk kar jati tum.

Main- Nahi Anant. Ab mera yaha ka kaam poora ho chuka hai to rukna muskil hai.

Anant- Thik hai Savi. Lekin jane ke baad apne is dost ko mat bhool jana.

Main- kaun dost. Kaise dost.

Anant- (chauk kar) Ye kya kah rahi ho Savi tum. Main apni aur tumhari dosti ki baat kar raha hoon.

Main- Lekin ab tum mere dost nahi ho. Aaj se apni dosti khatam Samjho.

Anant- Kyon. Kya ab main tumhari dosti ke kabil nahi raha kya.

Main- Haan. Ab tum dosti ke kabil nahi balki kisi aur ke kabil ho gaye ho.

Anant- Jo bhi kahna hai saf saf kaho Savi. Uun paheliyo mein baat mat karo mujhse.

Main- Are mere buddhu Anant. Ab tum mere dost nahi mera pyaar ho.
Anant- (Chauk kar) Kya kaha. Fir se kahna Savi.

Main- I Love You Anant. Main bhi tumse bahut pyaar karti hoon. Ye mujhe tab samajh me aaya jab tumse door jane ka khayal mere dil me aaya. Jab mujhe pata chala ki main kuchh din baad yaha se chali jaungi to mere man me bechaini hone lagi.

Mujhe har par tum aur tumhari baate yaad aane lagi. Sote jagte bas tum hi tum mere khayalo me ghumne lage ho. Mujhe bhi tumhare pyaar ka ehsah ho gaya hai. I love you Anant.

Anant- (Khushi se) I love you too Savi. Mujhe apne pyaar par poora bharosha tha ki tumhe bhi ek din mere pyaar ka ehsas hoga. Aaj main bahut khush hoon.

Main- Ek baat aur tumse kahna chahti hoon Anant, tum bura mat man-na meri baat ko.

Anant- Main tumhari kisi baat ka bura maan sakta hoon kya. Tumhe jo bhi kahna hai kah sakti ho.

Main- Main bhi tumse pyaar karti hoon aur tumse shadi karna chahti hoon, lekin agar mere ghar walon ne is rishte ke liye mana kar diya to ye shadi nahi hogi. Main apne gharwalo ke khilaf jakar tumse shadi nahi kar sakti Anant.

Anant- Tumne mere man ki baat chheen li Savi. Mujhe bhi dono parivaro ki marji se hi tumse shadi karni hai. Aisi shadi bhi koi shadi hai jisme hamare maa baap hi shamil na rahe.

Ye baat kahakr Anant ne mera man jeet liya. Us din hamne bahut sara vakt sath bitaya. Us din ke baad main aur Anant do din tak sath me ghume fire. Anant ne Mujhe apne Mummy papa aur chhoti bahan se bhi milwaya. Un logo ne bhi mujhe pasand kar liya.

Do din baad NGO ka kaam khatam ho gaya aur mujhe luchnow se wapas ana pada. Main bhi udas thi aur Anant bhi udas tha. Aakhir wo samay bhi aa gaya jab ham dono ek doosre se bichhad gaye. Main Lucknow se apne ghar aa gayi.

Ghar aane ke baad bhi ham dono phone par ek doosre se roz baat karte the. Dhire dhire samay apni gati se chalta raha aur ham dono ka pyaar parwan chadhta raha. Aise hi ek din ghar me mere rishte ki baat hone lagi.

Main mummy papa se Anant ke bare me baat karna chahti thi, lekin kar nahi pati thi. Ek din Mujhe Ladke wale dekhne aa gaye. Ladke wale ke aane ke baad ladki dikhane ki poori formilities khatm ho gayi.

Ladke walo ke chale jane ke baad main apne kamre me udas baithi hui thi ki tabhi Nishu mere kamre me aaya.

[/color]
[color=rgb(0,]Iske Aage ki Kahaani Agle Bhag mein..[/color]

 

[sexstories]

[color=rgb(0,]UPDATE- 42[/color]

[color=rgb(51,]Mere kamre me aane ke baad Nishu ne mujhe udas dekhkar mujhse poocha.

Nishchal- Kya baat hai Di. aap Udas lag rahi hain.

Main- Nishu main mummy papa se bahut dino se kuchh kahna chahti thi lekin kah nahi pa rahi thi, lekin ab lagta hai ki mujhe mummy papa se baat karni hi padegi.

Nishchal- Batao na di. Kya baat karni hai Aapko mummy papa se.

Main- Dekh Nishu tu meri baat sunkar gussa na hona. Main ek ladke se pyaar karti hoon aur usase shadi karna chahti hoon. Mujhe mummy papa se yahi baat karni hai.

Nishchal- Kya baat kar rahi hain di. ab aap apni marji se shadi karengi.

Main- Nahi Nishu. Mujhe Mummy papa aur tumhari marji se shadi karni hai. Uska bhi yahi kahna hai ki apni shadi gharwalo ki marji se hogi.

Nischal- Agar aisa hai to main us ladke se pahle milonga aur usase baat karunga. Agar mujhe sab kuchh thik laga to main khud mummy papa ko manaunga is shadi ke liye di.

Main- Sach me Nishu. Tu khud mummy papa se baat karega.

Nishchal- Haan di. agar mujhe ladka pasand aa gaya to main aapki love Marriege ko Arrange marriage bana dunga di. aap bilkul tension mat lo. Meri di ki Khushi ke liye main kuchh bhi kar sakta hoon. Lekin ye tabhi hoga jab wo ladka mujhe thik lagega to. Aap unka Adress aur Photo mujhe de dijiye.

Nishu ki baat sunkar main nishchint ho gayi. maine Nishu ko Anant ka Pharmecy wala Address aur ek Photo de di. kyonki Itne din mein main Anant ke baare me itna to jaan hi gayi thi ki wo kaisa hai.

Isliye mujhe poora bharosha tha ki Nishu ko Anant jaroor pasand aayega, lekin kahte hain na ki jo kuchh soche agar wo mil jaye to fir kismat ka kya kam.

Sarita- Kyon di. Aap aisa kyon kah rahi hain.

Savi- main aisa isliye kah rahi hoon ki jab tum poori kahani sunogi tab tumhe khud samajh aa jayega.

Sarita- Thik hai di. aage kya huwa.

Savi- to suno Age. Kuchh din baad Nishu ghar aaya. Main Nishu se milne ke liye bahut utsuk thi. Jab Nishu akela huwa to maine Nishu se poochha.

Main- Tum mile Anant se. kaisa laga wo tumhe.

Nishchal- (gusse se) Ek number ka ghatiya insan hai wo.

Main- (Cheekh kar) Nishu. Juban sambhal kar baat karo. Tumhe koi Hak nahi hai ki tum Anant ke bare me aisi baat karo. Tum uske baare me aisa kaise bol sakte ho Nishu. Wo tumhari di ka pyaar hai.

Nishchal- Tumne galat aadmi se pyaar kiya hai di. wo aadmi bilkul bhi achha nahi hai. Wo gunda hai mawali hai, Sabse ladai Jhagda karta rahta hai.

Main- Nahi Nishu. Tumhe koi galatfahmi ho gayi hai. Kya tumhe lagta hai ki tumhari di kisi galat ladke ko chunegi apne liye.

Nishchal- Nahi di. Aap hamesha sahi chunav karti hain, lekin is baar aapka chunav galat hai. Usne aapke bholepan ka fayda uthaya hai aur apko apne jhoothe pyaar ke jaal me fansaya hoga. Main in gunde mawaliyo ko achhi tarah se janta hoon. Inka to yahi kaam hota hai bholi bhali ladkiyo ko apne jaal me fansane ka.

Main- Nishu Main Anant ke khilaf ek shabd bhi galat nahi sunungi. Main use itne din se janti hoon. Aur tumne kuchh hi der milkar uske charitra ka certificate de diya mujhe. Tu samajh kyon nahi raha hai mere bhai tujhe jaroor koi galat fahmi hui hai.

Nishchal- Mujhe koi galat fahmi nahi hui hai. Balki maine jo bhi apni aankho se dekha aur jo kuchh suna main aapko wahi bata raha hoon. Usase shadi hone ke baad apki zindagi bardab ho jayegi.

Wo ladka aapke layak nahi hai di. chaar paise kamakar aapko khila nahi sakta wo. Zindagi bhar sath kya nibhayega. Main aapki shadi kisi bhi kimat par us ladke se nahi hone doonga chahe jo ho jaye.

Main- Nahi Nishu. Tumhe galatfahmi hui hai. Wo achha khasa kamata hai. Uski khud ki pharmacy hai. Jo bahut achhi chalti hai. Wo swabhav se bhi bahut achha hai. Sabhi ka samman karta hai.

Nishchal- Wo kitna samman karta hai logo ka ye main dikhata hoon aapko.

Itna kahkar Nishu ne apna mobile nikala aur ek video chalakar mere samne rakh diya. Jisme ek aadmi ko Anant buri tarah maar raha tha. Ye dekhkar to main bhi pareshan ho gayi. Nishu ne aage kaha.

Nishchal- Dekh liya di. Ye jiske baare me aap mujhse ladai kar rahi ho wo kaisa samman karta hai logo ka. Main fir se aapko bata de raha hoon. Aap is ladke ko bhool jaiye. Mujhe ye Rishta bilkul bhi pasand nahi hai.

Itna kahkar Nishu waha se chala gaya. Mujhe kuchh samajh me nahi aa raha tha ki ab main kya karu. Itna to tay tha ki mummy papa bahut muskul se mante. Main to Nishu ke sahare hi mummy papa ko Anant se shadi ke liye manati,

lekin ab to Nishu ne khud bol diya tha ki wo kisi bhi kimat par meri shadi Anant se nahi hone dega to meri ummeed bhi lagbhag khatam ho gayi thi, lekin mujhe us video ki sachhai jan-ni thi. isliye maine Anant se baat karne ki sochi aur uska nambar mila diya.

Anant- Hey Savi.

Main- Hiii Anant. Kaise ho tum.

Anant- Main badhiya hoon. Tum kaisi ho.

Main- Main thik nahi hoon. Mujhe tumse kuchh poochna hai, tum kis aadmi ko berahami se maar rahe the kal.

Anant- Tumhe kaise pata iske baare me.

Main- Wo sab chhodo. main tumse jo pooch rahi hoon wo batao mujhe.

Anant- Tumhe to pata hai ki is area mein Meri Pharmecy Aas paas ki Pharmecy ke mukable Jyada chalti hai. Isliye Un logo ko jalan hai mujhse. Kal Bagal wale ne kisi baat par mere papa ke upar hanth chhod diya tha.

Ab tum hi batao main use kaise chhod deta. Jab mujhe pata chala iske baare me to maine use ghasit ghasit kar mara tha. Ab tum batao ki tumhe ye sab kaise pata chala.

Main- maine ham dono ke pyaar ke baare me apne chhote bhai Nishu ko bata diya aur tumse shadi karna chahti hoon Ye bhi bataya maine use to usne meri shadi tumse karwane ka wada kar tumse milne ke liye gaya tha.

Lekin jab wo tumse milne pahucha to tum us aadmi ko pit rahe the. Maine tumhari photo bhi use di thi. isliye wo tumhe turant pahchan gaya. Fir usne aas paas tumhare bare me puchha to sabhi ne tumhare bare me galat bataya use.

Usne bhi jo apni aankho se dekha aur jo agal bagal walon ne use bataya. Wahi wo sach mane huwe baitha hai. Ab wo bhadka huwa hai aur Tumhe gunda mawali bol raha hai. meri shadi tumse kisi kimat par nahi hone dega wo. Main kya karu mujhe kuchh samajh me nahi aa raha hai.

Anant- Ye to sach me bahut bura ho gaya. Lekin tum chinta mat karo main tumhare bhaai se baat karunga. Wo meri baat jaroor samjhga. Ab main phone rakhta hoon. Kuchh kaam hai urgent.

Anant ke phone rakhne ke baad main bhi apne kamre me chali gayi. do din aise hi bit gaye. Na Nishu ne mujhse baat ki aur na hi maine nishu se. tisre din mujhe uska mood kuchh thik laga to main usase baat karne ke liye uske kamre me gayi aur maine kaha.

Main- Nishu. Mujhe tumse baat karni hai.

Nishchal- Agar us Ladke ke baare me baat hai to mujhe koi baat nahi karni hai.

Main- Aisa mat bol bhaai. Us din tumne jo use ladte huwe dekha. Wo sahi hai maine usse bat ki to usne bataya ki us aadmi ne uske papa ke upar hanth chhod diya tha isliye Anant ne use mara tha.

Nishchal- Wahh kitna achha bahana banaya hai ladke ne. Wo aapko bevkoof bana raha hai di. agar aisa hota to Maine aas paas bhi uske baare me pooha tha. Kisi ne bhi uske baare me achha nahi kaha. Uske baare me kya kahogi aap.

Main- Aas pas ke log usase jalte hain. Isliye unhone Anant ke bare me galat kaha tumse. Mera bharosha kar Nishu. Anant bahut achha ladka hai main usase bahut pyaar karti hoon.

Nishchal- Aur main us ladke se jyada aapse pyaar karta hoon. Aap uske pyaar me andhi ho gayi hain di. lekin main nahi. Main jante bujhte apni di ki zindagi barbad nahi hone doonga. Main is shadi ke bilkul khilaf hoon. Haan agar aapko ham logo se jyada wo ladka pyara hai to aap ki jo marji ho wo karo.

Main- Aisa mat bol nishu. Tumhe bhi pata hai ki tumhari di tumhe kitna pyaar karti hai. Tumhare liye main Aise 100 Anant ko chhod doon, Agar wo galat hota to main tumhare ek baar hi kahne par use chhod deti. Magar wo galat nahi hai Nishu. Tu ek baar aur jakar usase mil aur use samajhne ki koshish kar. Teri sari galatfahmi door ho jayegi.

Nishchal- Nahi di. main ab main usase dobara nahi milna chahta. na hi mujhe uske bare me koi baat karni hai ab. ab agar maine aapko usase baat karte huwe dekha ya mujhe pata chala ki aap usase milne gayi hai to uske sath jo bhi bura hoga. uski jimmedar Aap khud houngi.

maine Nishu ko bahut samjhane ki koshish ki, lekin wo mere pyaar me andha hai. man-ne ke liye taiyar hi nahi hai. fir maine sab kuchh bhagwan ke bharose chhod diya. Is baat ko- 4-5 sal bith chuke hain aur ham aaj bhi Nishu ki najar bachakar milte-julte hain aur bate karte hain.

Main shadi ke liye bhi agar koi rishta aata hai to use manaa kar deti hoon. main janti hoon ki Anant galat nahi hai. wo kahte hain na ki first impression is last impression. Is hisab se to Nishu bhi apni jagah Sahi hai. aakhir wo mujhse itna pyaar karta hai. lekin kam se kam ek baar NIshu ko Anant se milna chahiye.

Maine to kai baar koshish ki, Anant ne ek-do baar Nishu se milne ki koshish ki, lekin har baar Nishu gussa ho jata hai. Is baat par Anant ne bhi jyada jor nahi diya. mujhe pata hai ki agar dobara NIshu Anant se milega to uski dharna jaroor badal jayegi Anant ko lekar.[/color]
[color=rgb(65,]present[/color]

[color=rgb(51,]Savita Ne apne aur Anant ke bare me sab kuchh bata kar bahut relax mahsoos kar rahi thi Apni kahani batakar Sarita ki taraf dekha to Sarita Utsukta se Uske bolne ki pratiksha kar rahi thhi. Savita ne Muskurate huwe kaha.

Savi- kahani khatam ho chuki hai.

Sarita- How Sad Di, lekin Sir Unse milna kyon nahi chahte hain.

Savi- Pata nahi. Us din to wo Anant se milne hi gaya tha, lekin meri aur Anant ki kismet kharab thi ki jab wo Anant ki Pharmecy par pahucha to usne waha Anant ko Kisi ko pit-te huwe dekh liya. Isi ko lekar uska man Anant se Ukhad gaya hai. Shayad isliye wo nahi ja raha hai Anant se milne.

Sarita- Ye to Achhi baaat nahi hai di. Aakhir kab tak aap dono aise chhup chhup kar milte rahenge.

Savi- Sach kahun to Mujhe bhi Pata nahi hai ki Ye kab tak chalega. Mujhe achha bhi nahi lagta aise chhup chuup kar milna. hamne sachha pyaar kiya hai. isliye abhi tak Ek doosre ki raah dekh rahe hain. Nishu ka gussa dekhkar main dar jati hoon.

Main nahi chahti ki mere wajah se Anant par koi musibat aaye. Mummy papa se bhi Kahne ka koi fayda nahi hai, Kyonki Nishu ye shadi hone hi nahi dega aur main Nishu ko naraz karke Ye shadi karna bhi nahi chahti. Dekhti hoon kab Nishu ko mujhpar taras aata hai aur wo Anant se milne ke liye taiyar hota hai.

Sarita- Isliye aap us din unse Aise chhup chhup kar mil rahi thi. Achha huwa ki Sir ne nahi dekha.

Savi- Haan Sahi kaha tumne. Wah Abhi 1 Mahine ke liye yaha par aaye huwe hain kisi kaam se. is bich hamari 4-5 baar mulakat hui hai, lekin dar ke saye mein ki kahi Nishu na dekh le, Kal wo wapas Lucknow ja rahe hain.

Sarita- Tab to aapko unse Milne jana chahiye.

Savi- Pata nahi. ja paungi ya nahi. Kal kaisi setuation rahti hai uspar depend karta hai.

Sarita- Agar aap kahiye di to main Sir se baat karun Is bare me.

Savi- Nahi Nahi Sarita. Aasi galti mat karna tum. Wo anant ke naam se bhi chidhta hai. Aur tumhari Waise bhi Nishu se banti nahi hai. Agar tumhare munh se Anant ke bare me sunega to mujhpar to gussa karega hi. tumhare upar bhi aur naraz ho jayega.

Sarita- Ye baat bhi Aapne sahi kahi di. Lekin Main sahi mauka dekhkar ek baar Sir se baat jaroor karungi. Waise Anant ji se main bhi mili thi use din. Sach me bahut ache insane lage mujhe . jaise aapne bataya bilkul waise. Mujhe unse milkar bahut achha laga tha us din.

Savi- Wo Hai hi aisa SArita. Jo bhi milta hai Use achha hi lagta hai, lekin Nishu Jab Usne milne gaya to shayad kismet ko hi ye manjoor nahi tha ki wo Nishu ko ache lage.

Khair chhodo. Anant ne mujhe bataya tha ki Use ek raat ek lady inspector mili thi. jisase wo prabhavit huwa tha, Lekin Mujhe bilkul bhi andaza nahi tha ki wo tum ho sakti ho, kyonki tum to us din mujhse milkar jaldi hi chali gayi thi.

Ye sunkar Sarita ne apne kan pakadkar mafi mangte huwe boli.[/color]


[color=rgb(51,]Sarita- Sorry di. Us din maine aapse jhooth bola tha. uska karan maine aapko pahle hi bata diya hai.

Savi- Koi baat nahi Sarita. Main samajh sakti hoon. tumhe jo us samay sahi laga tumne wahi kiya.

Tabhi Rasoiya Balcony me aaya aur Savi se bola.

Rasoiya- Bitiya. khana ban gaya hai. Nishchal babu bhi aa gaye hain aur wo niche khane ki table par aap dono ka intezar kar rahe hain. aap log jaldi aa jaiye.

Ye kahkar rasoiya chala gaya. Nishchal ke aane ka sunkar SAvi ko bahut Aashcharya huwa. Nishu pahli baar itni jaldi ghar aaya tha wo bhi khane ke samay par. Savi ne kaha.

Savi- Hame baat karte karte kitni der ho gayi, lekin aaj Nishu Itni jaldi kisliye aa gaya. roj to mere sone chale jane ke baad hi aata tha.

Sarita- Chaliye di. niche chalte hain nahi to wo dandanate huwe yaha par aa jayenge.

Savi- (hanskar) Haan Sahi kah rahi ho tum.

Itna kahakar dono hansne lagi aur hanth munh hokar Niche dining table par aakar baith gayi. waha baithne ke baad Savita ne poocha.

Savi- Nishu. Aaj tum itni jaldi kaise aa gaye.

Nishchal - (apne man mein) Ab main aapko kya bataun di. kal maine lady don ko kuchh jyada hi dant diya tha. subah bhi uthkar main uska chehra nahi dekh paya tha ki ye abhi tak gussa hai ya nahi.

kal ki tarah roj roj iske room me to ja nahi sakta hoon. nahi to pata nahi kya kya soch le jayegi. isliye maine socha ki ghar jaldi chalu aur khana khane ke bahane hi uska hal chal pooch loon.

Nishchal ko kisi soch me dooba dekhkar Savi ne kaha.

Savi- Kya huwa Nishu. tu kya soch raha hai. maine poocha ki aaj tum itni jaldi kaise aa gaya ghar.

Nishchal- Wo di. aaj kuchh jyada kaam nahi tha to maine socha ki kyon na khana apni pyaari di ke sath hi khaun. isliye main jaldi ghar aa gaya.

Savi- (khus hokar) Achha. Agar tum aise roj roj ghar jaldi aao to ham sab sath milkar khana khaye. kitna achha lagega

Nishchal- Thik hai di. main poori koshish karunga.

fir sab khana khana nikal kar khane lage. khana khate huwe bich bich me Nishchal SArita ko dekh leta tha, lekin Sarita to khane me busy thi. SArita ya to khane ki plate ki taraf dekh rahi thi ya to SAvita ki taraf, Usne Nishchal ki taraf ek baar bhi nahi dekha, lekin Savi ne Nishchal ko dekh liya ki wo bar bar Sarita ki taraf dekh raha hai.

[/color]
[color=rgb(0,]Iske Aage ki Kahaani Agle Bhag mein..[/color]

 

[sexstories]

[color=rgb(0,]UPDATE- 43[/color]

[color=rgb(51,]khana khakar Jab Sarita hath dhulne kitchen me chali gayi to Savita na Nishchal se kaha.

Savi- Kya baat hain Nishu. tu kuchh pareshan sa dikh raha hai.

Nishchal- Nahi di. aisi to koi baat nahi hai.

Savi- Fir tu baar baar Sarita ki taraf kyon dekh raha tha. jaise tu usase kuchh kahna chah raha ho.

Nishchal- (najar niche karke) Nahi di. aise kuchh nahi hai.

Savi- Najar niche karke nahi. mujhse najar milakar bol ki jo main kah rahi hoon wo galat hai.

Savita ki baat sunkar Nishchal ne ek najar Savita ki taraf dekha fir apni najare niche kar li. ye dekhkar Savi ne kaha.

Savi- Iska matlab main sahi kah rahi hoon. ab chupchap bata kya baat hai.

Nishchal- Di wo.. woo kya hai na.. wo main Sarita se mafi mangna chahta tha.

Sarita- Mafi wo kisliye.

Nishchal-wo kal maine uske sath.

Fir Nishchal ne kal raat ki kahani Sarita ko bata di. Jise sunkar Savita gussa ho gayi aur nishchal se boli.

Savi- Nishu. tu pagal hai. ye kya tarika tha SArita se baat karne ka. tumhe pata bhi hai ki tumne kya kiya. mujhe tumse ye ummeed nahi thi.

Nishchal- Sorry di. Us samay mujhe gussa aa gaya tha. isliye wo sab ho gaya. usi ke liye to main Usase mafi mangna chahta hoon.

Savi- Yahi thik rahega tumhare liye. nahi to mujhse bhi baat mat karna tum.

Nishchal- Nahi di. main Sarita se maafi mang lunga fir sabkuch pahle jaisa ho jayega.

Savi- thik hai ab tum jao. sahi samay dekhkar usase baat kar lena.

Savita ki baat sunkar Nishchal uthakar apne kamre me chala gaya. Sarita aur Savita bhi apne apne kamre ke chali gayi. Subah jab Sarita sokar uthi aur niche aayi to gatekeeper ne use fir se guldasta lakar diya. Jis par ek card laga tha aur uspar likha tha. [/color][color=rgb(65,]Ek bahadur aur Janbaj Police Officer ko is nachhez ki or se tuchchh si Bhent. Aapka Sabse bada Fan aur Shubhchintak. [/color]

[color=rgb(51,]Sarita- (man me) ye to kal wala hi guldasta lag raha hai. lekin ye diya kisne hai. I am dam sure ki PS me bhi is insan ne guldaste bheje honge. jaldi hi mujhe pata lagana hoga ki ye sab kaun kar raha hai.

Sarita uske baad jaldi jaldi fresh hokar nashta karke PS Pahuch gayi. to usne dekha ki Janhavi ki tabal par guldasta rakha huwa hai. Janhavi ne Sarita ko dekhte huwe selute kiya aur wo guldasta uthane lagi to Sarita ne kaha.

Sarita- I hope so ki ye guldasta tumhare liye hi ho mere liye nahi.

Janhavi- (hanste huwe) Nahi madam. Ye aapke liye hi hain. meri aisi kismet kaha ki koi mujhe guldaste bhent kare.

Sarita- Not again yaar. aisa mat bolo.

Janhavi- Sach me madam. ye aapke liye hi hain.

Sarita- Kisne bheja hai naam likha hai.

Janhavi- Nahi madam. bas itna likha hai ki For You Miss Sarita.

Sarita- Aree yaaar. Pahle se hi kya itni musiabat kam thi jo fir se ek nai musibat gale pad rahi hai. waise wo kaun tha tumne dekha use.

Janhavi- Nahi madam. jab main aayi to ye bahar hi rakha huwe tha. maine aapka naam dekha to utha liya.

Sarita- (sochte huwe) Thik hai Janhavi.

Janhavi- Aap Tension Kyon le rahi hain madam. Jaroori thodi hi hai ki Jisne kal aapke liye guldasta bheja tha usi ne aaj bhi bheja ho. waise bhi madam. Ladkiyon wale mamle ke baad aapki fan following itni jyada badh gayi hai ki jawan to kya buddhe bhi aapke fan ho gaye hain. ho sakta hai unme se hi kisi ne bheja ho aapke liye.

Janhavi ne ye baat hanste huwe kahi. jise sunkar Sarita ne use aankh dikhate huwe kaha.

Sarita- Very funny. Kuchh jyada hi dimag lagati ho tum. chalo apna kam karo. aur ye guldasta tum dustbin me dal do.

Janhavi- Ji madam.

Uske baad Sarita apne cabin me chali gayi aur file nikal kar kam karne lagi. Aajj usne Field me jana cancle kar diya tha aur din bhar filis mein hi ghusi rahi. Aaj usne files ka dher sara kaam niptaya. sham ko wo ghar par aa gayi aur fresh hokar Sarita ke sath baith kar thodi bahut baatcheet ki aur fir uthkar apne kamre me chali gayi aur apne bister par late gayi.

PS me din bhar baithe baithe wo thak gayi thi to use halki si jhapki lag gayi. abhi use jhapki lage kuchh hi der huui thi ki use laga ki Nishchal chilla raha hai. Uski neend khul gayi aur wo man hi man boli.

Sarita- (man me) kya yaar waise bhi kya kam tha iska chillana jo ab neend me bhi aakar chillane laga hai ye.

ye sochkar Sarita ne fir se apni aankhe band kar li. aankhe band karne ke baad fir se use NIshchal ke chillane ki aawaz aayi. is baar Sarita neend me nahi thi. wo turant uthkar bistar par baith gayi aur kaha.

Sarita- Nahi ye neend me chillane ki aawaz nahi hai. ye hitlar to sach mein chilla raha hai lekin kispar chilla raha hai ye.

usne ghadi me dekha to raat ke lagbhag 9 bajane wale the. Nishchal ka chillana badastur jari tha to wo apne kamre se nikal kar niche haal mein aayi to dekha ki Nishchal Savita par chilla raha tha. niche aane ke baad turant Sarita ne kaha.
Sarita- Kya ho raha hai ye sab. ye kya kar rahe hain aap. is tarah di par kyon chilla rahe hain.

Nishchal is samay poore gusse me tha. usne bina Sarita ki taraf dekhe hi kaha.

Nishchal- Its non of your business. ye hamara personal matter hai. tum in sabse door hi raho.

Sarita- Main bhi is ghar me rahti hoon. to yaha par jo bhi ho raha hai wo jan-ne ka mujhe bhi hak hai. baat kya hai wo mujhe bhi bataiye.

Nishchal pahle se hi gusse me tha. Sarita ki baat sunkar wo aur bhi gussa ho gaya aur usne Sarita ki taraf mudkar Uski banh pakad li aur uski aankho me gusse se dekhte huwe kaha.

Nishchal- Yaha koi tamasha nahi ho raha hai Samajhi. Maine kaha na kit um is matter se door raho aur jao yaha se..

Sarita- (chillakar) Sab kuchh aapke mutabik nahi hoga. Samjhe aap. main koi kathputali nahi hoon ki jab aap bolenge tab main hansungi. jab aap bolenge tab main roungi. jaisa aap mujhe chalayenga waisa main chalungi. jab tak aap batayenge nahi ki aap di ke upar kyon chilla rahe hain tab tak main yaha se kahin nahi jane wali.

Nishchal- tum har mamle me apni tang kyon adane lagti ho. maine kaha na ki tum is matter se door raho.

Itna kahakar Nishchal ne dant piste huwe Sarita ki banh aur sakti se pakad li. ghar me naukar ek kone me khade hokar ye tamasha dekh rahe the. Savita Nishchal ke paas gayi aur use chhudane lagi.

Savi- Kya kar raha hai Nishu. Chhod Sarita ko.

Sarita- Aapse mera koi rishta nahi hai. na hi kabhi koi rishta ho sakta hai, lekin di ko maine apni badi bahan mana hai. isliye main ye bilkul bhi bardast nahi karungi ki koi meri di se is tarah se pesh aaye aur unhe kuchh galat bole.

Nishchal ko Sarita ki baat bahut kharab lagi. isliye usne Sarita ko Dhakka de diya to wo bagal me rakhe sofe se ja takrayi aur gir gayi. jisase uska panv mund gaya dard se uski cheekh nikal gayi. ye dekhkar Savita ne ek thappad Nishchal ke gal par laga diya aur daudkar Sarita ke paas gayi aur use uthate huwe gusse se boli.

Savi- Ye kya badtameezi hai Nishu. Tumhe mujhse pareshani hai na to tum mera gussa Sarita par kyon nikal rahe ho. Yahi sab sikhaya hai maine tumhe ki kisi nirdosh par apna gussa nikalo. mujhe tumse aisi ummeed nahi thi Nishu. Sarita tum thik to ho na. tumhe kahi lagi to nahi.

Sarita- Nahi di main thik hoon.

Sarita ko halka sa dard to ho raha tha. kyonki abhi kuchh din pahle hi uske kandhe par goli lagi thi. to thoda bahut dard abhi bhi tha uska upar dhakka lagne se aur girne se dard me izafa bhi ho gaya tha. sarita ko Nishchal par gussa to bahut aa raha tha lekin usne apne gusse ko daba liya. Savita ne Sarita se kaha.

Savi- Sarita tum apne kamre me jao. main Nishu se baat karti hoon.

Sarita- Nahi di. main yaha se kahi nahi jane wali. main bhi dekhti hoon ki Sir kaise aapko nuksan pahuchate hain. jab tak mujhe poori baat pata nahi chalegi main yaha se kahi jane wali nahi hoon. Bataiye sir baat kya hai jo aap di par itna bhadak rahe hain.

Nishchan ne Sarita ko bato ka jawab dena jaroori nahi samjha aur Savita ke paas jakar khada ho gaya aur gusse se bola.

Nishchal- Di jab maine aapko mana kiya tha ki aap us insan se na to doobara milengi aur na hi usase baat karengi. to aapko meri baat samajh me kyon nahi aa rahi hai. aap kya chahti hain ki main koi aisa waisa kadam utha lu uske khilaf.

Nishchal ki baat sunkar SArita ko Sab samajh me aa gaya ki nishchal kisliye Savita ke upar bhadka huwa hai. Sarita ne man me kaha ki lagta hai ki aaj di Anant ji se milne gayi thi aur Sir ne unhe Anant ji ke sath dekh liya isliye ye itna bhadake huwe hain. Nishchal ki baat ka jab Savita ne koi jawab nahi diya to Nishchal ne chillate huwe kaha.

Nishchal- maine aapse kuchh poocha hai di. jab maine aapko mana kiya tha us aadmi se milne ke liye to aap us aadmi se dobara kyon mili.

Ye sunkar Sarita Nishchal aur Savita ke bich me aakar khadi ho gayi aur gusse se boli.

Sarita- To kya galat kar diya di ne agar kisi se mil liya to.

Nishchal- (gusse me) Tumhe har baat ke bich me padne ki bimari hai kya. maine tumse kaha na ki ye mera aur di ka personal matter hai tum isme apni naak mat ghusao. aur jab koi baat pata na ho to usme koodne ki koi jaroorat nahi hai.

Sarita- Mujhe sab pata hai ki baat kya hai. aur main wahi kah rahi hoon ki agar di unse milne chali bhi gayi to unhone kaun sa gunah kar diya unse milkar. aakhir wo itne ache jo hain.

Nishchal- Meri bahan ke liye kaun achha hai aur kaun bura hai ye main ache se janta hoon. tumhe mujhe batane ki koi jaroorat nahi hain.

Sarita- Jaroorat hai tabhi to bata rahi hoon. aap ache aur bure insan ki parakh bhool gaye hain tabhi to bata rahi hoon aapko. Anant ji bahut ache hain. aapko ek baar unse fir se milna chahiye aapki galatfahmi door ho jayegi.

Nishchal- (hairani se) Tum kab mili us insane se.

Sarita- Ye baat mayne nahi rakhti ki main kab mili unse. yaha matter ye karta hai ki unse ek baar aapka milna jaroori hai. meri baat maniye to ek baar unse mil lijiye.

Nischal- Main kyon manu tumhari baat. main us gunde mawali se nahi milunga. chahe kuch..

Savi- (bich me hi) Wo gunde mawali nahi hain. tum ek baar unse milo to sahi

Nishchal- (gusse me) Mujhe ek hi baat ko baar baar dohrane ki aadat nahi hai. main eek bar kah diya ki aap usase nahi milengi to nahi milengi. wo aapke liye achha ladka nahi hai.

Sarita- aap samajh kyon nahi rahe hain Sir. Di kitna pyaar karti hain Anant ji se.

Nishchal- Mujhe kuchh nahi pata. main bas itna janta hoon ki wo meri di ke liye achha ladka nahi hai.

Sarita- Ek baat bataiye. Kyaa aap usase door rah payenge jisase aap pyaar karte hain.

Nishchal- (Aankh dikhate huwe) Tum isme mere baat kyon ghused rahi ho.

Sarita- Main baat ghused nahi rahi hoon. main ye jan-na chahti hoon ki agar di aapse door ho gayi to kya aap di ke bina rah payenge. ya aap kisi ladki se pyaar karenge to usase door rah payenge.

Nishchal- Miss Joshi. aap apni limit cross kar rahi hain. behtar hoga kit um yaha se chali jao. wo gunda mawali hai. isliye main usase di ki shadi nahi hone doonga.

Sarita- Main kahi nahi jane wali. ab to main aapko hi lekar har baat kahungi. aur ye bataiye aap mujhe. aap kis bisis par Anant ji ko gunda mawali bol rahe hain.

NIshchal- Tumhe is baat se koi matlab nahi hona chahiye. ye mere ghar ki baat hai meri di ki baat hai to tum isase door hi raho.

Sarita- Wo meri bhi di hain aur aap baat mat badaliye maine aapse jo poocha hai uska jawab dijiye.

Nishchal- Wo tum di se hi pooch lo. maine di ko sab bataya hai.

Sarita- Mujhe sab pata hai. di ne mujhe sab kuchh bata diya hai. Agar Anant kisi ko maar rahe the to aapne karan jan-ne ki koshish ki ki wo us aadmi ko kyon maar rahe the. nahi bas unhe kisi ko marte dekha aur use gunda mawali ghoshit kar diya.

agar bina karan jane hi maar pit karne wala aapki najar me doshi hai to maine bhi aapko kitni baat thappad mara hai to main bhi gundi mawali ho gayi. aapne bhi to kitni baar kitna nirdosho ki shak ke aadhar par dande se pitayi ki hogi. iska matlab aap bhi gunde mawali ho gaye.

kisi insane ko jabran pareshan karna. uska hak marna. bina matlab maarpit karna ye sab gunde mawali karte hain.

Mr. Nishchal Singh Rathod. Apne garam khoon ke ubal ko thanda kijiye aur apne inspector wale chashme se sabko dekhna band kar dijiye. jise pahan kar dekhne se aapko jhagda karne wala har insane gunda mawali lagta hai.

yaha par apna pulisiya dimag mat lagaiye. Ek bhai ki tarah sochiye. apni bahan ki khushiyo ke bare me sochiye. bina kisi baat ki tah tak pahuche aur usase bhi badi baat ki bina us insaan se mile aur usase bina baat kiye hi aapne apne man me uske liye ek gunda mawali ki chhavi bana li hai.

Nishchal- Miss Joshii tum...

Sarita- (baat ko katkar) Abhi meri baat khatam nahi hui hai Mr Rathod. Aapko ehsas hi nahi hai ki di Anant ji se kitna pyaar karti hai aur Anant ji bhi di se kitna pyaar karte hain. Tabhi to abhi tak dono Is intezar me baithe hain ki unka Prem ek din sakar hoga. Aap di ki baat samjhoge.

Agar di chahti to aapko is bare me kuchh na batati aur chhup chhup ke shadi kar leti. Lekin di ne aisa nahi kiya. Unhone sabse pahle aapko bataya kyonkiki aap unke bhai hain. unki bhavnao ko samjhenge.

lekin aapne kya kiya. Pichhle 5 saal se di isi ummeed mein hain ki ek din aap Anant ji se milenge aur di se kahenge ki aapko di ki pasand par naz hai, lekin nahi aap to apni zid par ade huwe hain. jab di kah rahi hain ki aap ek baar unse mil lijiye unse baat kar lijiye. to mujhe ye samajh me nahi aata ki aapko Anant ji se ek baar milne me dikkat kya hai.

Nishchal- Mujhe Na us insane se milna hai aur na hi usase baat karni hai.

Sarita- Fir to di bhi aaj ke baad aapki baat nahi manengi.

Savita Sarita ke pichhe khadi hokar aanshu baha rahi thi. Sarita ki baat sunkar Nishchal gusse se chillate huwe bola.

Nishchal- maine tumse kaha na ki tum mere personal mamle me mat pado aur apne kamre me jao.

Sarita- Main kahi nahi jane wali aur ye ab aapka personal matter nahi hain. di ka matter mera matter hai.

Nishchal- Sarita tum ye thik nahi kar rahi ho. yaha se chali jao nahi to tumhare liye achha nahi hoga.

Sarita- Main aapki dhamkiyo se darne wali nahi hoon. Kya kar loge aap mera. Akadu.

Baat ko badhte dekh Savita Sarita ke pichhe se nikal kar samne aayi aur Nishchal se boli.

Savi- Nishu bas karo. ghar me 2-3 mulajim bhi hain aur tumne koi kasar nahi chhodi hai unke samne meri izzat utarne mein. bas karo tum. mujhe is bare me ab koi baat nahi karni hai. tum jo chahte ho waisa hi hoga. main nahi milungni Anant se.

Ye kahkar SAvita rote huwe sidhiya chadhte huwe apne kamre me chali gayi.

[/color]
[color=rgb(0,]Iske Aage ki Kahaani Agle Bhag mein..[/color]

 

[sexstories]

[color=rgb(0,]UPDATE- 44[/color]

[color=rgb(51,]Ye kahkar SAvita rote huwe sidhiya chadhte huwe apne kamre me chali gayi. Savita ko rote huwe jate dekh jaise hi Sarita uske pichhe jane ko hui. Nishchal ne Sarita ki baanh pakadkar use apni taraf kheech liya.

Sarita sidhe aakar Nishchal ke sine se takra gayi. Nishchal ne uski banh par apni pakad mazboot karte huwe gusse se aag ugalti aankho se sarita ko dekhte huwe kaha.

Nishchal- Ye sab tumhari wajah se huwe hai. na tum bich me bolti aur na hi ye sab hota. maine hi tumhe yaha rahne ke liye kahkar galti kar di. na main tumhe yaha rahne ke liye kahta, na tum yaha rahti, na tum ham dono ke bich me bolti aur na hi ye sab hota. aaj tumhari wajah se di aise rote huwe gayi hain.

Sarita- Realy. Sach mein. Wakai ye meri wajah se huwa hai. Nahi Mr. Rathod. Nahi. Ye sab meri wajah se nahi Balki Ye sab aapki wajah se huwa hai. Di aaj royi hain to uske jimmedar aap hain. di agar royi hain to uski jimmedar aapki wo jhoothi zid hai. di agar royi hain to uska jimmedar aapka pulisiya dimag hai.

agar aap ek police wale ki tarah na sochkar ek bhaai ki tarah sochte to aaj di roti nahi. Aapne suna di ne kya kaha. aap jo chahte hain wahi hoga. di nahi milengi aaj ke baad Anant ji se. Iska matlab samajhte hain aap.

Di Anant ji se jyada aapse pyaar karti hain Sir aapse. Abhi bhi kuchh nahi bigda hai. apni zid aur jhotha ahankar chhod dijiye. kahi aisa na ho ki jab aap neend se jagein to bahut der ho jaye aur aapko pachhtane ke siwa kuchh na mile.

Aur is galatfahami me mat rahiye aap ki main aapke kahne par aapke ghar par ruki hoon. mujhe koi shauk nahi hai aapke ghar par rukne kaa. aapki tarah mujhe bhi sarkari ghar mila huwa hai rahne ke liye, kal hi main yaha se chali jaungi. mujhe bhi aapke yaha nahi rukna. ye to di ne itni zid ki thi yaha rahne ke liye. apni kasam de di thi. isliye main yaha rahne ke liye aa gayi.

Itna kahkar Sarita ne gusse se Nishchal ki aankho me dekha aur jhatak kar apni banh chhudai aur sidhiya chadhkar savita ke kamre ki taraf chali gayi. Niche nishchal thaga sa khada Sarita ko jata huwa dekhta raha.

Uski kahi hui bato ne Nishchal ki bolti band kar di thi aur kahi na kahi Nishchal ko ye sochne ke liye vivash kar diya tha ki Kya wo apni di ke sath sahi kar raha hai, us di ke sath jo use kitna pyaar karti hain.

Sarita jab Savita ke kamre me pahuchi to usne dekha ki Savita apne bed par baithi ro rahi hai. Sarita ne Savita ko kisi tarah Samjha bujha kar shant karwaya. Sarita ne Savita ko pani diya pine ke liye. Savita ne pani piya aur jab Savita samanya ho gayi to Sarita apne kamre me chali gayi.

Udhar Nishchal bhi apne kamre me aa gaya aur bed par baith gaya. thodi der baad jab uska gussa shant huwa tab usne abhi jo kuchh huwa us par sochna shuru kiya to use pata chala ki usne kya kar diya. usne kitni badi galti kar di. wo turant uthakar Savita ke kamre me jane laga tabhi mulajim khane ki plate lekar kamre me aaya aur kaha.

Mulajim- Nishchal babu. khana kha lijiye.

Nishchal- Di aur Sarita ne khana khaya kya.

Mulajim- Nahi babu. dono log abhi tak apne kamre se bahar nahi nikale hain.

Nishchal- Aisa kariye aap khana niche table par lagaiye main dono ko lekar aata hoon.

Nishchal ki baat sunkar mulazim bahar chala gaya. Nishchal apne kamre se nikal kar Savita ke kamre ki taraf gaya. Nishchal ne darwaza khola aur Savita ki taraf dekha. Savita ne bhi ek najar darwaze ki taraf dekha aur fir apna munh fer kar baith gayi.

Ye dekhkar Nishchal Savita ke paas gaya aur Niche jameen par Savita ke pairo ke paas baith jata hai aur uske pairo ko pakad kar chumte huwe bolta hai.

Nischal- Sorry di. Mujhe maaf kar do. Mujhse fir se wahi galti ho gayi. plz mujhe maaf kar dijiye.

Nishchal ki baar sunkar Savita koi jawab nahi deti aur apna sir niche kiye baithi rahti hain. Nishchal ne jab apna sir upar kiya aur apni di ko dekha to uska kaleza kanp gaya.

Savita ki aankhe ro ro kar lal ho gayi thi. aankho se anshu bahkar galo par sukh gaye the. chehra ekdam murjha gaya tha. ye dekhkar nishchal bhi rone laga aur apna Sir Savita ke pairo par rakhkar rote huwe bola.

Nishchal- Mujhe maaf kar do di. mujhse bahut badi galti ho gayi. aap mujhse gussa hai na to mujhe maar lijiye. maine kaam hi mar khane wala kiya hain. main aapka achha bhaai nahi hoon. main bahut bura hoon. mujhe mariye di mujhe mariye. meri wajah se aap ro rahi hain. main bahut bura hoon di.

Savita ne jab Nischal ko rote huwe dekha to usne turant nishchal ko pakadkar uthaya aur apne gale laga liya. aur khud rone lagi. nishchal bhi ro raha tha. thodi der dono ek doosre ke gale lagkar rote rahe fir jab Savita kuchh normal hui to wo subukate huwe boli.

Savi- tu..tumm h.harr baarrr ai..aisaa hii karr..kartee ho. pahlee gus.. gussa hote ho. muj.. mujhpar chi.chillate ho. firrr.. lang.langur jaisii shakal ba.. banaa karr mere sam.. samnee aa jate hoo au. aur mafi man..mangte ho. aurr main tum... tumhe maaff kar detiiii hoon, tum me..mera fayda uthate ho. tumhee pa.pata hai kii main jyada derr tumsee nara... naraj nahi rah saktii. lekin is baat tumne Sa... Sarita parr bhiii gussaa kiyaa. jabkii uskii ko..koii galttii bhi nahi thii. yee tumne achhaa nahhii kiyaa nishu.

Nishchal- main janta hoon di ki gusse mein maine use kuchh jyada ho bol diya tha. par main usase apne kiye ki mafi mang lunga, lekin sabse pahle aap mujhe maaf kar dijiye di. aur chaliye niche khana kha lijiye. agar aap aise rahengi to main bhi khush nahi rah paunga.

Savi- thikk hai tum isi baat ka fayda uthate ho hamesha. chalo sab log sath me milkar khana khate hain. tum jakar Sarita ko bulakar le aao. usne bhi khana nahi khaya hoga.

Nishchal- Itna sabkuchh hone ke baad aapko lagta hai ki wo meri baat manegi.

Savi- Ab ye rayta tumne hi to failaya hai to ise tum hi sametoge. use tumne naraz kiya hai to tum hi manao use. use sorry bolo jakar. main kuchh der me niche aa rahi hoon. mere sir me bahut dard ho raha hai.

Nishchal- Laiye di main aapka sir daba deta hoon. ye sab aapke jyada rone ke karan ho raha hai. aap itna roya mat kariye di.

Savi- tum hi to mujhe rulate ho Nishu. Jao tum Sarita ko manao. mera sir dard jaldi hi thik ho jayega.

Savita ki baat sunkar Nishchal Savita ke kamre se nikalkar Sarita ke kamre ki taraf chal pada jab wo darwaza kholkar dekhta hai to Sarita apne bag me kapde pack kar rahi thi.

wah turant Sarita ke paas jata hai. use samajh me nahi aa raha tha ki wah kaise Sarita se baat kare. Nishchal ko dekhkar SArita ko aur tez gussa aata hai aur wo aur jaldi jaldi kapda bag me dalne lagti hai. ye dekhkar Nishchal poochta hai.

Nishchal- Ye kya kar rahi ho tum.

Sarita- Ye sab chhodiye. pahle ye bataiye ki aapko koi tameez nahi hai kya. kisi ladki ke kamre me aane se pahle nock kiya jata hai. dhadam se darwaza kholkar andar nahi ghusa jata.

Nishchal- Ye to mere sawal ka jawab nahi huwa.

Sarita- Dikh nahi raha hai kya ki saman pack kar rahi hoon main. andhe ho gaye ho kya aap.

Nishchal- Andha nahi ho gaya hoon dikh raha hai ki tum saman pack kar rahi ho.

Sarita- Jab dikh raha hai to pooch kyon rahe ho fir.

Nishchal- Main ye jan-na chahta hoon ki tum saman kyon pack kar rahi ho.

Sarita- Mera saman hai. Meri marji main chahe jo karu.

ye sunkar Nishchal uske bag se kapde nikal kar bed par fenk deta hai. Sarita ek gusse wali najar se Nishchal ko dekhti hai aur fir se apne kapde uthakar apne bag me dalne lagti hai. Nishchal fir kapde bag se nikal kar bed par fenkne lagta hai.

use Sarita ke poore kapde nikal kar bed par fenk diya. tabhi uski najar bag par padti hai to use uske andar ek kapda dikhayi deta hai. Nishchal apna hanth bag me dalkar wo kapda bhi bahar nikalta hai, lekin Nishchal ki kismet kharab thi ki Ye kapda kuchh aur nahi Sarita ki bra thi.

Nishchal ko bhi iska aabhas nahi huwa Ki usne Sarita ki bra apne hath se pakad rahi hai. Nishchal ke hath me apni bra ko dekhkar Sarita ko gussa aa jata hai wo Nishchal ke hanth se apni bra chhen leti hai tab nishchal ka dhyan Is baat par jata hai. jisake karna Nishchal Sakpaka jata hai. Nishchal ne kaha.

Nishchal- tum ye ghar chhodkar kahi nahi ja rahi ho samjhi tum. tum kahi nahi ja rahi ho. ab tum chupchap chalo aur khana kha lo. di tumhara niche intezar kar rahi hain.

Sarita- Abhi jo kuchh bhi huwa. usase hi mera pet bahut jyada bhar gaya hai. mujhe bhookh nahi hai. aap jaiye aur mujhe kapde pack karne dijiye.

ye bolkar Sarita fir se kapde apne bag me dalne lagti hai. lekin is baar Nishchal ne uske kapde ko hanth na lagate huwe SArita se kaha.

Nishchal- Ye kya natak laga kar rakha hai. Ye kaisi jid hai tumhari. Ek taraf tum ho jo munh fulaye baithi ho aur ek tarf di hain. main akela tum dono ko kaise sambhalu.

Sarita- (gusse se) Jid main nahi aap kar rahe hain pichhle 5 sal se aur aap kast kat kariye mujhe sambhalne ke liye. main apne aapko sambhal sakti hoon. aap bas di ka dhyan rakhiya.

Nishchal- Tumhe kya lagta hai. main di se pyaar nahi karta. tumhe kya pata main di se kitna pyaar karta hoon. main di ki khushiyo ka dushman nahi hoon. di se is tarah ki baat karke main bhi rota hoon. main di ko dukhi nahi dekh sakta. jab main di ko dukhi dekhta hoon to mujhe bahut takleef hoti hai.

Sarita- Jab aap di ko dukhi nahi dekh sakte to aap di ko unki khushiya kyon nahi de dete. Unki khushi Anant ji mein hai. Di unse bahut pyaar karti hain aur Anant ji di se. Aapko ye baat abhi samajh me nahi aayegi, kyonki aapko abhi tak kisi se pyaar nahi huwa hai.

jis din aapko kisi se pyaar hoga na tab aapko pata chalega ki us insane se door rahna kitna dukhdayi hota hai. kitna mushkil hota hai jise aap pyaar karte hain, lekin main aapse ye sab kyon kah rahi hoon. jise sirf bewajah gussa karna aata hai.

Sarita ki baat sunkar use apne aase gussa aane lagta hai ki usne di ko dukhi kiya unhe rulaya. Sarita ko to aaye huwe abhi kuchh hi din huwe hain, lekin usne di ko kitni achhi tarah se samajh liya hai aur ek main hoon jo apni bahan ki khushiyo ki taraf kabhi dhyan hi nahi diya. Nishchal ne Sarita se kaha.

Nishchal- Abhi jo kuchh bhi niche huwa uske liye main mafi mangta hoon tumse.

Sarita- Thoda jor se boliye. niche aapki baat sunkar mera kan band ho gaya hai. aapne jo kuchh kaha abhi wo mujhe sunai nahi diya.

Ye sunkar Nishchal Sarita ke ekdam paas chala gaya aur uske kan ke paas pana munh le jakar jor se kaha.

Nishchal- Abhi jo kuchh bhi niche huwa uske liye main mafi mangta hoon tumse. mujhe maaf kar do.

Ye sunkar Sarita ne Nishchal ko dhakka dekar apne se door kiya aur usase kaha.

Sarita- Main bahari nahi hoon jo gala faadkar chilla rahe ho. sunai deta hai mujhe.

Nishchal- To chalo aur khana kha lo.

Nishchal ki baat sunkar Sarita tas se mas nahi hui to Nishchal ne kaha.

Nishchal- kYa hai yaar ye tum logo ka. apna gussa khane par kyon nikal rahi ho. di niche khane par tumhara intezar kar rahi hain aur tum yaha nakhre kar rahi ho. meri nahi to kam se kam di ki baat to man lo.

Sarita- Main aapki yaar waar nahi hoon. isliye agli baat se ye sab mat boliyega samjhe. nahi to munh noch lungi aapka main.

Itna kahkar Sarita bahar jane ke liye aage badhti hai tabhi uska pair niche gire kapde me fans jata hai aur wo niche girne lagti hai ki tabhi furti se Nishchal ne Sarita ki kalai pakad liya aur apni taraf kheech liya. sarita jakar sidhe Nishchal ke sine se takra gayi. sarita ne girne se bachne ke liye apna hath nischal ke gale me daal diya.[/color]



[color=rgb(51,]
Nishcal ne ek hanth se sarita ki kalayi pakdi hui thi aur apni taraf kheechne ke baad ek hanth uski pith par lappet liya. Sarita ne apni najar uthakar upar dekha to nishchal ki najaro se uski najar takrayi. dono ek doosre ki aankho me dekh rahe the. dono ke chehre itne paas the ki dono ki sanse ek doosre ke chehre par pad rahi thi.

dono ek doosre ki aankho me dekhte huwe ek doosre me kho gaye. thodi der aisi hi position me khada rahne ke baad nishchal ne apna chehra aage ki taraf badhana shuru kiya to Sarita ki aankhe apne aap band hoti chali gayi. uske honth thartharane lage. dil ki dhadkar jaise doguni rafter se chalne lagi. Nishchal ne apna munh sarita ke kan ke paas lejate huwe dhire se kaha.

Nishchal- Sorryyyy Miss Joshi.

Nishchal ki aawaz sunkar Sarita ko hosh aaya to usne apne aapko nishchal ki baaho me paya. usne turant nishchal ko dhakka dekhar apne se alag kiya aur gusse se boli.

Sarita- Ye kya badtamizi hai. main aapko maaf nahi karungi iske liye.

Itna kahkar SArita apne kamre se bahar aa jati hai aur Nishchal wahi khada use jate huwe dekhta rahta hai.

[/color]
[color=rgb(0,]Iske Aage ki Kahaani Agle Bhag mein..[/color]

 

[sexstories]

[color=rgb(0,]UPDATE- 45[/color]

[color=rgb(51,]Sarita- Ye kya badtamizi hai. main aapko maaf nahi karungi iske liye.

Itna kahkar SArita apne kamre se bahar aa jati hai aur Nishchal wahi khada use jate huwe dekhta rahta hai.

Sarita jab niche hall me dekhti hai to waha par koi nahi tha. ye dekhkar Sarita Savita ke kamre me chali jati hai. usne dekha ki SAvita abhi bhi apne bister par leti hui thi. Sarita ne dhire se pukara.

Sarita- Di.

Savi- (chaunk kar) Haann. kaun hai.

Sarita- Main hoon di. Aapne khana khaya.

Savi- Nahi Sarita. main tumhara hi intezar kar rahi thi.

Sarita- Chaliye di fir kuchh kha lijiye. aise bhukhe mat rahiye.

Sarita ye bolkar Savita ko apne sath niche le jane lagti hai. jab dono waha pahuchati hain to Nishchal waha par pahle se hi baitha huwa tha. dono waha baith gayi aur khana khane lagi. khana khate huwe Savi to thoda bahut dono se baat kar rahi thi, lekin Sarita chupchap baith kar khana kha rahi thi. Sarita shant hokar khana kha rahi thi ye baat Nishchal ko bilkul bhi achhi nahi lag rahi thi.

Use to wahi chahakati hui Sarita achhi lagti thi jo baat baat par uspar gussa karti thi. Nishchal ne ye dekhkar do-tin baar baat karne ki koshish bhi ki, lekin Sarita ne haan hoon me jawab dekar baat khatam kar di. ye dekhkar Nishchal ne bhi abhi baat karna munasib nahi samjha aur khana khakar apne kamre me chala gaya.

Sarita aur Savita khana khane ke baad kuchh der wahi baithi rahi aur baat karti rahi. Savita thoda udas thi to Sarita ne kaha.

Sarita- Di aap aise udas bilkul bhi achhi nahi lagti. mujhe to meri pahle wali di chahiye jo hamesha hansti muskurati rahti thi.

Savi- Abhi mujhe thoda sir me dard hai. kal subah tumhe tumhari wahi di milegi.

Sarita- (pareshan hokar) Aapke sir me dard hai aur aapne mujhe bataya bhi nahi, ye sab us hitlar ke karan huwa hai. na wo aap par chillate. na aap roti aur na hi aapka sir dard hota, laiye main aapka sir daba deti hoon.

Savi- Hitlar. Waise achha nam hai. tum lady don aur wo hitlar. mera sir dabane ka rahne do. main abhi dava kha lungi to raat bhar me thik ho jayega.

Sarita- aap dawa bhi kha lijiyega, lekin main aapka sir bhi daba dungi to aapko jaldi aaram aayega aur aapko jaldi neend bhi aayegi.

Savita Sarita ko baar baar mana karti rahi lekin Sarita nahi mani aur apni chair se uthkar Savita ki chair ke piche jakar khadi ho gayi aur Savit ka sir dabane lagi. Savita ne bhi ab jyada na nukur nahi ki aur Sarita ko sir dabane di.

Udhar nishchal apne kamre me baitha huwa kuchh soch raha tha tabhi use dhyan aaya ki Savita ka sir dard kar raha tha jiske bare me wo Savita se puchna hi bhool gaya.

Ye khyal aate hi wo apne kamre se bahar nikalkar Savita ke kamre ki taraf jane laga. tabhi uski najar niche dining table par gayi to usne dekha ki Sarita baat karte huwe Savita ka sir daba rahi hai aur Savita aankh band karke chair ki pust par sir tikaye baithi hai. ye dekhkar Nishchal ke chehre par muskan aa gayi aur wo man hi man apne aapse bola.

Nishchal- (man me) Is ladki ka rang hi samajh me nahi aata. pal me sona aur pal me masa. abhi thodi der pahle mujhse kitna naraz thi, lekin di ke sath to aise baat kar rahi hai jaise kuchh huwa hi nahi. dono me kitna pyaar hai. Sarita di ko kitna samajhti hai. kash ye mujhe bhi aise hi samajhti. Lekin kya main di ko aaj tk samajh payaa. Kahin main kuchh galat to nahin kar raha di ke sath.

Ye aakhiri line sochkar Nishchal ke chehre par hansi aur dukh ka milajula bhaav aa gaya aur usne apne hanth ko apne sir par mara aur bathroom chala gaya. Thodi der sir dabwane ke baad Savita ne kaha.

Savi- Ab bas karo Sarita. Chalo ab sone chalte hain. kal tumhe PS bhi to jana hai.

Uske baad dono apne apne kamre me sone ke liye chale jate hain. Sarita subah roj ki tarah uthi aur niche chali gayi. use fir se gatekeeper ne guldasta lakar diya. jisme wahi likha tha jo pichhle do dino se likha huwa aa raha tha.

Sarita pareshan ho gayi aur usne guldaste ko dustbin me dal diya. Sarita jaldi naha dhokar nashta karke PS ke liye nikal gayi. Savita ko NGO jana tha to wo jaldi se taiyar hokar NGO ke liye nikal gayi.

Nishchal der raat tak kal jo bhi huwa tha usi ke bare me soch raha tha. Sarita aur Savita dono usi ki wajah se gussa thi. yahi sochte huwe Use der raat neend aayi isliye wo Sarita aur Savita ke jane ke baad utha.

Wo jaldi se nahadhokaar taiyar huwa aur niche jakar nashta kiya aur ghar se nikalne laga to use Sarita ki baat yaad aayi jab wo packing kar rahi thi. pata nahi kya sochkar Nishchal ghar ke andar aaya aur Sarita ke kamre ki taraf chala gaya. Sarita ke kamre ke bahar pahucha to usne dekha ki kamre me tala latak raha hai jise dekhkar wah chaunk gaya aur sochne laga.

Nishchal- (man me) Are yaar lagta hai ye chali gayi. galti bhi meri hi hai maine use kitna kuchh suna diya tha. wo bahut jiddi hai dobara yaha aane ke liye manegi bhi nahi. main didi se bhi nahi pooch sakta. didi se poocha to wo ulta mujhe hi sunane lagengi.

Naukaro se poochu kya. Nahi rahne deta hoon unhe kya pata hoga iske bare me. Mujhe turant PS jana hoga aur Sarita se baat karni hogi aur use wapas aane ke liye manana hoga.

Yahi sab sochkar Nishchal jaldi se ghar ke bahar aaya aur Sarita se milne ke liye PS chala gaya.[/color]

[color=rgb(97,]******[/color]

[color=rgb(51,]Idhar Raghu apne khas pantar Heera ke sath baitha huwa gappe maar raha tha. gappe marte marte Heera ne Raghu se kaha.

Heera- Raghu bhaai. ek baat poochu aap naraz to nahi honge.

Raghu- Are nahi be. pooch kya poochna hai tujhe.

Heera- bhai. main pichhle kai dino se dekh raha hoon ki aap us inspectorani ko guldasta bhejte ho. aapko guldasta bhejkar kya milta hai. Uspar sala aap apna naam likho tab to samajh me aata hai. bina naam ke khali phokat.

Ek bahadur aur Janbaj Police Officer ko is nachhez ki or se tuchchh si Bhent. Aapka Sabse bada Fan aur Shubhchintak. likhkar bhej dete ho. are apna naam likho tab to us inspectorani ko pata chale ki wo aapne bheja hai.

Raghu- Tumhe nahi pata heera. agar naam likhkar bhejenge to wo uski taraf dekhegi bhi nahin.

Heera- Wahi to main kah raha hoon. ki jab aapko lagta hai ki aap naam likhkar denge to wo us taraf dekhegi hi nahi to aap guldasta bhejte hi kyon hain.

Raghu- tum nahi samjhoge be. kuchh alag hi mamla hai ye. ab tum hamare itne khas ho to ham tumhe bata dete hain. tumhare bhaai ka dil aa gaya hai us inspectorani par.

Heera- (khushi se uchhalte huwe) Kyaa baat kar rahe hain bhaai.

Raghu- Main sahi kah raha hoon be. Dekh agar main use naam likhkar bhejunga to wo ek din dekhegi aur uske baad mere guldaste ko doobara nahi dekhegi, kyonki use pata rahega ki koi raghu naam ke aadmi ne gulasta bheja hai.

abhi main uspar apna nam nahi likh raha hoon to uske man mein bhi ye baat rahegi ki aakhir use guldasta bhejne wala aadmi hai kaun. isi baat ko jan-ne ke liye wo roj mera guldasta uthakar dekhegi ki shayad aaj mera naam us guldaste me likha huwa mil jaye. Samjhe ki nahi .

Heera- Wahh bhaai. kya dimag lagaya hai aapne.

Raghu- Tum kya samajhte ho. dimag in police walo ke paas hi hota hai kya.

Heera- Wo to thik hai bhai lekin aapko pata hai ki agar Bachha bhaai ko iske bare mein pata chal gaya to fir kya hoga.

Raghu- Unko kaun batayega. main to batane se raha. tum bataoge nahi to unhe pata kaise chalega. abhi to kisi tarah se bahana banakar unko samjhaye huwe hain. lekin main jyada din bhaiya se jhooth nahi bol sakta. mujhe kuchh bhi karke Sarita ko yaha se hatana hoga. mera matlab hai ki uska tabadla karwana hoga yaha se. nahi to uski jaan ko yaha par khatra hai.

Raghu ki baat sunkar Heera jor jor se hansne lagta hai. Use hansta dekh Raghu chidhte huwe usase poochta hai.

Raghu- Ab tum kyon kees baa rahe ho. maine koi joks mara hai kya.

Heera- Ye kisi joks se kam thode hi hai. Aap uska tabadla karwayenge. Aap to aise bol rahe hain jaise aap hi yaha ke aala adhikari ho aur ek hi phone ghumakar uska tabadla karwa denge.

Raghu- Abe tu Uska mat bol. wo teri bhabhi hain to main use Use bolunga aur tu use bhabhi bolna. Samjha ki nahi.

Heera- Haan bhaai samajh gaya. to aap bhabhi ka tabadla kaise karwayenge.

Raghu- (kuchh sochte huwe) Haan bhaiya ne Kisi neta ka naam bataya tha us din. Usi se baat karke dekhte hain. agar wo tumhari bhabhi ka tabadla nahi karwa paya to fir mujhe hi kuchh rasta nikalna padega. main kuchh bhi karunga uske liye lekin use kuchh hone nahi doonga.

Heera- Kya bhaai. lagta hai aap uske pichhe, mera matlab hai bhabhi ke pichhe pagla gaye ho. ek baar aap aur soch lijiye kyonki aap jo kam karne ja rahe hain agar uski thodi bhi bhanak Boss aur Sarkar ko mil gayi to wo bhabhi ji ke sath sath aap ko bhi Nuksan pahucha sakte hain. upar se Bachha bhaiya ka bhi dar bana huwa hai.

Raghu- Kuchh nahi hoga use. main use kuchh hone bhi nahi doonga. jo bhi uski taraf aankh uthakar dekhega main uski aankhe nikal loonga. bas kuchh din ki hi to baat hai uske baad wo sirf meri hogi.

Heera- Jab aap usase itna pyaar karte hain to Itna taam jhaam karne ki jaroorat kya hai. gadi lekar chalte hain aur use jabardasti utha late hain.

Raghu- (Gusse mein) ye kya baat kar raha hai tu. main Isase to wo mujhe kabhi nahi milegi. main jo kuchh karunga uski marzi se karunga iske liye main koi jaldbazi nahi karna chahta.

Heera- aap jis raste par chal rahe hain us raste par chalkar jaroori nahi ki aapko aapki manjil mile hi. meri baat maniye to aap samne se jakar hi bhabhi ji ko guldasta de dijiye. kam se kam bhabhi ji us aadmi se to mil lengi jo unhe deewano ki tarah pyaar karta hai.[/color]

[color=rgb(51,]Raghu- Nahi be. main abhi aisa nahi kar sakta. Abhi agar main uske samne apni asali pahchan lekar gaya to wo mujhse baat karna to door mujhe dekhna bhi pasand nahi karegi, kyonki abhi uske man me mere liye pyaar hoga hi nahi to ho sakta hai ki wo mujhe pakadkar jail me dal de.

pata chala ki ham uske prem me giraftaar hone se pahle hi giraftar kar liye jaye. pahle main aise hi bina nam ka guldasta bhejkar uske dil me us anjan ke liye pyaar jagana hai aur itna pyaar jagana hai ki jab ham usko bataye ki usko jo roj guldasta bhejta tha wo ham hi hain to wo khushi khushi meri baho me chali aaye, kyonki fir to wo dil ke hantho majboor ho jayegi.[/color]
[color=rgb(51,]
aur jaisa ki bhaiya ne bataya hai ki wo khoobsurat hone ke sath sath chalak, dimakdar aur shatir bhi hai. waise to mujhe kisi ne dekha nahi hai, lekin ho sakta hai ki isne apne shatir dimag ka istemal karke mere bare me bhi jankar juta li ho. aisi sthiti me direct uske samna jana khatre se khali nahi hai. jab wo mere pyaar me giraftar ho jayegi tab uske samne jane par koi khatra nahi hoga mere liye.

Heera- Wahhh bhaiyaa ji kya dimag paya hai aapne. isiliye main aapka shagird hoon. Lekin bhaai aapko pata kaise chalega ki bhabhi bhi aapse pyaar karne lagi hain.

Raghu- Wo bas tum dekhte jao ki main use kaise apne pyaar mein pagal karta hoon. wait and watch.

Heera- Kisi ne sahi kaha hai. Pyaar kisi se kya na karwa le. sher ko bhi gidad bana deta hai pyaar. kahaa aap wo raghu bhaai the. jiske naam se log thar thar kanpte the. jo cheej chahiye hoti thi uske liye itna sochna nahi padta tha.

jabardasti hasil kar lete the. jo ek baar kisi kaam ko apne hanth me le leta tha to jald se jald khatam karke hi dam leta tha. kisi ka murder karna jiske liye baye hath ka khel tha. isi liye bachha bhaai bhi aapko kitna mante the. lekin aaj ek ladki ne aapko nikamma bana diya bhaai.

babbar sher ko bhigi billi bana diya bhabhi ne. aapka ye roop bhi ho sakta hai maine to kabhi socha bhi nahi tha. ek baat aur bolna tha bhaai. Wo CO hai na suna hai aajkal wo bhabhi ke kareeb rahta hai. Hamesha unke aage pichhe mandrata rahta hai. Kanhi wo bhabhi se pyaar to nahi karta .

Heera ki baat sunkar Raghu kuchh nahi bolta bas ek kamini hansi muskura deta hai aur apni jagah se uthkar us neta se milne ke liye chala jata hai.[/color]

[color=rgb(65,]*****[/color]

[color=rgb(51,]Subah Sarita jab PS pahuchti hai to waha Janhavi ki table par guldasta rakha huwa tha. Sarita ko dekhte hi janhavi selute karti hai aur muskurane lagti hai to SArita ne kaha.

Sarita- Aaj mat kahna ki ye guldasta mere liye hai.

Janhavi- Ofcource aapke liye hi hai madam.

Sarita- Kya yaar. is aadmi ne to mera dimag kharab kar diya hai. Subah ghar par bhejta hai aur Yaha PS me bhi bhejta hai. aakhir ye aadmi hai kaun.

Janhavi- Kya baat kar rahi hain madam. ghar par bhi guldata bhejta hai ye aadmi.

Sarita- Haan yaar. main to pareshan ho gayi hoon.

Janhavi- Kya baat kar rahi hain madam. lagta hai aapka koi chahne wala hai jo aapse aakar milne se dar raha hai. tabhi to apni baat guldaste ke jariye aap tak pahucha raha hai.

Sarita- (muskurakar) Kuchh bhi mat bolo tum. jis din samne aaya na to dant tod dungi uska main.

Janhavi- Isiliye to wo samne nahi aa raha hai. kyonki wo janta hai ki aap uska dant tod dengi.

Janhavi ki baat sunkar Sarita hansne lagi. Janhavi bhi sarita ke sath hansne lagi. thodi der baad sarita ne kaha.

Sarita- Is guldaste ko dustbin me dalo aur apna kam karo. jald hi main iska pata lagaungi ki ye harkat kaun kar raha hai.

Itna kahkar Sarita Apne cabin me chali jati hai. thodi der file par kaam karne ke baad Use Rawat Sir ka phone aata hai jinhone Sarita ko apne chambar me bulaya. Sarita Rawat Sir ke cabin me chali jati hai. Sarita ke jane ke baad Nishchal PS me aata hai aur Sidhe Sarita ke cabin me chala jata hai. Sarita ko waha na pakar wo Janhavi ke paas aata hai aur kahta hai.

Nishchal- Miss Joshi kaha par hain.

Janhavi- Jai hind Sir. madam Rawat Sir ke paas gayi hain.
Nishchal- thik hai.

Itna bolkar Nishchal fir se Sarita ke cabin me chala jata hai aur Sarita ka wait karne lagta hai.

[/color]
[color=rgb(0,]Iske Aage ki Kahaani Agle Bhag mein..[/color]